Shiva Kavacham

ශිව කවචම්

ශ්ලොක 1

අථ ශිවකචම්

අස්ය ශ්රී ශිවකවච ස්තෝත්ර මහාමන්ත්රස්ය .

ඍෂභ-යෝගීශ්වර ඍෂිඃ .

අනුෂ්ටුප් ඡන්දඃ .

ශ්රී-සාම්බසදාශිවෝ දේවතා .

ඕං බීජම් .

නමඃ ශක්තිඃ .

ශිවායේති කීලකම් .

සාම්බසදාශිවප්රීත්යර්ථේ ජපේ විනියෝගඃ ..

කරන්යාසඃ

ඕං සදාශිවාය අඞ්ගුෂ්ඨාභ්යාං නමඃ .

නං ගඞ්ගාධරාය තර්ජනීභ්යාං නමඃ .

මං මෘත්යුඤ්ජයාය මධ්යමාභ්යාං නමඃ .

ශිං ශූලපාණයේ අනාමිකාභ්යාං නමඃ .

වාං පිනාකපාණයේ කනිෂ්ඨිකාභ්යාං නමඃ .

යං උමාපතයේ කරතලකරපෘෂ්ඨාභ්යාං නමඃ .

හෘදයාදි අඞ්ගන්යාසඃ

ඕං සදාශිවාය හෘදයාය නමඃ .

නං ගඞ්ගාධරාය ශිරසේ ස්වාහා .

මං මෘත්යුඤ්ජයාය ශිඛායෛ වෂට් .

ශිං ශූලපාණයේ කවචාය හුම් .

වාං පිනාකපාණයේ නේත්රත්රයාය වෞෂට් .

යං උමාපතයේ අස්ත්රාය ඵට් .

භූර්භුවස්සුවරෝමිති දිග්බන්ධඃ ..

ධ්යානම්

වජ්රදංෂ්ට්රං ත්රිනයනං කාලකණ්ඨ මරින්දමම් .

සහස්රකර-මත්යුග්රං වන්දේ ශම්භුං උමාපතිම් ..

රුද්රාක්ෂ-කඞ්කණ-ලසත්කර-දණ්ඩයුග්මඃ පාලාන්තරා-ලසිත-භස්මධෘත-ත්රිපුණ්ඩ්රඃ .

පඤ්චාක්ෂරං පරිපඨන් වරමන්ත්රරාජං ධ්යායන් සදා පශුපතිං ශරණං ව්රජේථාඃ ..

අතඃ පරං සර්වපුරාණ-ගුහ්යං නිඃශේෂ-පාපෞඝහරං පවිත්රම් .

ජයප්රදං සර්ව-විපත්ප්රමෝචනං වක්ෂ්යාමි ශෛවං කවචං හිතාය තේ ..

පඤ්චපූජා

ලං පෘථිව්යාත්මනේ ගන්ධං සමර්පයාමි .

හං ආකාශාත්මනේ පුෂ්පෛඃ පූජයාමි .

යං වාය්වාත්මනේ ධූපං ආඝ්රාපයාමි .

රං අග්න්යාත්මනේ දීපං දර්ශයාමි .

වං අමෘතාත්මනේ අමෘතං මහා-නෛවේද්යං නිවේදයාමි .

සං සර්වාත්මනේ සර්වෝපචාර-පූජාං සමර්පයාමි ..

මන්ත්රඃ

ඍෂභ උවාච .

නමස්කෘත්ය මහාදේවං විශ්ව-ව්යාපින-මීශ්වරම් .

වක්ෂ්යේ ශිවමයං වර්ම සර්වරක්ෂාකරං නෘණාම් .. 1 ..

ශුචෞ දේශේ සමාසීනෝ යථාවත්කල්පිතාසනඃ .

ජිතේන්ද්රියෝ ජිතප්රාණ-ශ්චින්තයේච්ඡිවමව්යයම් .. 2 ..

හෘත්පුණ්ඩරීකාන්තරසන්නිවිෂ්ටං

ස්වතේජසා ව්යාප්ත-නභෝ(අ)වකාශම් .

