Shiva Sahasra Nama Stotram

শিব সহস্র নাম স্তোত্রম্

শ্লোক 1

পূর্বপীঠিকা ॥

বাসুদেব উবাচ ।

ততঃ স প্রযতো ভূত্বা মম তাত যুধিষ্ঠির ।

প্রাঞ্জলিঃ প্রাহ বিপ্রর্ষির্নামসঙ্গ্রহমাদিতঃ

শ্লোক 2

উপমন্যুরুবাচ ।

ব্রহ্মপ্রোক্তৈরৃষিপ্রোক্তৈর্বেদবেদাঙ্গসম্ভবৈঃ ।

সর্বলোকেষু বিখ্যাতং স্তুত্যং স্তোষ্যামি নামভিঃ

॥ 1 ॥

শ্লোক 3

মহদ্ভির্বিহিতৈঃ সত্যৈঃ সিদ্ধৈঃ সর্বার্থসাধকৈঃ ।

ঋষিণা তণ্ডিনা ভক্ত্যা কৃতৈর্বেদকৃতাত্মনা

॥ 2 ॥

শ্লোক 4

যথোক্তৈঃ সাধুভিঃ খ্যাতৈর্মুনিভিস্তত্ত্বদর্শিভিঃ ।

প্রবরং প্রথমং স্বর্গ্যং সর্বভূতহিতং শুভম্

॥ 3 ॥

শ্লোক 5

শ্রুতৈঃ সর্বত্র জগতি ব্রহ্মলোকাবতারিতৈঃ ।

সত্যৈস্তত্পরমং ব্রহ্ম ব্রহ্মপ্রোক্তং সনাতনম্

॥ 4 ॥

শ্লোক 6

বক্ষ্যে যদুকুলশ্রেষ্ঠ শৃণুষ্বাবহিতো মম ।

বরযৈনং ভবং দেবং ভক্তস্ত্বং পরমেশ্বরম্

॥ 5 ॥

শ্লোক 7

তেন তে শ্রাবযিষ্যামি যত্তদ্ব্রহ্ম সনাতনম্ ।

ন শক্যং বিস্তরাত্কৃত্স্নং বক্তুং সর্বস্য কেনচিত্

॥ 6 ॥

শ্লোক 8

যুক্তেনাপি বিভূতীনামপি বর্ষশতৈরপি ।

যস্যাদির্মধ্যমন্তং চ সুরৈরপি ন গম্যতে

॥ 7 ॥

শ্লোক 9

কস্তস্য শক্নুযাদ্বক্তুং গুণান্ কার্ত্স্ন্যেন মাধব ।

কিং তু দেবস্য মহতঃ সঙ্ক্ষিপ্তার্থপদাক্ষরম্

॥ 8 ॥

শ্লোক 10

শক্তিতশ্চরিতং বক্ষ্যে প্রসাদাত্তস্য ধীমতঃ ।

অপ্রাপ্য তু ততোঽনুজ্ঞাং ন শক্যঃ স্তোতুমীশ্বরঃ

॥ 9 ॥

শ্লোক 11

যদা তেনাভ্যনুজ্ঞাতঃ স্তুতো বৈ স তদা মযা ।

অনাদিনিধনস্যাহং জগদ্যোনের্মহাত্মনঃ

॥ 10 ॥

শ্লোক 12

নাম্নাং কিঞ্চিত্সমুদ্দেশং বক্ষ্যাম্যব্যক্তযোনিনঃ ।

বরদস্য বরেণ্যস্য বিশ্বরূপস্য ধীমতঃ

॥ 11 ॥

শ্লোক 13

শৃণু নাম্নাং চ যং কৃষ্ণ যদুক্তং পদ্মযোনিনা ।

দশনামসহস্রাণি যান্যাহ প্রপিতামহঃ

॥ 12 ॥

শ্লোক 14

তানি নির্মথ্য মনসা দধ্নো ঘৃতমিবোদ্ধৃতম্ ।

গিরেঃ সারং যথা হেম পুষ্পসারং যথা মধু

॥ 13 ॥

শ্লোক 15

ঘৃতাত্সারং যথা মণ্ডস্তথৈতত্সারমুদ্ধৃতম্ ।

সর্বপাপাপহমিদং চতুর্বেদসমন্বিতম্

॥ 14 ॥

শ্লোক 16

প্রযত্নেনাধিগন্তব্যং ধার্যং চ প্রযতাত্মনা ।

মাঙ্গল্যং পৌষ্টিকং চৈব রক্ষোঘ্নং পাবনং মহত্

॥ 15 ॥

শ্লোক 17

ইদং ভক্তায দাতব্যং শ্রদ্দধানাস্তিকায চ ।

নাশ্রদ্দধানরূপায নাস্তিকাযাজিতাত্মনে

॥ 16 ॥

শ্লোক 18

যশ্চাভ্যসূযতে দেবং কারণাত্মানমীশ্বরম্ ।

স কৃষ্ণ নরকং যাতি সহ পূর্বৈঃ সহাত্মজৈঃ

॥ 17 ॥

শ্লোক 19

ইদং ধ্যানমিদং যোগমিদং ধ্যেযমনুত্তমম্ ।

ইদং জপ্যমিদং জ্ঞানং রহস্যমিদমুত্তমম্

॥ 18 ॥

শ্লোক 20

যং জ্ঞাত্বা অন্তকালেপি গচ্ছেত পরমাং গতিম্ ।

পবিত্রং মঙ্গলং মেধ্যং কল্যাণমিদমুত্তমম্

