ശിവ സഹസ്ര നാമ സ്തോത്രമ്

ശിവ സഹസ്ര നാമ സ്തോത്രമ്

ശ്ലോക 1

പൂര്വപീഠികാ ॥

വാസുദേവ ഉവാച ।

തതഃ സ പ്രയതോ ഭൂത്വാ മമ താത യുധിഷ്ഠിര ।

പ്രാഞ്ജലിഃ പ്രാഹ വിപ്രര്ഷിര്നാമസങ്ഗ്രഹമാദിതഃ

ശ്ലോക 2

ഉപമന്യുരുവാച ।

ബ്രഹ്മപ്രോക്തൈരൃഷിപ്രോക്തൈര്വേദവേദാങ്ഗസമ്ഭവൈഃ ।

സര്വലോകേഷു വിഖ്യാതം സ്തുത്യം സ്തോഷ്യാമി നാമഭിഃ

॥ 1 ॥

ശ്ലോക 3

മഹദ്ഭിര്വിഹിതൈഃ സത്യൈഃ സിദ്ധൈഃ സര്വാര്ഥസാധകൈഃ ।

ഋഷിണാ തണ്ഡിനാ ഭക്ത്യാ കൃതൈര്വേദകൃതാത്മനാ

॥ 2 ॥

ശ്ലോക 4

യഥോക്തൈഃ സാധുഭിഃ ഖ്യാതൈര്മുനിഭിസ്തത്ത്വദര്ശിഭിഃ ।

പ്രവരം പ്രഥമം സ്വര്ഗ്യം സര്വഭൂതഹിതം ശുഭമ്

॥ 3 ॥

ശ്ലോക 5

ശ്രുതൈഃ സര്വത്ര ജഗതി ബ്രഹ്മലോകാവതാരിതൈഃ ।

സത്യൈസ്തത്പരമം ബ്രഹ്മ ബ്രഹ്മപ്രോക്തം സനാതനമ്

॥ 4 ॥

ശ്ലോക 6

വക്ഷ്യേ യദുകുലശ്രേഷ്ഠ ശൃണുഷ്വാവഹിതോ മമ ।

വരയൈനം ഭവം ദേവം ഭക്തസ്ത്വം പരമേശ്വരമ്

॥ 5 ॥

ശ്ലോക 7

തേന തേ ശ്രാവയിഷ്യാമി യത്തദ്ബ്രഹ്മ സനാതനമ് ।

ന ശക്യം വിസ്തരാത്കൃത്സ്നം വക്തും സര്വസ്യ കേനചിത്

॥ 6 ॥

ശ്ലോക 8

യുക്തേനാപി വിഭൂതീനാമപി വര്ഷശതൈരപി ।

യസ്യാദിര്മധ്യമന്തം ച സുരൈരപി ന ഗമ്യതേ

॥ 7 ॥

ശ്ലോക 9

കസ്തസ്യ ശക്നുയാദ്വക്തും ഗുണാന് കാര്ത്സ്ന്യേന മാധവ ।

കിം തു ദേവസ്യ മഹതഃ സങ്ക്ഷിപ്താര്ഥപദാക്ഷരമ്

॥ 8 ॥

ശ്ലോക 10

ശക്തിതശ്ചരിതം വക്ഷ്യേ പ്രസാദാത്തസ്യ ധീമതഃ ।

അപ്രാപ്യ തു തതോഽനുജ്ഞാം ന ശക്യഃ സ്തോതുമീശ്വരഃ

॥ 9 ॥

ശ്ലോക 11

യദാ തേനാഭ്യനുജ്ഞാതഃ സ്തുതോ വൈ സ തദാ മയാ ।

അനാദിനിധനസ്യാഹം ജഗദ്യോനേര്മഹാത്മനഃ

॥ 10 ॥

ശ്ലോക 12

നാമ്നാം കിഞ്ചിത്സമുദ്ദേശം വക്ഷ്യാമ്യവ്യക്തയോനിനഃ ।

വരദസ്യ വരേണ്യസ്യ വിശ്വരൂപസ്യ ധീമതഃ

॥ 11 ॥

ശ്ലോക 13

ശൃണു നാമ്നാം ച യം കൃഷ്ണ യദുക്തം പദ്മയോനിനാ ।

ദശനാമസഹസ്രാണി യാന്യാഹ പ്രപിതാമഹഃ

॥ 12 ॥

ശ്ലോക 14

താനി നിര്മഥ്യ മനസാ ദധ്നോ ഘൃതമിവോദ്ധൃതമ് ।

ഗിരേഃ സാരം യഥാ ഹേമ പുഷ്പസാരം യഥാ മധു

॥ 13 ॥

ശ്ലോക 15

ഘൃതാത്സാരം യഥാ മണ്ഡസ്തഥൈതത്സാരമുദ്ധൃതമ് ।

സര്വപാപാപഹമിദം ചതുര്വേദസമന്വിതമ്

॥ 14 ॥

ശ്ലോക 16

പ്രയത്നേനാധിഗന്തവ്യം ധാര്യം ച പ്രയതാത്മനാ ।

മാങ്ഗല്യം പൌഷ്ടികം ചൈവ രക്ഷോഘ്നം പാവനം മഹത്

॥ 15 ॥

ശ്ലോക 17

ഇദം ഭക്തായ ദാതവ്യം ശ്രദ്ദധാനാസ്തികായ ച ।

നാശ്രദ്ദധാനരൂപായ നാസ്തികായാജിതാത്മനേ

॥ 16 ॥

ശ്ലോക 18

യശ്ചാഭ്യസൂയതേ ദേവം കാരണാത്മാനമീശ്വരമ് ।

സ കൃഷ്ണ നരകം യാതി സഹ പൂര്വൈഃ സഹാത്മജൈഃ

॥ 17 ॥

ശ്ലോക 19

ഇദം ധ്യാനമിദം യോഗമിദം ധ്യേയമനുത്തമമ് ।

ഇദം ജപ്യമിദം ജ്ഞാനം രഹസ്യമിദമുത്തമമ്

॥ 18 ॥

ശ്ലോക 20

യം ജ്ഞാത്വാ അന്തകാലേപി ഗച്ഛേത പരമാം ഗതിമ് ।

പവിത്രം മങ്ഗലം മേധ്യം കല്യാണമിദമുത്തമമ്

