Shiva Kavacham
Shiva Kavacham
শিব কবচম্
অথ শিবকচম্
অস্য শ্রী শিবকবচ স্তোত্র মহামন্ত্রস্য ।
ঋষভ-যোগীশ্বর ঋষিঃ ।
অনুষ্টুপ্ ছন্দঃ ।
শ্রী-সাম্বসদাশিবো দেবতা ।
ওঁ বীজম্ ।
নমঃ শক্তিঃ ।
শিবাযেতি কীলকম্ ।
সাম্বসদাশিবপ্রীত্যর্থে জপে বিনিযোগঃ ॥
করন্যাসঃ
ওঁ সদাশিবায অঙ্গুষ্ঠাভ্যাং নমঃ ।
নং গঙ্গাধরায তর্জনীভ্যাং নমঃ ।
মং মৃত্যুঞ্জযায মধ্যমাভ্যাং নমঃ ।
শিং শূলপাণযে অনামিকাভ্যাং নমঃ ।
বাং পিনাকপাণযে কনিষ্ঠিকাভ্যাং নমঃ ।
যং উমাপতযে করতলকরপৃষ্ঠাভ্যাং নমঃ ।
হৃদযাদি অঙ্গন্যাসঃ
ওঁ সদাশিবায হৃদযায নমঃ ।
নং গঙ্গাধরায শিরসে স্বাহা ।
মং মৃত্যুঞ্জযায শিখাযৈ বষট্ ।
শিং শূলপাণযে কবচায হুম্ ।
বাং পিনাকপাণযে নেত্রত্রযায বৌষট্ ।
যং উমাপতযে অস্ত্রায ফট্ ।
ভূর্ভুবস্সুবরোমিতি দিগ্বন্ধঃ ॥
ধ্যানম্
বজ্রদংষ্ট্রং ত্রিনযনং কালকণ্ঠ মরিন্দমম্ ।
সহস্রকর-মত্যুগ্রং বন্দে শম্ভুং উমাপতিম্ ॥
রুদ্রাক্ষ-কঙ্কণ-লসত্কর-দণ্ডযুগ্মঃ পালান্তরা-লসিত-ভস্মধৃত-ত্রিপুণ্ড্রঃ ।
পঞ্চাক্ষরং পরিপঠন্ বরমন্ত্ররাজং ধ্যাযন্ সদা পশুপতিং শরণং ব্রজেথাঃ ॥
অতঃ পরং সর্বপুরাণ-গুহ্যং নিঃশেষ-পাপৌঘহরং পবিত্রম্ ।
জযপ্রদং সর্ব-বিপত্প্রমোচনং বক্ষ্যামি শৈবং কবচং হিতায তে ॥
পঞ্চপূজা
লং পৃথিব্যাত্মনে গন্ধং সমর্পযামি ।
হং আকাশাত্মনে পুষ্পৈঃ পূজযামি ।
যং বায্বাত্মনে ধূপং আঘ্রাপযামি ।
রং অগ্ন্যাত্মনে দীপং দর্শযামি ।
বং অমৃতাত্মনে অমৃতং মহা-নৈবেদ্যং নিবেদযামি ।
সং সর্বাত্মনে সর্বোপচার-পূজাং সমর্পযামি ॥
মন্ত্রঃ
ঋষভ উবাচ ।
নমস্কৃত্য মহাদেবং বিশ্ব-ব্যাপিন-মীশ্বরম্ ।
বক্ষ্যে শিবমযং বর্ম সর্বরক্ষাকরং নৃণাম্ ॥ 1 ॥
শুচৌ দেশে সমাসীনো যথাবত্কল্পিতাসনঃ ।
জিতেন্দ্রিযো জিতপ্রাণ-শ্চিন্তযেচ্ছিবমব্যযম্ ॥ 2 ॥
হৃত্পুণ্ডরীকান্তরসন্নিবিষ্টং
স্বতেজসা ব্যাপ্ত-নভোঽবকাশম্ ।
অতীন্দ্রিযং সূক্ষ্মমনন্তমাদ্যং
ধ্যাযেত্পরানন্দমযং মহেশম্ ॥ 3 ॥
ধ্যানাবধূতাখিলকর্মবন্ধ-
-শ্চিরং চিদানন্দনিমগ্নচেতাঃ ।
ষডক্ষরন্যাসসমাহিতাত্মা
শৈবেন কুর্যাত্কবচেন রক্ষাম্ ॥ 4 ॥
মাং পাতু দেবোঽখিলদেবতাত্মা
সংসারকূপে পতিতং গভীরে ।
তন্নাম দিব্যং বরমন্ত্রমূলং
ধুনোতু মে সর্বমঘং হৃদিস্থম্ ॥ 5 ॥
সর্বত্র মাং রক্ষতু বিশ্বমূর্তি-