॥ 19 ॥

শ্লোক 21

ইদং ব্রহ্মা পুরা কৃত্বা সর্বলোকপিতামহঃ ।

সর্ব স্তবানাং রাজত্বে দিব্যানাং সমকল্পযত্

॥ 20 ॥

শ্লোক 22

তদা প্রভৃতি চৈবাযমীশ্বরস্য মহাত্মনঃ ।

স্তবরাজ ইতি খ্যাতো জগত্যমরপূজিতঃ

॥ 21 ॥

শ্লোক 23

ব্রহ্মলোকাদযং স্বর্গে স্তবরাজোঽবতারিতঃ ।

যতস্তণ্ডিঃ পুরা প্রাপ তেন তণ্ডিকৃতোঽভবত্

॥ 22 ॥

শ্লোক 24

স্বর্গাচ্চৈবাত্র ভূর্লোকং তণ্ডিনা হ্যবতারিতঃ ।

সর্বমঙ্গলমাঙ্গল্যং সর্বপাপপ্রণাশনম্

॥ 23 ॥

শ্লোক 25

নিগদিষ্যে মহাবাহো স্তবানামুত্তমং স্তবম্ ।

ব্রহ্মণামপি যদ্ব্রহ্ম পরাণামপি যত্পরম্

॥ 24 ॥

শ্লোক 26

তেজসামপি যত্তেজস্তপসামপি যত্তপঃ ।

শান্তানামপি যঃ শান্তো দ্যুতীনামপি যা দ্যুতিঃ

॥ 25 ॥

শ্লোক 27

দান্তানামপি যো দান্তো ধীমতামপি যা চ ধীঃ ।

দেবানামপি যো দেব ঋষীণামপি যস্ত্বৃষিঃ

॥ 26 ॥

শ্লোক 28

যজ্ঞানামপি যো যজ্ঞঃ শিবানামপি যঃ শিবঃ ।

রুদ্রাণামপি যো রুদ্রঃ প্রভা প্রভবতামপি

॥ 27 ॥

শ্লোক 29

যোগিনামপি যো যোগী কারণানাং চ কারণম্ ।

যতো লোকাঃ সম্ভবন্তি ন ভবন্তি যতঃ পুনঃ

॥ 28 ॥

শ্লোক 30

সর্বভূতাত্মভূতস্য হরস্যামিততেজসঃ ।

অষ্টোত্তরসহস্রং তু নাম্নাং শর্বস্য মে শৃণু ।

যচ্ছ্রুত্বা মনুজব্যাঘ্র সর্বান্কামানবাপ্স্যসি

॥ 29 ॥

শ্লোক 31

ধ্যানম্ ।

শান্তং পদ্মাসনস্থং শশিধরমুকুটং পঞ্চবক্ত্রং ত্রিনেত্রং

শূলং বজ্রং চ খড্গং পরশুমভযদং দক্ষভাগে বহন্তম্ ।

নাগং পাশং চ ঘণ্টাং প্রলযহুতবহং সাঙ্কুশং বামভাগে

নানালঙ্কারযুক্তং স্ফটিকমণিনিভং পার্বতীশং নমামি ॥

স্তোত্রম্ ।

ওঁ স্থিরঃ স্থাণুঃ প্রভুর্ভীমঃ প্রবরো বরদো বরঃ ।

সর্বাত্মা সর্ববিখ্যাতঃ সর্বঃ সর্বকরো ভবঃ

॥ 30 ॥

শ্লোক 32

জটী চর্মী শিখণ্ডী চ সর্বাঙ্গঃ সর্বভাবনঃ ।

হরশ্চ হরিণাক্ষশ্চ সর্বভূতহরঃ প্রভুঃ

॥ 1 ॥

শ্লোক 33

প্রবৃত্তিশ্চ নিবৃত্তিশ্চ নিযতঃ শাশ্বতো ধ্রুবঃ ।

শ্মশানবাসী ভগবান্ খচরো গোচরোঽর্দনঃ

॥ 2 ॥

শ্লোক 34

অভিবাদ্যো মহাকর্মা তপস্বী ভূতভাবনঃ ।

উন্মত্তবেষপ্রচ্ছন্নঃ সর্বলোকপ্রজাপতিঃ

॥ 3 ॥

শ্লোক 35

মহারূপো মহাকাযো বৃষরূপো মহাযশাঃ ।

মহাত্মা সর্বভূতাত্মা বিশ্বরূপো মহাহনুঃ

॥ 4 ॥

শ্লোক 36

লোকপালোঽন্তর্হিতাত্মা প্রসাদো হযগর্দভিঃ ।

পবিত্রং চ মহাংশ্চৈব নিযমো নিযমাশ্রিতঃ

॥ 5 ॥

শ্লোক 37

সর্বকর্মা স্বযম্ভূত আদিরাদিকরো নিধিঃ ।

সহস্রাক্ষো বিশালাক্ষঃ সোমো নক্ষত্রসাধকঃ

॥ 6 ॥

শ্লোক 38

চন্দ্রঃ সূর্যঃ শনিঃ কেতুর্গ্রহো গ্রহপতির্বরঃ ।

অত্রিরত্র্যা নমস্কর্তা মৃগবাণার্পণোঽনঘঃ

॥ 7 ॥

শ্লোক 39

॥ 8 ॥ [আদ্যন্তলযকর্তা চ]

