శివ సహస్ర నామ స్తోత్రమ్

శివ సహస్ర నామ స్తోత్రమ్

శ్లోక 1

పూర్వపీఠికా ॥

వాసుదేవ ఉవాచ ।

తతః స ప్రయతో భూత్వా మమ తాత యుధిష్ఠిర ।

ప్రాఞ్జలిః ప్రాహ విప్రర్షిర్నామసఙ్గ్రహమాదితః

శ్లోక 2

ఉపమన్యురువాచ ।

బ్రహ్మప్రోక్తైరృషిప్రోక్తైర్వేదవేదాఙ్గసమ్భవైః ।

సర్వలోకేషు విఖ్యాతం స్తుత్యం స్తోష్యామి నామభిః

॥ 1 ॥

శ్లోక 3

మహద్భిర్విహితైః సత్యైః సిద్ధైః సర్వార్థసాధకైః ।

ఋషిణా తణ్డినా భక్త్యా కృతైర్వేదకృతాత్మనా

॥ 2 ॥

శ్లోక 4

యథోక్తైః సాధుభిః ఖ్యాతైర్మునిభిస్తత్త్వదర్శిభిః ।

ప్రవరం ప్రథమం స్వర్గ్యం సర్వభూతహితం శుభమ్

॥ 3 ॥

శ్లోక 5

శ్రుతైః సర్వత్ర జగతి బ్రహ్మలోకావతారితైః ।

సత్యైస్తత్పరమం బ్రహ్మ బ్రహ్మప్రోక్తం సనాతనమ్

॥ 4 ॥

శ్లోక 6

వక్ష్యే యదుకులశ్రేష్ఠ శృణుష్వావహితో మమ ।

వరయైనం భవం దేవం భక్తస్త్వం పరమేశ్వరమ్

॥ 5 ॥

శ్లోక 7

తేన తే శ్రావయిష్యామి యత్తద్బ్రహ్మ సనాతనమ్ ।

న శక్యం విస్తరాత్కృత్స్నం వక్తుం సర్వస్య కేనచిత్

॥ 6 ॥

శ్లోక 8

యుక్తేనాపి విభూతీనామపి వర్షశతైరపి ।

యస్యాదిర్మధ్యమన్తం చ సురైరపి న గమ్యతే

॥ 7 ॥

శ్లోక 9

కస్తస్య శక్నుయాద్వక్తుం గుణాన్ కార్త్స్న్యేన మాధవ ।

కిం తు దేవస్య మహతః సఙ్క్షిప్తార్థపదాక్షరమ్

॥ 8 ॥

శ్లోక 10

శక్తితశ్చరితం వక్ష్యే ప్రసాదాత్తస్య ధీమతః ।

అప్రాప్య తు తతోఽనుజ్ఞాం న శక్యః స్తోతుమీశ్వరః

॥ 9 ॥

శ్లోక 11

యదా తేనాభ్యనుజ్ఞాతః స్తుతో వై స తదా మయా ।

అనాదినిధనస్యాహం జగద్యోనేర్మహాత్మనః

॥ 10 ॥

శ్లోక 12

నామ్నాం కిఞ్చిత్సముద్దేశం వక్ష్యామ్యవ్యక్తయోనినః ।

వరదస్య వరేణ్యస్య విశ్వరూపస్య ధీమతః

॥ 11 ॥

శ్లోక 13

శృణు నామ్నాం చ యం కృష్ణ యదుక్తం పద్మయోనినా ।

దశనామసహస్రాణి యాన్యాహ ప్రపితామహః

॥ 12 ॥

శ్లోక 14

తాని నిర్మథ్య మనసా దధ్నో ఘృతమివోద్ధృతమ్ ।

గిరేః సారం యథా హేమ పుష్పసారం యథా మధు

॥ 13 ॥

శ్లోక 15

ఘృతాత్సారం యథా మణ్డస్తథైతత్సారముద్ధృతమ్ ।

సర్వపాపాపహమిదం చతుర్వేదసమన్వితమ్

॥ 14 ॥

శ్లోక 16

ప్రయత్నేనాధిగన్తవ్యం ధార్యం చ ప్రయతాత్మనా ।

మాఙ్గల్యం పౌష్టికం చైవ రక్షోఘ్నం పావనం మహత్

॥ 15 ॥

శ్లోక 17

ఇదం భక్తాయ దాతవ్యం శ్రద్దధానాస్తికాయ చ ।

నాశ్రద్దధానరూపాయ నాస్తికాయాజితాత్మనే

॥ 16 ॥

శ్లోక 18

యశ్చాభ్యసూయతే దేవం కారణాత్మానమీశ్వరమ్ ।

స కృష్ణ నరకం యాతి సహ పూర్వైః సహాత్మజైః

॥ 17 ॥

శ్లోక 19

ఇదం ధ్యానమిదం యోగమిదం ధ్యేయమనుత్తమమ్ ।

ఇదం జప్యమిదం జ్ఞానం రహస్యమిదముత్తమమ్

॥ 18 ॥

శ్లోక 20

యం జ్ఞాత్వా అన్తకాలేపి గచ్ఛేత పరమాం గతిమ్ ।

పవిత్రం మఙ్గలం మేధ్యం కల్యాణమిదముత్తమమ్

