Shiva Sankalpa Upanishad (Shiva Sankalpamastu)

শিবসঙ্কল্পোপনিষত্ (শিব সঙ্কল্পমস্তু)

শ্লোক 1

যেনেদং ভূতং ভুবনং ভবিষ্যত্ পরিগৃহীতমমৃতেন সর্বম্ ।

যেন যজ্ঞস্তাযতে সপ্তহোতা তন্মে মনঃ শিবসঙ্কল্পমস্তু

শ্লোক 2

যেন কর্মাণি প্রচরন্তি ধীরা যতো বাচা মনসা চারু যন্তি ।

যত্সম্মিতমনু সংযন্তি প্রাণিনস্তন্মে মনঃ শিবসঙ্কল্পমস্তু

॥ 1॥

শ্লোক 3

যেন কর্মাণ্যপসো মনীষিণো যজ্ঞে কৃণ্বন্তি বিদথেষু ধীরাঃ ।

যদপূর্বং যক্ষমন্তঃ প্রজানাং তন্মে মনঃ শিবসঙ্কল্পমস্তু

॥ 2॥

শ্লোক 4

যত্প্রজ্ঞানমুত চেতো ধৃতিশ্চ যজ্জ্যোতিরন্তরমৃতং প্রজাসু ।

যস্মান্ন ঋতে কিঞ্চন কর্ম ক্রিযতে তন্মে মনঃ শিবসঙ্কল্পমস্তু

॥ 3॥

শ্লোক 5

সুষারথিরশ্বানিব যন্মনুষ্যান্নেনীযতেঽভীশুভির্বাজিন ইব ।

হৃত্প্রতিষ্ঠং যদজিরং জবিষ্ঠং তন্মে মনঃ শিবসঙ্কল্পমস্তু

॥ 4॥

শ্লোক 6

যস্মিন্নৃচঃ সাম যজূষি যস্মিন্ প্রতিষ্ঠিতা রথনাভাবিবারাঃ ।

যস্মিংশ্চিত্তং সর্বমোতং প্রজানাং তন্মে মনঃ শিবসঙ্কল্পমস্তু

॥ 5॥

শ্লোক 7

যদত্র ষষ্ঠং ত্রিশতং সুবীরং যজ্ঞস্য গুহ্যং নবনাবমায্যং (?) ।

দশ পঞ্চ ত্রিংশতং যত্পরং চ তন্মে মনঃ শিবসঙ্কল্পমস্তু

॥ 6॥

শ্লোক 8

যজ্জাগ্রতো দূরমুদৈতি দৈবং তদু সুপ্তস্য তথৈবৈতি ।

দূরঙ্গমং জ্যোতিষাং জ্যোতিরেকং তন্মে মনঃ শিবসঙ্কল্পমস্তু

॥ 7॥

শ্লোক 9

যেন দ্যৌঃ পৃথিবী চান্তরিক্ষং চ যে পর্বতাঃ প্রদিশো দিশশ্চ ।

যেনেদং জগদ্ব্যাপ্তং প্রজানাং তন্মে মনঃ শিবসঙ্কল্পমস্তু

॥ 8॥

শ্লোক 10

যেনেদং বিশ্বং জগতো বভূব যে দেবা অপি মহতো জাতবেদাঃ ।

তদেবাগ্নিস্তমসো জ্যোতিরেকং তন্মে মনঃ শিবসঙ্কল্পমস্তু

॥ 9॥

শ্লোক 11

যে মনো হৃদযং যে চ দেবা যে দিব্যা আপো যে সূর্যরশ্মিঃ ।

তে শ্রোত্রে চক্ষুষী সঞ্চরন্তং তন্মে মনঃ শিবসঙ্কল্পমস্তু

॥ 10॥

শ্লোক 12

অচিন্ত্যং চাপ্রমেযং চ ব্যক্তাব্যক্তপরং চ যত ।

সূক্ষ্মাত্সূক্ষ্মতরং জ্ঞেযং তন্মে মনঃ শিবসঙ্কল্পমস্তু

॥ 11॥

শ্লোক 13

একা চ দশ শতং চ সহস্রং চাযুতং চ

