Shiva Panchakshari Stotram

ziva paJcAkSari stotram

zloka 1

OM namaH zivAya zivAya namaH OM

OM namaH zivAya zivAya namaH OM

nAgendrahArAya trilocanAya

bhasmAGgarAgAya mahezvarAya |

nityAya zuddhAya digambarAya

tasmai "na" kArAya namaH zivAya || 1 ||

mandAkinI salila candana carcitAya

nandIzvara pramathanAtha mahezvarAya |

mandAra mukhya bahupuSpa supUjitAya

tasmai "ma" kArAya namaH zivAya || 2 ||

zivAya gaurI vadanAbja bRnda

sUryAya dakSAdhvara nAzakAya |

zrI nIlakaNThAya vRSabhadhvajAya

tasmai "zi" kArAya namaH zivAya || 3 ||

vaziSTha kumbhodbhava gautamArya

munIndra devArcita zekharAya |

candrArka vaizvAnara locanAya

tasmai "va" kArAya namaH zivAya || 4 ||

yajJa-svarUpAya jaTAdharAya [yakSa-]

pinAka hastAya sanAtanAya |

divyAya devAya digambarAya

tasmai "ya" kArAya namaH zivAya || 5 ||

paJcAkSaramidaM puNyaM yaH paThecchiva sannidhau |

zivalokamavApnoti zivena saha modate ||