॥ 19 ॥

శ్లోక 21

ఇదం బ్రహ్మా పురా కృత్వా సర్వలోకపితామహః ।

సర్వ స్తవానాం రాజత్వే దివ్యానాం సమకల్పయత్

॥ 20 ॥

శ్లోక 22

తదా ప్రభృతి చైవాయమీశ్వరస్య మహాత్మనః ।

స్తవరాజ ఇతి ఖ్యాతో జగత్యమరపూజితః

॥ 21 ॥

శ్లోక 23

బ్రహ్మలోకాదయం స్వర్గే స్తవరాజోఽవతారితః ।

యతస్తణ్డిః పురా ప్రాప తేన తణ్డికృతోఽభవత్

॥ 22 ॥

శ్లోక 24

స్వర్గాచ్చైవాత్ర భూర్లోకం తణ్డినా హ్యవతారితః ।

సర్వమఙ్గలమాఙ్గల్యం సర్వపాపప్రణాశనమ్

॥ 23 ॥

శ్లోక 25

నిగదిష్యే మహాబాహో స్తవానాముత్తమం స్తవమ్ ।

బ్రహ్మణామపి యద్బ్రహ్మ పరాణామపి యత్పరమ్

॥ 24 ॥

శ్లోక 26

తేజసామపి యత్తేజస్తపసామపి యత్తపః ।

శాన్తానామపి యః శాన్తో ద్యుతీనామపి యా ద్యుతిః

॥ 25 ॥

శ్లోక 27

దాన్తానామపి యో దాన్తో ధీమతామపి యా చ ధీః ।

దేవానామపి యో దేవ ఋషీణామపి యస్త్వృషిః

॥ 26 ॥

శ్లోక 28

యజ్ఞానామపి యో యజ్ఞః శివానామపి యః శివః ।

రుద్రాణామపి యో రుద్రః ప్రభా ప్రభవతామపి

॥ 27 ॥

శ్లోక 29

యోగినామపి యో యోగీ కారణానాం చ కారణమ్ ।

యతో లోకాః సమ్భవన్తి న భవన్తి యతః పునః

॥ 28 ॥

శ్లోక 30

సర్వభూతాత్మభూతస్య హరస్యామితతేజసః ।

అష్టోత్తరసహస్రం తు నామ్నాం శర్వస్య మే శృణు ।

యచ్ఛ్రుత్వా మనుజవ్యాఘ్ర సర్వాన్కామానవాప్స్యసి

॥ 29 ॥

శ్లోక 31

ధ్యానమ్ ।

శాన్తం పద్మాసనస్థం శశిధరముకుటం పఞ్చవక్త్రం త్రినేత్రం

శూలం వజ్రం చ ఖడ్గం పరశుమభయదం దక్షభాగే వహన్తమ్ ।

నాగం పాశం చ ఘణ్టాం ప్రలయహుతవహం సాఙ్కుశం వామభాగే

నానాలఙ్కారయుక్తం స్ఫటికమణినిభం పార్వతీశం నమామి ॥

స్తోత్రమ్ ।

ఓం స్థిరః స్థాణుః ప్రభుర్భీమః ప్రవరో వరదో వరః ।

సర్వాత్మా సర్వవిఖ్యాతః సర్వః సర్వకరో భవః

॥ 30 ॥

శ్లోక 32

జటీ చర్మీ శిఖణ్డీ చ సర్వాఙ్గః సర్వభావనః ।

హరశ్చ హరిణాక్షశ్చ సర్వభూతహరః ప్రభుః

॥ 1 ॥

శ్లోక 33

ప్రవృత్తిశ్చ నివృత్తిశ్చ నియతః శాశ్వతో ధ్రువః ।

శ్మశానవాసీ భగవాన్ ఖచరో గోచరోఽర్దనః

॥ 2 ॥

శ్లోక 34

అభివాద్యో మహాకర్మా తపస్వీ భూతభావనః ।

ఉన్మత్తవేషప్రచ్ఛన్నః సర్వలోకప్రజాపతిః

॥ 3 ॥

శ్లోక 35

మహారూపో మహాకాయో వృషరూపో మహాయశాః ।

మహాత్మా సర్వభూతాత్మా విశ్వరూపో మహాహనుః

॥ 4 ॥

శ్లోక 36

లోకపాలోఽన్తర్హితాత్మా ప్రసాదో హయగర్దభిః ।

పవిత్రం చ మహాంశ్చైవ నియమో నియమాశ్రితః

॥ 5 ॥

శ్లోక 37

సర్వకర్మా స్వయమ్భూత ఆదిరాదికరో నిధిః ।

సహస్రాక్షో విశాలాక్షః సోమో నక్షత్రసాధకః

॥ 6 ॥

శ్లోక 38

చన్ద్రః సూర్యః శనిః కేతుర్గ్రహో గ్రహపతిర్వరః ।

అత్రిరత్ర్యా నమస్కర్తా మృగబాణార్పణోఽనఘః

॥ 7 ॥

శ్లోక 39

॥ 8 ॥ [ఆద్యన్తలయకర్తా చ]

