Shiva Mahimna Stotram

ଶିଵ ମହିମ୍ନା ସ୍ତୋତ୍ରମ୍

ଶ୍ଲୋକ 1

ଅଥ ଶ୍ରୀ ଶିଵମହିମ୍ନସ୍ତୋତ୍ରମ୍ ॥

ମହିମ୍ନଃ ପାରଂ ତେ ପରମଵିଦୁଷୋ ଯଦ୍ଯସଦୃଶୀ

ସ୍ତୁତିର୍ବ୍ରହ୍ମାଦୀନାମପି ତଦଵସନ୍ନାସ୍ତ୍ଵଯି ଗିରଃ ।

ଅଥାଽଵାଚ୍ଯଃ ସର୍ଵଃ ସ୍ଵମତିପରିଣାମାଵଧି ଗୃଣନ୍

ମମାପ୍ଯେଷ ସ୍ତୋତ୍ରେ ହର ନିରପଵାଦଃ ପରିକରଃ

ଶ୍ଲୋକ 2

ଅତୀତଃ ପନ୍ଥାନଂ ତଵ ଚ ମହିମା ଵାଙ୍ମନସଯୋଃ

ଅତଦ୍ଵ୍ଯାଵୃତ୍ତ୍ଯା ଯଂ ଚକିତମଭିଧତ୍ତେ ଶ୍ରୁତିରପି ।

ସ କସ୍ଯ ସ୍ତୋତଵ୍ଯଃ କତିଵିଧଗୁଣଃ କସ୍ଯ ଵିଷଯଃ

ପଦେ ତ୍ଵର୍ଵାଚୀନେ ପତତି ନ ମନଃ କସ୍ଯ ନ ଵଚଃ

॥ 1 ॥

ଶ୍ଲୋକ 3

ମଧୁସ୍ଫୀତା ଵାଚଃ ପରମମମୃତଂ ନିର୍ମିତଵତଃ

ତଵ ବ୍ରହ୍ମନ୍​ କିଂ ଵାଗପି ସୁରଗୁରୋର୍ଵିସ୍ମଯପଦମ୍ ।

ମମ ତ୍ଵେତାଂ ଵାଣୀଂ ଗୁଣକଥନପୁଣ୍ଯେନ ଭଵତଃ

ପୁନାମୀତ୍ଯର୍ଥେଽସ୍ମିନ୍ ପୁରମଥନ ବୁଦ୍ଧିର୍ଵ୍ଯଵସିତା

॥ 2 ॥

ଶ୍ଲୋକ 4

ତଵୈଶ୍ଵର୍ଯଂ ଯତ୍ତଜ୍ଜଗଦୁଦଯରକ୍ଷାପ୍ରଲଯକୃତ୍

ତ୍ରଯୀଵସ୍ତୁ ଵ୍ଯସ୍ତଂ ତିସ୍ରୁଷୁ ଗୁଣଭିନ୍ନାସୁ ତନୁଷୁ ।

ଅଭଵ୍ଯାନାମସ୍ମିନ୍ ଵରଦ ରମଣୀଯାମରମଣୀଂ

ଵିହନ୍ତୁଂ ଵ୍ଯାକ୍ରୋଶୀଂ ଵିଦଧତ ଇହୈକେ ଜଡଧିଯଃ

॥ 3 ॥

ଶ୍ଲୋକ 5

କିମୀହଃ କିଙ୍କାଯଃ ସ ଖଲୁ କିମୁପାଯସ୍ତ୍ରିଭୁଵନଂ

କିମାଧାରୋ ଧାତା ସୃଜତି କିମୁପାଦାନ ଇତି ଚ ।

ଅତର୍କ୍ଯୈଶ୍ଵର୍ଯେ ତ୍ଵଯ୍ଯନଵସର ଦୁଃସ୍ଥୋ ହତଧିଯଃ