අතීන්ද්රියං සූක්ෂ්මමනන්තමාද්යං

ධ්යායේත්පරානන්දමයං මහේශම් .. 3 ..

ධ්යානාවධූතාඛිලකර්මබන්ධ-

-ශ්චිරං චිදානන්දනිමග්නචේතාඃ .

ෂඩක්ෂරන්යාසසමාහිතාත්මා

ශෛවේන කුර්යාත්කවචේන රක්ෂාම් .. 4 ..

මාං පාතු දේවෝ(අ)ඛිලදේවතාත්මා

සංසාරකූපේ පතිතං ගභීරේ .

තන්නාම දිව්යං වරමන්ත්රමූලං

ධුනෝතු මේ සර්වමඝං හෘදිස්ථම් .. 5 ..

සර්වත්ර මාං රක්ෂතු විශ්වමූර්ති-

-ර්ජ්යෝති-ර්මයානන්දඝනශ්චිදාත්මා .

අණෝරණීයානුරුශක්තිරේකඃ

ස ඊශ්වරඃ පාතු භයාදශේෂාත් .. 6 ..

යෝ භූස්වරූපේණ බිභර්ති විශ්වං

පායාත්ස භූමේර්ගිරිශෝ(අ)ෂ්ටමූර්තිඃ .

යෝ(අ)පාං ස්වරූපේණ නෘණාං කරෝති

සඤ්ජීවනං සෝ(අ)වතු මාං ජලේභ්යඃ .. 7 ..

කල්පාවසානේ භුවනානි දග්ධ්වා

සර්වාණි යෝ නෘත්යති භූරිලීලඃ .

ස කාලරුද්රෝ(අ)වතු මාං දවාග්නේ-

-ර්වාත්යාදිභීතේ-රඛිලාච්ච තාපාත් .. 8 ..

ප්රදීප්ත-විද්යුත්කනකාවභාසෝ

විද්යාවරාභීති-කුඨාරපාණිඃ .

චතුර්මුඛස්තත්පුරුෂස්ත්රිනේත්රඃ

ප්රාච්යාං ස්ථිතෝ රක්ෂතු මාමජස්රම් .. 9 ..

කුඨාර ඛේටාඞ්කුශපාශශූල

කපාලපාශාක්ෂ ගුණාන්දධානඃ .

චතුර්මුඛෝ නීල-රුචිස්ත්රිනේත්රඃ

පායාදඝෝරෝ දිශි දක්ෂිණස්යාම් .. 10 ..

කුන්දේන්දු-ශඞ්ඛ-ස්ඵටිකාවභාසෝ

වේදාක්ෂමාලා-වරදාභයාඞ්කඃ .

ත්ර්යක්ෂශ්චතුර්වක්ත්ර උරුප්රභාවඃ

සද්යෝ(අ)ධිජාතෝ(අ)වතු මාං ප්රතීච්යාම් .. 11 ..

වරාක්ෂ-මාලාභයටඞ්ක-හස්තඃ

සරෝජ-කිඤ්ජල්කසමානවර්ණඃ .

ත්රිලෝචන-ශ්චාරුචතුර්මුඛෝ මාං

පායාදුදීච්යාං දිශි වාමදේවඃ .. 12 ..

වේදාභයේෂ්ටාඞ්කුශටඞ්කපාශ-

-කපාලඪක්කාක්ෂර-ශූලපාණිඃ .

සිතද්යුතිඃ පඤ්චමුඛෝ(අ)වතාන්මා-

-මීශාන ඌර්ධ්වං පරමප්රකාශඃ .. 13 ..

මූර්ධානමව්යාන්මම චන්ද්රමෞලිඃ

ඵාලං මමාව්යාදථ ඵාලනේත්රඃ .

නේත්රේ මමාව්යාද්භගනේත්රහාරී

නාසාං සදා රක්ෂතු විශ්වනාථඃ .. 14 ..

පායාච්ඡ්රුතී මේ ශ්රුතිගීතකීර්තිඃ

කපෝලමව්යාත්සතතං කපාලී .