మహాతపా ఘోరతపా అదీనో దీనసాధకః ।

సంవత్సరకరో మన్త్రః ప్రమాణం పరమం తపః

శ్లోక 40

యోగీ యోజ్యో మహాబీజో మహారేతా మహాబలః ।

సువర్ణరేతాః సర్వజ్ఞః సుబీజో బీజవాహనః

॥ 9 ॥

శ్లోక 41

దశబాహుస్త్వనిమిషో నీలకణ్ఠ ఉమాపతిః ।

విశ్వరూపః స్వయం శ్రేష్ఠో బలవీరో బలో గణః

॥ 10 ॥

శ్లోక 42

గణకర్తా గణపతిర్దిగ్వాసాః కామ ఏవ చ ।

మన్త్రవిత్పరమో మన్త్రః సర్వభావకరో హరః

॥ 11 ॥

శ్లోక 43

కమణ్డలుధరో ధన్వీ బాణహస్తః కపాలవాన్ ।

అశనీ శతఘ్నీ ఖడ్గీ పట్టిశీ చాయుధీ మహాన్

॥ 12 ॥

శ్లోక 44

స్రువహస్తః సురూపశ్చ తేజస్తేజస్కరో నిధిః ।

ఉష్ణీషీ చ సువక్త్రశ్చ ఉదగ్రో వినతస్తథా

॥ 13 ॥

శ్లోక 45

దీర్ఘశ్చ హరికేశశ్చ సుతీర్థః కృష్ణ ఏవ చ ।

సృగాలరూపః సిద్ధార్థో ముణ్డః సర్వశుభఙ్కరః

॥ 14 ॥

శ్లోక 46

అజశ్చ బహురూపశ్చ గన్ధధారీ కపర్ద్యపి ।

ఊర్ధ్వరేతా ఊర్ధ్వలిఙ్గ ఊర్ధ్వశాయీ నభఃస్థలః

॥ 15 ॥

శ్లోక 47

త్రిజటీ చీరవాసాశ్చ రుద్రః సేనాపతిర్విభుః ।

అహశ్చరో నక్తఞ్చరస్తిగ్మమన్యుః సువర్చసః

॥ 16 ॥

శ్లోక 48

గజహా దైత్యహా కాలో లోకధాతా గుణాకరః ।

సింహశార్దూలరూపశ్చ ఆర్ద్రచర్మామ్బరావృతః

॥ 17 ॥

శ్లోక 49

కాలయోగీ మహానాదః సర్వకామశ్చతుష్పథః ।

నిశాచరః ప్రేతచారీ భూతచారీ మహేశ్వరః

॥ 18 ॥

శ్లోక 50

బహుభూతో బహుధరః స్వర్భానురమితో గతిః ।

నృత్యప్రియో నిత్యనర్తో నర్తకః సర్వలాలసః

॥ 19 ॥

శ్లోక 51

ఘోరో మహాతపాః పాశో నిత్యో గిరిరుహో నభః ।

సహస్రహస్తో విజయో వ్యవసాయో హ్యతన్ద్రితః

॥ 20 ॥

శ్లోక 52

అధర్షణో ధర్షణాత్మా యజ్ఞహా కామనాశకః । [మర్ష]

దక్షయాగాపహారీ చ సుసహో మధ్యమస్తథా

॥ 21 ॥

శ్లోక 53

తేజోపహారీ బలహా ముదితోఽర్థోఽజితోఽవరః ।

గమ్భీరఘోషో గమ్భీరో గమ్భీరబలవాహనః

॥ 22 ॥

శ్లోక 54

న్యగ్రోధరూపో న్యగ్రోధో వృక్షకర్ణస్థితిర్విభుః ।

సుతీక్ష్ణదశనశ్చైవ మహాకాయో మహాననః

॥ 23 ॥

శ్లోక 55

విష్వక్సేనో హరిర్యజ్ఞః సంయుగాపీడవాహనః ।

తీక్ష్ణతాపశ్చ హర్యశ్వః సహాయః కర్మకాలవిత్

॥ 24 ॥

శ్లోక 56

విష్ణుప్రసాదితో యజ్ఞః సముద్రో బడబాముఖః ।

హుతాశనసహాయశ్చ ప్రశాన్తాత్మా హుతాశనః

॥ 25 ॥

శ్లోక 57

ఉగ్రతేజా మహాతేజా జన్యో విజయకాలవిత్ ।

జ్యోతిషామయనం సిద్ధిః సర్వవిగ్రహ ఏవ చ

॥ 26 ॥

శ్లోక 58

శిఖీ ముణ్డీ జటీ జ్వాలీ మూర్తిజో మూర్ధగో బలీ ।

వేణవీ పణవీ తాలీ ఖలీ కాలకటఙ్కటః

॥ 27 ॥

శ్లోక 59

నక్షత్రవిగ్రహమతిర్గుణబుద్ధిర్లయోఽగమః ।

ప్రజాపతిర్విశ్వబాహుర్విభాగః సర్వగోఽముఖః

॥ 28 ॥

శ్లోక 60

విమోచనః సుసరణో హిరణ్యకవచోద్భవః ।

మేఢ్రజో బలచారీ చ మహీచారీ స్రుతస్తథా

॥ 29 ॥

శ్లోక 61

॥ 30 ॥ [మేఘజో]

సర్వతూర్యనినాదీ చ సర్వాతోద్యపరిగ్రహః ।

వ్యాలరూపో గుహావాసీ గుహో మాలీ తరఙ్గవిత్

శ్లోక 62

త్రిదశస్త్రికాలధృక్కర్మసర్వబన్ధవిమోచనః ।

బన్ధనస్త్వసురేన్ద్రాణాం యుధిశత్రువినాశనః

॥ 31 ॥

శ్లోక 63

సాఙ్ఖ్యప్రసాదో దుర్వాసాః సర్వసాధునిషేవితః ।

ప్రస్కన్దనో విభాగజ్ఞో అతుల్యో యజ్ఞభాగవిత్

॥ 32 ॥

శ్లోక 64

సర్వవాసః సర్వచారీ దుర్వాసా వాసవోఽమరః ।

హైమో హేమకరోఽయజ్ఞః సర్వధారీ ధరోత్తమః

॥ 33 ॥

శ్లోక 65

॥ 34 ॥ [యజ్ఞః]