-র্জ্যোতি-র্মযানন্দঘনশ্চিদাত্মা ।
অণোরণীযানুরুশক্তিরেকঃ
স ঈশ্বরঃ পাতু ভযাদশেষাত্ ॥ 6 ॥
যো ভূস্বরূপেণ বিভর্তি বিশ্বং
পাযাত্স ভূমের্গিরিশোঽষ্টমূর্তিঃ ।
যোঽপাং স্বরূপেণ নৃণাং করোতি
সঞ্জীবনং সোঽবতু মাং জলেভ্যঃ ॥ 7 ॥
কল্পাবসানে ভুবনানি দগ্ধ্বা
সর্বাণি যো নৃত্যতি ভূরিলীলঃ ।
স কালরুদ্রোঽবতু মাং দবাগ্নে-
-র্বাত্যাদিভীতে-রখিলাচ্চ তাপাত্ ॥ 8 ॥
প্রদীপ্ত-বিদ্যুত্কনকাবভাসো
বিদ্যাবরাভীতি-কুঠারপাণিঃ ।
চতুর্মুখস্তত্পুরুষস্ত্রিনেত্রঃ
প্রাচ্যাং স্থিতো রক্ষতু মামজস্রম্ ॥ 9 ॥
কুঠার খেটাঙ্কুশপাশশূল
কপালপাশাক্ষ গুণান্দধানঃ ।
চতুর্মুখো নীল-রুচিস্ত্রিনেত্রঃ
পাযাদঘোরো দিশি দক্ষিণস্যাম্ ॥ 10 ॥
কুন্দেন্দু-শঙ্খ-স্ফটিকাবভাসো
বেদাক্ষমালা-বরদাভযাঙ্কঃ ।
ত্র্যক্ষশ্চতুর্বক্ত্র উরুপ্রভাবঃ
সদ্যোঽধিজাতোঽবতু মাং প্রতীচ্যাম্ ॥ 11 ॥
বরাক্ষ-মালাভযটঙ্ক-হস্তঃ
সরোজ-কিঞ্জল্কসমানবর্ণঃ ।
ত্রিলোচন-শ্চারুচতুর্মুখো মাং
পাযাদুদীচ্যাং দিশি বামদেবঃ ॥ 12 ॥
বেদাভযেষ্টাঙ্কুশটঙ্কপাশ-
-কপালঢক্কাক্ষর-শূলপাণিঃ ।
সিতদ্যুতিঃ পঞ্চমুখোঽবতান্মা-
-মীশান ঊর্ধ্বং পরমপ্রকাশঃ ॥ 13 ॥
মূর্ধানমব্যান্মম চন্দ্রমৌলিঃ
ফালং মমাব্যাদথ ফালনেত্রঃ ।
নেত্রে মমাব্যাদ্ভগনেত্রহারী
নাসাং সদা রক্ষতু বিশ্বনাথঃ ॥ 14 ॥
পাযাচ্ছ্রুতী মে শ্রুতিগীতকীর্তিঃ
কপোলমব্যাত্সততং কপালী ।
বক্ত্রং সদা রক্ষতু পঞ্চবক্ত্রো
জিহ্বাং সদা রক্ষতু বেদজিহ্বঃ ॥ 15 ॥
কণ্ঠং গিরীশোঽবতু নীলকণ্ঠঃ
পাণিদ্বযং পাতু পিনাকপাণিঃ ।
দোর্মূলমব্যান্মম ধর্মবাহুঃ
বক্ষঃস্থলং দক্ষমখান্তকোঽব্যাত্ ॥ 16 ॥
মমোদরং পাতু গিরীন্দ্রধন্বা
মধ্যং মমাব্যান্মদনান্তকারী ।
হেরম্বতাতো মম পাতু নাভিং
পাযাত্কটিং ধূর্জটিরীশ্বরো মে ॥ 17 ॥
[স্মরারি-রব্যান্মম গুহ্যদেশম্
পৃষ্টং সদা রক্ষতু পার্বতীশঃ ।]
ঊরুদ্বযং পাতু কুবেরমিত্রো
জানুদ্বযং মে জগদীশ্বরোঽব্যাত্ ।
জঙ্ঘাযুগং পুঙ্গবকেতুরব্যা-
-ত্পাদৌ মমাব্যাত্সুরবন্দ্যপাদঃ ॥ 18 ॥
মহেশ্বরঃ পাতু দিনাদিযামে
মাং মধ্যযামেঽবতু বামদেবঃ ।
ত্রিলোচনঃ পাতু তৃতীযযামে
বৃষধ্বজঃ পাতু দিনান্ত্যযামে ॥ 19 ॥
পাযান্নিশাদৌ শশিশেখরো মাং
গঙ্গাধরো রক্ষতু মাং নিশীথে ।
গৌরীপতিঃ পাতু নিশাবসানে
মৃত্যুঞ্জযো রক্ষতু সর্বকালম্ ॥ 20 ॥