වක්ත්රං සදා රක්ෂතු පඤ්චවක්ත්රෝ

ජිහ්වාං සදා රක්ෂතු වේදජිහ්වඃ .. 15 ..

කණ්ඨං ගිරීශෝ(අ)වතු නීලකණ්ඨඃ

පාණිද්වයං පාතු පිනාකපාණිඃ .

දෝර්මූලමව්යාන්මම ධර්මබාහුඃ

වක්ෂඃස්ථලං දක්ෂමඛාන්තකෝ(අ)ව්යාත් .. 16 ..

මමෝදරං පාතු ගිරීන්ද්රධන්වා

මධ්යං මමාව්යාන්මදනාන්තකාරී .

හේරම්බතාතෝ මම පාතු නාභිං

පායාත්කටිං ධූර්ජටිරීශ්වරෝ මේ .. 17 ..

[ස්මරාරි-රව්යාන්මම ගුහ්යදේශම්

පෘෂ්ටං සදා රක්ෂතු පාර්වතීශඃ .]

ඌරුද්වයං පාතු කුබේරමිත්රෝ

ජානුද්වයං මේ ජගදීශ්වරෝ(අ)ව්යාත් .

ජඞ්ඝායුගං පුඞ්ගවකේතුරව්යා-

-ත්පාදෞ මමාව්යාත්සුරවන්ද්යපාදඃ .. 18 ..

මහේශ්වරඃ පාතු දිනාදියාමේ

මාං මධ්යයාමේ(අ)වතු වාමදේවඃ .

ත්රිලෝචනඃ පාතු තෘතීයයාමේ

වෘෂධ්වජඃ පාතු දිනාන්ත්යයාමේ .. 19 ..

පායාන්නිශාදෞ ශශිශේඛරෝ මාං

ගඞ්ගාධරෝ රක්ෂතු මාං නිශීථේ .

ගෞරීපතිඃ පාතු නිශාවසානේ

මෘත්යුඤ්ජයෝ රක්ෂතු සර්වකාලම් .. 20 ..

අන්තඃස්ථිතං රක්ෂතු ශඞ්කරෝ මාං

ස්ථාණුඃ සදා පාතු බහිඃස්ථිතං මාම් .

තදන්තරේ පාතු පතිඃ පශූනාං

සදාශිවෝ රක්ෂතු මාං සමන්තාත් .. 21 ..

තිෂ්ඨන්ත-මව්යාද්භුවනෛකනාථඃ

පායාද්ව්රජන්තං ප්රමථාධිනාථඃ .

වේදාන්තවේද්යෝ(අ)වතු මාං නිෂණ්ණං

මාමව්යයඃ පාතු ශිවඃ ශයානම් .. 22 ..

මාර්ගේෂු මාං රක්ෂතු නීලකණ්ඨඃ

ශෛලාදි-දුර්ගේෂු පුරත්රයාරිඃ .

අරණ්යවාසාදි-මහාප්රවාසේ

පායාන්මෘගව්යාධ උදාරශක්තිඃ .. 23 ..

කල්පාන්ත-කාලෝග්ර-පටුප්රකෝපඃ [කටෝප]

ස්ඵුටාට්ට-හාසෝච්චලිතාණ්ඩ-කෝශඃ .

ඝෝරාරි-සේනාර්ණවදුර්නිවාර-

-මහාභයාද්රක්ෂතු වීරභද්රඃ .. 24 ..

පත්ත්යශ්වමාතඞ්ග-රථාවරූධිනී- [ඝටාවරූථ]

-සහස්ර-ලක්ෂායුත-කෝටිභීෂණම් .

අක්ෂෞහිණීනාං ශතමාතතායිනාං

ඡින්ද්යාන්මෘඩෝ ඝෝරකුඨාරධාරයා .. 25 ..

නිහන්තු දස්යූන්ප්රලයානලාර්චි-

-ර්ජ්වලත්ත්රිශූලං ත්රිපුරාන්තකස්ය .

ශාර්දූල-සිංහර්ක්ෂවෘකාදි-හිංස්රාන්

සන්ත්රාසයත්වීශ-ධනුඃ පිනාකඃ .. 26 ..