মহাতপা ঘোরতপা অদীনো দীনসাধকঃ ।

সংবত্সরকরো মন্ত্রঃ প্রমাণং পরমং তপঃ

শ্লোক 40

যোগী যোজ্যো মহাবীজো মহারেতা মহাবলঃ ।

সুবর্ণরেতাঃ সর্বজ্ঞঃ সুবীজো বীজবাহনঃ

॥ 9 ॥

শ্লোক 41

দশবাহুস্ত্বনিমিষো নীলকণ্ঠ উমাপতিঃ ।

বিশ্বরূপঃ স্বযং শ্রেষ্ঠো বলবীরো বলো গণঃ

॥ 10 ॥

শ্লোক 42

গণকর্তা গণপতির্দিগ্বাসাঃ কাম এব চ ।

মন্ত্রবিত্পরমো মন্ত্রঃ সর্বভাবকরো হরঃ

॥ 11 ॥

শ্লোক 43

কমণ্ডলুধরো ধন্বী বাণহস্তঃ কপালবান্ ।

অশনী শতঘ্নী খড্গী পট্টিশী চাযুধী মহান্

॥ 12 ॥

শ্লোক 44

স্রুবহস্তঃ সুরূপশ্চ তেজস্তেজস্করো নিধিঃ ।

উষ্ণীষী চ সুবক্ত্রশ্চ উদগ্রো বিনতস্তথা

॥ 13 ॥

শ্লোক 45

দীর্ঘশ্চ হরিকেশশ্চ সুতীর্থঃ কৃষ্ণ এব চ ।

সৃগালরূপঃ সিদ্ধার্থো মুণ্ডঃ সর্বশুভঙ্করঃ

॥ 14 ॥

শ্লোক 46

অজশ্চ বহুরূপশ্চ গন্ধধারী কপর্দ্যপি ।

ঊর্ধ্বরেতা ঊর্ধ্বলিঙ্গ ঊর্ধ্বশাযী নভঃস্থলঃ

॥ 15 ॥

শ্লোক 47

ত্রিজটী চীরবাসাশ্চ রুদ্রঃ সেনাপতির্বিভুঃ ।

অহশ্চরো নক্তঞ্চরস্তিগ্মমন্যুঃ সুবর্চসঃ

॥ 16 ॥

শ্লোক 48

গজহা দৈত্যহা কালো লোকধাতা গুণাকরঃ ।

সিংহশার্দূলরূপশ্চ আর্দ্রচর্মাম্বরাবৃতঃ

॥ 17 ॥

শ্লোক 49

কালযোগী মহানাদঃ সর্বকামশ্চতুষ্পথঃ ।

নিশাচরঃ প্রেতচারী ভূতচারী মহেশ্বরঃ

॥ 18 ॥

শ্লোক 50

বহুভূতো বহুধরঃ স্বর্ভানুরমিতো গতিঃ ।

নৃত্যপ্রিযো নিত্যনর্তো নর্তকঃ সর্বলালসঃ

॥ 19 ॥

শ্লোক 51

ঘোরো মহাতপাঃ পাশো নিত্যো গিরিরুহো নভঃ ।

সহস্রহস্তো বিজযো ব্যবসাযো হ্যতন্দ্রিতঃ

॥ 20 ॥

শ্লোক 52

অধর্ষণো ধর্ষণাত্মা যজ্ঞহা কামনাশকঃ । [মর্ষ]

দক্ষযাগাপহারী চ সুসহো মধ্যমস্তথা

॥ 21 ॥

শ্লোক 53

তেজোপহারী বলহা মুদিতোঽর্থোঽজিতোঽবরঃ ।

গম্ভীরঘোষো গম্ভীরো গম্ভীরবলবাহনঃ

॥ 22 ॥

শ্লোক 54

ন্যগ্রোধরূপো ন্যগ্রোধো বৃক্ষকর্ণস্থিতির্বিভুঃ ।

সুতীক্ষ্ণদশনশ্চৈব মহাকাযো মহাননঃ

॥ 23 ॥

শ্লোক 55

বিষ্বক্সেনো হরির্যজ্ঞঃ সংযুগাপীডবাহনঃ ।

তীক্ষ্ণতাপশ্চ হর্যশ্বঃ সহাযঃ কর্মকালবিত্

॥ 24 ॥

শ্লোক 56

বিষ্ণুপ্রসাদিতো যজ্ঞঃ সমুদ্রো বডবামুখঃ ।

হুতাশনসহাযশ্চ প্রশান্তাত্মা হুতাশনঃ

॥ 25 ॥

শ্লোক 57

উগ্রতেজা মহাতেজা জন্যো বিজযকালবিত্ ।

জ্যোতিষামযনং সিদ্ধিঃ সর্ববিগ্রহ এব চ

॥ 26 ॥

শ্লোক 58

শিখী মুণ্ডী জটী জ্বালী মূর্তিজো মূর্ধগো বলী ।

বেণবী পণবী তালী খলী কালকটঙ্কটঃ

॥ 27 ॥

শ্লোক 59

নক্ষত্রবিগ্রহমতির্গুণবুদ্ধির্লযোঽগমঃ ।

প্রজাপতির্বিশ্ববাহুর্বিভাগঃ সর্বগোঽমুখঃ

॥ 28 ॥

শ্লোক 60

বিমোচনঃ সুসরণো হিরণ্যকবচোদ্ভবঃ ।

মেঢ্রজো বলচারী চ মহীচারী স্রুতস্তথা

॥ 29 ॥

শ্লোক 61

॥ 30 ॥ [মেঘজো]

সর্বতূর্যনিনাদী চ সর্বাতোদ্যপরিগ্রহঃ ।

ব্যালরূপো গুহাবাসী গুহো মালী তরঙ্গবিত্

শ্লোক 62

ত্রিদশস্ত্রিকালধৃক্কর্মসর্ববন্ধবিমোচনঃ ।

বন্ধনস্ত্বসুরেন্দ্রাণাং যুধিশত্রুবিনাশনঃ

॥ 31 ॥

শ্লোক 63

সাঙ্খ্যপ্রসাদো দুর্বাসাঃ সর্বসাধুনিষেবিতঃ ।

প্রস্কন্দনো বিভাগজ্ঞো অতুল্যো যজ্ঞভাগবিত্

॥ 32 ॥

শ্লোক 64

সর্ববাসঃ সর্বচারী দুর্বাসা বাসবোঽমরঃ ।

হৈমো হেমকরোঽযজ্ঞঃ সর্বধারী ধরোত্তমঃ

॥ 33 ॥

শ্লোক 65

॥ 34 ॥ [যজ্ঞঃ]

