Shiva Sankalpa Upanishad (Shiva Sankalpamastu)

ଶିଵସଙ୍କଲ୍ପୋପନିଷତ୍ (ଶିଵ ସଙ୍କଲ୍ପମସ୍ତୁ)

ଶ୍ଲୋକ 1

ଯେନେଦଂ ଭୂତଂ ଭୁଵନଂ ଭଵିଷ୍ଯତ୍ ପରିଗୃହୀତମମୃତେନ ସର୍ଵମ୍ ।

ଯେନ ଯଜ୍ଞସ୍ତାଯତେ ସପ୍ତହୋତା ତନ୍ମେ ମନଃ ଶିଵସଙ୍କଲ୍ପମସ୍ତୁ

ଶ୍ଲୋକ 2

ଯେନ କର୍ମାଣି ପ୍ରଚରନ୍ତି ଧୀରା ଯତୋ ଵାଚା ମନସା ଚାରୁ ଯନ୍ତି ।

ଯତ୍ସମ୍ମିତମନୁ ସଂଯନ୍ତି ପ୍ରାଣିନସ୍ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 1॥

ଶ୍ଲୋକ 3

ଯେନ କର୍ମାଣ୍ଯପସୋ ମନୀଷିଣୋ ଯଜ୍ଞେ କୃଣ୍ଵନ୍ତି ଵିଦଥେଷୁ ଧୀରାଃ ।

ଯଦପୂର୍ଵଂ ଯକ୍ଷମନ୍ତଃ ପ୍ରଜାନାଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 2॥

ଶ୍ଲୋକ 4

ଯତ୍ପ୍ରଜ୍ଞାନମୁତ ଚେତୋ ଧୃତିଶ୍ଚ ଯଜ୍ଜ୍ଯୋତିରନ୍ତରମୃତଂ ପ୍ରଜାସୁ ।

ଯସ୍ମାନ୍ନ ଋତେ କିଞ୍ଚନ କର୍ମ କ୍ରିଯତେ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 3॥

ଶ୍ଲୋକ 5

ସୁଷାରଥିରଶ୍ଵାନିଵ ଯନ୍ମନୁଷ୍ଯାନ୍ନେନୀଯତେଽଭୀଶୁଭିର୍ଵାଜିନ ଇଵ ।

ହୃତ୍ପ୍ରତିଷ୍ଠଂ ଯଦଜିରଂ ଜଵିଷ୍ଠଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 4॥

ଶ୍ଲୋକ 6

ଯସ୍ମିନ୍ନୃଚଃ ସାମ ଯଜୂଷି ଯସ୍ମିନ୍ ପ୍ରତିଷ୍ଠିତା ରଥନାଭାଵିଵାରାଃ ।

ଯସ୍ମିଂଶ୍ଚିତ୍ତଂ ସର୍ଵମୋତଂ ପ୍ରଜାନାଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 5॥

ଶ୍ଲୋକ 7

ଯଦତ୍ର ଷଷ୍ଠଂ ତ୍ରିଶତଂ ସୁଵୀରଂ ଯଜ୍ଞସ୍ଯ ଗୁହ୍ଯଂ ନଵନାଵମାଯ୍ଯଂ (?) ।

ଦଶ ପଞ୍ଚ ତ୍ରିଂଶତଂ ଯତ୍ପରଂ ଚ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 6॥

ଶ୍ଲୋକ 8

ଯଜ୍ଜାଗ୍ରତୋ ଦୂରମୁଦୈତି ଦୈଵଂ ତଦୁ ସୁପ୍ତସ୍ଯ ତଥୈଵୈତି ।

ଦୂରଙ୍ଗମଂ ଜ୍ଯୋତିଷାଂ ଜ୍ଯୋତିରେକଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 7॥

ଶ୍ଲୋକ 9

ଯେନ ଦ୍ଯୌଃ ପୃଥିଵୀ ଚାନ୍ତରିକ୍ଷଂ ଚ ଯେ ପର୍ଵତାଃ ପ୍ରଦିଶୋ ଦିଶଶ୍ଚ ।

ଯେନେଦଂ ଜଗଦ୍ଵ୍ଯାପ୍ତଂ ପ୍ରଜାନାଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 8॥

