Shiva Manasa Puja

shiva mAnasa pUja

shloka 1

ratnaiH kalpitamAsanaM himajalaiH snAnaM cha divyAmbaraM

nAnAratna vibhUShitaM mRRigamadA modA~NkitaM chandanam |

jAtI champaka bilvapatra rachitaM puShpaM cha dhUpaM tathA

dIpaM deva dayAnidhe pashupate hRRitkalpitaM gRRihyatAm || 1 ||

sauvarNe navaratnakhaNDa rachite pAtre ghRRitaM pAyasaM

bhakShyaM pa~nchavidhaM payodadhiyutaM rambhAphalaM pAnakam |

shAkAnAmayutaM jalaM ruchikaraM karpUra khaNDojjchalaM

tAmbUlaM manasA mayA virachitaM bhaktyA prabho svIkuru || 2 ||

ChatraM chAmarayoryugaM vyajanakaM chAdarshakaM nirmalaM

vINA bheri mRRida~Nga kAhalakalA gItaM cha nRRityaM tathA |

sAShTA~NgaM praNatiH stuti-rbahuvidhA-hyetat-samastaM mayA

sa~Nkalpena samarpitaM tava vibho pUjAM gRRihANa prabho || 3 ||

AtmA tvaM girijA matiH sahacharAH prANAH sharIraM gRRihaM

pUjA te viShayopabhoga-rachanA nidrA samAdhisthitiH |

sa~nchAraH padayoH pradakShiNavidhiH stotrANi sarvA giro

yadyatkarma karomi tattadakhilaM shambho tavArAdhanam || 4 ||

kara charaNa kRRitaM vAkkAyajaM karmajaM vA

shravaNa nayanajaM vA mAnasaM vAparAdham |

vihitamavihitaM vA sarvametat-kShamasva

jaya jaya karuNAbdhe shrI mahAdeva shambho || 5 ||