লোহিতাক্ষো মহাক্ষশ্চ বিজযাক্ষো বিশারদঃ ।

সঙ্গ্রহো নিগ্রহঃ কর্তা সর্পচীরনিবাসনঃ

শ্লোক 66

মুখ্যোঽমুখ্যশ্চ দেহশ্চ কাহলিঃ সর্বকামদঃ ।

সর্বকালপ্রসাদশ্চ সুবলো বলরূপধৃত্

॥ 35 ॥

শ্লোক 67

সর্বকামবরশ্চৈব সর্বদঃ সর্বতোমুখঃ ।

আকাশনির্বিরূপশ্চ নিপাতী হ্যবশঃ খগঃ

॥ 36 ॥

শ্লোক 68

রৌদ্ররূপোঽংশুরাদিত্যো বহুরশ্মিঃ সুবর্চসী ।

বসুবেগো মহাবেগো মনোবেগো নিশাচরঃ

॥ 37 ॥

শ্লোক 69

সর্ববাসী শ্রিযাবাসী উপদেশকরোঽকরঃ ।

মুনিরাত্মনিরালোকঃ সম্ভগ্নশ্চ সহস্রদঃ

॥ 38 ॥

শ্লোক 70

পক্ষী চ পক্ষরূপশ্চ অতিদীপ্তো বিশাং পতিঃ ।

উন্মাদো মদনঃ কামো হ্যশ্বত্থোঽর্থকরো যশঃ

॥ 39 ॥

শ্লোক 71

বামদেবশ্চ বামশ্চ প্রাগ্দক্ষিণশ্চ বামনঃ ।

সিদ্ধযোগী মহর্ষিশ্চ সিদ্ধার্থঃ সিদ্ধসাধকঃ

॥ 40 ॥

শ্লোক 72

ভিক্ষুশ্চ ভিক্ষুরূপশ্চ বিপণো মৃদুরব্যযঃ ।

মহাসেনো বিশাখশ্চ ষষ্টিভাগো গবাং পতিঃ

॥ 41 ॥

শ্লোক 73

বজ্রহস্তশ্চ বিষ্কম্ভী চমূস্তম্ভন এব চ ।

বৃত্তাবৃত্তকরস্তালো মধুর্মধুকলোচনঃ

॥ 42 ॥

শ্লোক 74

বাচস্পত্যো বাজসনো নিত্যমাশ্রমপূজিতঃ । [নিত্যমাশ্রিতপূজিতঃ]