లోహితాక్షో మహాక్షశ్చ విజయాక్షో విశారదః ।

సఙ్గ్రహో నిగ్రహః కర్తా సర్పచీరనివాసనః

శ్లోక 66

ముఖ్యోఽముఖ్యశ్చ దేహశ్చ కాహలిః సర్వకామదః ।

సర్వకాలప్రసాదశ్చ సుబలో బలరూపధృత్

॥ 35 ॥

శ్లోక 67

సర్వకామవరశ్చైవ సర్వదః సర్వతోముఖః ।

ఆకాశనిర్విరూపశ్చ నిపాతీ హ్యవశః ఖగః

॥ 36 ॥

శ్లోక 68

రౌద్రరూపోఽంశురాదిత్యో బహురశ్మిః సువర్చసీ ।

వసువేగో మహావేగో మనోవేగో నిశాచరః

॥ 37 ॥

శ్లోక 69

సర్వవాసీ శ్రియావాసీ ఉపదేశకరోఽకరః ।

మునిరాత్మనిరాలోకః సమ్భగ్నశ్చ సహస్రదః

॥ 38 ॥

శ్లోక 70

పక్షీ చ పక్షరూపశ్చ అతిదీప్తో విశాం పతిః ।

ఉన్మాదో మదనః కామో హ్యశ్వత్థోఽర్థకరో యశః

॥ 39 ॥

శ్లోక 71

వామదేవశ్చ వామశ్చ ప్రాగ్దక్షిణశ్చ వామనః ।

సిద్ధయోగీ మహర్షిశ్చ సిద్ధార్థః సిద్ధసాధకః

॥ 40 ॥

శ్లోక 72

భిక్షుశ్చ భిక్షురూపశ్చ విపణో మృదురవ్యయః ।

మహాసేనో విశాఖశ్చ షష్టిభాగో గవాం పతిః

॥ 41 ॥

శ్లోక 73

వజ్రహస్తశ్చ విష్కమ్భీ చమూస్తమ్భన ఏవ చ ।

వృత్తావృత్తకరస్తాలో మధుర్మధుకలోచనః

॥ 42 ॥

శ్లోక 74

వాచస్పత్యో వాజసనో నిత్యమాశ్రమపూజితః । [నిత్యమాశ్రితపూజితః]