କୁତର୍କୋଽଯଂ କାଂଶ୍ଚିତ୍ ମୁଖରଯତି ମୋହାଯ ଜଗତଃ

॥ 4 ॥

ଶ୍ଲୋକ 6

ଅଜନ୍ମାନୋ ଲୋକାଃ କିମଵଯଵଵନ୍ତୋଽପି ଜଗତାଂ

ଅଧିଷ୍ଠାତାରଂ କିଂ ଭଵଵିଧିରନାଦୃତ୍ଯ ଭଵତି ।

ଅନୀଶୋ ଵା କୁର୍ଯାଦ୍ ଭୁଵନଜନନେ କଃ ପରିକରୋ

ଯତୋ ମନ୍ଦାସ୍ତ୍ଵାଂ ପ୍ରତ୍ଯମରଵର ସଂଶେରତ ଇମେ

॥ 5 ॥

ଶ୍ଲୋକ 7

ତ୍ରଯୀ ସାଙ୍ଖ୍ଯଂ ଯୋଗଃ ପଶୁପତିମତଂ ଵୈଷ୍ଣଵମିତି

ପ୍ରଭିନ୍ନେ ପ୍ରସ୍ଥାନେ ପରମିଦମଦଃ ପଥ୍ଯମିତି ଚ ।

ରୁଚୀନାଂ ଵୈଚିତ୍ର୍ଯାଦୃଜୁକୁଟିଲ ନାନାପଥଜୁଷାଂ

ନୃଣାମେକୋ ଗମ୍ଯସ୍ତ୍ଵମସି ପଯସାମର୍ଣଵ ଇଵ

॥ 6 ॥

ଶ୍ଲୋକ 8

ମହୋକ୍ଷଃ ଖଟ୍ଵାଙ୍ଗଂ ପରଶୁରଜିନଂ ଭସ୍ମ ଫଣିନଃ

କପାଲଂ ଚେତୀଯତ୍ତଵ ଵରଦ ତନ୍ତ୍ରୋପକରଣମ୍ ।

ସୁରାସ୍ତାଂ ତାମୃଦ୍ଧିଂ ଦଧତି ତୁ ଭଵଦ୍ଭୂପ୍ରଣିହିତାଂ

ନ ହି ସ୍ଵାତ୍ମାରାମଂ ଵିଷଯମୃଗତୃଷ୍ଣା ଭ୍ରମଯତି

॥ 7 ॥

ଶ୍ଲୋକ 9

ଧ୍ରୁଵଂ କଶ୍ଚିତ୍ ସର୍ଵଂ ସକଲମପରସ୍ତ୍ଵଧ୍ରୁଵମିଦଂ

ପରୋ ଧ୍ରୌଵ୍ଯାଽଧ୍ରୌଵ୍ଯେ ଜଗତି ଗଦତି ଵ୍ଯସ୍ତଵିଷଯେ ।

ସମସ୍ତେଽପ୍ଯେତସ୍ମିନ୍ ପୁରମଥନ ତୈର୍ଵିସ୍ମିତ ଇଵ

ସ୍ତୁଵନ୍​ ଜିହ୍ରେମି ତ୍ଵାଂ ନ ଖଲୁ ନନୁ ଧୃଷ୍ଟା ମୁଖରତା

॥ 8 ॥

ଶ୍ଲୋକ 10

ତଵୈଶ୍ଵର୍ଯଂ ଯତ୍ନାଦ୍ ଯଦୁପରି ଵିରିଞ୍ଚିର୍ହରିରଧଃ

ପରିଚ୍ଛେତୁଂ ଯାତାଵନଲମନଲସ୍କନ୍ଧଵପୁଷଃ ।

ତତୋ ଭକ୍ତିଶ୍ରଦ୍ଧା-ଭରଗୁରୁ-ଗୃଣଦ୍ଭ୍ଯାଂ ଗିରିଶ ଯତ୍

ସ୍ଵଯଂ ତସ୍ଥେ ତାଭ୍ଯାଂ ତଵ କିମନୁଵୃତ୍ତିର୍ନ ଫଲତି