ଶ୍ଲୋକ 10

ଯେନେଦଂ ଵିଶ୍ଵଂ ଜଗତୋ ବଭୂଵ ଯେ ଦେଵା ଅପି ମହତୋ ଜାତଵେଦାଃ ।

ତଦେଵାଗ୍ନିସ୍ତମସୋ ଜ୍ଯୋତିରେକଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 9॥

ଶ୍ଲୋକ 11

ଯେ ମନୋ ହୃଦଯଂ ଯେ ଚ ଦେଵା ଯେ ଦିଵ୍ଯା ଆପୋ ଯେ ସୂର୍ଯରଶ୍ମିଃ ।

ତେ ଶ୍ରୋତ୍ରେ ଚକ୍ଷୁଷୀ ସଞ୍ଚରନ୍ତଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 10॥

ଶ୍ଲୋକ 12

ଅଚିନ୍ତ୍ଯଂ ଚାପ୍ରମେଯଂ ଚ ଵ୍ଯକ୍ତାଵ୍ଯକ୍ତପରଂ ଚ ଯତ ।

ସୂକ୍ଷ୍ମାତ୍ସୂକ୍ଷ୍ମତରଂ ଜ୍ଞେଯଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 11॥

ଶ୍ଲୋକ 13

ଏକା ଚ ଦଶ ଶତଂ ଚ ସହସ୍ରଂ ଚାଯୁତଂ ଚ

ନିଯୁତଂ ଚ ପ୍ରଯୁତଂ ଚାର୍ବୁଦଂ ଚ ନ୍ଯର୍ବୁଦଂ ଚ ।

ସମୁଦ୍ରଶ୍ଚ ମଧ୍ଯଂ ଚାନ୍ତଶ୍ଚ ପରାର୍ଧଶ୍ଚ

ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 12॥

ଶ୍ଲୋକ 14

ଯେ ପଞ୍ଚ ପଞ୍ଚଦଶ ଶତଂ ସହସ୍ରମଯୁତଂ ନ୍ଯର୍ବୁଦଂ ଚ ।

ତେଽଗ୍ନିଚିତ୍ଯେଷ୍ଟକାସ୍ତଂ ଶରୀରଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 13॥

ଶ୍ଲୋକ 15

ଵେଦାହମେତଂ ପୁରୁଷଂ ମହାନ୍ତମାଦିତ୍ଯଵର୍ଣଂ ତମସଃ ପରସ୍ତାତ୍ ।

ଯସ୍ଯ ଯୋନିଂ ପରିପଶ୍ଯନ୍ତି ଧୀରାସ୍ତନ୍ମେ ମନଃ ଶିଵସଙ୍କଲ୍ପମସ୍ତୁ ॥

ଯସ୍ଯେଦଂ ଧୀରାଃ ପୁନନ୍ତି କଵଯୋ ବ୍ରହ୍ମାଣମେତଂ ତ୍ଵା ଵୃଣୁତ ଇନ୍ଦୁମ୍ ।

ସ୍ଥାଵରଂ ଜଙ୍ଗମଂ ଦ୍ଯୌରାକାଶଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 14॥