অন্তঃস্থিতং রক্ষতু শঙ্করো মাং
স্থাণুঃ সদা পাতু বহিঃস্থিতং মাম্ ।
তদন্তরে পাতু পতিঃ পশূনাং
সদাশিবো রক্ষতু মাং সমন্তাত্ ॥ 21 ॥
তিষ্ঠন্ত-মব্যাদ্ভুবনৈকনাথঃ
পাযাদ্ব্রজন্তং প্রমথাধিনাথঃ ।
বেদান্তবেদ্যোঽবতু মাং নিষণ্ণং
মামব্যযঃ পাতু শিবঃ শযানম্ ॥ 22 ॥
মার্গেষু মাং রক্ষতু নীলকণ্ঠঃ
শৈলাদি-দুর্গেষু পুরত্রযারিঃ ।
অরণ্যবাসাদি-মহাপ্রবাসে
পাযান্মৃগব্যাধ উদারশক্তিঃ ॥ 23 ॥
কল্পান্ত-কালোগ্র-পটুপ্রকোপঃ [কটোপ]
স্ফুটাট্ট-হাসোচ্চলিতাণ্ড-কোশঃ ।
ঘোরারি-সেনার্ণবদুর্নিবার-
-মহাভযাদ্রক্ষতু বীরভদ্রঃ ॥ 24 ॥
পত্ত্যশ্বমাতঙ্গ-রথাবরূধিনী- [ঘটাবরূথ]
-সহস্র-লক্ষাযুত-কোটিভীষণম্ ।
অক্ষৌহিণীনাং শতমাততাযিনাং
ছিন্দ্যান্মৃডো ঘোরকুঠারধারযা ॥ 25 ॥
নিহন্তু দস্যূন্প্রলযানলার্চি-
-র্জ্বলত্ত্রিশূলং ত্রিপুরান্তকস্য ।
শার্দূল-সিংহর্ক্ষবৃকাদি-হিংস্রান্
সন্ত্রাসযত্বীশ-ধনুঃ পিনাকঃ ॥ 26 ॥
দুস্স্বপ্ন দুশ্শকুন দুর্গতি দৌর্মনস্য
দুর্ভিক্ষ দুর্ব্যসন দুস্সহ দুর্যশাংসি ।
উত্পাত-তাপ-বিষভীতি-মসদ্গ্রহার্তিং
ব্যাধীংশ্চ নাশযতু মে জগতামধীশঃ ॥ 27 ॥
ওঁ নমো ভগবতে সদাশিবায
সকল-তত্ত্বাত্মকায
সর্ব-মন্ত্র-স্বরূপায
সর্ব-যন্ত্রাধিষ্ঠিতায
সর্ব-তন্ত্র-স্বরূপায
সর্ব-তত্ত্ব-বিদূরায
ব্রহ্ম-রুদ্রাবতারিণে-নীলকণ্ঠায
পার্বতী-মনোহরপ্রিযায
সোম-সূর্যাগ্নি-লোচনায
ভস্মোদ্ধূলিত-বিগ্রহায
মহামণি-মুকুট-ধারণায
মাণিক্য-ভূষণায
সৃষ্টিস্থিতি-প্রলযকাল-রৌদ্রাবতারায
দক্ষাধ্বর-ধ্বংসকায
মহাকাল-ভেদনায
মূলধারৈক-নিলযায
তত্বাতীতায
গঙ্গাধরায
সর্ব-দেবাদি-দেবায
ষডাশ্রযায
বেদান্ত-সারায
ত্রিবর্গ-সাধনায
অনন্তকোটি-ব্রহ্মাণ্ড-নাযকায
অনন্ত-বাসুকি-তক্ষক-কর্কোটক-শঙ্খ-কুলিক-পদ্ম-মহাপদ্মেতি-অষ্ট-মহা-নাগ-কুলভূষণায
প্রণবস্বরূপায
চিদাকাশায
আকাশ-দিক্-স্বরূপায
গ্রহ-নক্ষত্র-মালিনে
সকলায
কলঙ্ক-রহিতায
সকল-লোকৈক-কর্ত্রে
সকল-লোকৈক-ভর্ত্রে
সকল-লোকৈক-সংহর্ত্রে
সকল-লোকৈক-গুরবে
সকল-লোকৈক-সাক্ষিণে
সকল-নিগমগুহ্যায
সকল-বেদান্ত-পারগায
সকল-লোকৈক-বরপ্রদায
সকল-লোকৈক-শঙ্করায
সকল-দুরিতার্তি-ভঞ্জনায
সকল-জগদভযঙ্করায
শশাঙ্ক-শেখরায
শাশ্বত-নিজাবাসায
নিরাকারায
নিরাভাসায
নিরামযায
নির্মলায
নির্লোভায
নির্মদায
নিশ্চিন্তায
নিরহঙ্কারায