॥ 9 ॥

ଶ୍ଲୋକ 11

ଅଯତ୍ନାଦାସାଦ୍ଯ ତ୍ରିଭୁଵନମଵୈରଵ୍ଯତିକରଂ

ଦଶାସ୍ଯୋ ଯଦ୍ବାହୂନଭୃତ ରଣକଣ୍ଡୂ-ପରଵଶାନ୍ ।

ଶିରଃପଦ୍ମଶ୍ରେଣୀ-ରଚିତଚରଣାମ୍ଭୋରୁହ-ବଲେଃ

ସ୍ଥିରାଯାସ୍ତ୍ଵଦ୍ଭକ୍ତେସ୍ତ୍ରିପୁରହର ଵିସ୍ଫୂର୍ଜିତମିଦମ୍

॥ 10 ॥

ଶ୍ଲୋକ 12

ଅମୁଷ୍ଯ ତ୍ଵତ୍ସେଵା-ସମଧିଗତସାରଂ ଭୁଜଵନଂ

ବଲାତ୍ କୈଲାସେଽପି ତ୍ଵଦଧିଵସତୌ ଵିକ୍ରମଯତଃ ।

ଅଲଭ୍ଯା ପାତାଲେଽପ୍ଯଲସଚଲିତାଙ୍ଗୁଷ୍ଠଶିରସି

ପ୍ରତିଷ୍ଠା ତ୍ଵଯ୍ଯାସୀଦ୍ ଧ୍ରୁଵମୁପଚିତୋ ମୁହ୍ଯତି ଖଲଃ

॥ 11 ॥

ଶ୍ଲୋକ 13

ଯଦୃଦ୍ଧିଂ ସୁତ୍ରାମ୍ଣୋ ଵରଦ ପରମୋଚ୍ଚୈରପି ସତୀଂ

ଅଧଶ୍ଚକ୍ରେ ବାଣଃ ପରିଜନଵିଧେଯତ୍ରିଭୁଵନଃ ।

ନ ତଚ୍ଚିତ୍ରଂ ତସ୍ମିନ୍ ଵରିଵସିତରି ତ୍ଵଚ୍ଚରଣଯୋଃ

ନ କସ୍ଯାପ୍ଯୁନ୍ନତ୍ଯୈ ଭଵତି ଶିରସସ୍ତ୍ଵଯ୍ଯଵନତିଃ

॥ 12 ॥

ଶ୍ଲୋକ 14

ଅକାଣ୍ଡ-ବ୍ରହ୍ମାଣ୍ଡ-କ୍ଷଯଚକିତ-ଦେଵାସୁରକୃପା

ଵିଧେଯସ୍ଯାଽଽସୀଦ୍​ ଯସ୍ତ୍ରିନଯନ ଵିଷଂ ସଂହୃତଵତଃ ।

ସ କଲ୍ମାଷଃ କଣ୍ଠେ ତଵ ନ କୁରୁତେ ନ ଶ୍ରିଯମହୋ

ଵିକାରୋଽପି ଶ୍ଲାଘ୍ଯୋ ଭୁଵନ-ଭଯ- ଭଙ୍ଗ- ଵ୍ଯସନିନଃ

॥ 13 ॥

ଶ୍ଲୋକ 15

ଅସିଦ୍ଧାର୍ଥା ନୈଵ କ୍ଵଚିଦପି ସଦେଵାସୁରନରେ

ନିଵର୍ତନ୍ତେ ନିତ୍ଯଂ ଜଗତି ଜଯିନୋ ଯସ୍ଯ ଵିଶିଖାଃ ।

ସ ପଶ୍ଯନ୍ନୀଶ ତ୍ଵାମିତରସୁରସାଧାରଣମଭୂତ୍

ସ୍ମରଃ ସ୍ମର୍ତଵ୍ଯାତ୍ମା ନ ହି ଵଶିଷୁ ପଥ୍ଯଃ ପରିଭଵଃ