॥ 19 ॥

ശ്ലോക 21

ഇദം ബ്രഹ്മാ പുരാ കൃത്വാ സര്വലോകപിതാമഹഃ ।

സര്വ സ്തവാനാം രാജത്വേ ദിവ്യാനാം സമകല്പയത്

॥ 20 ॥

ശ്ലോക 22

തദാ പ്രഭൃതി ചൈവായമീശ്വരസ്യ മഹാത്മനഃ ।

സ്തവരാജ ഇതി ഖ്യാതോ ജഗത്യമരപൂജിതഃ

॥ 21 ॥

ശ്ലോക 23

ബ്രഹ്മലോകാദയം സ്വര്ഗേ സ്തവരാജോഽവതാരിതഃ ।

യതസ്തണ്ഡിഃ പുരാ പ്രാപ തേന തണ്ഡികൃതോഽഭവത്

॥ 22 ॥

ശ്ലോക 24

സ്വര്ഗാച്ചൈവാത്ര ഭൂര്ലോകം തണ്ഡിനാ ഹ്യവതാരിതഃ ।

സര്വമങ്ഗലമാങ്ഗല്യം സര്വപാപപ്രണാശനമ്

॥ 23 ॥

ശ്ലോക 25

നിഗദിഷ്യേ മഹാബാഹോ സ്തവാനാമുത്തമം സ്തവമ് ।

ബ്രഹ്മണാമപി യദ്ബ്രഹ്മ പരാണാമപി യത്പരമ്

॥ 24 ॥

ശ്ലോക 26

തേജസാമപി യത്തേജസ്തപസാമപി യത്തപഃ ।

ശാന്താനാമപി യഃ ശാന്തോ ദ്യുതീനാമപി യാ ദ്യുതിഃ

॥ 25 ॥

ശ്ലോക 27

ദാന്താനാമപി യോ ദാന്തോ ധീമതാമപി യാ ച ധീഃ ।

ദേവാനാമപി യോ ദേവ ഋഷീണാമപി യസ്ത്വൃഷിഃ

॥ 26 ॥

ശ്ലോക 28

യജ്ഞാനാമപി യോ യജ്ഞഃ ശിവാനാമപി യഃ ശിവഃ ।

രുദ്രാണാമപി യോ രുദ്രഃ പ്രഭാ പ്രഭവതാമപി

॥ 27 ॥

ശ്ലോക 29

യോഗിനാമപി യോ യോഗീ കാരണാനാം ച കാരണമ് ।

യതോ ലോകാഃ സമ്ഭവന്തി ന ഭവന്തി യതഃ പുനഃ

॥ 28 ॥

ശ്ലോക 30

സര്വഭൂതാത്മഭൂതസ്യ ഹരസ്യാമിതതേജസഃ ।

അഷ്ടോത്തരസഹസ്രം തു നാമ്നാം ശര്വസ്യ മേ ശൃണു ।

യച്ഛ്രുത്വാ മനുജവ്യാഘ്ര സര്വാന്കാമാനവാപ്സ്യസി

॥ 29 ॥

ശ്ലോക 31

ധ്യാനമ് ।

ശാന്തം പദ്മാസനസ്ഥം ശശിധരമുകുടം പഞ്ചവക്ത്രം ത്രിനേത്രം

ശൂലം വജ്രം ച ഖഡ്ഗം പരശുമഭയദം ദക്ഷഭാഗേ വഹന്തമ് ।

നാഗം പാശം ച ഘണ്ടാം പ്രലയഹുതവഹം സാങ്കുശം വാമഭാഗേ

നാനാലങ്കാരയുക്തം സ്ഫടികമണിനിഭം പാര്വതീശം നമാമി ॥

സ്തോത്രമ് ।

ഓം സ്ഥിരഃ സ്ഥാണുഃ പ്രഭുര്ഭീമഃ പ്രവരോ വരദോ വരഃ ।

സര്വാത്മാ സര്വവിഖ്യാതഃ സര്വഃ സര്വകരോ ഭവഃ

॥ 30 ॥

ശ്ലോക 32

ജടീ ചര്മീ ശിഖണ്ഡീ ച സര്വാങ്ഗഃ സര്വഭാവനഃ ।

ഹരശ്ച ഹരിണാക്ഷശ്ച സര്വഭൂതഹരഃ പ്രഭുഃ

॥ 1 ॥

ശ്ലോക 33

പ്രവൃത്തിശ്ച നിവൃത്തിശ്ച നിയതഃ ശാശ്വതോ ധ്രുവഃ ।

ശ്മശാനവാസീ ഭഗവാന് ഖചരോ ഗോചരോഽര്ദനഃ

॥ 2 ॥

ശ്ലോക 34

അഭിവാദ്യോ മഹാകര്മാ തപസ്വീ ഭൂതഭാവനഃ ।

ഉന്മത്തവേഷപ്രച്ഛന്നഃ സര്വലോകപ്രജാപതിഃ

॥ 3 ॥

ശ്ലോക 35

മഹാരൂപോ മഹാകായോ വൃഷരൂപോ മഹായശാഃ ।

മഹാത്മാ സര്വഭൂതാത്മാ വിശ്വരൂപോ മഹാഹനുഃ

॥ 4 ॥

ശ്ലോക 36

ലോകപാലോഽന്തര്ഹിതാത്മാ പ്രസാദോ ഹയഗര്ദഭിഃ ।

പവിത്രം ച മഹാംശ്ചൈവ നിയമോ നിയമാശ്രിതഃ

॥ 5 ॥

ശ്ലോക 37

സര്വകര്മാ സ്വയമ്ഭൂത ആദിരാദികരോ നിധിഃ ।

സഹസ്രാക്ഷോ വിശാലാക്ഷഃ സോമോ നക്ഷത്രസാധകഃ

॥ 6 ॥

ശ്ലോക 38

ചന്ദ്രഃ സൂര്യഃ ശനിഃ കേതുര്ഗ്രഹോ ഗ്രഹപതിര്വരഃ ।

അത്രിരത്ര്യാ നമസ്കര്താ മൃഗബാണാര്പണോഽനഘഃ

॥ 7 ॥

ശ്ലോക 39

॥ 8 ॥ [ആദ്യന്തലയകര്താ ച]