දුස්ස්වප්න දුශ්ශකුන දුර්ගති දෞර්මනස්ය

දුර්භික්ෂ දුර්ව්යසන දුස්සහ දුර්යශාංසි .

උත්පාත-තාප-විෂභීති-මසද්ග්රහාර්තිං

ව්යාධීංශ්ච නාශයතු මේ ජගතාමධීශඃ .. 27 ..

ඕං නමෝ භගවතේ සදාශිවාය

සකල-තත්ත්වාත්මකාය

සර්ව-මන්ත්ර-ස්වරූපාය

සර්ව-යන්ත්රාධිෂ්ඨිතාය

සර්ව-තන්ත්ර-ස්වරූපාය

සර්ව-තත්ත්ව-විදූරාය

බ්රහ්ම-රුද්රාවතාරිණේ-නීලකණ්ඨාය

පාර්වතී-මනෝහරප්රියාය

සෝම-සූර්යාග්නි-ලෝචනාය

භස්මෝද්ධූලිත-විග්රහාය

මහාමණි-මුකුට-ධාරණාය

මාණික්ය-භූෂණාය

සෘෂ්ටිස්ථිති-ප්රලයකාල-රෞද්රාවතාරාය

දක්ෂාධ්වර-ධ්වංසකාය

මහාකාල-භේදනාය

මූලධාරෛක-නිලයාය

තත්වාතීතාය

ගඞ්ගාධරාය

සර්ව-දේවාදි-දේවාය

ෂඩාශ්රයාය

වේදාන්ත-සාරාය

ත්රිවර්ග-සාධනාය

අනන්තකෝටි-බ්රහ්මාණ්ඩ-නායකාය

අනන්ත-වාසුකි-තක්ෂක-කර්කෝටක-ශඞ්ඛ-කුලික-පද්ම-මහාපද්මේති-අෂ්ට-මහා-නාග-කුලභූෂණාය

ප්රණවස්වරූපාය

චිදාකාශාය

ආකාශ-දික්-ස්වරූපාය

ග්රහ-නක්ෂත්ර-මාලිනේ

සකලාය

කලඞ්ක-රහිතාය

සකල-ලෝකෛක-කර්ත්රේ

සකල-ලෝකෛක-භර්ත්රේ

සකල-ලෝකෛක-සංහර්ත්රේ

සකල-ලෝකෛක-ගුරවේ

සකල-ලෝකෛක-සාක්ෂිණේ

සකල-නිගමගුහ්යාය

සකල-වේදාන්ත-පාරගාය

සකල-ලෝකෛක-වරප්රදාය

සකල-ලෝකෛක-ශඞ්කරාය

සකල-දුරිතාර්ති-භඤ්ජනාය

සකල-ජගදභයඞ්කරාය

ශශාඞ්ක-ශේඛරාය

ශාශ්වත-නිජාවාසාය

නිරාකාරාය

නිරාභාසාය

නිරාමයාය

නිර්මලාය

නිර්ලෝභාය

නිර්මදාය

නිශ්චින්තාය

නිරහඞ්කාරාය

නිරඞ්කුශාය

නිෂ්කලඞ්කාය

නිර්ගුණාය

නිෂ්කාමාය

නිරූපප්ලවාය

නිරවධ්යාය

නිරන්තරාය

නිරුපද්රවාය

නිරවද්යාය

නිරන්තරාය

නිෂ්කාරණාය

නිරාතඞ්කාය

නිෂ්ප්රපඤ්චාය

නිස්සඞ්ගාය

නිර්ද්වන්ද්වාය

නිරාධාරාය

නීරාගාය

නිශ්ක්රෝධාය

නිර්ලෝභාය

නිෂ්පාපාය

නිර්විකල්පාය

නිර්භේදාය

නිෂ්ක්රියාය

නිස්තුලාය

නිශ්ශංශයාය

නිරඤ්ජනාය

නිරුපම-විභවාය

නිත්ය-ශුද්ධ-බුද්ධ-මුක්ත-පරිපූර්ණ-සච්චිදානන්දාද්වයාය

පරම-ශාන්ත-ස්වරූපාය