॥ 14 ॥

ଶ୍ଲୋକ 16

ମହୀ ପାଦାଘାତାଦ୍ ଵ୍ରଜତି ସହସା ସଂଶଯପଦଂ

ପଦଂ ଵିଷ୍ଣୋର୍ଭ୍ରାମ୍ଯଦ୍ ଭୁଜ-ପରିଘ-ରୁଗ୍ଣ-ଗ୍ରହ- ଗଣମ୍ ।

ମୁହୁର୍ଦ୍ଯୌର୍ଦୌସ୍ଥ୍ଯଂ ଯାତ୍ଯନିଭୃତ-ଜଟା-ତାଡିତ-ତଟା

ଜଗଦ୍ରକ୍ଷାଯୈ ତ୍ଵଂ ନଟସି ନନୁ ଵାମୈଵ ଵିଭୁତା

॥ 15 ॥

ଶ୍ଲୋକ 17

ଵିଯଦ୍ଵ୍ଯାପୀ ତାରା-ଗଣ-ଗୁଣିତ-ଫେନୋଦ୍ଗମ-ରୁଚିଃ

ପ୍ରଵାହୋ ଵାରାଂ ଯଃ ପୃଷତଲଘୁଦୃଷ୍ଟଃ ଶିରସି ତେ ।

ଜଗଦ୍ଦ୍ଵୀପାକାରଂ ଜଲଧିଵଲଯଂ ତେନ କୃତମିତି

ଅନେନୈଵୋନ୍ନେଯଂ ଧୃତମହିମ ଦିଵ୍ଯଂ ତଵ ଵପୁଃ

॥ 16 ॥

ଶ୍ଲୋକ 18

ରଥଃ କ୍ଷୋଣୀ ଯନ୍ତା ଶତଧୃତିରଗେନ୍ଦ୍ରୋ ଧନୁରଥୋ

ରଥାଙ୍ଗେ ଚନ୍ଦ୍ରାର୍କୌ ରଥ-ଚରଣ-ପାଣିଃ ଶର ଇତି ।

ଦିଧକ୍ଷୋସ୍ତେ କୋଽଯଂ ତ୍ରିପୁରତୃଣମାଡମ୍ବର-ଵିଧିଃ

ଵିଧେଯୈଃ କ୍ରୀଡନ୍ତ୍ଯୋ ନ ଖଲୁ ପରତନ୍ତ୍ରାଃ ପ୍ରଭୁଧିଯଃ

॥ 17 ॥

ଶ୍ଲୋକ 19

ହରିସ୍ତେ ସାହସ୍ରଂ କମଲ ବଲିମାଧାଯ ପଦଯୋଃ

ଯଦେକୋନେ ତସ୍ମିନ୍​ ନିଜମୁଦହରନ୍ନେତ୍ରକମଲମ୍ ।

ଗତୋ ଭକ୍ତ୍ଯୁଦ୍ରେକଃ ପରିଣତିମସୌ ଚକ୍ରଵପୁଷଃ

ତ୍ରଯାଣାଂ ରକ୍ଷାଯୈ ତ୍ରିପୁରହର ଜାଗର୍ତି ଜଗତାମ୍

॥ 18 ॥

ଶ୍ଲୋକ 20

କ୍ରତୌ ସୁପ୍ତେ ଜାଗ୍ରତ୍​ ତ୍ଵମସି ଫଲଯୋଗେ କ୍ରତୁମତାଂ

କ୍ଵ କର୍ମ ପ୍ରଧ୍ଵସ୍ତଂ ଫଲତି ପୁରୁଷାରାଧନମୃତେ ।

ଅତସ୍ତ୍ଵାଂ ସମ୍ପ୍ରେକ୍ଷ୍ଯ କ୍ରତୁଷୁ ଫଲଦାନ-ପ୍ରତିଭୁଵଂ

ଶ୍ରୁତୌ ଶ୍ରଦ୍ଧାଂ ବଧ୍ଵା ଦୃଢପରିକରଃ କର୍ମସୁ ଜନଃ