ଶ୍ଲୋକ 16

ପରାତ୍ ପରତରଂ ଚୈଵ ଯତ୍ପରାଚ୍ଚୈଵ ଯତ୍ପରମ୍ ।

ଯତ୍ପରାତ୍ ପରତୋ ଜ୍ଞେଯଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 16॥

ଶ୍ଲୋକ 17

ପରାତ୍ ପରତରୋ ବ୍ରହ୍ମା ତତ୍ପରାତ୍ ପରତୋ ହରିଃ ।

ତତ୍ପରାତ୍ ପରତୋଽଧୀଶସ୍ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 17॥

ଶ୍ଲୋକ 18

ଯା ଵେଦାଦିଷୁ ଗାଯତ୍ରୀ ସର୍ଵଵ୍ଯାପୀ ମହେଶ୍ଵରୀ ।

ଋଗ୍ଯଜୁସ୍ସାମାଥର୍ଵୈଶ୍ଚ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 18॥

ଶ୍ଲୋକ 19

ଯୋ ଵୈ ଦେଵଂ ମହାଦେଵଂ ପ୍ରଣଵଂ ପୁରୁଷୋତ୍ତମମ୍ ।

ଯଃ ସର୍ଵେ ସର୍ଵଵେଦୈଶ୍ଚ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 19॥

ଶ୍ଲୋକ 20

ପ୍ରଯତଃ ପ୍ରଣଵୋଙ୍କାରଂ ପ୍ରଣଵଂ ପୁରୁଷୋତ୍ତମମ୍ ।

ଓଙ୍କାରଂ ପ୍ରଣଵାତ୍ମାନଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 20॥

ଶ୍ଲୋକ 21

ଯୋଽସୌ ସର୍ଵେଷୁ ଵେଦେଷୁ ପଠ୍ଯତେ ହ୍ଯଜ ଇଶ୍ଵରଃ ।

ଅକାଯୋ ନିର୍ଗୁଣୋ ହ୍ଯାତ୍ମା ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 21॥

ଶ୍ଲୋକ 22

ଗୋଭିର୍ଜୁଷ୍ଟଂ ଧନେନ ହ୍ଯାଯୁଷା ଚ ବଲେନ ଚ ।

ପ୍ରଜଯା ପଶୁଭିଃ ପୁଷ୍କରାକ୍ଷଂ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 22॥

