Shiva Sankalpa Upanishad (Shiva Sankalpamastu)

ශිවසඞ්කල්පෝපනිෂත් (ශිව සඞ්කල්පමස්තු)

ශ්ලොක 1

යේනේදං භූතං භුවනං භවිෂ්යත් පරිගෘහීතමමෘතේන සර්වම් .

යේන යජ්ඤස්තායතේ සප්තහෝතා තන්මේ මනඃ ශිවසඞ්කල්පමස්තු .. 1..

යේන කර්මාණි ප්රචරන්ති ධීරා යතෝ වාචා මනසා චාරු යන්ති .

යත්සම්මිතමනු සංයන්ති ප්රාණිනස්තන්මේ මනඃ ශිවසඞ්කල්පමස්තු .. 2..

යේන කර්මාණ්යපසෝ මනීෂිණෝ යජ්ඤේ කෘණ්වන්ති විදථේෂු ධීරාඃ .

යදපූර්වං යක්ෂමන්තඃ ප්රජානාං තන්මේ මනඃ ශිවසඞ්කල්පමස්තු .. 3..

යත්ප්රජ්ඤානමුත චේතෝ ධෘතිශ්ච යජ්ජ්යෝතිරන්තරමෘතං ප්රජාසු .

යස්මාන්න ඍතේ කිඤ්චන කර්ම ක්රියතේ තන්මේ මනඃ ශිවසඞ්කල්පමස්තු .. 4..

සුෂාරථිරශ්වානිව යන්මනුෂ්යාන්නේනීයතේ(අ)භීශුභිර්වාජින ඉව .

හෘත්ප්රතිෂ්ඨං යදජිරං ජවිෂ්ඨං තන්මේ මනඃ ශිවසඞ්කල්පමස්තු .. 5..

යස්මින්නෘචඃ සාම යජූෂි යස්මින් ප්රතිෂ්ඨිතා රථනාභාවිවාරාඃ .

යස්මිංශ්චිත්තං සර්වමෝතං ප්රජානාං තන්මේ මනඃ ශිවසඞ්කල්පමස්තු .. 6..

යදත්ර ෂෂ්ඨං ත්රිශතං සුවීරං යජ්ඤස්ය ගුහ්යං නවනාවමාය්යං (?) .

දශ පඤ්ච ත්රිංශතං යත්පරං ච තන්මේ මනඃ ශිවසඞ්කල්පමස්තු .. 7..

යජ්ජාග්රතෝ දූරමුදෛති දෛවං තදු සුප්තස්ය තථෛවෛති .

දූරඞ්ගමං ජ්යෝතිෂාං ජ්යෝතිරේකං තන්මේ මනඃ ශිවසඞ්කල්පමස්තු .. 8..

යේන ද්යෞඃ පෘථිවී චාන්තරික්ෂං ච යේ පර්වතාඃ ප්රදිශෝ දිශශ්ච .

යේනේදං ජගද්ව්යාප්තං ප්රජානාං තන්මේ මනඃ ශිවසඞ්කල්පමස්තු .. 9..

යේනේදං විශ්වං ජගතෝ බභූව යේ දේවා අපි මහතෝ ජාතවේදාඃ .

තදේවාග්නිස්තමසෝ ජ්යෝතිරේකං තන්මේ මනඃ ශිවසඞ්කල්පමස්තු .. 10..

යේ මනෝ හෘදයං යේ ච දේවා යේ දිව්යා ආපෝ යේ සූර්යරශ්මිඃ .

තේ ශ්රෝත්රේ චක්ෂුෂී සඤ්චරන්තං තන්මේ මනඃ ශිවසඞ්කල්පමස්තු .. 11..

අචින්ත්යං චාප්රමේයං ච ව්යක්තාව්යක්තපරං ච යත .

සූක්ෂ්මාත්සූක්ෂ්මතරං ජ්ඤේයං තන්මේ මනඃ ශිවසඞ්කල්පමස්තු .. 12..