॥ 19 ॥

ଶ୍ଲୋକ 21

କ୍ରିଯାଦକ୍ଷୋ ଦକ୍ଷଃ କ୍ରତୁପତିରଧୀଶସ୍ତନୁଭୃତାଂ

ଋଷୀଣାମାର୍ତ୍ଵିଜ୍ଯଂ ଶରଣଦ ସଦସ୍ଯାଃ ସୁର-ଗଣାଃ ।

କ୍ରତୁଭ୍ରଂଶସ୍ତ୍ଵତ୍ତଃ କ୍ରତୁଫଲ-ଵିଧାନ-ଵ୍ଯସନିନଃ

ଧ୍ରୁଵଂ କର୍ତୁଃ ଶ୍ରଦ୍ଧା-ଵିଧୁରମଭିଚାରାଯ ହି ମଖାଃ

॥ 20 ॥

ଶ୍ଲୋକ 22

ପ୍ରଜାନାଥଂ ନାଥ ପ୍ରସଭମଭିକଂ ସ୍ଵାଂ ଦୁହିତରଂ

ଗତଂ ରୋହିଦ୍​ ଭୂତାଂ ରିରମଯିଷୁମୃଷ୍ଯସ୍ଯ ଵପୁଷା ।

ଧନୁଷ୍ପାଣେର୍ଯାତଂ ଦିଵମପି ସପତ୍ରାକୃତମମୁଂ

ତ୍ରସନ୍ତଂ ତେଽଦ୍ଯାପି ତ୍ଯଜତି ନ ମୃଗଵ୍ଯାଧରଭସଃ

॥ 21 ॥

ଶ୍ଲୋକ 23

ସ୍ଵଲାଵଣ୍ଯାଶଂସା ଧୃତଧନୁଷମହ୍ନାଯ ତୃଣଵତ୍

ପୁରଃ ପ୍ଲୁଷ୍ଟଂ ଦୃଷ୍ଟ୍ଵା ପୁରମଥନ ପୁଷ୍ପାଯୁଧମପି ।

ଯଦି ସ୍ତ୍ରୈଣଂ ଦେଵୀ ଯମନିରତ-ଦେହାର୍ଧ-ଘଟନାତ୍

ଅଵୈତି ତ୍ଵାମଦ୍ଧା ବତ ଵରଦ ମୁଗ୍ଧା ଯୁଵତଯଃ

॥ 22 ॥

ଶ୍ଲୋକ 24

ଶ୍ମଶାନେଷ୍ଵାକ୍ରୀଡା ସ୍ମରହର ପିଶାଚାଃ ସହଚରାଃ

ଚିତା-ଭସ୍ମାଲେପଃ ସ୍ରଗପି ନୃକରୋଟୀ-ପରିକରଃ ।

ଅମଙ୍ଗଲ୍ଯଂ ଶୀଲଂ ତଵ ଭଵତୁ ନାମୈଵମଖିଲଂ

ତଥାପି ସ୍ମର୍ତୄଣାଂ ଵରଦ ପରମଂ ମଙ୍ଗଲମସି

॥ 23 ॥

ଶ୍ଲୋକ 25

ମନଃ ପ୍ରତ୍ଯକ୍ଚିତ୍ତେ ସଵିଧମଵିଧାଯାତ୍ତ-ମରୁତଃ

ପ୍ରହୃଷ୍ଯଦ୍ରୋମାଣଃ ପ୍ରମଦ-ସଲିଲୋତ୍ସଙ୍ଗତି-ଦୃଶଃ ।

ଯଦାଲୋକ୍ଯାହ୍ଲାଦଂ ହ୍ରଦ ଇଵ ନିମଜ୍ଯାମୃତମଯେ

ଦଧତ୍ଯନ୍ତସ୍ତତ୍ତ୍ଵଂ କିମପି ଯମିନସ୍ତତ୍ କିଲ ଭଵାନ୍

॥ 24 ॥