മഹാതപാ ഘോരതപാ അദീനോ ദീനസാധകഃ ।

സംവത്സരകരോ മന്ത്രഃ പ്രമാണം പരമം തപഃ

ശ്ലോക 40

യോഗീ യോജ്യോ മഹാബീജോ മഹാരേതാ മഹാബലഃ ।

സുവര്ണരേതാഃ സര്വജ്ഞഃ സുബീജോ ബീജവാഹനഃ

॥ 9 ॥

ശ്ലോക 41

ദശബാഹുസ്ത്വനിമിഷോ നീലകണ്ഠ ഉമാപതിഃ ।

വിശ്വരൂപഃ സ്വയം ശ്രേഷ്ഠോ ബലവീരോ ബലോ ഗണഃ

॥ 10 ॥

ശ്ലോക 42

ഗണകര്താ ഗണപതിര്ദിഗ്വാസാഃ കാമ ഏവ ച ।

മന്ത്രവിത്പരമോ മന്ത്രഃ സര്വഭാവകരോ ഹരഃ

॥ 11 ॥

ശ്ലോക 43

കമണ്ഡലുധരോ ധന്വീ ബാണഹസ്തഃ കപാലവാന് ।

അശനീ ശതഘ്നീ ഖഡ്ഗീ പട്ടിശീ ചായുധീ മഹാന്

॥ 12 ॥

ശ്ലോക 44

സ്രുവഹസ്തഃ സുരൂപശ്ച തേജസ്തേജസ്കരോ നിധിഃ ।

ഉഷ്ണീഷീ ച സുവക്ത്രശ്ച ഉദഗ്രോ വിനതസ്തഥാ

॥ 13 ॥

ശ്ലോക 45

ദീര്ഘശ്ച ഹരികേശശ്ച സുതീര്ഥഃ കൃഷ്ണ ഏവ ച ।

സൃഗാലരൂപഃ സിദ്ധാര്ഥോ മുണ്ഡഃ സര്വശുഭങ്കരഃ

॥ 14 ॥

ശ്ലോക 46

അജശ്ച ബഹുരൂപശ്ച ഗന്ധധാരീ കപര്ദ്യപി ।

ഊര്ധ്വരേതാ ഊര്ധ്വലിങ്ഗ ഊര്ധ്വശായീ നഭഃസ്ഥലഃ

॥ 15 ॥

ശ്ലോക 47

ത്രിജടീ ചീരവാസാശ്ച രുദ്രഃ സേനാപതിര്വിഭുഃ ।

അഹശ്ചരോ നക്തഞ്ചരസ്തിഗ്മമന്യുഃ സുവര്ചസഃ

॥ 16 ॥

ശ്ലോക 48

ഗജഹാ ദൈത്യഹാ കാലോ ലോകധാതാ ഗുണാകരഃ ।

സിംഹശാര്ദൂലരൂപശ്ച ആര്ദ്രചര്മാമ്ബരാവൃതഃ

॥ 17 ॥

ശ്ലോക 49

കാലയോഗീ മഹാനാദഃ സര്വകാമശ്ചതുഷ്പഥഃ ।

നിശാചരഃ പ്രേതചാരീ ഭൂതചാരീ മഹേശ്വരഃ

॥ 18 ॥

ശ്ലോക 50

ബഹുഭൂതോ ബഹുധരഃ സ്വര്ഭാനുരമിതോ ഗതിഃ ।

നൃത്യപ്രിയോ നിത്യനര്തോ നര്തകഃ സര്വലാലസഃ

॥ 19 ॥

ശ്ലോക 51

ഘോരോ മഹാതപാഃ പാശോ നിത്യോ ഗിരിരുഹോ നഭഃ ।

സഹസ്രഹസ്തോ വിജയോ വ്യവസായോ ഹ്യതന്ദ്രിതഃ

॥ 20 ॥

ശ്ലോക 52

അധര്ഷണോ ധര്ഷണാത്മാ യജ്ഞഹാ കാമനാശകഃ । [മര്ഷ]

ദക്ഷയാഗാപഹാരീ ച സുസഹോ മധ്യമസ്തഥാ

॥ 21 ॥

ശ്ലോക 53

തേജോപഹാരീ ബലഹാ മുദിതോഽര്ഥോഽജിതോഽവരഃ ।

ഗമ്ഭീരഘോഷോ ഗമ്ഭീരോ ഗമ്ഭീരബലവാഹനഃ

॥ 22 ॥

ശ്ലോക 54

ന്യഗ്രോധരൂപോ ന്യഗ്രോധോ വൃക്ഷകര്ണസ്ഥിതിര്വിഭുഃ ।

സുതീക്ഷ്ണദശനശ്ചൈവ മഹാകായോ മഹാനനഃ

॥ 23 ॥

ശ്ലോക 55

വിഷ്വക്സേനോ ഹരിര്യജ്ഞഃ സംയുഗാപീഡവാഹനഃ ।

തീക്ഷ്ണതാപശ്ച ഹര്യശ്വഃ സഹായഃ കര്മകാലവിത്

॥ 24 ॥

ശ്ലോക 56

വിഷ്ണുപ്രസാദിതോ യജ്ഞഃ സമുദ്രോ ബഡബാമുഖഃ ।

ഹുതാശനസഹായശ്ച പ്രശാന്താത്മാ ഹുതാശനഃ

॥ 25 ॥

ശ്ലോക 57

ഉഗ്രതേജാ മഹാതേജാ ജന്യോ വിജയകാലവിത് ।

ജ്യോതിഷാമയനം സിദ്ധിഃ സര്വവിഗ്രഹ ഏവ ച

॥ 26 ॥

ശ്ലോക 58

ശിഖീ മുണ്ഡീ ജടീ ജ്വാലീ മൂര്തിജോ മൂര്ധഗോ ബലീ ।

വേണവീ പണവീ താലീ ഖലീ കാലകടങ്കടഃ

॥ 27 ॥

ശ്ലോക 59

നക്ഷത്രവിഗ്രഹമതിര്ഗുണബുദ്ധിര്ലയോഽഗമഃ ।

പ്രജാപതിര്വിശ്വബാഹുര്വിഭാഗഃ സര്വഗോഽമുഖഃ

॥ 28 ॥

ശ്ലോക 60

വിമോചനഃ സുസരണോ ഹിരണ്യകവചോദ്ഭവഃ ।

മേഢ്രജോ ബലചാരീ ച മഹീചാരീ സ്രുതസ്തഥാ

॥ 29 ॥

ശ്ലോക 61

॥ 30 ॥ [മേഘജോ]

സര്വതൂര്യനിനാദീ ച സര്വാതോദ്യപരിഗ്രഹഃ ।

വ്യാലരൂപോ ഗുഹാവാസീ ഗുഹോ മാലീ തരങ്ഗവിത്

ശ്ലോക 62

ത്രിദശസ്ത്രികാലധൃക്കര്മസര്വബന്ധവിമോചനഃ ।

ബന്ധനസ്ത്വസുരേന്ദ്രാണാം യുധിശത്രുവിനാശനഃ

॥ 31 ॥

ശ്ലോക 63

സാങ്ഖ്യപ്രസാദോ ദുര്വാസാഃ സര്വസാധുനിഷേവിതഃ ।

പ്രസ്കന്ദനോ വിഭാഗജ്ഞോ അതുല്യോ യജ്ഞഭാഗവിത്

॥ 32 ॥

ശ്ലോക 64

സര്വവാസഃ സര്വചാരീ ദുര്വാസാ വാസവോഽമരഃ ।

ഹൈമോ ഹേമകരോഽയജ്ഞഃ സര്വധാരീ ധരോത്തമഃ

॥ 33 ॥

ശ്ലോക 65

॥ 34 ॥ [യജ്ഞഃ]