బ్రహ్మచారీ లోకచారీ సర్వచారీ విచారవిత్

॥ 43 ॥

శ్లోక 75

ఈశాన ఈశ్వరః కాలో నిశాచారీ పినాకభృత్ ।

నిమిత్తస్థో నిమిత్తం చ నన్దిర్నన్దికరో హరిః

॥ 44 ॥

శ్లోక 76

నన్దీశ్వరశ్చ నన్దీ చ నన్దనో నన్దివర్ధనః ।

భగహారీ నిహన్తా చ కాలో బ్రహ్మా పితామహః

॥ 45 ॥

శ్లోక 77

చతుర్ముఖో మహాలిఙ్గశ్చారులిఙ్గస్తథైవ చ ।

లిఙ్గాధ్యక్షః సురాధ్యక్షో యోగాధ్యక్షో యుగావహః

॥ 46 ॥

శ్లోక 78

బీజాధ్యక్షో బీజకర్తా అధ్యాత్మానుగతో బలః ।

ఇతిహాసః సకల్పశ్చ గౌతమోఽథ నిశాకరః

॥ 47 ॥

శ్లోక 79

దమ్భో హ్యదమ్భో వైదమ్భో వశ్యో వశకరః కలిః ।

లోకకర్తా పశుపతిర్మహాకర్తా హ్యనౌషధః

॥ 48 ॥

శ్లోక 80

అక్షరం పరమం బ్రహ్మ బలవచ్ఛక్ర ఏవ చ ।

నీతిర్హ్యనీతిః శుద్ధాత్మా శుద్ధో మాన్యో గతాగతః

॥ 49 ॥

శ్లోక 81

బహుప్రసాదః సుస్వప్నో దర్పణోఽథ త్వమిత్రజిత్ ।

వేదకారో మన్త్రకారో విద్వాన్ సమరమర్దనః

॥ 50 ॥

శ్లోక 82

మహామేఘనివాసీ చ మహాఘోరో వశీకరః ।

అగ్నిజ్వాలో మహాజ్వాలో అతిధూమ్రో హుతో హవిః

॥ 51 ॥

శ్లోక 83

వృషణః శఙ్కరో నిత్యవర్చస్వీ ధూమకేతనః ।

నీలస్తథాఙ్గలుబ్ధశ్చ శోభనో నిరవగ్రహః

॥ 52 ॥

శ్లోక 84

స్వస్తిదః స్వస్తిభావశ్చ భాగీ భాగకరో లఘుః ।

ఉత్సఙ్గశ్చ మహాఙ్గశ్చ మహాగర్భపరాయణః

॥ 53 ॥

శ్లోక 85

కృష్ణవర్ణః సువర్ణశ్చ ఇన్ద్రియం సర్వదేహినామ్ ।

మహాపాదో మహాహస్తో మహాకాయో మహాయశాః

॥ 54 ॥

శ్లోక 86

మహామూర్ధా మహామాత్రో మహానేత్రో నిశాలయః ।

మహాన్తకో మహాకర్ణో మహోష్ఠశ్చ మహాహనుః

॥ 55 ॥

శ్లోక 87

మహానాసో మహాకమ్బుర్మహాగ్రీవః శ్మశానభాక్ ।

మహావక్షా మహోరస్కో హ్యన్తరాత్మా మృగాలయః

॥ 56 ॥

శ్లోక 88

లమ్బనో లమ్బితోష్ఠశ్చ మహామాయః పయోనిధిః ।

మహాదన్తో మహాదంష్ట్రో మహాజిహ్వో మహాముఖః

॥ 57 ॥

శ్లోక 89

మహానఖో మహారోమా మహాకేశో మహాజటః ।

ప్రసన్నశ్చ ప్రసాదశ్చ ప్రత్యయో గిరిసాధనః

॥ 58 ॥

శ్లోక 90

స్నేహనోఽస్నేహనశ్చైవ అజితశ్చ మహామునిః ।

వృక్షాకారో వృక్షకేతురనలో వాయువాహనః

॥ 59 ॥

శ్లోక 91

గణ్డలీ మేరుధామా చ దేవాధిపతిరేవ చ ।

అథర్వశీర్షః సామాస్య ఋక్సహస్రామితేక్షణః

॥ 60 ॥

శ్లోక 92

యజుః పాదభుజో గుహ్యః ప్రకాశో జఙ్గమస్తథా ।

అమోఘార్థః ప్రసాదశ్చ అభిగమ్యః సుదర్శనః

॥ 61 ॥

శ్లోక 93

ఉపకారః ప్రియః సర్వః కనకః కాఞ్చనచ్ఛవిః ।

నాభిర్నన్దికరో భావః పుష్కరస్థపతిః స్థిరః

॥ 62 ॥

శ్లోక 94

ద్వాదశస్త్రాసనశ్చాద్యో యజ్ఞో యజ్ఞసమాహితః ।

నక్తం కలిశ్చ కాలశ్చ మకరః కాలపూజితః

॥ 63 ॥

శ్లోక 95

సగణో గణకారశ్చ భూతవాహనసారథిః ।

భస్మశయో భస్మగోప్తా భస్మభూతస్తరుర్గణః

॥ 64 ॥

శ్లోక 96

లోకపాలస్తథాఽలోకో మహాత్మా సర్వపూజితః ।

శుక్లస్త్రిశుక్లః సమ్పన్నః శుచిర్భూతనిషేవితః

॥ 65 ॥

శ్లోక 97

ఆశ్రమస్థః క్రియావస్థో విశ్వకర్మమతిర్వరః ।

విశాలశాఖస్తామ్రోష్ఠో హ్యమ్బుజాలః సునిశ్చలః

॥ 66 ॥

శ్లోక 98

కపిలః కపిశః శుక్ల ఆయుశ్చైవ పరోఽపరః ।

గన్ధర్వో హ్యదితిస్తార్క్ష్యః సువిజ్ఞేయః సుశారదః

॥ 67 ॥

శ్లోక 99

పరశ్వధాయుధో దేవో హ్యనుకారీ సుబాన్ధవః ।

తుమ్బవీణో మహాక్రోధ ఊర్ధ్వరేతా జలేశయః

॥ 68 ॥

శ్లోక 100

ఉగ్రో వంశకరో వంశో వంశనాదో హ్యనిన్దితః ।

సర్వాఙ్గరూపో మాయావీ సుహృదో హ్యనిలోఽనలః

॥ 69 ॥

శ్లోక 101

బన్ధనో బన్ధకర్తా చ సుబన్ధనవిమోచనః ।

స యజ్ఞారిః స కామారిర్మహాదంష్ట్రో మహాయుధః

॥ 70 ॥

శ్లోక 102

బహుధా నిన్దితః శర్వః శఙ్కరః శఙ్కరోఽధనః ।

అమరేశో మహాదేవో విశ్వదేవః సురారిహా

॥ 71 ॥

శ్లోక 103

అహిర్బుధ్న్యోఽనిలాభశ్చ చేకితానో హవిస్తథా । [హరి]