নিরঙ্কুশায
নিষ্কলঙ্কায
নির্গুণায
নিষ্কামায
নিরূপপ্লবায
নিরবধ্যায
নিরন্তরায
নিরুপদ্রবায
নিরবদ্যায
নিরন্তরায
নিষ্কারণায
নিরাতঙ্কায
নিষ্প্রপঞ্চায
নিস্সঙ্গায
নির্দ্বন্দ্বায
নিরাধারায
নীরাগায
নিশ্ক্রোধায
নির্লোভায
নিষ্পাপায
নির্বিকল্পায
নির্ভেদায
নিষ্ক্রিযায
নিস্তুলায
নিশ্শংশযায
নিরঞ্জনায
নিরুপম-বিভবায
নিত্য-শুদ্ধ-বুদ্ধ-মুক্ত-পরিপূর্ণ-সচ্চিদানন্দাদ্বযায
পরম-শান্ত-স্বরূপায
পরম-শান্ত-প্রকাশায
তেজোরূপায
তেজোমযায
তেজোঽধিপতযে
জয জয রুদ্র মহারুদ্র
মহা-রৌদ্র
ভদ্রাবতার
মহা-ভৈরব
কাল-ভৈরব
কল্পান্ত-ভৈরব
কপাল-মালাধর
খট্বাঙ্গ-চর্ম-খড্গ-ধর
পাশাঙ্কুশ-ডমরূশূল-চাপ-বাণ-গদা-শক্তি-ভিন্দি-
পাল-তোমর-মুসল-ভুশুণ্ডী-মুদ্গর-পাশ-পরিঘ-শতঘ্নী-চক্রাদ্যাযুধ-ভীষণাকার
সহস্র-মুখ
দংষ্ট্রাকরাল-বদন
বিকটাট্টহাস
বিস্ফাতিত-ব্রহ্মাণ্ড-মণ্ডল-নাগেন্দ্রকুণ্ডল
নাগেন্দ্রহার
নাগেন্দ্রবলয
নাগেন্দ্রচর্মধর
নাগেন্দ্রনিকেতন
মৃত্যুঞ্জয
ত্র্যম্বক
ত্রিপুরান্তক
বিশ্বরূপ
বিরূপাক্ষ
বিশ্বেশ্বর
বৃষভবাহন
বিষবিভূষণ
বিশ্বতোমুখ
সর্বতোমুখ
মাং রক্ষ রক্ষ
জ্বল জ্বল
প্রজ্বল প্রজ্বল
মহামৃত্যুভযং শময শময
অপমৃত্যুভযং নাশয নাশয
রোগভযং উত্সাদয উত্সাদয
বিষসর্পভযং শময শময
চোরান্ মারয মারয
মম শত্রূন্ উচ্চাটয উচ্চাটয
ত্রিশূলেন বিদারয বিদারয
কুঠারেণ ভিন্ধি ভিন্ধি
খড্গেন ছিন্দ্দি ছিন্দ্দি
খট্বাঙ্গেন বিপোধয বিপোধয
মম পাপং শোধয শোধয
মুসলেন নিষ্পেষয নিষ্পেষয
বাণৈঃ সন্তাডয সন্তাডয
যক্ষ রক্ষাংসি ভীষয ভীষয
অশেষ ভূতান্ বিদ্রাবয বিদ্রাবয
কূষ্মাণ্ড-ভূত-বেতাল-মারীগণ-ব্রহ্মরাক্ষস-গণান্ সন্ত্রাসয সন্ত্রাসয
মম অভযং কুরু কুরু
নরক-মহাভযান্ মাং উদ্ধর উদ্ধর
বিত্রস্তং মাং আশ্বাসয আশ্বাসয
অমৃত-কটাক্ষ-বীক্ষণেন মাং আলোকয আলোকয
সঞ্জীবয সঞ্জীবয
ক্ষুত্তৃষ্ণার্তং মাং আপ্যাযয আপ্যাযয
দুঃখাতুরং মাং আনন্দয আনন্দয
শিবকবচেন মাং আচ্ছাদয আচ্ছাদয
হর হর
হর হর
মৃত্যুঞ্জয
ত্র্যম্বক
সদাশিব
পরমশিব
নমস্তে নমস্তে নমস্তে নমঃ ॥
পূর্ববত্ - হৃদযাদি ন্যাসঃ ।
পঞ্চপূজা ॥
ভূর্ভুবস্সুবরোমিতি দিগ্বিমোকঃ ॥
ফলশ্রুতিঃ
ঋষভ উবাচ ।
ইত্যেতত্কবচং শৈবং বরদং ব্যাহৃতং মযা ।
সর্ব-বাধা-প্রশমনং রহস্যং সর্বদেহিনাম্ ॥ 1 ॥