ലോഹിതാക്ഷോ മഹാക്ഷശ്ച വിജയാക്ഷോ വിശാരദഃ ।

സങ്ഗ്രഹോ നിഗ്രഹഃ കര്താ സര്പചീരനിവാസനഃ

ശ്ലോക 66

മുഖ്യോഽമുഖ്യശ്ച ദേഹശ്ച കാഹലിഃ സര്വകാമദഃ ।

സര്വകാലപ്രസാദശ്ച സുബലോ ബലരൂപധൃത്

॥ 35 ॥

ശ്ലോക 67

സര്വകാമവരശ്ചൈവ സര്വദഃ സര്വതോമുഖഃ ।

ആകാശനിര്വിരൂപശ്ച നിപാതീ ഹ്യവശഃ ഖഗഃ

॥ 36 ॥

ശ്ലോക 68

രൌദ്രരൂപോഽംശുരാദിത്യോ ബഹുരശ്മിഃ സുവര്ചസീ ।

വസുവേഗോ മഹാവേഗോ മനോവേഗോ നിശാചരഃ

॥ 37 ॥

ശ്ലോക 69

സര്വവാസീ ശ്രിയാവാസീ ഉപദേശകരോഽകരഃ ।

മുനിരാത്മനിരാലോകഃ സമ്ഭഗ്നശ്ച സഹസ്രദഃ

॥ 38 ॥

ശ്ലോക 70

പക്ഷീ ച പക്ഷരൂപശ്ച അതിദീപ്തോ വിശാം പതിഃ ।

ഉന്മാദോ മദനഃ കാമോ ഹ്യശ്വത്ഥോഽര്ഥകരോ യശഃ

॥ 39 ॥

ശ്ലോക 71

വാമദേവശ്ച വാമശ്ച പ്രാഗ്ദക്ഷിണശ്ച വാമനഃ ।

സിദ്ധയോഗീ മഹര്ഷിശ്ച സിദ്ധാര്ഥഃ സിദ്ധസാധകഃ

॥ 40 ॥

ശ്ലോക 72

ഭിക്ഷുശ്ച ഭിക്ഷുരൂപശ്ച വിപണോ മൃദുരവ്യയഃ ।

മഹാസേനോ വിശാഖശ്ച ഷഷ്ടിഭാഗോ ഗവാം പതിഃ

॥ 41 ॥

ശ്ലോക 73

വജ്രഹസ്തശ്ച വിഷ്കമ്ഭീ ചമൂസ്തമ്ഭന ഏവ ച ।

വൃത്താവൃത്തകരസ്താലോ മധുര്മധുകലോചനഃ

॥ 42 ॥

ശ്ലോക 74

വാചസ്പത്യോ വാജസനോ നിത്യമാശ്രമപൂജിതഃ । [നിത്യമാശ്രിതപൂജിതഃ]

