Shiva Suvarnamala (Swarnamala) Stuti

ଶିଵ ସୁଵର୍ଣମାଲା ସ୍ତୁତି

ଶ୍ଲୋକ 1

ଅଥ କଥମପି ମଦ୍ରାସନାଂ ତ୍ଵଦ୍ଗୁଣଲେଶୈର୍ଵିଶୋଧଯାମି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

ଶ୍ଲୋକ 2

ଆଖଣ୍ଡଲମଦଖଣ୍ଡନପଣ୍ଡିତ ତଣ୍ଡୁପ୍ରିଯ ଚଣ୍ଡୀଶ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 1 ॥

ଶ୍ଲୋକ 3

ଇଭଚର୍ମାମ୍ବର ଶମ୍ବରରିପୁଵପୁରପହରଣୋଜ୍ଜ୍ଵଲନଯନ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 2 ॥

ଶ୍ଲୋକ 4

ଈଶ ଗିରୀଶ ନରେଶ ପରେଶ ମହେଶ ବିଲେଶଯଭୂଷଣ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 3 ॥

ଶ୍ଲୋକ 5

ଉମଯା ଦିଵ୍ଯସୁମଙ୍ଗଲଵିଗ୍ରହଯାଲିଙ୍ଗିତଵାମାଙ୍ଗ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 4 ॥

ଶ୍ଲୋକ 6

ଊରୀକୁରୁ ମାମଜ୍ଞମନାଥଂ ଦୂରୀକୁରୁ ମେ ଦୁରିତଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 5 ॥

ଶ୍ଲୋକ 7

ଋଷିଵରମାନସହଂସ ଚରାଚରଜନନସ୍ଥିତିଲଯକାରଣ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 6 ॥

ଶ୍ଲୋକ 8

ୠକ୍ଷାଧୀଶକିରୀଟ ମହୋକ୍ଷାରୂଢ ଵିଧୃତରୁଦ୍ରାକ୍ଷ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 7 ॥

ଶ୍ଲୋକ 9

ଲୁଵର୍ଣଦ୍ଵନ୍ଦ୍ଵମଵୃନ୍ତସୁକୁସୁମମିଵାଙ୍ଘ୍ରୌ ତଵାର୍ପଯାମି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 8 ॥

ଶ୍ଲୋକ 10

ଏକଂ ସଦିତି ଶ୍ରୁତ୍ଯା ତ୍ଵମେଵ ସଦସୀତ୍ଯୁପାସ୍ମହେ ମୃଡ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 9 ॥

ଶ୍ଲୋକ 11

ଐକ୍ଯଂ ନିଜଭକ୍ତେଭ୍ଯୋ ଵିତରସି ଵିଶ୍ଵମ୍ଭରୋଽତ୍ର ସାକ୍ଷୀ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 10 ॥

ଶ୍ଲୋକ 12

ଓମିତି ତଵ ନିର୍ଦେଷ୍ଟ୍ରୀ ମାଯାସ୍ମାକଂ ମୃଡୋପକର୍ତ୍ରୀ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 11 ॥

ଶ୍ଲୋକ 13

ଔଦାସ୍ଯଂ ସ୍ଫୁଟଯତି ଵିଷଯେଷୁ ଦିଗମ୍ବରତା ଚ ତଵୈଵ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 12 ॥

ଶ୍ଲୋକ 14

ଅନ୍ତଃକରଣଵିଶୁଦ୍ଧିଂ ଭକ୍ତିଂ ଚ ତ୍ଵଯି ସତୀଂ ପ୍ରଦେହି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 13 ॥

ଶ୍ଲୋକ 15

ଅସ୍ତୋପାଧିସମସ୍ତଵ୍ଯସ୍ତୈ ରୂପୈର୍ଜଗନ୍ମଯୋଽସି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 14 ॥

ଶ୍ଲୋକ 16

କରୁଣାଵରୁଣାଲଯ ମଯି ଦାସ ଉଦାସସ୍ତଵୋଚିତୋ ନ ହି ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 15 ॥

ଶ୍ଲୋକ 17

ଖଲସହଵାସଂ ଵିଘଟଯ ଘଟଯ ସତାମେଵ ସଙ୍ଗମନିଶଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 16 ॥

ଶ୍ଲୋକ 18

ଗରଲଂ ଜଗଦୁପକୃତଯେ ଗିଲିତଂ ଭଵତା ସମୋଽସ୍ତି କୋଽତ୍ର ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 17 ॥