যঃ সদা ধারযেন্মর্ত্যঃ শৈবং কবচমুত্তমম্ ।
ন তস্য জাযতে ক্বাপি ভযং শম্ভোরনুগ্রহাত্ ॥ 2 ॥
ক্ষীণাযু-র্মৃত্যুমাপন্নো মহারোগহতোঽপি বা ।
সদ্যঃ সুখমবাপ্নোতি দীর্ঘমাযুশ্চ বিন্দতি ॥ 3 ॥
সর্বদারিদ্র্যশমনং সৌমাঙ্গল্য-বিবর্ধনম্ ।
যো ধত্তে কবচং শৈবং স দেবৈরপি পূজ্যতে ॥ 4 ॥
মহাপাতক-সঙ্ঘাতৈর্মুচ্যতে চোপপাতকৈঃ ।
দেহান্তে শিবমাপ্নোতি শিব-বর্মানুভাবতঃ ॥ 5 ॥
ত্বমপি শ্রদ্ধযা বত্স শৈবং কবচমুত্তমম্ ।
ধারযস্ব মযা দত্তং সদ্যঃ শ্রেযো হ্যবাপ্স্যসি ॥ 6 ॥
সূত উবাচ ।
ইত্যুক্ত্বা ঋষভো যোগী তস্মৈ পার্থিব-সূনবে ।
দদৌ শঙ্খং মহারাবং খড্গং চারিনিষূদনম্ ॥ 7 ॥
পুনশ্চ ভস্ম সম্মন্ত্র্য তদঙ্গং সর্বতোঽস্পৃশত্ ।
গজানাং ষট্সহস্রস্য দ্বিগুণং চ বলং দদৌ ॥ 8 ॥
ভস্মপ্রভাবাত্সম্প্রাপ্য বলৈশ্বর্যধৃতিস্মৃতিঃ ।
স রাজপুত্রঃ শুশুভে শরদর্ক ইব শ্রিযা ॥ 9 ॥
তমাহ প্রাঞ্জলিং ভূযঃ স যোগী রাজনন্দনম্ ।
এষ খড্গো মযা দত্তস্তপোমন্ত্রানুভাবতঃ ॥ 10 ॥
শিতধারমিমং খড্গং যস্মৈ দর্শযসি স্ফুটম্ ।
স সদ্যো ম্রিযতে শত্রুঃ সাক্ষান্মৃত্যুরপি স্বযম্ ॥ 11 ॥
অস্য শঙ্খস্য নিহ্রাদং যে শৃণ্বন্তি তবাহিতাঃ ।
তে মূর্ছিতাঃ পতিষ্যন্তি ন্যস্তশস্ত্রা বিচেতনাঃ ॥ 12 ॥
খড্গশঙ্খাবিমৌ দিব্যৌ পরসৈন্যবিনাশিনৌ ।
আত্মসৈন্যস্বপক্ষাণাং শৌর্যতেজোবিবর্ধনৌ ॥ 13 ॥
এতযোশ্চ প্রভাবেন শৈবেন কবচেন চ ।
দ্বিষট্সহস্রনাগানাং বলেন মহতাপি চ ॥ 14 ॥
ভস্মধারণসামর্থ্যাচ্ছত্রুসৈন্যং বিজেষ্যসি ।
প্রাপ্য সিংহাসনং পৈত্র্যং গোপ্তাসি পৃথিবীমিমাম্ ॥ 15 ॥
ইতি ভদ্রাযুষং সম্যগনুশাস্য সমাতৃকম্ ।
তাভ্যাং সম্পূজিতঃ সোঽথ যোগী স্বৈরগতির্যযৌ ॥ 16 ॥
ইতি শ্রীস্কান্দমহাপুরাণে ব্রহ্মোত্তরখণ্ডে শিবকবচ প্রভাব বর্ণনং নাম দ্বাদশোঽধ্যাযঃ সম্পূর্ণঃ ॥
Related Scriptures
1000 Names of Shri Ardhanarishvara
1000 verses
कर्णाटक सङ्गीतं स्वरजति 2 (साम्ब शिव)
0 verses
दारिद्र्य दहन शिव स्तोत्रम्
9 verses
1000 Names of Lord Mahakala
1000 verses
100 Names of Lord Shiva
100 verses
Rudrayamala 1000 Names of Lord Shiva
1000 verses
About This Stotram
Overview
