Shiva Kavacham

shiva kavacham

atha shivakacham

asya shrI shivakavacha stotra mahAmantrasya |

RRiShabha-yogIshvara RRiShiH |

anuShTup ChandaH |

shrI-sAmbasadAshivo devatA |

OM bIjam |

namaH shaktiH |

shivAyeti kIlakam |

sAmbasadAshivaprItyarthe jape viniyogaH ||

karanyAsaH

OM sadAshivAya a~NguShThAbhyAM namaH |

naM ga~NgAdharAya tarjanIbhyAM namaH |

maM mRRityu~njayAya madhyamAbhyAM namaH |

shiM shUlapANaye anAmikAbhyAM namaH |

vAM pinAkapANaye kaniShThikAbhyAM namaH |

yaM umApataye karatalakarapRRiShThAbhyAM namaH |

hRRidayAdi a~NganyAsaH

OM sadAshivAya hRRidayAya namaH |

naM ga~NgAdharAya shirase svAhA |

maM mRRityu~njayAya shikhAyai vaShaT |

shiM shUlapANaye kavachAya hum |

vAM pinAkapANaye netratrayAya vauShaT |

yaM umApataye astrAya phaT |

bhUrbhuvassuvaromiti digbandhaH ||

dhyAnam

vajradaMShTraM trinayanaM kAlakaNTha marindamam |

sahasrakara-matyugraM vande shambhuM umApatim ||

rudrAkSha-ka~NkaNa-lasatkara-daNDayugmaH pAlAntarA-lasita-bhasmadhRRita-tripuNDraH |

pa~nchAkSharaM paripaThan varamantrarAjaM dhyAyan sadA pashupatiM sharaNaM vrajethAH ||