ଶ୍ଲୋକ 19

ଘନସାରଗୌରଗାତ୍ର ପ୍ରଚୁରଜଟାଜୂଟବଦ୍ଧଗଙ୍ଗ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 18 ॥

ଶ୍ଲୋକ 20

ଜ୍ଞପ୍ତିଃ ସର୍ଵଶରୀରେଷ୍ଵଖଣ୍ଡିତା ଯା ଵିଭାତି ସା ତ୍ଵଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 19 ॥

ଶ୍ଲୋକ 21

ଚପଲଂ ମମ ହୃଦଯକପିଂ ଵିଷଯଦ୍ରୁଚରଂ ଦୃଢଂ ବଧାନ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 20 ॥

ଶ୍ଲୋକ 22

ଛାଯା ସ୍ଥାଣୋରପି ତଵ ତାପଂ ନମତାଂ ହରତ୍ଯହୋ ଶିଵ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 21 ॥

ଶ୍ଲୋକ 23

ଜଯ କୈଲାସନିଵାସ ପ୍ରମଥଗଣାଧୀଶ ଭୂସୁରାର୍ଚିତ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 22 ॥

ଶ୍ଲୋକ 24

ଝଣୁତକଝଙ୍କିଣୁଝଣୁତତ୍କିଟତକ-ଶବ୍ଦୈର୍ନଟସି ମହାନଟ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 23 ॥

ଶ୍ଲୋକ 25

ଜ୍ଞାନଂ ଵିକ୍ଷେପାଵୃତିରହିତଂ କୁରୁ ମେ ଗୁରୁସ୍ତ୍ଵମେଵ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 24 ॥

ଶ୍ଲୋକ 26

ଟଙ୍କାରସ୍ତଵ ଧନୁଷୋ ଦଲଯତି ହୃଦଯଂ ଦ୍ଵିଷାମଶନିରିଵ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 25 ॥

ଶ୍ଲୋକ 27

ଠାକୃତିରିଵ ତଵ ମାଯା ବହିରନ୍ତଃ ଶୂନ୍ଯରୂପିଣୀ ଖଲୁ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 26 ॥

ଶ୍ଲୋକ 28

ଡମ୍ବରମମ୍ବୁରୁହାମପି ଦଲଯତ୍ଯନଘଂ ତ୍ଵଦଙ୍ଘ୍ରିଯୁଗଲଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 27 ॥

ଶ୍ଲୋକ 29

ଢକ୍କାକ୍ଷସୂତ୍ରଶୂଲଦ୍ରୁହିଣକରୋଟୀସମୁଲ୍ଲସତ୍କର ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 28 ॥

ଶ୍ଲୋକ 30

ଣାକାରଗର୍ଭିଣୀ ଚେଚ୍ଛୁଭଦା ତେ ଶରଗତିର୍ନୃଣାମିହ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 29 ॥

ଶ୍ଲୋକ 31

ତଵ ମନ୍ଵତିସଞ୍ଜପତଃ ସଦ୍ଯସ୍ତରତି ନରୋ ହି ଭଵାବ୍ଧିଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 30 ॥

ଶ୍ଲୋକ 32

ଥୂତ୍କାରସ୍ତସ୍ଯ ମୁଖେ ଭୂଯାତ୍ତେ ନାମ ନାସ୍ତି ଯସ୍ଯ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 31 ॥

ଶ୍ଲୋକ 33

ଦଯନୀଯଶ୍ଚ ଦଯାଲୁଃ କୋଽସ୍ତି ମଦନ୍ଯସ୍ତ୍ଵଦନ୍ଯ ଇହ ଵଦ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 32 ॥

ଶ୍ଲୋକ 34

ଧର୍ମସ୍ଥାପନଦକ୍ଷ ତ୍ର୍ଯକ୍ଷ ଗୁରୋ ଦକ୍ଷଯଜ୍ଞଶିକ୍ଷକ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 33 ॥

ଶ୍ଲୋକ 35

ନନୁ ତାଡିତୋଽସି ଧନୁଷା ଲୁବ୍ଧଧିଯା ତ୍ଵଂ ପୁରା ନରେଣ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 34 ॥

ଶ୍ଲୋକ 36

ପରିମାତୁଂ ତଵ ମୂର୍ତିଂ ନାଲମଜସ୍ତତ୍ପରାତ୍ପରୋଽସି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 35 ॥