అజైకపాచ్చ కాపాలీ త్రిశఙ్కురజితః శివః

॥ 72 ॥

శ్లోక 104

ధన్వన్తరిర్ధూమకేతుః స్కన్దో వైశ్రవణస్తథా ।

ధాతా శక్రశ్చ విష్ణుశ్చ మిత్రస్త్వష్టా ధ్రువో ధరః

॥ 73 ॥

శ్లోక 105

ప్రభావః సర్వగో వాయురర్యమా సవితా రవిః ।

ఉషఙ్గుశ్చ విధాతా చ మాన్ధాతా భూతభావనః

॥ 74 ॥

శ్లోక 106

విభుర్వర్ణవిభావీ చ సర్వకామగుణావహః ।

పద్మనాభో మహాగర్భశ్చన్ద్రవక్త్రోఽనిలోఽనలః

॥ 75 ॥

శ్లోక 107

బలవాంశ్చోపశాన్తశ్చ పురాణః పుణ్యచఞ్చురీ ।

కురుకర్తా కురువాసీ కురుభూతో గుణౌషధః

॥ 76 ॥

శ్లోక 108

సర్వాశయో దర్భచారీ సర్వేషాం ప్రాణినాం పతిః ।

దేవదేవః సుఖాసక్తః సదసత్సర్వరత్నవిత్

॥ 77 ॥

శ్లోక 109

కైలాసగిరివాసీ చ హిమవద్గిరిసంశ్రయః ।

కూలహారీ కూలకర్తా బహువిద్యో బహుప్రదః

॥ 78 ॥

శ్లోక 110

వణిజో వర్ధకీ వృక్షో వకులశ్చన్దనశ్ఛదః ।

సారగ్రీవో మహాజత్రురలోలశ్చ మహౌషధః

॥ 79 ॥

శ్లోక 111

సిద్ధార్థకారీ సిద్ధార్థశ్ఛన్దోవ్యాకరణోత్తరః ।

సింహనాదః సింహదంష్ట్రః సింహగః సింహవాహనః

॥ 80 ॥

శ్లోక 112

ప్రభావాత్మా జగత్కాలస్థాలో లోకహితస్తరుః ।

సారఙ్గో నవచక్రాఙ్గః కేతుమాలీ సభావనః

॥ 81 ॥

శ్లోక 113

భూతాలయో భూతపతిరహోరాత్రమనిన్దితః

॥ 82 ॥

శ్లోక 114

వాహితా సర్వభూతానాం నిలయశ్చ విభుర్భవః ।

అమోఘః సంయతో హ్యశ్వో భోజనః ప్రాణధారణః

॥ 83 ॥

శ్లోక 115

ధృతిమాన్ మతిమాన్ దక్షః సత్కృతశ్చ యుగాధిపః ।

గోపాలిర్గోపతిర్గ్రామో గోచర్మవసనో హరిః

॥ 84 ॥

శ్లోక 116

హిరణ్యబాహుశ్చ తథా గుహాపాలః ప్రవేశినామ్ ।

ప్రకృష్టారిర్మహాహర్షో జితకామో జితేన్ద్రియః

॥ 85 ॥

శ్లోక 117

గాన్ధారశ్చ సువాసశ్చ తపఃసక్తో రతిర్నరః ।

మహాగీతో మహానృత్యో హ్యప్సరోగణసేవితః

॥ 86 ॥

శ్లోక 118

మహాకేతుర్మహాధాతుర్నైకసానుచరశ్చలః ।

ఆవేదనీయ ఆదేశః సర్వగన్ధసుఖావహః

॥ 87 ॥

శ్లోక 119

తోరణస్తారణో వాతః పరిధీ పతిఖేచరః ।

సంయోగో వర్ధనో వృద్ధో అతివృద్ధో గుణాధికః

॥ 88 ॥

శ్లోక 120

నిత్య ఆత్మసహాయశ్చ దేవాసురపతిః పతిః ।

యుక్తశ్చ యుక్తబాహుశ్చ దేవో దివిసుపర్వణః

॥ 89 ॥

శ్లోక 121

ఆషాఢశ్చ సుషాఢశ్చ ధ్రువోఽథ హరిణో హరః ।

వపురావర్తమానేభ్యో వసుశ్రేష్ఠో మహాపథః

॥ 90 ॥

శ్లోక 122

శిరోహారీ విమర్శశ్చ సర్వలక్షణలక్షితః ।

అక్షశ్చ రథయోగీ చ సర్వయోగీ మహాబలః

॥ 91 ॥

శ్లోక 123

సమామ్నాయోఽసమామ్నాయస్తీర్థదేవో మహారథః ।

నిర్జీవో జీవనో మన్త్రః శుభాక్షో బహుకర్కశః

॥ 92 ॥

శ్లోక 124

రత్నప్రభూతో రక్తాఙ్గో మహార్ణవనిపానవిత్ । [రత్నాఙ్గో]

మూలం విశాలో హ్యమృతో వ్యక్తావ్యక్తస్తపోనిధిః

॥ 93 ॥

శ్లోక 125

ఆరోహణోఽధిరోహశ్చ శీలధారీ మహాయశాః ।

సేనాకల్పో మహాకల్పో యోగో యుగకరో హరిః

॥ 94 ॥

శ్లోక 126

॥ 95 ॥ [యోగకరో]

యుగరూపో మహారూపో మహానాగహనో వధః ।

న్యాయనిర్వపణః పాదః పణ్డితో హ్యచలోపమః

శ్లోక 127

బహుమాలో మహామాలః శశీ హరసులోచనః ।

విస్తారో లవణః కూపస్త్రియుగః సఫలోదయః

॥ 96 ॥

శ్లోక 128

త్రిలోచనో విషణ్ణాఙ్గో మణివిద్ధో జటాధరః ।

బిన్దుర్విసర్గః సుముఖః శరః సర్వాయుధః సహః

॥ 97 ॥

శ్లోక 129

నివేదనః సుఖాజాతః సుగన్ధారో మహాధనుః ।

గన్ధపాలీ చ భగవానుత్థానః సర్వకర్మణామ్

॥ 98 ॥

శ్లోక 130

మన్థానో బహులో వాయుః సకలః సర్వలోచనః ।

తలస్తాలః కరస్థాలీ ఊర్ధ్వసంహననో మహాన్

॥ 99 ॥

శ్లోక 131

ఛత్రం సుచ్ఛత్రో విఖ్యాతో లోకః సర్వాశ్రయః క్రమః ।

ముణ్డో విరూపో వికృతో దణ్డీ కుణ్డీ వికుర్వణః

॥ 100 ॥

శ్లోక 132

హర్యక్షః కకుభో వజ్రీ శతజిహ్వః సహస్రపాత్ ।

సహస్రమూర్ధా దేవేన్ద్రః సర్వదేవమయో గురుః

॥ 101 ॥

శ్లోక 133

సహస్రబాహుః సర్వాఙ్గః శరణ్యః సర్వలోకకృత్ ।

పవిత్రం త్రికకున్మన్త్రః కనిష్ఠః కృష్ణపిఙ్గలః

॥ 102 ॥

శ్లోక 134

బ్రహ్మదణ్డవినిర్మాతా శతఘ్నీపాశశక్తిమాన్ ।

పద్మగర్భో మహాగర్భో బ్రహ్మగర్భో జలోద్భవః

॥ 103 ॥

శ్లోక 135

గభస్తిర్బ్రహ్మకృద్బ్రహ్మీ బ్రహ్మవిద్బ్రాహ్మణో గతిః ।

అనన్తరూపో నైకాత్మా తిగ్మతేజాః స్వయమ్భువః

॥ 104 ॥

శ్లోక 136

ఊర్ధ్వగాత్మా పశుపతిర్వాతరంహా మనోజవః ।

చన్దనీ పద్మనాలాగ్రః సురభ్యుత్తరణో నరః

॥ 105 ॥

శ్లోక 137

కర్ణికారమహాస్రగ్వీ నీలమౌలిః పినాకధృత్ ।

ఉమాపతిరుమాకాన్తో జాహ్నవీధృదుమాధవః

॥ 106 ॥

శ్లోక 138

వరో వరాహో వరదో వరేణ్యః సుమహాస్వనః ।

మహాప్రసాదో దమనః శత్రుహా శ్వేతపిఙ్గలః

॥ 107 ॥

శ్లోక 139

పీతాత్మా పరమాత్మా చ ప్రయతాత్మా ప్రధానధృత్ । [ప్రీతాత్మా]