ඒකා ච දශ ශතං ච සහස්රං චායුතං ච

නියුතං ච ප්රයුතං චාර්බුදං ච න්යර්බුදං ච .

සමුද්රශ්ච මධ්යං චාන්තශ්ච පරාර්ධශ්ච

තන්මේ මනඃ ශිවසඞ්කල්පමස්තු .. 13..

යේ පඤ්ච පඤ්චදශ ශතං සහස්රමයුතං න්යර්බුදං ච .

තේ(අ)ග්නිචිත්යේෂ්ටකාස්තං ශරීරං තන්මේ මනඃ ශිවසඞ්කල්පමස්තු .. 14..

වේදාහමේතං පුරුෂං මහාන්තමාදිත්යවර්ණං තමසඃ පරස්තාත් .

යස්ය යෝනිං පරිපශ්යන්ති ධීරාස්තන්මේ මනඃ ශිවසඞ්කල්පමස්තු ..

යස්යේදං ධීරාඃ පුනන්ති කවයෝ බ්රහ්මාණමේතං ත්වා වෘණුත ඉන්දුම් .

ස්ථාවරං ජඞ්ගමං ද්යෞරාකාශං තන්මේ මනඃ ශිවසඞ්කල්පමස්තු .. 16..

පරාත් පරතරං චෛව යත්පරාච්චෛව යත්පරම් .

යත්පරාත් පරතෝ ජ්ඤේයං තන්මේ මනඃ ශිවසඞ්කල්පමස්තු .. 17..

පරාත් පරතරෝ බ්රහ්මා තත්පරාත් පරතෝ හරිඃ .

තත්පරාත් පරතෝ(අ)ධීශස්තන්මේ මනඃ ශිවසඞ්කල්පමස්තු .. 18..

යා වේදාදිෂු ගායත්රී සර්වව්යාපී මහේශ්වරී .

ඍග්යජුස්සාමාථර්වෛශ්ච තන්මේ මනඃ ශිවසඞ්කල්පමස්තු .. 19..

යෝ වෛ දේවං මහාදේවං ප්රණවං පුරුෂෝත්තමම් .

යඃ සර්වේ සර්වවේදෛශ්ච තන්මේ මනඃ ශිවසඞ්කල්පමස්තු .. 20..

ප්රයතඃ ප්රණවෝඞ්කාරං ප්රණවං පුරුෂෝත්තමම් .

ඕඞ්කාරං ප්රණවාත්මානං තන්මේ මනඃ ශිවසඞ්කල්පමස්තු .. 21..

යෝ(අ)සෞ සර්වේෂු වේදේෂු පඨ්යතේ හ්යජ ඉශ්වරඃ .

අකායෝ නිර්ගුණෝ හ්යාත්මා තන්මේ මනඃ ශිවසඞ්කල්පමස්තු .. 22..

ගෝභිර්ජුෂ්ටං ධනේන හ්යායුෂා ච බලේන ච .

ප්රජයා පශුභිඃ පුෂ්කරාක්ෂං තන්මේ මනඃ ශිවසඞ්කල්පමස්තු .. 23..

ත්රියම්බකං යජාමහේ සුගන්ධිං පුෂ්ටිවර්ධනම් .

උර්වාරුකමිව බන්ධනාන්මෘත්යෝර්මුක්ෂීය

මා(අ)මෘතාත්තන්මේ මනඃ ශිවසඞ්කල්පමස්තු .. 24..

කෛලාසශිඛරේ රම්යේ ශඞ්කරස්ය ශිවාලයේ .

දේවතාස්තත්ර මෝදන්තේ තන්මේ මනඃ ශිවසඞ්කල්පමස්තු .. 25..

විශ්වතශ්චක්ෂුරුත විශ්වතෝමුඛෝ විශ්වතෝහස්ත උත විශ්වතස්පාත් .

සම්බාහුභ්යාං නමති සම්පතත්රෛර්ද්යාවාපෘථිවී

ජනයන් දේව ඒකස්තන්මේ මනඃ ශිවසඞ්කල්පමස්තු .. 26..