ബ്രഹ്മചാരീ ലോകചാരീ സര്വചാരീ വിചാരവിത്

॥ 43 ॥

ശ്ലോക 75

ഈശാന ഈശ്വരഃ കാലോ നിശാചാരീ പിനാകഭൃത് ।

നിമിത്തസ്ഥോ നിമിത്തം ച നന്ദിര്നന്ദികരോ ഹരിഃ

॥ 44 ॥

ശ്ലോക 76

നന്ദീശ്വരശ്ച നന്ദീ ച നന്ദനോ നന്ദിവര്ധനഃ ।

ഭഗഹാരീ നിഹന്താ ച കാലോ ബ്രഹ്മാ പിതാമഹഃ

॥ 45 ॥

ശ്ലോക 77

ചതുര്മുഖോ മഹാലിങ്ഗശ്ചാരുലിങ്ഗസ്തഥൈവ ച ।

ലിങ്ഗാധ്യക്ഷഃ സുരാധ്യക്ഷോ യോഗാധ്യക്ഷോ യുഗാവഹഃ

॥ 46 ॥

ശ്ലോക 78

ബീജാധ്യക്ഷോ ബീജകര്താ അധ്യാത്മാനുഗതോ ബലഃ ।

ഇതിഹാസഃ സകല്പശ്ച ഗൌതമോഽഥ നിശാകരഃ

॥ 47 ॥

ശ്ലോക 79

ദമ്ഭോ ഹ്യദമ്ഭോ വൈദമ്ഭോ വശ്യോ വശകരഃ കലിഃ ।

ലോകകര്താ പശുപതിര്മഹാകര്താ ഹ്യനൌഷധഃ

॥ 48 ॥

ശ്ലോക 80

അക്ഷരം പരമം ബ്രഹ്മ ബലവച്ഛക്ര ഏവ ച ।

നീതിര്ഹ്യനീതിഃ ശുദ്ധാത്മാ ശുദ്ധോ മാന്യോ ഗതാഗതഃ

॥ 49 ॥

ശ്ലോക 81

ബഹുപ്രസാദഃ സുസ്വപ്നോ ദര്പണോഽഥ ത്വമിത്രജിത് ।

വേദകാരോ മന്ത്രകാരോ വിദ്വാന് സമരമര്ദനഃ

॥ 50 ॥

ശ്ലോക 82

മഹാമേഘനിവാസീ ച മഹാഘോരോ വശീകരഃ ।

അഗ്നിജ്വാലോ മഹാജ്വാലോ അതിധൂമ്രോ ഹുതോ ഹവിഃ

॥ 51 ॥

ശ്ലോക 83

വൃഷണഃ ശങ്കരോ നിത്യവര്ചസ്വീ ധൂമകേതനഃ ।

നീലസ്തഥാങ്ഗലുബ്ധശ്ച ശോഭനോ നിരവഗ്രഹഃ

॥ 52 ॥

ശ്ലോക 84

സ്വസ്തിദഃ സ്വസ്തിഭാവശ്ച ഭാഗീ ഭാഗകരോ ലഘുഃ ।

ഉത്സങ്ഗശ്ച മഹാങ്ഗശ്ച മഹാഗര്ഭപരായണഃ

॥ 53 ॥

ശ്ലോക 85

കൃഷ്ണവര്ണഃ സുവര്ണശ്ച ഇന്ദ്രിയം സര്വദേഹിനാമ് ।

മഹാപാദോ മഹാഹസ്തോ മഹാകായോ മഹായശാഃ

॥ 54 ॥

ശ്ലോക 86

മഹാമൂര്ധാ മഹാമാത്രോ മഹാനേത്രോ നിശാലയഃ ।

മഹാന്തകോ മഹാകര്ണോ മഹോഷ്ഠശ്ച മഹാഹനുഃ

॥ 55 ॥

ശ്ലോക 87

മഹാനാസോ മഹാകമ്ബുര്മഹാഗ്രീവഃ ശ്മശാനഭാക് ।

മഹാവക്ഷാ മഹോരസ്കോ ഹ്യന്തരാത്മാ മൃഗാലയഃ

॥ 56 ॥

ശ്ലോക 88

ലമ്ബനോ ലമ്ബിതോഷ്ഠശ്ച മഹാമായഃ പയോനിധിഃ ।

മഹാദന്തോ മഹാദംഷ്ട്രോ മഹാജിഹ്വോ മഹാമുഖഃ

॥ 57 ॥

ശ്ലോക 89

മഹാനഖോ മഹാരോമാ മഹാകേശോ മഹാജടഃ ।

പ്രസന്നശ്ച പ്രസാദശ്ച പ്രത്യയോ ഗിരിസാധനഃ

॥ 58 ॥

ശ്ലോക 90

സ്നേഹനോഽസ്നേഹനശ്ചൈവ അജിതശ്ച മഹാമുനിഃ ।

വൃക്ഷാകാരോ വൃക്ഷകേതുരനലോ വായുവാഹനഃ

॥ 59 ॥

ശ്ലോക 91

ഗണ്ഡലീ മേരുധാമാ ച ദേവാധിപതിരേവ ച ।

അഥര്വശീര്ഷഃ സാമാസ്യ ഋക്സഹസ്രാമിതേക്ഷണഃ

॥ 60 ॥

ശ്ലോക 92

യജുഃ പാദഭുജോ ഗുഹ്യഃ പ്രകാശോ ജങ്ഗമസ്തഥാ ।

അമോഘാര്ഥഃ പ്രസാദശ്ച അഭിഗമ്യഃ സുദര്ശനഃ

॥ 61 ॥

ശ്ലോക 93

ഉപകാരഃ പ്രിയഃ സര്വഃ കനകഃ കാഞ്ചനച്ഛവിഃ ।

നാഭിര്നന്ദികരോ ഭാവഃ പുഷ്കരസ്ഥപതിഃ സ്ഥിരഃ

॥ 62 ॥

ശ്ലോക 94

ദ്വാദശസ്ത്രാസനശ്ചാദ്യോ യജ്ഞോ യജ്ഞസമാഹിതഃ ।

നക്തം കലിശ്ച കാലശ്ച മകരഃ കാലപൂജിതഃ

॥ 63 ॥

ശ്ലോക 95

സഗണോ ഗണകാരശ്ച ഭൂതവാഹനസാരഥിഃ ।

ഭസ്മശയോ ഭസ്മഗോപ്താ ഭസ്മഭൂതസ്തരുര്ഗണഃ

॥ 64 ॥

ശ്ലോക 96

ലോകപാലസ്തഥാഽലോകോ മഹാത്മാ സര്വപൂജിതഃ ।

ശുക്ലസ്ത്രിശുക്ലഃ സമ്പന്നഃ ശുചിര്ഭൂതനിഷേവിതഃ

॥ 65 ॥

ശ്ലോക 97

ആശ്രമസ്ഥഃ ക്രിയാവസ്ഥോ വിശ്വകര്മമതിര്വരഃ ।

വിശാലശാഖസ്താമ്രോഷ്ഠോ ഹ്യമ്ബുജാലഃ സുനിശ്ചലഃ

॥ 66 ॥

ശ്ലോക 98

കപിലഃ കപിശഃ ശുക്ല ആയുശ്ചൈവ പരോഽപരഃ ।

ഗന്ധര്വോ ഹ്യദിതിസ്താര്ക്ഷ്യഃ സുവിജ്ഞേയഃ സുശാരദഃ

॥ 67 ॥

ശ്ലോക 99

പരശ്വധായുധോ ദേവോ ഹ്യനുകാരീ സുബാന്ധവഃ ।

തുമ്ബവീണോ മഹാക്രോധ ഊര്ധ്വരേതാ ജലേശയഃ

॥ 68 ॥

ശ്ലോക 100

ഉഗ്രോ വംശകരോ വംശോ വംശനാദോ ഹ്യനിന്ദിതഃ ।

സര്വാങ്ഗരൂപോ മായാവീ സുഹൃദോ ഹ്യനിലോഽനലഃ

॥ 69 ॥

ശ്ലോക 101

ബന്ധനോ ബന്ധകര്താ ച സുബന്ധനവിമോചനഃ ।

സ യജ്ഞാരിഃ സ കാമാരിര്മഹാദംഷ്ട്രോ മഹായുധഃ

॥ 70 ॥

ശ്ലോക 102

ബഹുധാ നിന്ദിതഃ ശര്വഃ ശങ്കരഃ ശങ്കരോഽധനഃ ।

അമരേശോ മഹാദേവോ വിശ്വദേവഃ സുരാരിഹാ

॥ 71 ॥

ശ്ലോക 103

അഹിര്ബുധ്ന്യോഽനിലാഭശ്ച ചേകിതാനോ ഹവിസ്തഥാ । [ഹരി]