ব্রহ্মচারী লোকচারী সর্বচারী বিচারবিত্

॥ 43 ॥

শ্লোক 75

ঈশান ঈশ্বরঃ কালো নিশাচারী পিনাকভৃত্ ।

নিমিত্তস্থো নিমিত্তং চ নন্দির্নন্দিকরো হরিঃ

॥ 44 ॥

শ্লোক 76

নন্দীশ্বরশ্চ নন্দী চ নন্দনো নন্দিবর্ধনঃ ।

ভগহারী নিহন্তা চ কালো ব্রহ্মা পিতামহঃ

॥ 45 ॥

শ্লোক 77

চতুর্মুখো মহালিঙ্গশ্চারুলিঙ্গস্তথৈব চ ।

লিঙ্গাধ্যক্ষঃ সুরাধ্যক্ষো যোগাধ্যক্ষো যুগাবহঃ

॥ 46 ॥

শ্লোক 78

বীজাধ্যক্ষো বীজকর্তা অধ্যাত্মানুগতো বলঃ ।

ইতিহাসঃ সকল্পশ্চ গৌতমোঽথ নিশাকরঃ

॥ 47 ॥

শ্লোক 79

দম্ভো হ্যদম্ভো বৈদম্ভো বশ্যো বশকরঃ কলিঃ ।

লোককর্তা পশুপতির্মহাকর্তা হ্যনৌষধঃ

॥ 48 ॥

শ্লোক 80

অক্ষরং পরমং ব্রহ্ম বলবচ্ছক্র এব চ ।

নীতির্হ্যনীতিঃ শুদ্ধাত্মা শুদ্ধো মান্যো গতাগতঃ

॥ 49 ॥

শ্লোক 81

বহুপ্রসাদঃ সুস্বপ্নো দর্পণোঽথ ত্বমিত্রজিত্ ।

বেদকারো মন্ত্রকারো বিদ্বান্ সমরমর্দনঃ

॥ 50 ॥

শ্লোক 82

মহামেঘনিবাসী চ মহাঘোরো বশীকরঃ ।

অগ্নিজ্বালো মহাজ্বালো অতিধূম্রো হুতো হবিঃ

॥ 51 ॥

শ্লোক 83

বৃষণঃ শঙ্করো নিত্যবর্চস্বী ধূমকেতনঃ ।

নীলস্তথাঙ্গলুব্ধশ্চ শোভনো নিরবগ্রহঃ

॥ 52 ॥

শ্লোক 84

স্বস্তিদঃ স্বস্তিভাবশ্চ ভাগী ভাগকরো লঘুঃ ।

উত্সঙ্গশ্চ মহাঙ্গশ্চ মহাগর্ভপরাযণঃ

॥ 53 ॥

শ্লোক 85

কৃষ্ণবর্ণঃ সুবর্ণশ্চ ইন্দ্রিযং সর্বদেহিনাম্ ।

মহাপাদো মহাহস্তো মহাকাযো মহাযশাঃ

॥ 54 ॥

শ্লোক 86

মহামূর্ধা মহামাত্রো মহানেত্রো নিশালযঃ ।

মহান্তকো মহাকর্ণো মহোষ্ঠশ্চ মহাহনুঃ

॥ 55 ॥

শ্লোক 87

মহানাসো মহাকম্বুর্মহাগ্রীবঃ শ্মশানভাক্ ।

মহাবক্ষা মহোরস্কো হ্যন্তরাত্মা মৃগালযঃ

॥ 56 ॥

শ্লোক 88

লম্বনো লম্বিতোষ্ঠশ্চ মহামাযঃ পযোনিধিঃ ।

মহাদন্তো মহাদংষ্ট্রো মহাজিহ্বো মহামুখঃ

॥ 57 ॥

শ্লোক 89

মহানখো মহারোমা মহাকেশো মহাজটঃ ।

প্রসন্নশ্চ প্রসাদশ্চ প্রত্যযো গিরিসাধনঃ

॥ 58 ॥

শ্লোক 90

স্নেহনোঽস্নেহনশ্চৈব অজিতশ্চ মহামুনিঃ ।

বৃক্ষাকারো বৃক্ষকেতুরনলো বাযুবাহনঃ

॥ 59 ॥

শ্লোক 91

গণ্ডলী মেরুধামা চ দেবাধিপতিরেব চ ।

অথর্বশীর্ষঃ সামাস্য ঋক্সহস্রামিতেক্ষণঃ

॥ 60 ॥

শ্লোক 92

যজুঃ পাদভুজো গুহ্যঃ প্রকাশো জঙ্গমস্তথা ।

অমোঘার্থঃ প্রসাদশ্চ অভিগম্যঃ সুদর্শনঃ

॥ 61 ॥

শ্লোক 93

উপকারঃ প্রিযঃ সর্বঃ কনকঃ কাঞ্চনচ্ছবিঃ ।

নাভির্নন্দিকরো ভাবঃ পুষ্করস্থপতিঃ স্থিরঃ

॥ 62 ॥

শ্লোক 94

দ্বাদশস্ত্রাসনশ্চাদ্যো যজ্ঞো যজ্ঞসমাহিতঃ ।

নক্তং কলিশ্চ কালশ্চ মকরঃ কালপূজিতঃ

॥ 63 ॥

শ্লোক 95

সগণো গণকারশ্চ ভূতবাহনসারথিঃ ।

ভস্মশযো ভস্মগোপ্তা ভস্মভূতস্তরুর্গণঃ

॥ 64 ॥

শ্লোক 96

লোকপালস্তথাঽলোকো মহাত্মা সর্বপূজিতঃ ।

শুক্লস্ত্রিশুক্লঃ সম্পন্নঃ শুচির্ভূতনিষেবিতঃ

॥ 65 ॥

শ্লোক 97

আশ্রমস্থঃ ক্রিযাবস্থো বিশ্বকর্মমতির্বরঃ ।

বিশালশাখস্তাম্রোষ্ঠো হ্যম্বুজালঃ সুনিশ্চলঃ

॥ 66 ॥

শ্লোক 98

কপিলঃ কপিশঃ শুক্ল আযুশ্চৈব পরোঽপরঃ ।

গন্ধর্বো হ্যদিতিস্তার্ক্ষ্যঃ সুবিজ্ঞেযঃ সুশারদঃ

॥ 67 ॥

শ্লোক 99

পরশ্বধাযুধো দেবো হ্যনুকারী সুবান্ধবঃ ।

তুম্ববীণো মহাক্রোধ ঊর্ধ্বরেতা জলেশযঃ

॥ 68 ॥

শ্লোক 100

উগ্রো বংশকরো বংশো বংশনাদো হ্যনিন্দিতঃ ।

সর্বাঙ্গরূপো মাযাবী সুহৃদো হ্যনিলোঽনলঃ

॥ 69 ॥

শ্লোক 101

বন্ধনো বন্ধকর্তা চ সুবন্ধনবিমোচনঃ ।

স যজ্ঞারিঃ স কামারির্মহাদংষ্ট্রো মহাযুধঃ

॥ 70 ॥

শ্লোক 102

বহুধা নিন্দিতঃ শর্বঃ শঙ্করঃ শঙ্করোঽধনঃ ।

অমরেশো মহাদেবো বিশ্বদেবঃ সুরারিহা

॥ 71 ॥

শ্লোক 103

অহির্বুধ্ন্যোঽনিলাভশ্চ চেকিতানো হবিস্তথা । [হরি]

