Shiva Suvarnamala (Swarnamala) Stuti

ziva suvarNamAlA stuti

zloka 1

atha kathamapi madrAsanAM tvadguNalezairvizodhayAmi vibho |

sAmba sadAziva zambho zaGkara zaraNaM me tava caraNayugam || 1 ||

AkhaNDalamadakhaNDanapaNDita taNDupriya caNDIza vibho |

sAmba sadAziva zambho zaGkara zaraNaM me tava caraNayugam || 2 ||

ibhacarmAmbara zambararipuvapurapaharaNojjvalanayana vibho |

sAmba sadAziva zambho zaGkara zaraNaM me tava caraNayugam || 3 ||

Iza girIza nareza pareza maheza bilezayabhUSaNa bho |

sAmba sadAziva zambho zaGkara zaraNaM me tava caraNayugam || 4 ||

umayA divyasumaGgalavigrahayAliGgitavAmAGga vibho |

sAmba sadAziva zambho zaGkara zaraNaM me tava caraNayugam || 5 ||

UrIkuru mAmajJamanAthaM dUrIkuru me duritaM bho |

sAmba sadAziva zambho zaGkara zaraNaM me tava caraNayugam || 6 ||

RSivaramAnasahaMsa carAcarajananasthitilayakAraNa bho |

sAmba sadAziva zambho zaGkara zaraNaM me tava caraNayugam || 7 ||

RRkSAdhIzakirITa mahokSArUDha vidhRtarudrAkSa vibho |

sAmba sadAziva zambho zaGkara zaraNaM me tava caraNayugam || 8 ||

luvarNadvandvamavRntasukusumamivAGghrau tavArpayAmi vibho |

sAmba sadAziva zambho zaGkara zaraNaM me tava caraNayugam || 9 ||

ekaM saditi zrutyA tvameva sadasItyupAsmahe mRDa bho |

sAmba sadAziva zambho zaGkara zaraNaM me tava caraNayugam || 10 ||

aikyaM nijabhaktebhyo vitarasi vizvambharo'tra sAkSI bho |

sAmba sadAziva zambho zaGkara zaraNaM me tava caraNayugam || 11 ||

omiti tava nirdeSTrI mAyAsmAkaM mRDopakartrI bho |

sAmba sadAziva zambho zaGkara zaraNaM me tava caraNayugam || 12 ||

audAsyaM sphuTayati viSayeSu digambaratA ca tavaiva vibho |

sAmba sadAziva zambho zaGkara zaraNaM me tava caraNayugam || 13 ||

antaHkaraNavizuddhiM bhaktiM ca tvayi satIM pradehi vibho |

sAmba sadAziva zambho zaGkara zaraNaM me tava caraNayugam || 14 ||

astopAdhisamastavyastai rUpairjaganmayo'si vibho |

sAmba sadAziva zambho zaGkara zaraNaM me tava caraNayugam || 15 ||

karuNAvaruNAlaya mayi dAsa udAsastavocito na hi bho |

sAmba sadAziva zambho zaGkara zaraNaM me tava caraNayugam || 16 ||

khalasahavAsaM vighaTaya ghaTaya satAmeva saGgamanizaM bho |

sAmba sadAziva zambho zaGkara zaraNaM me tava caraNayugam || 17 ||

garalaM jagadupakRtaye gilitaM bhavatA samo'sti ko'tra vibho |

sAmba sadAziva zambho zaGkara zaraNaM me tava caraNayugam || 18 ||

ghanasAragauragAtra pracurajaTAjUTabaddhagaGga vibho |

sAmba sadAziva zambho zaGkara zaraNaM me tava caraNayugam || 19 ||

jJaptiH sarvazarIreSvakhaNDitA yA vibhAti sA tvaM bho |

sAmba sadAziva zambho zaGkara zaraNaM me tava caraNayugam || 20 ||

capalaM mama hRdayakapiM viSayadrucaraM dRDhaM badhAna vibho |

sAmba sadAziva zambho zaGkara zaraNaM me tava caraNayugam || 21 ||

chAyA sthANorapi tava tApaM namatAM haratyaho ziva bho |

sAmba sadAziva zambho zaGkara zaraNaM me tava caraNayugam || 22 ||

jaya kailAsanivAsa pramathagaNAdhIza bhUsurArcita bho |

sAmba sadAziva zambho zaGkara zaraNaM me tava caraNayugam || 23 ||

jhaNutakajhaGkiNujhaNutatkiTataka-zabdairnaTasi mahAnaTa bho |

sAmba sadAziva zambho zaGkara zaraNaM me tava caraNayugam || 24 ||

jJAnaM vikSepAvRtirahitaM kuru me gurustvameva vibho |

sAmba sadAziva zambho zaGkara zaraNaM me tava caraNayugam || 25 ||

TaGkArastava dhanuSo dalayati hRdayaM dviSAmazaniriva bho |