The Shiva Kavacham is a 43-verse Sanskrit kavacham dedicated to Lord Shiva, invoking his protection over the devotee's body, mind, and life circumstances. A kavacham (literally "armor") is a class of Sanskrit protective hymn that calls upon different aspects and names of a deity to guard specific areas of the body and domains of life, and this text belongs to the Shaiva devotional tradition.
What are the benefits of chanting Shiva Kavacham?
- Protection from physical dangers, illness, and enemies
- Warding off of negative energies and harmful influences
- Promotion of health, longevity, and material well-being
- Spiritual protection and progress toward liberation (Moksha)
When is the best time to recite this?
Morning and evening are the standard times for kavacham recitation. The Shiva Kavacham is recommended during Maha Shivaratri, Pradosha, and the month of Shravana, and may be recited daily as a protective practice.
What is the historical and traditional background?
The Shiva Kavacham does not carry a definitively established authorship or a clear source in a named Purana, which is common for many kavachams that developed through oral and ritual transmission. Kavacham literature as a genre appears extensively in texts such as the Skanda Purana, Devi Bhagavata, and various Tantric collections, and the format has been in use since at least the early medieval period. This kavacham incorporates specific mantras and bijaksharas consistent with Shaiva Tantric tradition, and it has circulated in collections of Shiva stotrams across Shaivite communities in India.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Shiva Bhujanga Stotram — a 40-verse Sanskrit stotram in the Bhujanga Prayata meter praising Shiva's cosmic attributes
- Shiva Panchakshara Stotram — a five-verse hymn based on the foundational Shiva mantra, widely recited alongside kavachams in Shaivite practice