অজৈকপাচ্চ কাপালী ত্রিশঙ্কুরজিতঃ শিবঃ

॥ 72 ॥

শ্লোক 104

ধন্বন্তরির্ধূমকেতুঃ স্কন্দো বৈশ্রবণস্তথা ।

ধাতা শক্রশ্চ বিষ্ণুশ্চ মিত্রস্ত্বষ্টা ধ্রুবো ধরঃ

॥ 73 ॥

শ্লোক 105

প্রভাবঃ সর্বগো বাযুরর্যমা সবিতা রবিঃ ।

উষঙ্গুশ্চ বিধাতা চ মান্ধাতা ভূতভাবনঃ

॥ 74 ॥

শ্লোক 106

বিভুর্বর্ণবিভাবী চ সর্বকামগুণাবহঃ ।

পদ্মনাভো মহাগর্ভশ্চন্দ্রবক্ত্রোঽনিলোঽনলঃ

॥ 75 ॥

শ্লোক 107

বলবাংশ্চোপশান্তশ্চ পুরাণঃ পুণ্যচঞ্চুরী ।

কুরুকর্তা কুরুবাসী কুরুভূতো গুণৌষধঃ

॥ 76 ॥

শ্লোক 108

সর্বাশযো দর্ভচারী সর্বেষাং প্রাণিনাং পতিঃ ।

দেবদেবঃ সুখাসক্তঃ সদসত্সর্বরত্নবিত্

॥ 77 ॥

শ্লোক 109

কৈলাসগিরিবাসী চ হিমবদ্গিরিসংশ্রযঃ ।

কূলহারী কূলকর্তা বহুবিদ্যো বহুপ্রদঃ

॥ 78 ॥

শ্লোক 110

বণিজো বর্ধকী বৃক্ষো বকুলশ্চন্দনশ্ছদঃ ।

সারগ্রীবো মহাজত্রুরলোলশ্চ মহৌষধঃ

॥ 79 ॥

শ্লোক 111

সিদ্ধার্থকারী সিদ্ধার্থশ্ছন্দোব্যাকরণোত্তরঃ ।

সিংহনাদঃ সিংহদংষ্ট্রঃ সিংহগঃ সিংহবাহনঃ

॥ 80 ॥

শ্লোক 112

প্রভাবাত্মা জগত্কালস্থালো লোকহিতস্তরুঃ ।

সারঙ্গো নবচক্রাঙ্গঃ কেতুমালী সভাবনঃ

॥ 81 ॥

শ্লোক 113

ভূতালযো ভূতপতিরহোরাত্রমনিন্দিতঃ

॥ 82 ॥

শ্লোক 114

বাহিতা সর্বভূতানাং নিলযশ্চ বিভুর্ভবঃ ।

অমোঘঃ সংযতো হ্যশ্বো ভোজনঃ প্রাণধারণঃ

॥ 83 ॥

শ্লোক 115

ধৃতিমান্ মতিমান্ দক্ষঃ সত্কৃতশ্চ যুগাধিপঃ ।

গোপালির্গোপতির্গ্রামো গোচর্মবসনো হরিঃ

॥ 84 ॥

শ্লোক 116

হিরণ্যবাহুশ্চ তথা গুহাপালঃ প্রবেশিনাম্ ।

প্রকৃষ্টারির্মহাহর্ষো জিতকামো জিতেন্দ্রিযঃ

॥ 85 ॥

শ্লোক 117

গান্ধারশ্চ সুবাসশ্চ তপঃসক্তো রতির্নরঃ ।

মহাগীতো মহানৃত্যো হ্যপ্সরোগণসেবিতঃ

॥ 86 ॥

শ্লোক 118

মহাকেতুর্মহাধাতুর্নৈকসানুচরশ্চলঃ ।

আবেদনীয আদেশঃ সর্বগন্ধসুখাবহঃ

॥ 87 ॥

শ্লোক 119

তোরণস্তারণো বাতঃ পরিধী পতিখেচরঃ ।

সংযোগো বর্ধনো বৃদ্ধো অতিবৃদ্ধো গুণাধিকঃ

॥ 88 ॥

শ্লোক 120

নিত্য আত্মসহাযশ্চ দেবাসুরপতিঃ পতিঃ ।

যুক্তশ্চ যুক্তবাহুশ্চ দেবো দিবিসুপর্বণঃ

॥ 89 ॥

শ্লোক 121

আষাঢশ্চ সুষাঢশ্চ ধ্রুবোঽথ হরিণো হরঃ ।

বপুরাবর্তমানেভ্যো বসুশ্রেষ্ঠো মহাপথঃ

॥ 90 ॥

শ্লোক 122

শিরোহারী বিমর্শশ্চ সর্বলক্ষণলক্ষিতঃ ।

অক্ষশ্চ রথযোগী চ সর্বযোগী মহাবলঃ

॥ 91 ॥

শ্লোক 123

সমাম্নাযোঽসমাম্নাযস্তীর্থদেবো মহারথঃ ।

নির্জীবো জীবনো মন্ত্রঃ শুভাক্ষো বহুকর্কশঃ

॥ 92 ॥

শ্লোক 124

রত্নপ্রভূতো রক্তাঙ্গো মহার্ণবনিপানবিত্ । [রত্নাঙ্গো]

মূলং বিশালো হ্যমৃতো ব্যক্তাব্যক্তস্তপোনিধিঃ

॥ 93 ॥

শ্লোক 125

আরোহণোঽধিরোহশ্চ শীলধারী মহাযশাঃ ।

সেনাকল্পো মহাকল্পো যোগো যুগকরো হরিঃ

॥ 94 ॥

শ্লোক 126

॥ 95 ॥ [যোগকরো]

যুগরূপো মহারূপো মহানাগহনো বধঃ ।

ন্যাযনির্বপণঃ পাদঃ পণ্ডিতো হ্যচলোপমঃ

শ্লোক 127

বহুমালো মহামালঃ শশী হরসুলোচনঃ ।

বিস্তারো লবণঃ কূপস্ত্রিযুগঃ সফলোদযঃ

॥ 96 ॥

শ্লোক 128

ত্রিলোচনো বিষণ্ণাঙ্গো মণিবিদ্ধো জটাধরঃ ।

বিন্দুর্বিসর্গঃ সুমুখঃ শরঃ সর্বাযুধঃ সহঃ

॥ 97 ॥

শ্লোক 129

নিবেদনঃ সুখাজাতঃ সুগন্ধারো মহাধনুঃ ।

গন্ধপালী চ ভগবানুত্থানঃ সর্বকর্মণাম্

॥ 98 ॥

শ্লোক 130

মন্থানো বহুলো বাযুঃ সকলঃ সর্বলোচনঃ ।

তলস্তালঃ করস্থালী ঊর্ধ্বসংহননো মহান্

॥ 99 ॥

শ্লোক 131

ছত্রং সুচ্ছত্রো বিখ্যাতো লোকঃ সর্বাশ্রযঃ ক্রমঃ ।

মুণ্ডো বিরূপো বিকৃতো দণ্ডী কুণ্ডী বিকুর্বণঃ

॥ 100 ॥

শ্লোক 132

হর্যক্ষঃ ককুভো বজ্রী শতজিহ্বঃ সহস্রপাত্ ।

সহস্রমূর্ধা দেবেন্দ্রঃ সর্বদেবমযো গুরুঃ

॥ 101 ॥

শ্লোক 133

সহস্রবাহুঃ সর্বাঙ্গঃ শরণ্যঃ সর্বলোককৃত্ ।

পবিত্রং ত্রিককুন্মন্ত্রঃ কনিষ্ঠঃ কৃষ্ণপিঙ্গলঃ

॥ 102 ॥

শ্লোক 134

ব্রহ্মদণ্ডবিনির্মাতা শতঘ্নীপাশশক্তিমান্ ।

পদ্মগর্ভো মহাগর্ভো ব্রহ্মগর্ভো জলোদ্ভবঃ

॥ 103 ॥

শ্লোক 135

গভস্তির্ব্রহ্মকৃদ্ব্রহ্মী ব্রহ্মবিদ্ব্রাহ্মণো গতিঃ ।

অনন্তরূপো নৈকাত্মা তিগ্মতেজাঃ স্বযম্ভুবঃ

॥ 104 ॥

শ্লোক 136

ঊর্ধ্বগাত্মা পশুপতির্বাতরংহা মনোজবঃ ।

চন্দনী পদ্মনালাগ্রঃ সুরভ্যুত্তরণো নরঃ

॥ 105 ॥

শ্লোক 137

কর্ণিকারমহাস্রগ্বী নীলমৌলিঃ পিনাকধৃত্ ।

উমাপতিরুমাকান্তো জাহ্নবীধৃদুমাধবঃ

॥ 106 ॥

শ্লোক 138

বরো বরাহো বরদো বরেণ্যঃ সুমহাস্বনঃ ।

মহাপ্রসাদো দমনঃ শত্রুহা শ্বেতপিঙ্গলঃ

॥ 107 ॥

শ্লোক 139

পীতাত্মা পরমাত্মা চ প্রযতাত্মা প্রধানধৃত্ । [প্রীতাত্মা]