അജൈകപാച്ച കാപാലീ ത്രിശങ്കുരജിതഃ ശിവഃ

॥ 72 ॥

ശ്ലോക 104

ധന്വന്തരിര്ധൂമകേതുഃ സ്കന്ദോ വൈശ്രവണസ്തഥാ ।

ധാതാ ശക്രശ്ച വിഷ്ണുശ്ച മിത്രസ്ത്വഷ്ടാ ധ്രുവോ ധരഃ

॥ 73 ॥

ശ്ലോക 105

പ്രഭാവഃ സര്വഗോ വായുരര്യമാ സവിതാ രവിഃ ।

ഉഷങ്ഗുശ്ച വിധാതാ ച മാന്ധാതാ ഭൂതഭാവനഃ

॥ 74 ॥

ശ്ലോക 106

വിഭുര്വര്ണവിഭാവീ ച സര്വകാമഗുണാവഹഃ ।

പദ്മനാഭോ മഹാഗര്ഭശ്ചന്ദ്രവക്ത്രോഽനിലോഽനലഃ

॥ 75 ॥

ശ്ലോക 107

ബലവാംശ്ചോപശാന്തശ്ച പുരാണഃ പുണ്യചഞ്ചുരീ ।

കുരുകര്താ കുരുവാസീ കുരുഭൂതോ ഗുണൌഷധഃ

॥ 76 ॥

ശ്ലോക 108

സര്വാശയോ ദര്ഭചാരീ സര്വേഷാം പ്രാണിനാം പതിഃ ।

ദേവദേവഃ സുഖാസക്തഃ സദസത്സര്വരത്നവിത്

॥ 77 ॥

ശ്ലോക 109

കൈലാസഗിരിവാസീ ച ഹിമവദ്ഗിരിസംശ്രയഃ ।

കൂലഹാരീ കൂലകര്താ ബഹുവിദ്യോ ബഹുപ്രദഃ

॥ 78 ॥

ശ്ലോക 110

വണിജോ വര്ധകീ വൃക്ഷോ വകുലശ്ചന്ദനശ്ഛദഃ ।

സാരഗ്രീവോ മഹാജത്രുരലോലശ്ച മഹൌഷധഃ

॥ 79 ॥

ശ്ലോക 111

സിദ്ധാര്ഥകാരീ സിദ്ധാര്ഥശ്ഛന്ദോവ്യാകരണോത്തരഃ ।

സിംഹനാദഃ സിംഹദംഷ്ട്രഃ സിംഹഗഃ സിംഹവാഹനഃ

॥ 80 ॥

ശ്ലോക 112

പ്രഭാവാത്മാ ജഗത്കാലസ്ഥാലോ ലോകഹിതസ്തരുഃ ।

സാരങ്ഗോ നവചക്രാങ്ഗഃ കേതുമാലീ സഭാവനഃ

॥ 81 ॥

ശ്ലോക 113

ഭൂതാലയോ ഭൂതപതിരഹോരാത്രമനിന്ദിതഃ

॥ 82 ॥

ശ്ലോക 114

വാഹിതാ സര്വഭൂതാനാം നിലയശ്ച വിഭുര്ഭവഃ ।

അമോഘഃ സംയതോ ഹ്യശ്വോ ഭോജനഃ പ്രാണധാരണഃ

॥ 83 ॥

ശ്ലോക 115

ധൃതിമാന് മതിമാന് ദക്ഷഃ സത്കൃതശ്ച യുഗാധിപഃ ।

ഗോപാലിര്ഗോപതിര്ഗ്രാമോ ഗോചര്മവസനോ ഹരിഃ

॥ 84 ॥

ശ്ലോക 116

ഹിരണ്യബാഹുശ്ച തഥാ ഗുഹാപാലഃ പ്രവേശിനാമ് ।

പ്രകൃഷ്ടാരിര്മഹാഹര്ഷോ ജിതകാമോ ജിതേന്ദ്രിയഃ

॥ 85 ॥

ശ്ലോക 117

ഗാന്ധാരശ്ച സുവാസശ്ച തപഃസക്തോ രതിര്നരഃ ।

മഹാഗീതോ മഹാനൃത്യോ ഹ്യപ്സരോഗണസേവിതഃ

॥ 86 ॥

ശ്ലോക 118

മഹാകേതുര്മഹാധാതുര്നൈകസാനുചരശ്ചലഃ ।

ആവേദനീയ ആദേശഃ സര്വഗന്ധസുഖാവഹഃ

॥ 87 ॥

ശ്ലോക 119

തോരണസ്താരണോ വാതഃ പരിധീ പതിഖേചരഃ ।

സംയോഗോ വര്ധനോ വൃദ്ധോ അതിവൃദ്ധോ ഗുണാധികഃ

॥ 88 ॥

ശ്ലോക 120

നിത്യ ആത്മസഹായശ്ച ദേവാസുരപതിഃ പതിഃ ।

യുക്തശ്ച യുക്തബാഹുശ്ച ദേവോ ദിവിസുപര്വണഃ

॥ 89 ॥

ശ്ലോക 121

ആഷാഢശ്ച സുഷാഢശ്ച ധ്രുവോഽഥ ഹരിണോ ഹരഃ ।

വപുരാവര്തമാനേഭ്യോ വസുശ്രേഷ്ഠോ മഹാപഥഃ

॥ 90 ॥

ശ്ലോക 122

ശിരോഹാരീ വിമര്ശശ്ച സര്വലക്ഷണലക്ഷിതഃ ।

അക്ഷശ്ച രഥയോഗീ ച സര്വയോഗീ മഹാബലഃ

॥ 91 ॥

ശ്ലോക 123

സമാമ്നായോഽസമാമ്നായസ്തീര്ഥദേവോ മഹാരഥഃ ।

നിര്ജീവോ ജീവനോ മന്ത്രഃ ശുഭാക്ഷോ ബഹുകര്കശഃ

॥ 92 ॥

ശ്ലോക 124

രത്നപ്രഭൂതോ രക്താങ്ഗോ മഹാര്ണവനിപാനവിത് । [രത്നാങ്ഗോ]

മൂലം വിശാലോ ഹ്യമൃതോ വ്യക്താവ്യക്തസ്തപോനിധിഃ

॥ 93 ॥

ശ്ലോക 125

ആരോഹണോഽധിരോഹശ്ച ശീലധാരീ മഹായശാഃ ।

സേനാകല്പോ മഹാകല്പോ യോഗോ യുഗകരോ ഹരിഃ

॥ 94 ॥

ശ്ലോക 126

॥ 95 ॥ [യോഗകരോ]

യുഗരൂപോ മഹാരൂപോ മഹാനാഗഹനോ വധഃ ।

ന്യായനിര്വപണഃ പാദഃ പണ്ഡിതോ ഹ്യചലോപമഃ

ശ്ലോക 127

ബഹുമാലോ മഹാമാലഃ ശശീ ഹരസുലോചനഃ ।

വിസ്താരോ ലവണഃ കൂപസ്ത്രിയുഗഃ സഫലോദയഃ

॥ 96 ॥

ശ്ലോക 128

ത്രിലോചനോ വിഷണ്ണാങ്ഗോ മണിവിദ്ധോ ജടാധരഃ ।

ബിന്ദുര്വിസര്ഗഃ സുമുഖഃ ശരഃ സര്വായുധഃ സഹഃ

॥ 97 ॥

ശ്ലോക 129

നിവേദനഃ സുഖാജാതഃ സുഗന്ധാരോ മഹാധനുഃ ।

ഗന്ധപാലീ ച ഭഗവാനുത്ഥാനഃ സര്വകര്മണാമ്

॥ 98 ॥

ശ്ലോക 130

മന്ഥാനോ ബഹുലോ വായുഃ സകലഃ സര്വലോചനഃ ।

തലസ്താലഃ കരസ്ഥാലീ ഊര്ധ്വസംഹനനോ മഹാന്

॥ 99 ॥

ശ്ലോക 131

ഛത്രം സുച്ഛത്രോ വിഖ്യാതോ ലോകഃ സര്വാശ്രയഃ ക്രമഃ ।

മുണ്ഡോ വിരൂപോ വികൃതോ ദണ്ഡീ കുണ്ഡീ വികുര്വണഃ

॥ 100 ॥

ശ്ലോക 132

ഹര്യക്ഷഃ കകുഭോ വജ്രീ ശതജിഹ്വഃ സഹസ്രപാത് ।

സഹസ്രമൂര്ധാ ദേവേന്ദ്രഃ സര്വദേവമയോ ഗുരുഃ

॥ 101 ॥

ശ്ലോക 133

സഹസ്രബാഹുഃ സര്വാങ്ഗഃ ശരണ്യഃ സര്വലോകകൃത് ।

പവിത്രം ത്രികകുന്മന്ത്രഃ കനിഷ്ഠഃ കൃഷ്ണപിങ്ഗലഃ

॥ 102 ॥

ശ്ലോക 134

ബ്രഹ്മദണ്ഡവിനിര്മാതാ ശതഘ്നീപാശശക്തിമാന് ।

പദ്മഗര്ഭോ മഹാഗര്ഭോ ബ്രഹ്മഗര്ഭോ ജലോദ്ഭവഃ

॥ 103 ॥

ശ്ലോക 135

ഗഭസ്തിര്ബ്രഹ്മകൃദ്ബ്രഹ്മീ ബ്രഹ്മവിദ്ബ്രാഹ്മണോ ഗതിഃ ।

അനന്തരൂപോ നൈകാത്മാ തിഗ്മതേജാഃ സ്വയമ്ഭുവഃ

॥ 104 ॥

ശ്ലോക 136

ഊര്ധ്വഗാത്മാ പശുപതിര്വാതരംഹാ മനോജവഃ ।

ചന്ദനീ പദ്മനാലാഗ്രഃ സുരഭ്യുത്തരണോ നരഃ

॥ 105 ॥

ശ്ലോക 137

കര്ണികാരമഹാസ്രഗ്വീ നീലമൌലിഃ പിനാകധൃത് ।

ഉമാപതിരുമാകാന്തോ ജാഹ്നവീധൃദുമാധവഃ

॥ 106 ॥

ശ്ലോക 138

വരോ വരാഹോ വരദോ വരേണ്യഃ സുമഹാസ്വനഃ ।

മഹാപ്രസാദോ ദമനഃ ശത്രുഹാ ശ്വേതപിങ്ഗലഃ

॥ 107 ॥

ശ്ലോക 139

പീതാത്മാ പരമാത്മാ ച പ്രയതാത്മാ പ്രധാനധൃത് । [പ്രീതാത്മാ]