సర్వపార్శ్వముఖస్త్ర్యక్షో ధర్మసాధారణో వరః

॥ 108 ॥

శ్లోక 140

చరాచరాత్మా సూక్ష్మాత్మా అమృతో గోవృషేశ్వరః ।

సాధ్యర్షిర్వసురాదిత్యో వివస్వాన్సవితామృతః

॥ 109 ॥

శ్లోక 141

వ్యాసః సర్గః సుసఙ్క్షేపో విస్తరః పర్యయో నరః ।

ఋతుః సంవత్సరో మాసః పక్షః సఙ్ఖ్యాసమాపనః

॥ 110 ॥

శ్లోక 142

కలా కాష్ఠా లవా మాత్రా ముహూర్తాహః క్షపాః క్షణాః ।

విశ్వక్షేత్రం ప్రజాబీజం లిఙ్గమాద్యస్తు నిర్గమః

॥ 111 ॥

శ్లోక 143

సదసద్వ్యక్తమవ్యక్తం పితా మాతా పితామహః ।

స్వర్గద్వారం ప్రజాద్వారం మోక్షద్వారం త్రివిష్టపమ్

॥ 112 ॥

శ్లోక 144

నిర్వాణం హ్లాదనశ్చైవ బ్రహ్మలోకః పరా గతిః ।

దేవాసురవినిర్మాతా దేవాసురపరాయణః

॥ 113 ॥

శ్లోక 145

దేవాసురగురుర్దేవో దేవాసురనమస్కృతః ।

దేవాసురమహామాత్రో దేవాసురగణాశ్రయః

॥ 114 ॥

శ్లోక 146

దేవాసురగణాధ్యక్షో దేవాసురగణాగ్రణీః ।

దేవాతిదేవో దేవర్షిర్దేవాసురవరప్రదః

॥ 115 ॥

శ్లోక 147

॥ 116 ॥ [దేవాది]

దేవాసురేశ్వరో విశ్వో దేవాసురమహేశ్వరః ।

సర్వదేవమయోఽచిన్త్యో దేవతాత్మాఽఽత్మసమ్భవః

శ్లోక 148

ఉద్భిత్త్రివిక్రమో వైద్యో విరజో నీరజోఽమరః ।

ఈడ్యో హస్తీశ్వరో వ్యాఘ్రో దేవసింహో నరర్షభః

॥ 117 ॥

శ్లోక 149

విబుధోఽగ్రవరః సూక్ష్మః సర్వదేవస్తపోమయః ।

సుయుక్తః శోభనో వజ్రీ ప్రాసానాం ప్రభవోఽవ్యయః

॥ 118 ॥

శ్లోక 150

గుహః కాన్తో నిజః సర్గః పవిత్రం సర్వపావనః ।

శృఙ్గీ శృఙ్గప్రియో బభ్రూ రాజరాజో నిరామయః

॥ 119 ॥

శ్లోక 151

అభిరామః సురగణో విరామః సర్వసాధనః ।

లలాటాక్షో విశ్వదేవో హరిణో బ్రహ్మవర్చసః

॥ 120 ॥

శ్లోక 152

స్థావరాణాం పతిశ్చైవ నియమేన్ద్రియవర్ధనః ।

సిద్ధార్థః సిద్ధభూతార్థోఽచిన్త్యః సత్యవ్రతః శుచిః

॥ 121 ॥

శ్లోక 153

వ్రతాధిపః పరం బ్రహ్మ భక్తానాం పరమా గతిః । [భక్తానుగ్రహకారకః]

విముక్తో ముక్తతేజాశ్చ శ్రీమాన్ శ్రీవర్ధనో జగత్

॥ 122 ॥

శ్లోక 154

ఉత్తరపీఠికా (ఫలశృతి)