ataH paraM sarvapurANa-guhyaM niHsheSha-pApaughaharaM pavitram |

jayapradaM sarva-vipatpramochanaM vakShyAmi shaivaM kavachaM hitAya te ||

pa~nchapUjA

laM pRRithivyAtmane gandhaM samarpayAmi |

haM AkAshAtmane puShpaiH pUjayAmi |

yaM vAyvAtmane dhUpaM AghrApayAmi |

raM agnyAtmane dIpaM darshayAmi |

vaM amRRitAtmane amRRitaM mahA-naivedyaM nivedayAmi |

saM sarvAtmane sarvopachAra-pUjAM samarpayAmi ||

mantraH

RRiShabha uvAcha |

namaskRRitya mahAdevaM vishva-vyApina-mIshvaram |

vakShye shivamayaM varma sarvarakShAkaraM nRRiNAm || 1 ||

shuchau deshe samAsIno yathAvatkalpitAsanaH |

jitendriyo jitaprANa-shchintayechChivamavyayam || 2 ||

hRRitpuNDarIkAntarasanniviShTaM

svatejasA vyApta-nabho.avakAsham |

atIndriyaM sUkShmamanantamAdyaM

dhyAyetparAnandamayaM mahesham || 3 ||

dhyAnAvadhUtAkhilakarmabandha-

-shchiraM chidAnandanimagnachetAH |

ShaDakSharanyAsasamAhitAtmA

shaivena kuryAtkavachena rakShAm || 4 ||

mAM pAtu devo.akhiladevatAtmA

saMsArakUpe patitaM gabhIre |

tannAma divyaM varamantramUlaM

dhunotu me sarvamaghaM hRRidistham || 5 ||

sarvatra mAM rakShatu vishvamUrti-

-rjyoti-rmayAnandaghanashchidAtmA |

aNoraNIyAnurushaktirekaH

sa IshvaraH pAtu bhayAdasheShAt || 6 ||

yo bhUsvarUpeNa bibharti vishvaM

pAyAtsa bhUmergirisho.aShTamUrtiH |

yo.apAM svarUpeNa nRRiNAM karoti

sa~njIvanaM so.avatu mAM jalebhyaH || 7 ||

kalpAvasAne bhuvanAni dagdhvA

sarvANi yo nRRityati bhUrilIlaH |

sa kAlarudro.avatu mAM davAgne-

-rvAtyAdibhIte-rakhilAchcha tApAt || 8 ||

pradIpta-vidyutkanakAvabhAso

vidyAvarAbhIti-kuThArapANiH |

chaturmukhastatpuruShastrinetraH

prAchyAM sthito rakShatu mAmajasram || 9 ||

kuThAra kheTA~NkushapAshashUla

kapAlapAshAkSha guNAndadhAnaH |

chaturmukho nIla-ruchistrinetraH

pAyAdaghoro dishi dakShiNasyAm || 10 ||

kundendu-sha~Nkha-sphaTikAvabhAso

vedAkShamAlA-varadAbhayA~NkaH |

tryakShashchaturvaktra uruprabhAvaH

sadyo.adhijAto.avatu mAM pratIchyAm || 11 ||

varAkSha-mAlAbhayaTa~Nka-hastaH

saroja-ki~njalkasamAnavarNaH |

trilochana-shchAruchaturmukho mAM

pAyAdudIchyAM dishi vAmadevaH || 12 ||

vedAbhayeShTANkushaTaNkapAsha-

-kapAlaDhakkAkShara-shUlapANiH |

sitadyutiH pa~nchamukho.avatAnmA-

-mIshAna UrdhvaM paramaprakAshaH || 13 ||

mUrdhAnamavyAnmama chandramauliH

phAlaM mamAvyAdatha phAlanetraH |

netre mamAvyAdbhaganetrahArI

nAsAM sadA rakShatu vishvanAthaH || 14 ||

pAyAchChrutI me shrutigItakIrtiH

kapolamavyAtsatataM kapAlI |

vaktraM sadA rakShatu pa~nchavaktro

jihvAM sadA rakShatu vedajihvaH || 15 ||

kaNThaM girIsho.avatu nIlakaNThaH

pANidvayaM pAtu pinAkapANiH |

dormUlamavyAnmama dharmabAhuH

vakShaHsthalaM dakShamakhAntako.avyAt || 16 ||

mamodaraM pAtu girIndradhanvA

madhyaM mamAvyAnmadanAntakArI |

herambatAto mama pAtu nAbhiM

pAyAtkaTiM dhUrjaTirIshvaro me || 17 ||

[smarAri-ravyAnmama guhyadesham

pRRiShTaM sadA rakShatu pArvatIshaH |]

UrudvayaM pAtu kuberamitro

jAnudvayaM me jagadIshvaro.avyAt |

jaNghAyugaM puNgavaketuravyA-

-tpAdau mamAvyAtsuravandyapAdaH || 18 ||

maheshvaraH pAtu dinAdiyAme

mAM madhyayAme.avatu vAmadevaH |

trilochanaH pAtu tRRitIyayAme

vRRiShadhvajaH pAtu dinAntyayAme || 19 ||

pAyAnnishAdau shashishekharo mAM

ga~NgAdharo rakShatu mAM nishIthe |

gaurIpatiH pAtu nishAvasAne

mRRityu~njayo rakShatu sarvakAlam || 20 ||

antaHsthitaM rakShatu sha~Nkaro mAM

sthANuH sadA pAtu bahiHsthitaM mAm |

tadantare pAtu patiH pashUnAM

sadAshivo rakShatu mAM samantAt || 21 ||

tiShThanta-mavyAdbhuvanaikanAthaH

pAyAdvrajantaM pramathAdhinAthaH |

vedAntavedyo.avatu mAM niShaNNaM

mAmavyayaH pAtu shivaH shayAnam || 22 ||

mArgeShu mAM rakShatu nIlakaNThaH

shailAdi-durgeShu puratrayAriH |

araNyavAsAdi-mahApravAse

pAyAnmRRigavyAdha udArashaktiH || 23 ||

kalpAnta-kAlogra-paTuprakopaH [kaTopa]

sphuTATTa-hAsochchalitANDa-koshaH |

ghorAri-senArNavadurnivAra-

-mahAbhayAdrakShatu vIrabhadraH || 24 ||

pattyashvamAta~Nga-rathAvarUdhinI- [ghaTAvarUtha]