sAmba sadAziva zambho zaGkara zaraNaM me tava caraNayugam || 26 ||

ThAkRtiriva tava mAyA bahirantaH zUnyarUpiNI khalu bho |

sAmba sadAziva zambho zaGkara zaraNaM me tava caraNayugam || 27 ||

DambaramamburuhAmapi dalayatyanaghaM tvadaGghriyugalaM bho |

sAmba sadAziva zambho zaGkara zaraNaM me tava caraNayugam || 28 ||

DhakkAkSasUtrazUladruhiNakaroTIsamullasatkara bho |

sAmba sadAziva zambho zaGkara zaraNaM me tava caraNayugam || 29 ||

NAkAragarbhiNI cecchubhadA te zaragatirnRNAmiha bho |

sAmba sadAziva zambho zaGkara zaraNaM me tava caraNayugam || 30 ||

tava manvatisaJjapataH sadyastarati naro hi bhavAbdhiM bho |

sAmba sadAziva zambho zaGkara zaraNaM me tava caraNayugam || 31 ||

thUtkArastasya mukhe bhUyAtte nAma nAsti yasya vibho |

sAmba sadAziva zambho zaGkara zaraNaM me tava caraNayugam || 32 ||

dayanIyazca dayAluH ko'sti madanyastvadanya iha vada bho |

sAmba sadAziva zambho zaGkara zaraNaM me tava caraNayugam || 33 ||

dharmasthApanadakSa tryakSa guro dakSayajJazikSaka bho |

sAmba sadAziva zambho zaGkara zaraNaM me tava caraNayugam || 34 ||

nanu tADito'si dhanuSA lubdhadhiyA tvaM purA nareNa vibho |

sAmba sadAziva zambho zaGkara zaraNaM me tava caraNayugam || 35 ||

parimAtuM tava mUrtiM nAlamajastatparAtparo'si vibho |

sAmba sadAziva zambho zaGkara zaraNaM me tava caraNayugam || 36 ||

phalamiha nRtayA januSastvatpadasevA sanAtaneza vibho |

sAmba sadAziva zambho zaGkara zaraNaM me tava caraNayugam || 37 ||

balamArogyaM cAyustvadguNarucitAM ciraM pradehi vibho |

sAmba sadAziva zambho zaGkara zaraNaM me tava caraNayugam || 38 ||

bhagavanbharga bhayApaha bhUtapate bhUtibhUSitAGga vibho |

sAmba sadAziva zambho zaGkara zaraNaM me tava caraNayugam || 39 ||

mahimA tava na hi mAti zrutiSu himAnIdharAtmajAdhava bho |

sAmba sadAziva zambho zaGkara zaraNaM me tava caraNayugam || 40 ||

yamaniyamAdibhiraGgairyamino hRdaye bhajanti sa tvaM bho |

sAmba sadAziva zambho zaGkara zaraNaM me tava caraNayugam || 41 ||

rajjAvahiriva zuktau rajatamiva tvayi jaganti bhAnti vibho |

sAmba sadAziva zambho zaGkara zaraNaM me tava caraNayugam || 42 ||

labdhvA bhavatprasAdAccakraM vidhuravati lokamakhilaM bho |

sAmba sadAziva zambho zaGkara zaraNaM me tava caraNayugam || 43 ||

vasudhAtaddharatacchayarathamaurvIzara parAkRtAsura bho |

sAmba sadAziva zambho zaGkara zaraNaM me tava caraNayugam || 44 ||

zarva deva sarvottama sarvada durvRttagarvaharaNa vibho |

sAmba sadAziva zambho zaGkara zaraNaM me tava caraNayugam || 45 ||

SaDripuSaDUrmiSaDvikArahara sanmukha SaNmukhajanaka vibho |

sAmba sadAziva zambho zaGkara zaraNaM me tava caraNayugam || 46 ||

satyaM jJAnamanantaM brahmetyetallakSaNalakSita bho |

sAmba sadAziva zambho zaGkara zaraNaM me tava caraNayugam || 47 ||

hAhAhUhUmukhasuragAyakagItApadAnapadya vibho |

sAmba sadAziva zambho zaGkara zaraNaM me tava caraNayugam || 48 ||

lAdirna hi prayogastadantamiha maGgalaM sadAstu vibho |

sAmba sadAziva zambho zaGkara zaraNaM me tava caraNayugam || 49 ||

kSaNamiva divasAnneSyati tvatpadasevAkSaNotsukaH ziva bho |

sAmba sadAziva zambho zaGkara zaraNaM me tava caraNayugam || 50 ||

iti zrImatparamahaMsaparivrAjakAcAryasya zrIgovindabhagavatpUjyapAdaziSyasya zrImacchaGkarabhagavataH kRtau suvarNamAlA stutiH sampUrNA ||