സര്വപാര്ശ്വമുഖസ്ത്ര്യക്ഷോ ധര്മസാധാരണോ വരഃ

॥ 108 ॥

ശ്ലോക 140

ചരാചരാത്മാ സൂക്ഷ്മാത്മാ അമൃതോ ഗോവൃഷേശ്വരഃ ।

സാധ്യര്ഷിര്വസുരാദിത്യോ വിവസ്വാന്സവിതാമൃതഃ

॥ 109 ॥

ശ്ലോക 141

വ്യാസഃ സര്ഗഃ സുസങ്ക്ഷേപോ വിസ്തരഃ പര്യയോ നരഃ ।

ഋതുഃ സംവത്സരോ മാസഃ പക്ഷഃ സങ്ഖ്യാസമാപനഃ

॥ 110 ॥

ശ്ലോക 142

കലാ കാഷ്ഠാ ലവാ മാത്രാ മുഹൂര്താഹഃ ക്ഷപാഃ ക്ഷണാഃ ।

വിശ്വക്ഷേത്രം പ്രജാബീജം ലിങ്ഗമാദ്യസ്തു നിര്ഗമഃ

॥ 111 ॥

ശ്ലോക 143

സദസദ്വ്യക്തമവ്യക്തം പിതാ മാതാ പിതാമഹഃ ।

സ്വര്ഗദ്വാരം പ്രജാദ്വാരം മോക്ഷദ്വാരം ത്രിവിഷ്ടപമ്

॥ 112 ॥

ശ്ലോക 144

നിര്വാണം ഹ്ലാദനശ്ചൈവ ബ്രഹ്മലോകഃ പരാ ഗതിഃ ।

ദേവാസുരവിനിര്മാതാ ദേവാസുരപരായണഃ

॥ 113 ॥

ശ്ലോക 145

ദേവാസുരഗുരുര്ദേവോ ദേവാസുരനമസ്കൃതഃ ।

ദേവാസുരമഹാമാത്രോ ദേവാസുരഗണാശ്രയഃ

॥ 114 ॥

ശ്ലോക 146

ദേവാസുരഗണാധ്യക്ഷോ ദേവാസുരഗണാഗ്രണീഃ ।

ദേവാതിദേവോ ദേവര്ഷിര്ദേവാസുരവരപ്രദഃ

॥ 115 ॥

ശ്ലോക 147

॥ 116 ॥ [ദേവാദി]

ദേവാസുരേശ്വരോ വിശ്വോ ദേവാസുരമഹേശ്വരഃ ।

സര്വദേവമയോഽചിന്ത്യോ ദേവതാത്മാഽഽത്മസമ്ഭവഃ

ശ്ലോക 148

ഉദ്ഭിത്ത്രിവിക്രമോ വൈദ്യോ വിരജോ നീരജോഽമരഃ ।

ഈഡ്യോ ഹസ്തീശ്വരോ വ്യാഘ്രോ ദേവസിംഹോ നരര്ഷഭഃ

॥ 117 ॥

ശ്ലോക 149

വിബുധോഽഗ്രവരഃ സൂക്ഷ്മഃ സര്വദേവസ്തപോമയഃ ।

സുയുക്തഃ ശോഭനോ വജ്രീ പ്രാസാനാം പ്രഭവോഽവ്യയഃ

॥ 118 ॥

ശ്ലോക 150

ഗുഹഃ കാന്തോ നിജഃ സര്ഗഃ പവിത്രം സര്വപാവനഃ ।

ശൃങ്ഗീ ശൃങ്ഗപ്രിയോ ബഭ്രൂ രാജരാജോ നിരാമയഃ

॥ 119 ॥

ശ്ലോക 151

അഭിരാമഃ സുരഗണോ വിരാമഃ സര്വസാധനഃ ।

ലലാടാക്ഷോ വിശ്വദേവോ ഹരിണോ ബ്രഹ്മവര്ചസഃ

॥ 120 ॥

ശ്ലോക 152

സ്ഥാവരാണാം പതിശ്ചൈവ നിയമേന്ദ്രിയവര്ധനഃ ।

സിദ്ധാര്ഥഃ സിദ്ധഭൂതാര്ഥോഽചിന്ത്യഃ സത്യവ്രതഃ ശുചിഃ

॥ 121 ॥

ശ്ലോക 153

വ്രതാധിപഃ പരം ബ്രഹ്മ ഭക്താനാം പരമാ ഗതിഃ । [ഭക്താനുഗ്രഹകാരകഃ]

വിമുക്തോ മുക്തതേജാശ്ച ശ്രീമാന് ശ്രീവര്ധനോ ജഗത്

॥ 122 ॥

ശ്ലോക 154

ഉത്തരപീഠികാ (ഫലശൃതി)