নিযুতং চ প্রযুতং চার্বুদং চ ন্যর্বুদং চ ।

সমুদ্রশ্চ মধ্যং চান্তশ্চ পরার্ধশ্চ

তন্মে মনঃ শিবসঙ্কল্পমস্তু

॥ 12॥

শ্লোক 14

যে পঞ্চ পঞ্চদশ শতং সহস্রমযুতং ন্যর্বুদং চ ।

তেঽগ্নিচিত্যেষ্টকাস্তং শরীরং তন্মে মনঃ শিবসঙ্কল্পমস্তু

॥ 13॥

শ্লোক 15

বেদাহমেতং পুরুষং মহান্তমাদিত্যবর্ণং তমসঃ পরস্তাত্ ।

যস্য যোনিং পরিপশ্যন্তি ধীরাস্তন্মে মনঃ শিবসঙ্কল্পমস্তু ॥

যস্যেদং ধীরাঃ পুনন্তি কবযো ব্রহ্মাণমেতং ত্বা বৃণুত ইন্দুম্ ।

স্থাবরং জঙ্গমং দ্যৌরাকাশং তন্মে মনঃ শিবসঙ্কল্পমস্তু

॥ 14॥

শ্লোক 16

পরাত্ পরতরং চৈব যত্পরাচ্চৈব যত্পরম্ ।

যত্পরাত্ পরতো জ্ঞেযং তন্মে মনঃ শিবসঙ্কল্পমস্তু

॥ 16॥

শ্লোক 17

পরাত্ পরতরো ব্রহ্মা তত্পরাত্ পরতো হরিঃ ।

তত্পরাত্ পরতোঽধীশস্তন্মে মনঃ শিবসঙ্কল্পমস্তু

॥ 17॥

শ্লোক 18

যা বেদাদিষু গাযত্রী সর্বব্যাপী মহেশ্বরী ।

ঋগ্যজুস্সামাথর্বৈশ্চ তন্মে মনঃ শিবসঙ্কল্পমস্তু

॥ 18॥

শ্লোক 19

যো বৈ দেবং মহাদেবং প্রণবং পুরুষোত্তমম্ ।

যঃ সর্বে সর্ববেদৈশ্চ তন্মে মনঃ শিবসঙ্কল্পমস্তু

॥ 19॥

শ্লোক 20

প্রযতঃ প্রণবোঙ্কারং প্রণবং পুরুষোত্তমম্ ।

ওঙ্কারং প্রণবাত্মানং তন্মে মনঃ শিবসঙ্কল্পমস্তু

॥ 20॥

শ্লোক 21

যোঽসৌ সর্বেষু বেদেষু পঠ্যতে হ্যজ ইশ্বরঃ ।

অকাযো নির্গুণো হ্যাত্মা তন্মে মনঃ শিবসঙ্কল্পমস্তু

॥ 21॥

শ্লোক 22

গোভির্জুষ্টং ধনেন হ্যাযুষা চ বলেন চ ।

প্রজযা পশুভিঃ পুষ্করাক্ষং তন্মে মনঃ শিবসঙ্কল্পমস্তু

॥ 22॥

শ্লোক 23

ত্রিযম্বকং যজামহে সুগন্ধিং পুষ্টিবর্ধনম্ ।

উর্বারুকমিব বন্ধনান্মৃত্যোর্মুক্ষীয

মাঽমৃতাত্তন্মে মনঃ শিবসঙ্কল্পমস্তু

॥ 23॥

শ্লোক 24

কৈলাসশিখরে রম্যে শঙ্করস্য শিবালযে ।

দেবতাস্তত্র মোদন্তে তন্মে মনঃ শিবসঙ্কল্পমস্তু

॥ 24॥

শ্লোক 25

বিশ্বতশ্চক্ষুরুত বিশ্বতোমুখো বিশ্বতোহস্ত উত বিশ্বতস্পাত্ ।

সম্বাহুভ্যাং নমতি সম্পতত্রৈর্দ্যাবাপৃথিবী

জনযন্ দেব একস্তন্মে মনঃ শিবসঙ্কল্পমস্তু

॥ 25॥

শ্লোক 26

