Shiva Manasa Puja

ශිව මානස පූජ

ශ්ලොක 1

රත්නෛඃ කල්පිතමාසනං හිමජලෛඃ ස්නානං ච දිව්යාම්බරං

නානාරත්න විභූෂිතං මෘගමදා මෝදාඞ්කිතං චන්දනම් .

ජාතී චම්පක බිල්වපත්ර රචිතං පුෂ්පං ච ධූපං තථා

දීපං දේව දයානිධේ පශුපතේ හෘත්කල්පිතං ගෘහ්යතාම් .. 1 ..

සෞවර්ණේ නවරත්නඛණ්ඩ රචිතේ පාත්රේ ඝෘතං පායසං

භක්ෂ්යං පඤ්චවිධං පයෝදධියුතං රම්භාඵලං පානකම් .

ශාකානාමයුතං ජලං රුචිකරං කර්පූර ඛණ්ඩෝජ්ජ්චලං

තාම්බූලං මනසා මයා විරචිතං භක්ත්යා ප්රභෝ ස්වීකුරු .. 2 ..

ඡත්රං චාමරයෝර්යුගං ව්යජනකං චාදර්ශකං නිර්මලං

වීණා භේරි මෘදඞ්ග කාහලකලා ගීතං ච නෘත්යං තථා .

සාෂ්ටාඞ්ගං ප්රණතිඃ ස්තුති-ර්බහුවිධා-හ්යේතත්-සමස්තං මයා

සඞ්කල්පේන සමර්පිතං තව විභෝ පූජාං ගෘහාණ ප්රභෝ .. 3 ..

ආත්මා ත්වං ගිරිජා මතිඃ සහචරාඃ ප්රාණාඃ ශරීරං ගෘහං

පූජා තේ විෂයෝපභෝග-රචනා නිද්රා සමාධිස්ථිතිඃ .

සඤ්චාරඃ පදයෝඃ ප්රදක්ෂිණවිධිඃ ස්තෝත්රාණි සර්වා ගිරෝ

යද්යත්කර්ම කරෝමි තත්තදඛිලං ශම්භෝ තවාරාධනම් .. 4 ..

කර චරණ කෘතං වාක්කායජං කර්මජං වා

ශ්රවණ නයනජං වා මානසං වාපරාධම් .

විහිතමවිහිතං වා සර්වමේතත්-ක්ෂමස්ව

ජය ජය කරුණාබ්ධේ ශ්රී මහාදේව ශම්භෝ .. 5 ..