පරම-ශාන්ත-ප්රකාශාය

තේජෝරූපාය

තේජෝමයාය

තේජෝ(අ)ධිපතයේ

ජය ජය රුද්ර මහාරුද්ර

මහා-රෞද්ර

භද්රාවතාර

මහා-භෛරව

කාල-භෛරව

කල්පාන්ත-භෛරව

කපාල-මාලාධර

ඛට්වාඞ්ග-චර්ම-ඛඩ්ග-ධර

පාශාඞ්කුශ-ඩමරූශූල-චාප-බාණ-ගදා-ශක්ති-භින්දි-

පාල-තෝමර-මුසල-භුශුණ්ඩී-මුද්ගර-පාශ-පරිඝ-ශතඝ්නී-චක්රාද්යායුධ-භීෂණාකාර

සහස්ර-මුඛ

දංෂ්ට්රාකරාල-වදන

විකටාට්ටහාස

විස්ඵාතිත-බ්රහ්මාණ්ඩ-මණ්ඩල-නාගේන්ද්රකුණ්ඩල

නාගේන්ද්රහාර

නාගේන්ද්රවලය

නාගේන්ද්රචර්මධර

නාගේන්ද්රනිකේතන

මෘත්යුඤ්ජය

ත්ර්යම්බක

ත්රිපුරාන්තක

විශ්වරූප

විරූපාක්ෂ

විශ්වේශ්වර

වෘෂභවාහන

විෂවිභූෂණ

විශ්වතෝමුඛ

සර්වතෝමුඛ

මාං රක්ෂ රක්ෂ

ජ්වල ජ්වල

ප්රජ්වල ප්රජ්වල

මහාමෘත්යුභයං ශමය ශමය

අපමෘත්යුභයං නාශය නාශය

රෝගභයං උත්සාදය උත්සාදය

විෂසර්පභයං ශමය ශමය

චෝරාන් මාරය මාරය

මම ශත්රූන් උච්චාටය උච්චාටය

ත්රිශූලේන විදාරය විදාරය

කුඨාරේණ භින්ධි භින්ධි

ඛඩ්ගේන ඡින්ද්දි ඡින්ද්දි

ඛට්වාඞ්ගේන විපෝධය විපෝධය

මම පාපං ශෝධය ශෝධය

මුසලේන නිෂ්පේෂය නිෂ්පේෂය

බාණෛඃ සන්තාඩය සන්තාඩය

යක්ෂ රක්ෂාංසි භීෂය භීෂය

අශේෂ භූතාන් විද්රාවය විද්රාවය

කූෂ්මාණ්ඩ-භූත-බේතාල-මාරීගණ-බ්රහ්මරාක්ෂස-ගණාන් සන්ත්රාසය සන්ත්රාසය

මම අභයං කුරු කුරු

නරක-මහාභයාන් මාං උද්ධර උද්ධර

විත්රස්තං මාං ආශ්වාසය ආශ්වාසය

අමෘත-කටාක්ෂ-වීක්ෂණේන මාං ආලෝකය ආලෝකය

සඤ්ජීවය සඤ්ජීවය

ක්ෂුත්තෘෂ්ණාර්තං මාං ආප්යායය ආප්යායය

දුඃඛාතුරං මාං ආනන්දය ආනන්දය

ශිවකවචේන මාං ආච්ඡාදය ආච්ඡාදය

හර හර

හර හර

මෘත්යුඤ්ජය

ත්ර්යම්බක

සදාශිව

පරමශිව

නමස්තේ නමස්තේ නමස්තේ නමඃ ..

පූර්වවත් - හෘදයාදි න්යාසඃ .

පඤ්චපූජා ..

භූර්භුවස්සුවරෝමිති දිග්විමෝකඃ ..

ඵලශ්රුතිඃ

ඍෂභ උවාච .

ඉත්යේතත්කවචං ශෛවං වරදං ව්යාහෘතං මයා .

සර්ව-බාධා-ප්රශමනං රහස්යං සර්වදේහිනාම් .. 1 ..