ଶ୍ଲୋକ 23

ତ୍ରିଯମ୍ବକଂ ଯଜାମହେ ସୁଗନ୍ଧିଂ ପୁଷ୍ଟିଵର୍ଧନମ୍ ।

ଉର୍ଵାରୁକମିଵ ବନ୍ଧନାନ୍ମୃତ୍ଯୋର୍ମୁକ୍ଷୀଯ

ମାଽମୃତାତ୍ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 23॥

ଶ୍ଲୋକ 24

କୈଲାସଶିଖରେ ରମ୍ଯେ ଶଙ୍କରସ୍ଯ ଶିଵାଲଯେ ।

ଦେଵତାସ୍ତତ୍ର ମୋଦନ୍ତେ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 24॥

ଶ୍ଲୋକ 25

ଵିଶ୍ଵତଶ୍ଚକ୍ଷୁରୁତ ଵିଶ୍ଵତୋମୁଖୋ ଵିଶ୍ଵତୋହସ୍ତ ଉତ ଵିଶ୍ଵତସ୍ପାତ୍ ।

ସମ୍ବାହୁଭ୍ଯାଂ ନମତି ସମ୍ପତତ୍ରୈର୍ଦ୍ଯାଵାପୃଥିଵୀ

ଜନଯନ୍ ଦେଵ ଏକସ୍ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 25॥

ଶ୍ଲୋକ 26

ଚତୁରୋ ଵେଦାନଧୀଯୀତ ସର୍ଵଶାସ୍ଯମଯଂ ଵିଦୁଃ ।

ଇତିହାସପୁରାଣାନାଂ ତନ୍ମେ ମନ ଶିଵସଙ୍କନ୍ଲ୍ପମସ୍ତୁ

॥ 26॥

ଶ୍ଲୋକ 27

ମା ନୋ ମହାନ୍ତମୁତ ମା ନୋ ଅର୍ଭକଂ ମା ନ ଉକ୍ଷନ୍ତମୁତ ମା ନ ଉକ୍ଷିତମ୍ ।

ମା ନୋ ଵଧୀଃ ପିତରଂ ମୋତ ମାତରଂ ପ୍ରିଯା ମା ନଃ

ତନୁଵୋ ରୁଦ୍ର ରୀରିଷସ୍ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 27॥

ଶ୍ଲୋକ 28

ମା ନସ୍ତୋକେ ତନଯେ ମା ନ ଆଯୁଷି ମା ନୋ ଗୋଷୁ ମା ନୋ ଅଶ୍ଵେଷୁ ରୀରିଷଃ ।

ଵୀରାନ୍ମା ନୋ ରୁଦ୍ର ଭାମିତୋ ଵଧୀର୍ହଵିଷ୍ମନ୍ତଃ

ନମସା ଵିଧେମ ତେ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 28॥

ଶ୍ଲୋକ 29

ଋତଂ ସତ୍ଯଂ ପରଂ ବ୍ରହ୍ମ ପୁରୁଷଂ କୃଷ୍ଣପିଙ୍ଗଲମ୍ ।

ଊର୍ଧ୍ଵରେତଂ ଵିରୂପାକ୍ଷଂ ଵିଶ୍ଵରୂପାଯ ଵୈ ନମୋ ନମଃ

ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 29॥

ଶ୍ଲୋକ 30

କଦ୍ରୁଦ୍ରାଯ ପ୍ରଚେତସେ ମୀଢୁଷ୍ଟମାଯ ତଵ୍ଯସେ ।

ଵୋଚେମ ଶନ୍ତମଂ ହୃଦେ । ସର୍ଵୋ ହ୍ଯେଷ ରୁଦ୍ରସ୍ତସ୍ମୈ ରୁଦ୍ରାଯ

ନମୋ ଅସ୍ତୁ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 30॥

ଶ୍ଲୋକ 31

ବ୍ରହ୍ମ ଜଜ୍ଞାନଂ ପ୍ରଥମଂ ପୁରସ୍ତାତ୍ ଵି ସୀମତଃ ସୁରୁଚୋ ଵେନ ଆଵଃ ।

ସ ବୁଧ୍ନିଯା ଉପମା ଅସ୍ଯ ଵିଷ୍ଠାଃ ସତଶ୍ଚ ଯୋନିଂ

ଅସତଶ୍ଚ ଵିଵସ୍ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 31॥

ଶ୍ଲୋକ 32

ଯଃ ପ୍ରାଣତୋ ନିମିଷତୋ ମହିତ୍ଵୈକ ଇଦ୍ରାଜା ଜଗତୋ ବଭୂଵ ।

ଯ ଈଶେ ଅସ୍ଯ ଦ୍ଵିପଦଶ୍ଚତୁଷ୍ପଦଃ କସ୍ମୈ ଦେଵାଯ

ହଵିଷା ଵିଧେମ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 32॥

ଶ୍ଲୋକ 33

ଯ ଆତ୍ମଦା ବଲଦା ଯସ୍ଯ ଵିଶ୍ଵେ ଉପାସତେ ପ୍ରଶିଷଂ ଯସ୍ଯ ଦେଵାଃ ।

ଯସ୍ଯ ଛାଯାଽମୃତଂ ଯସ୍ଯ ମୃତ୍ଯୁଃ କସ୍ମୈ ଦେଵାଯ

ହଵିଷା ଵିଧେମ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 33॥

ଶ୍ଲୋକ 34

ଯୋ ରୁଦ୍ରୋ ଅଗ୍ନୌ ଯୋ ଅପ୍ସୁ ଯ ଓଷଧୀଷୁ ଯୋ ରୁଦ୍ରୋ ଵିଶ୍ଵା ଭୁଵନାଽଽଵିଵେଶ ।

ତସ୍ମୈ ରୁଦ୍ରାଯ ନମୋ ଅସ୍ତୁ ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 34॥

ଶ୍ଲୋକ 35

ଗନ୍ଧଦ୍ଵାରାଂ ଦୁରାଧର୍ଷାଂ ନିତ୍ଯପୁଷ୍ଟାଂ କରୀଷିଣୀମ୍ ।

ଈଶ୍ଵରୀଂ ସର୍ଵଭୂତାନାଂ ତାମିହୋପହ୍ଵଯେ ଶ୍ରିଯଂ

ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 35॥

ଶ୍ଲୋକ 36

ଯ ଇଦଂ ଶିଵସଙ୍କଲ୍ପଂ ସଦା ଧ୍ଯାଯନ୍ତି ବ୍ରାହ୍ମଣାଃ ।

ତେ ପରଂ ମୋକ୍ଷଂ ଗମିଷ୍ଯନ୍ତି ତନ୍ମେ ମନଃ ଶିଵସଙ୍କଲ୍ପମସ୍ତୁ

॥ 36॥

ଶ୍ଲୋକ 37

ଇତି ଶିଵସଙ୍କଲ୍ପମନ୍ତ୍ରାଃ ସମାପ୍ତାଃ ।

(ଶୈଵ-ଉପନିଷଦଃ)

ଇତି ଶିଵସଙ୍କଲ୍ପୋପନିଷତ୍ ସମାପ୍ତ ।