యథా ప్రధానం భగవానితి భక్త్యా స్తుతో మయా ।

యం న బ్రహ్మాదయో దేవా విదుస్తత్త్వేన నర్షయః

॥ 123 ॥

శ్లోక 155

స్తోతవ్యమర్చ్యం వన్ద్యం చ కః స్తోష్యతి జగత్పతిమ్ ।

భక్త్యా త్వేవం పురస్కృత్య మయా యజ్ఞపతిర్విభుః

॥ 1 ॥

శ్లోక 156

తతోఽభ్యనుజ్ఞాం సమ్ప్రాప్య స్తుతో మతిమతాం వరః ।

శివమేభిః స్తువన్ దేవం నామభిః పుష్టివర్ధనైః

॥ 2 ॥

శ్లోక 157

నిత్యయుక్తః శుచిర్భక్తః ప్రాప్నోత్యాత్మానమాత్మనా ।

ఏతద్ధి పరమం బ్రహ్మ పరం బ్రహ్మాధిగచ్ఛతి

॥ 3 ॥

శ్లోక 158

ఋషయశ్చైవ దేవాశ్చ స్తువన్త్యేతేన తత్పరమ్ ।

స్తూయమానో మహాదేవస్తుష్యతే నియతాత్మభిః

॥ 4 ॥

శ్లోక 159

భక్తానుకమ్పీ భగవానాత్మసంస్థాకరో విభుః ।

తథైవ చ మనుష్యేషు యే మనుష్యాః ప్రధానతః

॥ 5 ॥

శ్లోక 160

ఆస్తికాః శ్రద్దధానాశ్చ బహుభిర్జన్మభిః స్తవైః ।

భక్త్యా హ్యనన్యమీశానం పరం దేవం సనాతనమ్

॥ 6 ॥

శ్లోక 161

కర్మణా మనసా వాచా భావేనామితతేజసః ।

శయానా జాగ్రమాణాశ్చ వ్రజన్నుపవిశంస్తథా

॥ 7 ॥

శ్లోక 162

ఉన్మిషన్నిమిషంశ్చైవ చిన్తయన్తః పునః పునః ।

శృణ్వన్తః శ్రావయన్తశ్చ కథయన్తశ్చ తే భవమ్

॥ 8 ॥

శ్లోక 163

స్తువన్తః స్తూయమానాశ్చ తుష్యన్తి చ రమన్తి చ ।

జన్మకోటిసహస్రేషు నానాసంసారయోనిషు

॥ 9 ॥

శ్లోక 164

జన్తోర్విగతపాపస్య భవే భక్తిః ప్రజాయతే ।

ఉత్పన్నా చ భవే భక్తిరనన్యా సర్వభావతః

॥ 10 ॥

శ్లోక 165

భావినః కారణే చాస్య సర్వయుక్తస్య సర్వథా ।

ఏతద్దేవేషు దుష్ప్రాపం మనుష్యేషు న లభ్యతే

॥ 11 ॥

శ్లోక 166

నిర్విఘ్నా నిశ్చలా రుద్రే భక్తిరవ్యభిచారిణీ ।

తస్యైవ చ ప్రసాదేన భక్తిరుత్పద్యతే నృణామ్

॥ 12 ॥

శ్లోక 167

యేన యాన్తి పరాం సిద్ధిం తద్భావగతచేతసః ।

యే సర్వభావానుగతాః ప్రపద్యన్తే మహేశ్వరమ్

॥ 13 ॥

శ్లోక 168

ప్రపన్నవత్సలో దేవః సంసారాత్తాన్సముద్ధరేత్ ।

ఏవమన్యే వికుర్వన్తి దేవాః సంసారమోచనమ్

॥ 14 ॥

శ్లోక 169

మనుష్యాణామృతే దేవం నాన్యా శక్తిస్తపోబలమ్ ।

ఇతి తేనేన్ద్రకల్పేన భగవాన్ సదసత్పతిః

॥ 15 ॥

శ్లోక 170

కృత్తివాసాః స్తుతః కృష్ణ తణ్డినా శుభబుద్ధినా ।

స్తవమేతం భగవతో బ్రహ్మా స్వయమధారయత్

॥ 16 ॥

శ్లోక 171

గీయతే చ స బుద్ధ్యేత బ్రహ్మా శఙ్కరసన్నిధౌ ।

ఇదం పుణ్యం పవిత్రం చ సర్వదా పాపనాశనమ్

॥ 17 ॥

శ్లోక 172

యోగదం మోక్షదం చైవ స్వర్గదం తోషదం తథా ।

ఏవమేతత్పఠన్తే య ఏకభక్త్యా తు శఙ్కరమ్

॥ 18 ॥

శ్లోక 173

యా గతిః సాఙ్ఖ్యయోగానాం వ్రజన్త్యేతాం గతిం తదా ।

స్తవమేతం ప్రయత్నేన సదా రుద్రస్య సన్నిధౌ

॥ 19 ॥

శ్లోక 174

అబ్దమేకం చరేద్భక్తః ప్రాప్నుయాదీప్సితం ఫలమ్ ।

ఏతద్రహస్యం పరమం బ్రహ్మణో హృది సంస్థితమ్

॥ 20 ॥

శ్లోక 175

బ్రహ్మా ప్రోవాచ శక్రాయ శక్రః ప్రోవాచ మృత్యవే ।

మృత్యుః ప్రోవాచ రుద్రేభ్యో రుద్రేభ్యస్తణ్డిమాగమత్

॥ 21 ॥

శ్లోక 176

మహతా తపసా ప్రాప్తస్తణ్డినా బ్రహ్మసద్మని ।

తణ్డిః ప్రోవాచ శుక్రాయ గౌతమాయ చ భార్గవః

॥ 22 ॥

శ్లోక 177

వైవస్వతాయ మనవే గౌతమః ప్రాహ మాధవ ।

నారాయణాయ సాధ్యాయ సమాధిష్ఠాయ ధీమతే

॥ 23 ॥

శ్లోక 178

యమాయ ప్రాహ భగవాన్ సాధ్యో నారాయణోఽచ్యుతః ।

నాచికేతాయ భగవానాహ వైవస్వతో యమః

॥ 24 ॥

శ్లోక 179

మార్కణ్డేయాయ వార్ష్ణేయ నాచికేతోఽభ్యభాషత ।

మార్కణ్డేయాన్మయా ప్రాప్తో నియమేన జనార్దన

॥ 25 ॥

శ్లోక 180

తవాప్యహమమిత్రఘ్న స్తవం దద్యాం హ్యవిశ్రుతమ్ ।

స్వర్గ్యమారోగ్యమాయుష్యం ధన్యం వేదేన సమ్మితమ్

॥ 26 ॥

శ్లోక 181

నాస్య విఘ్నం వికుర్వన్తి దానవా యక్షరాక్షసాః ।

పిశాచా యాతుధానా వా గుహ్యకా భుజగా అపి

॥ 27 ॥

శ్లోక 182

యః పఠేత శుచిః పార్థ బ్రహ్మచారీ జితేన్ద్రియః । [భూత్వా]

అభగ్నయోగో వర్షం తు సోఽశ్వమేధఫలం లభేత్

॥ 28 ॥

శ్లోక 183

ఇతి శ్రీమహాభారతే అనుశాసనపర్వణి మహాదేవసహస్రనామ స్తోత్రం నామ సప్తదశోఽధ్యాయః ॥