යඃ සදා ධාරයේන්මර්ත්යඃ ශෛවං කවචමුත්තමම් .

න තස්ය ජායතේ ක්වාපි භයං ශම්භෝරනුග්රහාත් .. 2 ..

ක්ෂීණායු-ර්මෘත්යුමාපන්නෝ මහාරෝගහතෝ(අ)පි වා .

සද්යඃ සුඛමවාප්නෝති දීර්ඝමායුශ්ච වින්දති .. 3 ..

සර්වදාරිද්ර්යශමනං සෞමාඞ්ගල්ය-විවර්ධනම් .

යෝ ධත්තේ කවචං ශෛවං ස දේවෛරපි පූජ්යතේ .. 4 ..

මහාපාතක-සඞ්ඝාතෛර්මුච්යතේ චෝපපාතකෛඃ .

දේහාන්තේ ශිවමාප්නෝති ශිව-වර්මානුභාවතඃ .. 5 ..

ත්වමපි ශ්රද්ධයා වත්ස ශෛවං කවචමුත්තමම් .

ධාරයස්ව මයා දත්තං සද්යඃ ශ්රේයෝ හ්යවාප්ස්යසි .. 6 ..

සූත උවාච .

ඉත්යුක්ත්වා ඍෂභෝ යෝගී තස්මෛ පාර්ථිව-සූනවේ .

දදෞ ශඞ්ඛං මහාරාවං ඛඩ්ගං චාරිනිෂූදනම් .. 7 ..

පුනශ්ච භස්ම සම්මන්ත්ර්ය තදඞ්ගං සර්වතෝ(අ)ස්පෘශත් .

ගජානාං ෂට්සහස්රස්ය ද්විගුණං ච බලං දදෞ .. 8 ..

භස්මප්රභාවාත්සම්ප්රාප්ය බලෛශ්වර්යධෘතිස්මෘතිඃ .

ස රාජපුත්රඃ ශුශුභේ ශරදර්ක ඉව ශ්රියා .. 9 ..

තමාහ ප්රාඤ්ජලිං භූයඃ ස යෝගී රාජනන්දනම් .

ඒෂ ඛඩ්ගෝ මයා දත්තස්තපෝමන්ත්රානුභාවතඃ .. 10 ..

ශිතධාරමිමං ඛඩ්ගං යස්මෛ දර්ශයසි ස්ඵුටම් .

ස සද්යෝ ම්රියතේ ශත්රුඃ සාක්ෂාන්මෘත්යුරපි ස්වයම් .. 11 ..

අස්ය ශඞ්ඛස්ය නිහ්රාදං යේ ශෘණ්වන්ති තවාහිතාඃ .

තේ මූර්ඡිතාඃ පතිෂ්යන්ති න්යස්තශස්ත්රා විචේතනාඃ .. 12 ..

ඛඩ්ගශඞ්ඛාවිමෞ දිව්යෞ පරසෛන්යවිනාශිනෞ .

ආත්මසෛන්යස්වපක්ෂාණාං ශෞර්යතේජෝවිවර්ධනෞ .. 13 ..

ඒතයෝශ්ච ප්රභාවේන ශෛවේන කවචේන ච .

ද්විෂට්සහස්රනාගානාං බලේන මහතාපි ච .. 14 ..

භස්මධාරණසාමර්ථ්යාච්ඡත්රුසෛන්යං විජේෂ්යසි .

ප්රාප්ය සිංහාසනං පෛත්ර්යං ගෝප්තාසි පෘථිවීමිමාම් .. 15 ..

ඉති භද්රායුෂං සම්යගනුශාස්ය සමාතෘකම් .

තාභ්යාං සම්පූජිතඃ සෝ(අ)ථ යෝගී ස්වෛරගතිර්යයෞ .. 16 ..

ඉති ශ්රීස්කාන්දමහාපුරාණේ බ්රහ්මෝත්තරඛණ්ඩේ ශිවකවච ප්රභාව වර්ණනං නාම ද්වාදශෝ(අ)ධ්යායඃ සම්පූර්ණඃ ..