-sahasra-lakShAyuta-koTibhIShaNam |

akShauhiNInAM shatamAtatAyinAM

ChindyAnmRRiDo ghorakuThAradhArayA || 25 ||

nihantu dasyUnpralayAnalArchi-

-rjvalattrishUlaM tripurAntakasya |

shArdUla-siMharkShavRRikAdi-hiMsrAn

santrAsayatvIsha-dhanuH pinAkaH || 26 ||

dussvapna dushshakuna durgati daurmanasya

durbhikSha durvyasana dussaha duryashAMsi |

utpAta-tApa-viShabhIti-masadgrahArtiM

vyAdhIMshcha nAshayatu me jagatAmadhIshaH || 27 ||

OM namo bhagavate sadAshivAya

sakala-tattvAtmakAya

sarva-mantra-svarUpAya

sarva-yantrAdhiShThitAya

sarva-tantra-svarUpAya

sarva-tattva-vidUrAya

brahma-rudrAvatAriNe-nIlakaNThAya

pArvatI-manoharapriyAya

soma-sUryAgni-lochanAya

bhasmoddhUlita-vigrahAya

mahAmaNi-mukuTa-dhAraNAya

mANikya-bhUShaNAya

sRRiShTisthiti-pralayakAla-raudrAvatArAya

dakShAdhvara-dhvaMsakAya

mahAkAla-bhedanAya

mUladhAraika-nilayAya

tatvAtItAya

ga~NgAdharAya

sarva-devAdi-devAya

ShaDAshrayAya

vedAnta-sArAya

trivarga-sAdhanAya

anantakoTi-brahmANDa-nAyakAya

ananta-vAsuki-takShaka-karkoTaka-sha~Nkha-kulika-padma-mahApadmeti-aShTa-mahA-nAga-kulabhUShaNAya

praNavasvarUpAya

chidAkAshAya

AkAsha-dik-svarUpAya

graha-nakShatra-mAline

sakalAya

kala~Nka-rahitAya

sakala-lokaika-kartre

sakala-lokaika-bhartre

sakala-lokaika-saMhartre

sakala-lokaika-gurave

sakala-lokaika-sAkShiNe

sakala-nigamaguhyAya

sakala-vedAnta-pAragAya

sakala-lokaika-varapradAya

sakala-lokaika-sha~NkarAya

sakala-duritArti-bha~njanAya

sakala-jagadabhaya~NkarAya

shashA~Nka-shekharAya

shAshvata-nijAvAsAya

nirAkArAya

nirAbhAsAya

nirAmayAya

nirmalAya

nirlobhAya

nirmadAya

nishchintAya

niraha~NkArAya

nira~NkushAya

niShkala~NkAya

nirguNAya

niShkAmAya

nirUpaplavAya

niravadhyAya

nirantarAya

nirupadravAya

niravadyAya

nirantarAya

niShkAraNAya

nirAta~NkAya

niShprapa~nchAya

nissa~NgAya

nirdvandvAya

nirAdhArAya

nIrAgAya

nishkrodhAya

nirlobhAya

niShpApAya

nirvikalpAya

nirbhedAya

niShkriyAya

nistulAya

nishshaMshayAya

nira~njanAya

nirupama-vibhavAya

nitya-shuddha-buddha-mukta-paripUrNa-sachchidAnandAdvayAya

parama-shAnta-svarUpAya

parama-shAnta-prakAshAya

tejorUpAya

tejomayAya

tejo.adhipataye

jaya jaya rudra mahArudra

mahA-raudra

bhadrAvatAra

mahA-bhairava

kAla-bhairava

kalpAnta-bhairava

kapAla-mAlAdhara

khaTvA~Nga-charma-khaDga-dhara

pAshA~Nkusha-DamarUshUla-chApa-bANa-gadA-shakti-bhindi-

pAla-tomara-musala-bhushuNDI-mudgara-pAsha-parigha-shataghnI-chakrAdyAyudha-bhIShaNAkAra