ଶ୍ଲୋକ 26

ତ୍ଵମର୍କସ୍ତ୍ଵଂ ସୋମସ୍ତ୍ଵମସି ପଵନସ୍ତ୍ଵଂ ହୁତଵହଃ

ତ୍ଵମାପସ୍ତ୍ଵଂ ଵ୍ଯୋମ ତ୍ଵମୁ ଧରଣିରାତ୍ମା ତ୍ଵମିତି ଚ ।

ପରିଚ୍ଛିନ୍ନାମେଵଂ ତ୍ଵଯି ପରିଣତା ବିଭ୍ରତି ଗିରଂ

ନ ଵିଦ୍ମସ୍ତତ୍ତତ୍ତ୍ଵଂ ଵଯମିହ ତୁ ଯତ୍ ତ୍ଵଂ ନ ଭଵସି

॥ 25 ॥

ଶ୍ଲୋକ 27

ତ୍ରଯୀଂ ତିସ୍ରୋ ଵୃତ୍ତୀସ୍ତ୍ରିଭୁଵନମଥୋ ତ୍ରୀନପି ସୁରାନ୍

ଅକାରାଦ୍ଯୈର୍ଵର୍ଣୈସ୍ତ୍ରିଭିରଭିଦଧତ୍ ତୀର୍ଣଵିକୃତି ।

ତୁରୀଯଂ ତେ ଧାମ ଧ୍ଵନିଭିରଵରୁନ୍ଧାନମଣୁଭିଃ

ସମସ୍ତଂ ଵ୍ଯସ୍ତଂ ତ୍ଵାଂ ଶରଣଦ ଗୃଣାତ୍ଯୋମିତି ପଦମ୍

॥ 26 ॥

ଶ୍ଲୋକ 28

ଭଵଃ ଶର୍ଵୋ ରୁଦ୍ରଃ ପଶୁପତିରଥୋଗ୍ରଃ ସହମହାନ୍

ତଥା ଭୀମେଶାନାଵିତି ଯଦଭିଧାନାଷ୍ଟକମିଦମ୍ ।

ଅମୁଷ୍ମିନ୍ ପ୍ରତ୍ଯେକଂ ପ୍ରଵିଚରତି ଦେଵ ଶ୍ରୁତିରପି

ପ୍ରିଯାଯାସ୍ମୈଧାମ୍ନେ ପ୍ରଣିହିତ-ନମସ୍ଯୋଽସ୍ମି ଭଵତେ

॥ 27 ॥

ଶ୍ଲୋକ 29

ନମୋ ନେଦିଷ୍ଠାଯ ପ୍ରିଯଦଵ ଦଵିଷ୍ଠାଯ ଚ ନମଃ

ନମଃ କ୍ଷୋଦିଷ୍ଠାଯ ସ୍ମରହର ମହିଷ୍ଠାଯ ଚ ନମଃ ।

ନମୋ ଵର୍ଷିଷ୍ଠାଯ ତ୍ରିନଯନ ଯଵିଷ୍ଠାଯ ଚ ନମଃ

ନମଃ ସର୍ଵସ୍ମୈ ତେ ତଦିଦମତିସର୍ଵାଯ ଚ ନମଃ

॥ 28 ॥

ଶ୍ଲୋକ 30

ବହୁଲ-ରଜସେ ଵିଶ୍ଵୋତ୍ପତ୍ତୌ ଭଵାଯ ନମୋ ନମଃ

ପ୍ରବଲ-ତମସେ ତତ୍ ସଂହାରେ ହରାଯ ନମୋ ନମଃ ।

ଜନ-ସୁଖକୃତେ ସତ୍ତ୍ଵୋଦ୍ରିକ୍ତୌ ମୃଡାଯ ନମୋ ନମଃ

ପ୍ରମହସି ପଦେ ନିସ୍ତ୍ରୈଗୁଣ୍ଯେ ଶିଵାଯ ନମୋ ନମଃ