সর্বপার্শ্বমুখস্ত্র্যক্ষো ধর্মসাধারণো বরঃ

॥ 108 ॥

শ্লোক 140

চরাচরাত্মা সূক্ষ্মাত্মা অমৃতো গোবৃষেশ্বরঃ ।

সাধ্যর্ষির্বসুরাদিত্যো বিবস্বান্সবিতামৃতঃ

॥ 109 ॥

শ্লোক 141

ব্যাসঃ সর্গঃ সুসঙ্ক্ষেপো বিস্তরঃ পর্যযো নরঃ ।

ঋতুঃ সংবত্সরো মাসঃ পক্ষঃ সঙ্খ্যাসমাপনঃ

॥ 110 ॥

শ্লোক 142

কলা কাষ্ঠা লবা মাত্রা মুহূর্তাহঃ ক্ষপাঃ ক্ষণাঃ ।

বিশ্বক্ষেত্রং প্রজাবীজং লিঙ্গমাদ্যস্তু নির্গমঃ

॥ 111 ॥

শ্লোক 143

সদসদ্ব্যক্তমব্যক্তং পিতা মাতা পিতামহঃ ।

স্বর্গদ্বারং প্রজাদ্বারং মোক্ষদ্বারং ত্রিবিষ্টপম্

॥ 112 ॥

শ্লোক 144

নির্বাণং হ্লাদনশ্চৈব ব্রহ্মলোকঃ পরা গতিঃ ।

দেবাসুরবিনির্মাতা দেবাসুরপরাযণঃ

॥ 113 ॥

শ্লোক 145

দেবাসুরগুরুর্দেবো দেবাসুরনমস্কৃতঃ ।

দেবাসুরমহামাত্রো দেবাসুরগণাশ্রযঃ

॥ 114 ॥

শ্লোক 146

দেবাসুরগণাধ্যক্ষো দেবাসুরগণাগ্রণীঃ ।

দেবাতিদেবো দেবর্ষির্দেবাসুরবরপ্রদঃ

॥ 115 ॥

শ্লোক 147

॥ 116 ॥ [দেবাদি]

দেবাসুরেশ্বরো বিশ্বো দেবাসুরমহেশ্বরঃ ।

সর্বদেবমযোঽচিন্ত্যো দেবতাত্মাঽঽত্মসম্ভবঃ

শ্লোক 148

উদ্ভিত্ত্রিবিক্রমো বৈদ্যো বিরজো নীরজোঽমরঃ ।

ঈড্যো হস্তীশ্বরো ব্যাঘ্রো দেবসিংহো নরর্ষভঃ

॥ 117 ॥

শ্লোক 149

বিবুধোঽগ্রবরঃ সূক্ষ্মঃ সর্বদেবস্তপোমযঃ ।

সুযুক্তঃ শোভনো বজ্রী প্রাসানাং প্রভবোঽব্যযঃ

॥ 118 ॥

শ্লোক 150

গুহঃ কান্তো নিজঃ সর্গঃ পবিত্রং সর্বপাবনঃ ।

শৃঙ্গী শৃঙ্গপ্রিযো বভ্রূ রাজরাজো নিরামযঃ

॥ 119 ॥

শ্লোক 151

অভিরামঃ সুরগণো বিরামঃ সর্বসাধনঃ ।

ললাটাক্ষো বিশ্বদেবো হরিণো ব্রহ্মবর্চসঃ

॥ 120 ॥

শ্লোক 152

স্থাবরাণাং পতিশ্চৈব নিযমেন্দ্রিযবর্ধনঃ ।

সিদ্ধার্থঃ সিদ্ধভূতার্থোঽচিন্ত্যঃ সত্যব্রতঃ শুচিঃ

॥ 121 ॥

শ্লোক 153

ব্রতাধিপঃ পরং ব্রহ্ম ভক্তানাং পরমা গতিঃ । [ভক্তানুগ্রহকারকঃ]

বিমুক্তো মুক্ততেজাশ্চ শ্রীমান্ শ্রীবর্ধনো জগত্

॥ 122 ॥

শ্লোক 154

উত্তরপীঠিকা (ফলশৃতি)