sahasra-mukha

daMShTrAkarAla-vadana

vikaTATTahAsa

visphAtita-brahmANDa-maNDala-nAgendrakuNDala

nAgendrahAra

nAgendravalaya

nAgendracharmadhara

nAgendraniketana

mRRityu~njaya

tryambaka

tripurAntaka

vishvarUpa

virUpAkSha

vishveshvara

vRRiShabhavAhana

viShavibhUShaNa

vishvatomukha

sarvatomukha

mAM rakSha rakSha

jvala jvala

prajvala prajvala

mahAmRRityubhayaM shamaya shamaya

apamRRityubhayaM nAshaya nAshaya

rogabhayaM utsAdaya utsAdaya

viShasarpabhayaM shamaya shamaya

chorAn mAraya mAraya

mama shatrUn uchchATaya uchchATaya

trishUlena vidAraya vidAraya

kuThAreNa bhindhi bhindhi

khaDgena Chinddi Chinddi

khaTvA~Ngena vipodhaya vipodhaya

mama pApaM shodhaya shodhaya

musalena niShpeShaya niShpeShaya

bANaiH santADaya santADaya

yakSha rakShAMsi bhIShaya bhIShaya

asheSha bhUtAn vidrAvaya vidrAvaya

kUShmANDa-bhUta-betAla-mArIgaNa-brahmarAkShasa-gaNAn santrAsaya santrAsaya

mama abhayaM kuru kuru

naraka-mahAbhayAn mAM uddhara uddhara

vitrastaM mAM AshvAsaya AshvAsaya

amRRita-kaTAkSha-vIkShaNena mAM Alokaya Alokaya

sanjIvaya sanjIvaya

kShuttRRiShNArtaM mAM ApyAyaya ApyAyaya

duHkhAturaM mAM Anandaya Anandaya

shivakavachena mAM AchChAdaya AchChAdaya

hara hara

hara hara

mRRityu~njaya

tryambaka

sadAshiva

paramashiva

namaste namaste namaste namaH ||

pUrvavat - hRRidayAdi nyAsaH |

pa~nchapUjA ||

bhUrbhuvassuvaromiti digvimokaH ||

phalashrutiH

RRiShabha uvAcha |

ityetatkavachaM shaivaM varadaM vyAhRRitaM mayA |

sarva-bAdhA-prashamanaM rahasyaM sarvadehinAm || 1 ||

yaH sadA dhArayenmartyaH shaivaM kavachamuttamam |

na tasya jAyate kvApi bhayaM shambhoranugrahAt || 2 ||

kShINAyu-rmRRityumApanno mahArogahato.api vA |

sadyaH sukhamavApnoti dIrghamAyushcha vindati || 3 ||

sarvadAridryashamanaM saumA~Ngalya-vivardhanam |

yo dhatte kavachaM shaivaM sa devairapi pUjyate || 4 ||

mahApAtaka-sa~NghAtairmuchyate chopapAtakaiH |

dehAnte shivamApnoti shiva-varmAnubhAvataH || 5 ||

tvamapi shraddhayA vatsa shaivaM kavachamuttamam |

dhArayasva mayA dattaM sadyaH shreyo hyavApsyasi || 6 ||

sUta uvAcha |

ityuktvA RRiShabho yogI tasmai pArthiva-sUnave |

dadau sha~NkhaM mahArAvaM khaDgaM chAriniShUdanam || 7 ||

punashcha bhasma sammantrya tada~NgaM sarvato.aspRRishat |

gajAnAM ShaTsahasrasya dviguNaM cha balaM dadau || 8 ||

bhasmaprabhAvAtsamprApya balaishvaryadhRRitismRRitiH |

sa rAjaputraH shushubhe sharadarka iva shriyA || 9 ||

tamAha prA~njaliM bhUyaH sa yogI rAjanandanam |

eSha khaDgo mayA dattastapomantrAnubhAvataH || 10 ||

shitadhAramimaM khaDgaM yasmai darshayasi sphuTam |

sa sadyo mriyate shatruH sAkShAnmRRityurapi svayam || 11 ||

asya sha~Nkhasya nihrAdaM ye shRRiNvanti tavAhitAH |

te mUrChitAH patiShyanti nyastashastrA vichetanAH || 12 ||

khaDgasha~NkhAvimau divyau parasainyavinAshinau |

AtmasainyasvapakShANAM shauryatejovivardhanau || 13 ||

etayoshcha prabhAvena shaivena kavachena cha |

dviShaTsahasranAgAnAM balena mahatApi cha || 14 ||

bhasmadhAraNasAmarthyAchChatrusainyaM vijeShyasi |

prApya siMhAsanaM paitryaM goptAsi pRRithivImimAm || 15 ||

iti bhadrAyuShaM samyaganushAsya samAtRRikam |

tAbhyAM sampUjitaH so.atha yogI svairagatiryayau || 16 ||

iti shrIskAndamahApurANe brahmottarakhaNDe shivakavacha prabhAva varNanaM nAma dvAdasho.adhyAyaH sampUrNaH ||