॥ 29 ॥

ଶ୍ଲୋକ 31

କୃଶ-ପରିଣତି-ଚେତଃ କ୍ଲେଶଵଶ୍ଯଂ କ୍ଵ ଚେଦଂ

କ୍ଵ ଚ ତଵ ଗୁଣ-ସୀମୋଲ୍ଲଙ୍ଘିନୀ ଶଶ୍ଵଦୃଦ୍ଧିଃ ।

ଇତି ଚକିତମମନ୍ଦୀକୃତ୍ଯ ମାଂ ଭକ୍ତିରାଧାଦ୍

ଵରଦ ଚରଣଯୋସ୍ତେ ଵାକ୍ଯ-ପୁଷ୍ପୋପହାରମ୍

॥ 30 ॥

ଶ୍ଲୋକ 32

ଅସିତ-ଗିରି-ସମଂ ସ୍ଯାତ୍ କଜ୍ଜଲଂ ସିନ୍ଧୁ-ପାତ୍ରେ

ସୁର-ତରୁଵର-ଶାଖା ଲେଖନୀ ପତ୍ରମୁର୍ଵୀ ।

ଲିଖତି ଯଦି ଗୃହୀତ୍ଵା ଶାରଦା ସର୍ଵକାଲଂ

ତଦପି ତଵ ଗୁଣାନାମୀଶ ପାରଂ ନ ଯାତି

॥ 31 ॥

ଶ୍ଲୋକ 33

ଅସୁର-ସୁର-ମୁନୀନ୍ଦ୍ରୈରର୍ଚିତସ୍ଯେନ୍ଦୁ-ମୌଲେଃ

ଗ୍ରଥିତ-ଗୁଣମହିମ୍ନୋ ନିର୍ଗୁଣସ୍ଯେଶ୍ଵରସ୍ଯ ।

ସକଲ-ଗଣ-ଵରିଷ୍ଠଃ ପୁଷ୍ପଦନ୍ତାଭିଧାନଃ

ରୁଚିରମଲଘୁଵୃତ୍ତୈଃ ସ୍ତୋତ୍ରମେତଚ୍ଚକାର

॥ 32 ॥

ଶ୍ଲୋକ 34

ଅହରହରନଵଦ୍ଯଂ ଧୂର୍ଜଟେଃ ସ୍ତୋତ୍ରମେତତ୍

ପଠତି ପରମଭକ୍ତ୍ଯା ଶୁଦ୍ଧ-ଚିତ୍ତଃ ପୁମାନ୍ ଯଃ ।

ସ ଭଵତି ଶିଵଲୋକେ ରୁଦ୍ରତୁଲ୍ଯସ୍ତଥାଽତ୍ର

ପ୍ରଚୁରତର-ଧନାଯୁଃ ପୁତ୍ରଵାନ୍ କୀର୍ତିମାଂଶ୍ଚ

॥ 33 ॥

ଶ୍ଲୋକ 35

ମହେଶାନ୍ନାପରୋ ଦେଵୋ ମହିମ୍ନୋ ନାପରା ସ୍ତୁତିଃ ।

ଅଘୋରାନ୍ନାପରୋ ମନ୍ତ୍ରୋ ନାସ୍ତି ତତ୍ତ୍ଵଂ ଗୁରୋଃ ପରମ୍

॥ 34 ॥

ଶ୍ଲୋକ 36

ଦୀକ୍ଷା ଦାନଂ ତପସ୍ତୀର୍ଥଂ ଜ୍ଞାନଂ ଯାଗାଦିକାଃ କ୍ରିଯାଃ ।

ମହିମ୍ନସ୍ତଵ ପାଠସ୍ଯ କଲାଂ ନାର୍ହନ୍ତି ଷୋଡଶୀମ୍

॥ 35 ॥

ଶ୍ଲୋକ 37

କୁସୁମଦଶନ-ନାମା ସର୍ଵ-ଗନ୍ଧର୍ଵ-ରାଜଃ