චතුරෝ වේදානධීයීත සර්වශාස්යමයං විදුඃ .

ඉතිහාසපුරාණානාං තන්මේ මන ශිවසඞ්කන්ල්පමස්තු .. 27..

මා නෝ මහාන්තමුත මා නෝ අර්භකං මා න උක්ෂන්තමුත මා න උක්ෂිතම් .

මා නෝ වධීඃ පිතරං මෝත මාතරං ප්රියා මා නඃ

තනුවෝ රුද්ර රීරිෂස්තන්මේ මනඃ ශිවසඞ්කල්පමස්තු .. 28..

මා නස්තෝකේ තනයේ මා න ආයුෂි මා නෝ ගෝෂු මා නෝ අශ්වේෂු රීරිෂඃ .

වීරාන්මා නෝ රුද්ර භාමිතෝ වධීර්හවිෂ්මන්තඃ

නමසා විධේම තේ තන්මේ මනඃ ශිවසඞ්කල්පමස්තු .. 29..

ඍතං සත්යං පරං බ්රහ්ම පුරුෂං කෘෂ්ණපිඞ්ගලම් .

ඌර්ධ්වරේතං විරූපාක්ෂං විශ්වරූපාය වෛ නමෝ නමඃ

තන්මේ මනඃ ශිවසඞ්කල්පමස්තු .. 30..

කද්රුද්රාය ප්රචේතසේ මීඪුෂ්ටමාය තව්යසේ .

වෝචේම ශන්තමං හෘදේ . සර්වෝ හ්යේෂ රුද්රස්තස්මෛ රුද්රාය

නමෝ අස්තු තන්මේ මනඃ ශිවසඞ්කල්පමස්තු .. 31..

බ්රහ්ම ජජ්ඤානං ප්රථමං පුරස්තාත් වි සීමතඃ සුරුචෝ වේන ආවඃ .

ස බුධ්නියා උපමා අස්ය විෂ්ඨාඃ සතශ්ච යෝනිං

අසතශ්ච විවස්තන්මේ මනඃ ශිවසඞ්කල්පමස්තු .. 32..

යඃ ප්රාණතෝ නිමිෂතෝ මහිත්වෛක ඉද්රාජා ජගතෝ බභූව .

ය ඊශේ අස්ය ද්විපදශ්චතුෂ්පදඃ කස්මෛ දේවාය

හවිෂා විධේම තන්මේ මනඃ ශිවසඞ්කල්පමස්තු .. 33..

ය ආත්මදා බලදා යස්ය විශ්වේ උපාසතේ ප්රශිෂං යස්ය දේවාඃ .

යස්ය ඡායා(අ)මෘතං යස්ය මෘත්යුඃ කස්මෛ දේවාය

හවිෂා විධේම තන්මේ මනඃ ශිවසඞ්කල්පමස්තු .. 34..

යෝ රුද්රෝ අග්නෞ යෝ අප්සු ය ඕෂධීෂු යෝ රුද්රෝ විශ්වා භුවනා(අ)(අ)විවේශ .

තස්මෛ රුද්රාය නමෝ අස්තු තන්මේ මනඃ ශිවසඞ්කල්පමස්තු .. 35..

ගන්ධද්වාරාං දුරාධර්ෂාං නිත්යපුෂ්ටාං කරීෂිණීම් .

ඊශ්වරීං සර්වභූතානාං තාමිහෝපහ්වයේ ශ්රියං

තන්මේ මනඃ ශිවසඞ්කල්පමස්තු .. 36..

ය ඉදං ශිවසඞ්කල්පං සදා ධ්යායන්ති බ්රාහ්මණාඃ .

තේ පරං මෝක්ෂං ගමිෂ්යන්ති තන්මේ මනඃ ශිවසඞ්කල්පමස්තු .. 37..

ඉති ශිවසඞ්කල්පමන්ත්රාඃ සමාප්තාඃ .

(ශෛව-උපනිෂදඃ)

ඉති ශිවසඞ්කල්පෝපනිෂත් සමාප්ත .