ଶ୍ଲୋକ 37

ଫଲମିହ ନୃତଯା ଜନୁଷସ୍ତ୍ଵତ୍ପଦସେଵା ସନାତନେଶ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 36 ॥

ଶ୍ଲୋକ 38

ବଲମାରୋଗ୍ଯଂ ଚାଯୁସ୍ତ୍ଵଦ୍ଗୁଣରୁଚିତାଂ ଚିରଂ ପ୍ରଦେହି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 37 ॥

ଶ୍ଲୋକ 39

ଭଗଵନ୍ଭର୍ଗ ଭଯାପହ ଭୂତପତେ ଭୂତିଭୂଷିତାଙ୍ଗ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 38 ॥

ଶ୍ଲୋକ 40

ମହିମା ତଵ ନ ହି ମାତି ଶ୍ରୁତିଷୁ ହିମାନୀଧରାତ୍ମଜାଧଵ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 39 ॥

ଶ୍ଲୋକ 41

ଯମନିଯମାଦିଭିରଙ୍ଗୈର୍ଯମିନୋ ହୃଦଯେ ଭଜନ୍ତି ସ ତ୍ଵଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 40 ॥

ଶ୍ଲୋକ 42

ରଜ୍ଜାଵହିରିଵ ଶୁକ୍ତୌ ରଜତମିଵ ତ୍ଵଯି ଜଗନ୍ତି ଭାନ୍ତି ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 41 ॥

ଶ୍ଲୋକ 43

ଲବ୍ଧ୍ଵା ଭଵତ୍ପ୍ରସାଦାଚ୍ଚକ୍ରଂ ଵିଧୁରଵତି ଲୋକମଖିଲଂ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 42 ॥

ଶ୍ଲୋକ 44

ଵସୁଧାତଦ୍ଧରତଚ୍ଛଯରଥମୌର୍ଵୀଶର ପରାକୃତାସୁର ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 43 ॥

ଶ୍ଲୋକ 45

ଶର୍ଵ ଦେଵ ସର୍ଵୋତ୍ତମ ସର୍ଵଦ ଦୁର୍ଵୃତ୍ତଗର୍ଵହରଣ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 44 ॥

ଶ୍ଲୋକ 46

ଷଡ୍ରିପୁଷଡୂର୍ମିଷଡ୍ଵିକାରହର ସନ୍ମୁଖ ଷଣ୍ମୁଖଜନକ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 45 ॥

ଶ୍ଲୋକ 47

ସତ୍ଯଂ ଜ୍ଞାନମନନ୍ତଂ ବ୍ରହ୍ମେତ୍ଯେତଲ୍ଲକ୍ଷଣଲକ୍ଷିତ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 46 ॥

ଶ୍ଲୋକ 48

ହାହାହୂହୂମୁଖସୁରଗାଯକଗୀତାପଦାନପଦ୍ଯ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 47 ॥

ଶ୍ଲୋକ 49

ଲାଦିର୍ନ ହି ପ୍ରଯୋଗସ୍ତଦନ୍ତମିହ ମଙ୍ଗଲଂ ସଦାସ୍ତୁ ଵିଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 48 ॥

ଶ୍ଲୋକ 50

କ୍ଷଣମିଵ ଦିଵସାନ୍ନେଷ୍ଯତି ତ୍ଵତ୍ପଦସେଵାକ୍ଷଣୋତ୍ସୁକଃ ଶିଵ ଭୋ ।

ସାମ୍ବ ସଦାଶିଵ ଶମ୍ଭୋ ଶଙ୍କର ଶରଣଂ ମେ ତଵ ଚରଣଯୁଗମ୍

॥ 49 ॥

ଶ୍ଲୋକ 51

ଇତି ଶ୍ରୀମତ୍ପରମହଂସପରିଵ୍ରାଜକାଚାର୍ଯସ୍ଯ ଶ୍ରୀଗୋଵିନ୍ଦଭଗଵତ୍ପୂଜ୍ଯପାଦଶିଷ୍ଯସ୍ଯ ଶ୍ରୀମଚ୍ଛଙ୍କରଭଗଵତଃ କୃତୌ ସୁଵର୍ଣମାଲା ସ୍ତୁତିଃ ସମ୍ପୂର୍ଣା ॥