যথা প্রধানং ভগবানিতি ভক্ত্যা স্তুতো মযা ।

যং ন ব্রহ্মাদযো দেবা বিদুস্তত্ত্বেন নর্ষযঃ

॥ 123 ॥

শ্লোক 155

স্তোতব্যমর্চ্যং বন্দ্যং চ কঃ স্তোষ্যতি জগত্পতিম্ ।

ভক্ত্যা ত্বেবং পুরস্কৃত্য মযা যজ্ঞপতির্বিভুঃ

॥ 1 ॥

শ্লোক 156

ততোঽভ্যনুজ্ঞাং সম্প্রাপ্য স্তুতো মতিমতাং বরঃ ।

শিবমেভিঃ স্তুবন্ দেবং নামভিঃ পুষ্টিবর্ধনৈঃ

॥ 2 ॥

শ্লোক 157

নিত্যযুক্তঃ শুচির্ভক্তঃ প্রাপ্নোত্যাত্মানমাত্মনা ।

এতদ্ধি পরমং ব্রহ্ম পরং ব্রহ্মাধিগচ্ছতি

॥ 3 ॥

শ্লোক 158

ঋষযশ্চৈব দেবাশ্চ স্তুবন্ত্যেতেন তত্পরম্ ।

স্তূযমানো মহাদেবস্তুষ্যতে নিযতাত্মভিঃ

॥ 4 ॥

শ্লোক 159

ভক্তানুকম্পী ভগবানাত্মসংস্থাকরো বিভুঃ ।

তথৈব চ মনুষ্যেষু যে মনুষ্যাঃ প্রধানতঃ

॥ 5 ॥

শ্লোক 160

আস্তিকাঃ শ্রদ্দধানাশ্চ বহুভির্জন্মভিঃ স্তবৈঃ ।

ভক্ত্যা হ্যনন্যমীশানং পরং দেবং সনাতনম্

॥ 6 ॥

শ্লোক 161

কর্মণা মনসা বাচা ভাবেনামিততেজসঃ ।

শযানা জাগ্রমাণাশ্চ ব্রজন্নুপবিশংস্তথা

॥ 7 ॥

শ্লোক 162

উন্মিষন্নিমিষংশ্চৈব চিন্তযন্তঃ পুনঃ পুনঃ ।

শৃণ্বন্তঃ শ্রাবযন্তশ্চ কথযন্তশ্চ তে ভবম্

॥ 8 ॥

শ্লোক 163

স্তুবন্তঃ স্তূযমানাশ্চ তুষ্যন্তি চ রমন্তি চ ।

জন্মকোটিসহস্রেষু নানাসংসারযোনিষু

॥ 9 ॥

শ্লোক 164

জন্তোর্বিগতপাপস্য ভবে ভক্তিঃ প্রজাযতে ।

উত্পন্না চ ভবে ভক্তিরনন্যা সর্বভাবতঃ

॥ 10 ॥

শ্লোক 165

ভাবিনঃ কারণে চাস্য সর্বযুক্তস্য সর্বথা ।

এতদ্দেবেষু দুষ্প্রাপং মনুষ্যেষু ন লভ্যতে

॥ 11 ॥

শ্লোক 166

নির্বিঘ্না নিশ্চলা রুদ্রে ভক্তিরব্যভিচারিণী ।

তস্যৈব চ প্রসাদেন ভক্তিরুত্পদ্যতে নৃণাম্

॥ 12 ॥

শ্লোক 167

যেন যান্তি পরাং সিদ্ধিং তদ্ভাবগতচেতসঃ ।

যে সর্বভাবানুগতাঃ প্রপদ্যন্তে মহেশ্বরম্

॥ 13 ॥

শ্লোক 168

প্রপন্নবত্সলো দেবঃ সংসারাত্তান্সমুদ্ধরেত্ ।

এবমন্যে বিকুর্বন্তি দেবাঃ সংসারমোচনম্

॥ 14 ॥

শ্লোক 169

মনুষ্যাণামৃতে দেবং নান্যা শক্তিস্তপোবলম্ ।

ইতি তেনেন্দ্রকল্পেন ভগবান্ সদসত্পতিঃ

॥ 15 ॥

শ্লোক 170

কৃত্তিবাসাঃ স্তুতঃ কৃষ্ণ তণ্ডিনা শুভবুদ্ধিনা ।

স্তবমেতং ভগবতো ব্রহ্মা স্বযমধারযত্

॥ 16 ॥

শ্লোক 171

গীযতে চ স বুদ্ধ্যেত ব্রহ্মা শঙ্করসন্নিধৌ ।

ইদং পুণ্যং পবিত্রং চ সর্বদা পাপনাশনম্

॥ 17 ॥

শ্লোক 172

যোগদং মোক্ষদং চৈব স্বর্গদং তোষদং তথা ।

এবমেতত্পঠন্তে য একভক্ত্যা তু শঙ্করম্

॥ 18 ॥

শ্লোক 173

যা গতিঃ সাঙ্খ্যযোগানাং ব্রজন্ত্যেতাং গতিং তদা ।

স্তবমেতং প্রযত্নেন সদা রুদ্রস্য সন্নিধৌ

॥ 19 ॥

শ্লোক 174

অব্দমেকং চরেদ্ভক্তঃ প্রাপ্নুযাদীপ্সিতং ফলম্ ।

এতদ্রহস্যং পরমং ব্রহ্মণো হৃদি সংস্থিতম্

॥ 20 ॥

শ্লোক 175

ব্রহ্মা প্রোবাচ শক্রায শক্রঃ প্রোবাচ মৃত্যবে ।

মৃত্যুঃ প্রোবাচ রুদ্রেভ্যো রুদ্রেভ্যস্তণ্ডিমাগমত্

॥ 21 ॥

শ্লোক 176

মহতা তপসা প্রাপ্তস্তণ্ডিনা ব্রহ্মসদ্মনি ।

তণ্ডিঃ প্রোবাচ শুক্রায গৌতমায চ ভার্গবঃ

॥ 22 ॥

শ্লোক 177

বৈবস্বতায মনবে গৌতমঃ প্রাহ মাধব ।

নারাযণায সাধ্যায সমাধিষ্ঠায ধীমতে

॥ 23 ॥

শ্লোক 178

যমায প্রাহ ভগবান্ সাধ্যো নারাযণোঽচ্যুতঃ ।

নাচিকেতায ভগবানাহ বৈবস্বতো যমঃ

॥ 24 ॥

শ্লোক 179

মার্কণ্ডেযায বার্ষ্ণেয নাচিকেতোঽভ্যভাষত ।

মার্কণ্ডেযান্মযা প্রাপ্তো নিযমেন জনার্দন

॥ 25 ॥

শ্লোক 180

তবাপ্যহমমিত্রঘ্ন স্তবং দদ্যাং হ্যবিশ্রুতম্ ।

স্বর্গ্যমারোগ্যমাযুষ্যং ধন্যং বেদেন সম্মিতম্

॥ 26 ॥

শ্লোক 181

নাস্য বিঘ্নং বিকুর্বন্তি দানবা যক্ষরাক্ষসাঃ ।

পিশাচা যাতুধানা বা গুহ্যকা ভুজগা অপি

॥ 27 ॥

শ্লোক 182

যঃ পঠেত শুচিঃ পার্থ ব্রহ্মচারী জিতেন্দ্রিযঃ । [ভূত্বা]

অভগ্নযোগো বর্ষং তু সোঽশ্বমেধফলং লভেত্

॥ 28 ॥

শ্লোক 183

ইতি শ্রীমহাভারতে অনুশাসনপর্বণি মহাদেবসহস্রনাম স্তোত্রং নাম সপ্তদশোঽধ্যাযঃ ॥