ଶଶିଧରଵର-ମୌଲେର୍ଦେଵଦେଵସ୍ଯ ଦାସଃ ।

ସ ଖଲୁ ନିଜ-ମହିମ୍ନୋ ଭ୍ରଷ୍ଟ ଏଵାସ୍ଯ ରୋଷାତ୍

ସ୍ତଵନମିଦମକାର୍ଷୀଦ୍ ଦିଵ୍ଯ-ଦିଵ୍ଯଂ ମହିମ୍ନଃ

॥ 36 ॥

ଶ୍ଲୋକ 38

ସୁରଗୁରୁମଭିପୂଜ୍ଯ ସ୍ଵର୍ଗ-ମୋକ୍ଷୈକ-ହେତୁଂ [ସୁରଵରମୁନିପୂଜ୍ଯଂ]

ପଠତି ଯଦି ମନୁଷ୍ଯଃ ପ୍ରାଞ୍ଜଲିର୍ନାନ୍ଯ-ଚେତାଃ ।

ଵ୍ରଜତି ଶିଵ-ସମୀପଂ କିନ୍ନରୈଃ ସ୍ତୂଯମାନଃ

ସ୍ତଵନମିଦମମୋଘଂ ପୁଷ୍ପଦନ୍ତପ୍ରଣୀତମ୍

॥ 37 ॥

ଶ୍ଲୋକ 39

ଶ୍ରୀ ପୁଷ୍ପଦନ୍ତ-ମୁଖ-ପଙ୍କଜ-ନିର୍ଗତେନ

ସ୍ତୋତ୍ରେଣ କିଲ୍ବିଷ-ହରେଣ ହର-ପ୍ରିଯେଣ ।

କଣ୍ଠସ୍ଥିତେନ ପଠିତେନ ସମାହିତେନ

ସୁପ୍ରୀଣିତୋ ଭଵତି ଭୂତପତିର୍ମହେଶଃ

॥ 38 ॥

ଶ୍ଲୋକ 40

ଆସମାପ୍ତମିଦଂ ସ୍ତୋତ୍ରଂ ପୁଣ୍ଯଂ ଗନ୍ଧର୍ଵ-ଭାଷିତମ୍ ।

ଅନୌପମ୍ଯଂ ମନୋହାରି ସର୍ଵମୀଶ୍ଵରଵର୍ଣନମ୍

॥ 43 ॥

ଶ୍ଲୋକ 41

ତଵ ତତ୍ତ୍ଵଂ ନ ଜାନାମି କୀଦୃଶୋଽସି ମହେଶ୍ଵର ।

ଯାଦୃଶୋଽସି ମହାଦେଵ ତାଦୃଶାଯ ନମୋ ନମଃ

॥ 39 ॥

ଶ୍ଲୋକ 42

ଏକକାଲଂ ଦ୍ଵିକାଲଂ ଵା ତ୍ରିକାଲଂ ଯଃ ପଠେନ୍ନରଃ ।

ସର୍ଵପାପ-ଵିନିର୍ମୁକ୍ତଃ ଶିଵ ଲୋକେ ମହୀଯତେ

॥ 41 ॥

ଶ୍ଲୋକ 43

ଇତ୍ଯେଷା ଵାଙ୍ମଯୀ ପୂଜା ଶ୍ରୀମଚ୍ଛଙ୍କର-ପାଦଯୋଃ ।

ଅର୍ପିତା ତେନ ଦେଵେଶଃ ପ୍ରୀଯତାଂ ମେ ସଦାଶିଵଃ

॥ 42 ॥

ଶ୍ଲୋକ 44

॥ ଇତି ଶ୍ରୀ ପୁଷ୍ପଦନ୍ତ ଵିରଚିତଂ ଶିଵମହିମ୍ନ-ସ୍ତୋତ୍ରଂ ସମାପ୍ତମ୍ ॥