চতুরো বেদানধীযীত সর্বশাস্যমযং বিদুঃ ।

ইতিহাসপুরাণানাং তন্মে মন শিবসঙ্কন্ল্পমস্তু

॥ 26॥

শ্লোক 27

মা নো মহান্তমুত মা নো অর্ভকং মা ন উক্ষন্তমুত মা ন উক্ষিতম্ ।

মা নো বধীঃ পিতরং মোত মাতরং প্রিযা মা নঃ

তনুবো রুদ্র রীরিষস্তন্মে মনঃ শিবসঙ্কল্পমস্তু

॥ 27॥

শ্লোক 28

মা নস্তোকে তনযে মা ন আযুষি মা নো গোষু মা নো অশ্বেষু রীরিষঃ ।

বীরান্মা নো রুদ্র ভামিতো বধীর্হবিষ্মন্তঃ

নমসা বিধেম তে তন্মে মনঃ শিবসঙ্কল্পমস্তু

॥ 28॥

শ্লোক 29

ঋতং সত্যং পরং ব্রহ্ম পুরুষং কৃষ্ণপিঙ্গলম্ ।

ঊর্ধ্বরেতং বিরূপাক্ষং বিশ্বরূপায বৈ নমো নমঃ

তন্মে মনঃ শিবসঙ্কল্পমস্তু

॥ 29॥

শ্লোক 30

কদ্রুদ্রায প্রচেতসে মীঢুষ্টমায তব্যসে ।

বোচেম শন্তমং হৃদে । সর্বো হ্যেষ রুদ্রস্তস্মৈ রুদ্রায

নমো অস্তু তন্মে মনঃ শিবসঙ্কল্পমস্তু

॥ 30॥

শ্লোক 31

ব্রহ্ম জজ্ঞানং প্রথমং পুরস্তাত্ বি সীমতঃ সুরুচো বেন আবঃ ।

স বুধ্নিযা উপমা অস্য বিষ্ঠাঃ সতশ্চ যোনিং

অসতশ্চ বিবস্তন্মে মনঃ শিবসঙ্কল্পমস্তু

॥ 31॥

শ্লোক 32

যঃ প্রাণতো নিমিষতো মহিত্বৈক ইদ্রাজা জগতো বভূব ।

য ঈশে অস্য দ্বিপদশ্চতুষ্পদঃ কস্মৈ দেবায

হবিষা বিধেম তন্মে মনঃ শিবসঙ্কল্পমস্তু

॥ 32॥

শ্লোক 33

য আত্মদা বলদা যস্য বিশ্বে উপাসতে প্রশিষং যস্য দেবাঃ ।

যস্য ছাযাঽমৃতং যস্য মৃত্যুঃ কস্মৈ দেবায

হবিষা বিধেম তন্মে মনঃ শিবসঙ্কল্পমস্তু

॥ 33॥

শ্লোক 34

যো রুদ্রো অগ্নৌ যো অপ্সু য ওষধীষু যো রুদ্রো বিশ্বা ভুবনাঽঽবিবেশ ।

তস্মৈ রুদ্রায নমো অস্তু তন্মে মনঃ শিবসঙ্কল্পমস্তু

॥ 34॥

শ্লোক 35

গন্ধদ্বারাং দুরাধর্ষাং নিত্যপুষ্টাং করীষিণীম্ ।

ঈশ্বরীং সর্বভূতানাং তামিহোপহ্বযে শ্রিযং

তন্মে মনঃ শিবসঙ্কল্পমস্তু

॥ 35॥

শ্লোক 36

য ইদং শিবসঙ্কল্পং সদা ধ্যাযন্তি ব্রাহ্মণাঃ ।

তে পরং মোক্ষং গমিষ্যন্তি তন্মে মনঃ শিবসঙ্কল্পমস্তু

॥ 36॥

শ্লোক 37

ইতি শিবসঙ্কল্পমন্ত্রাঃ সমাপ্তাঃ ।

(শৈব-উপনিষদঃ)

ইতি শিবসঙ্কল্পোপনিষত্ সমাপ্ত ।