യഥാ പ്രധാനം ഭഗവാനിതി ഭക്ത്യാ സ്തുതോ മയാ ।

യം ന ബ്രഹ്മാദയോ ദേവാ വിദുസ്തത്ത്വേന നര്ഷയഃ

॥ 123 ॥

ശ്ലോക 155

സ്തോതവ്യമര്ച്യം വന്ദ്യം ച കഃ സ്തോഷ്യതി ജഗത്പതിമ് ।

ഭക്ത്യാ ത്വേവം പുരസ്കൃത്യ മയാ യജ്ഞപതിര്വിഭുഃ

॥ 1 ॥

ശ്ലോക 156

തതോഽഭ്യനുജ്ഞാം സമ്പ്രാപ്യ സ്തുതോ മതിമതാം വരഃ ।

ശിവമേഭിഃ സ്തുവന് ദേവം നാമഭിഃ പുഷ്ടിവര്ധനൈഃ

॥ 2 ॥

ശ്ലോക 157

നിത്യയുക്തഃ ശുചിര്ഭക്തഃ പ്രാപ്നോത്യാത്മാനമാത്മനാ ।

ഏതദ്ധി പരമം ബ്രഹ്മ പരം ബ്രഹ്മാധിഗച്ഛതി

॥ 3 ॥

ശ്ലോക 158

ഋഷയശ്ചൈവ ദേവാശ്ച സ്തുവന്ത്യേതേന തത്പരമ് ।

സ്തൂയമാനോ മഹാദേവസ്തുഷ്യതേ നിയതാത്മഭിഃ

॥ 4 ॥

ശ്ലോക 159

ഭക്താനുകമ്പീ ഭഗവാനാത്മസംസ്ഥാകരോ വിഭുഃ ।

തഥൈവ ച മനുഷ്യേഷു യേ മനുഷ്യാഃ പ്രധാനതഃ

॥ 5 ॥

ശ്ലോക 160

ആസ്തികാഃ ശ്രദ്ദധാനാശ്ച ബഹുഭിര്ജന്മഭിഃ സ്തവൈഃ ।

ഭക്ത്യാ ഹ്യനന്യമീശാനം പരം ദേവം സനാതനമ്

॥ 6 ॥

ശ്ലോക 161

കര്മണാ മനസാ വാചാ ഭാവേനാമിതതേജസഃ ।

ശയാനാ ജാഗ്രമാണാശ്ച വ്രജന്നുപവിശംസ്തഥാ

॥ 7 ॥

ശ്ലോക 162

ഉന്മിഷന്നിമിഷംശ്ചൈവ ചിന്തയന്തഃ പുനഃ പുനഃ ।

ശൃണ്വന്തഃ ശ്രാവയന്തശ്ച കഥയന്തശ്ച തേ ഭവമ്

॥ 8 ॥

ശ്ലോക 163

സ്തുവന്തഃ സ്തൂയമാനാശ്ച തുഷ്യന്തി ച രമന്തി ച ।

ജന്മകോടിസഹസ്രേഷു നാനാസംസാരയോനിഷു

॥ 9 ॥

ശ്ലോക 164

ജന്തോര്വിഗതപാപസ്യ ഭവേ ഭക്തിഃ പ്രജായതേ ।

ഉത്പന്നാ ച ഭവേ ഭക്തിരനന്യാ സര്വഭാവതഃ

॥ 10 ॥

ശ്ലോക 165

ഭാവിനഃ കാരണേ ചാസ്യ സര്വയുക്തസ്യ സര്വഥാ ।

ഏതദ്ദേവേഷു ദുഷ്പ്രാപം മനുഷ്യേഷു ന ലഭ്യതേ

॥ 11 ॥

ശ്ലോക 166

നിര്വിഘ്നാ നിശ്ചലാ രുദ്രേ ഭക്തിരവ്യഭിചാരിണീ ।

തസ്യൈവ ച പ്രസാദേന ഭക്തിരുത്പദ്യതേ നൃണാമ്

॥ 12 ॥

ശ്ലോക 167

യേന യാന്തി പരാം സിദ്ധിം തദ്ഭാവഗതചേതസഃ ।

യേ സര്വഭാവാനുഗതാഃ പ്രപദ്യന്തേ മഹേശ്വരമ്

॥ 13 ॥

ശ്ലോക 168

പ്രപന്നവത്സലോ ദേവഃ സംസാരാത്താന്സമുദ്ധരേത് ।

ഏവമന്യേ വികുര്വന്തി ദേവാഃ സംസാരമോചനമ്

॥ 14 ॥

ശ്ലോക 169

മനുഷ്യാണാമൃതേ ദേവം നാന്യാ ശക്തിസ്തപോബലമ് ।

ഇതി തേനേന്ദ്രകല്പേന ഭഗവാന് സദസത്പതിഃ

॥ 15 ॥

ശ്ലോക 170

കൃത്തിവാസാഃ സ്തുതഃ കൃഷ്ണ തണ്ഡിനാ ശുഭബുദ്ധിനാ ।

സ്തവമേതം ഭഗവതോ ബ്രഹ്മാ സ്വയമധാരയത്

॥ 16 ॥

ശ്ലോക 171

ഗീയതേ ച സ ബുദ്ധ്യേത ബ്രഹ്മാ ശങ്കരസന്നിധൌ ।

ഇദം പുണ്യം പവിത്രം ച സര്വദാ പാപനാശനമ്

॥ 17 ॥

ശ്ലോക 172

യോഗദം മോക്ഷദം ചൈവ സ്വര്ഗദം തോഷദം തഥാ ।

ഏവമേതത്പഠന്തേ യ ഏകഭക്ത്യാ തു ശങ്കരമ്

॥ 18 ॥

ശ്ലോക 173

യാ ഗതിഃ സാങ്ഖ്യയോഗാനാം വ്രജന്ത്യേതാം ഗതിം തദാ ।

സ്തവമേതം പ്രയത്നേന സദാ രുദ്രസ്യ സന്നിധൌ

॥ 19 ॥

ശ്ലോക 174

അബ്ദമേകം ചരേദ്ഭക്തഃ പ്രാപ്നുയാദീപ്സിതം ഫലമ് ।

ഏതദ്രഹസ്യം പരമം ബ്രഹ്മണോ ഹൃദി സംസ്ഥിതമ്

॥ 20 ॥

ശ്ലോക 175

ബ്രഹ്മാ പ്രോവാച ശക്രായ ശക്രഃ പ്രോവാച മൃത്യവേ ।

മൃത്യുഃ പ്രോവാച രുദ്രേഭ്യോ രുദ്രേഭ്യസ്തണ്ഡിമാഗമത്

॥ 21 ॥

ശ്ലോക 176

മഹതാ തപസാ പ്രാപ്തസ്തണ്ഡിനാ ബ്രഹ്മസദ്മനി ।

തണ്ഡിഃ പ്രോവാച ശുക്രായ ഗൌതമായ ച ഭാര്ഗവഃ

॥ 22 ॥

ശ്ലോക 177

വൈവസ്വതായ മനവേ ഗൌതമഃ പ്രാഹ മാധവ ।

നാരായണായ സാധ്യായ സമാധിഷ്ഠായ ധീമതേ

॥ 23 ॥

ശ്ലോക 178

യമായ പ്രാഹ ഭഗവാന് സാധ്യോ നാരായണോഽച്യുതഃ ।

നാചികേതായ ഭഗവാനാഹ വൈവസ്വതോ യമഃ

॥ 24 ॥

ശ്ലോക 179

മാര്കണ്ഡേയായ വാര്ഷ്ണേയ നാചികേതോഽഭ്യഭാഷത ।

മാര്കണ്ഡേയാന്മയാ പ്രാപ്തോ നിയമേന ജനാര്ദന

॥ 25 ॥

ശ്ലോക 180

തവാപ്യഹമമിത്രഘ്ന സ്തവം ദദ്യാം ഹ്യവിശ്രുതമ് ।

സ്വര്ഗ്യമാരോഗ്യമായുഷ്യം ധന്യം വേദേന സമ്മിതമ്

॥ 26 ॥

ശ്ലോക 181

നാസ്യ വിഘ്നം വികുര്വന്തി ദാനവാ യക്ഷരാക്ഷസാഃ ।

പിശാചാ യാതുധാനാ വാ ഗുഹ്യകാ ഭുജഗാ അപി

॥ 27 ॥

ശ്ലോക 182

യഃ പഠേത ശുചിഃ പാര്ഥ ബ്രഹ്മചാരീ ജിതേന്ദ്രിയഃ । [ഭൂത്വാ]

അഭഗ്നയോഗോ വര്ഷം തു സോഽശ്വമേധഫലം ലഭേത്

॥ 28 ॥

ശ്ലോക 183

ഇതി ശ്രീമഹാഭാരതേ അനുശാസനപര്വണി മഹാദേവസഹസ്രനാമ സ്തോത്രം നാമ സപ്തദശോഽധ്യായഃ ॥