Shiva Kavacham
ശിവ കവചമ്
Shiva Kavacham
ശിവ കവചമ്
അഥ ശിവകചമ്
അസ്യ ശ്രീ ശിവകവച സ്തോത്ര മഹാമന്ത്രസ്യ ।
ഋഷഭ-യോഗീശ്വര ഋഷിഃ ।
അനുഷ്ടുപ് ഛന്ദഃ ।
ശ്രീ-സാമ്ബസദാശിവോ ദേവതാ ।
ഓം ബീജമ് ।
നമഃ ശക്തിഃ ।
ശിവായേതി കീലകമ് ।
സാമ്ബസദാശിവപ്രീത്യര്ഥേ ജപേ വിനിയോഗഃ ॥
കരന്യാസഃ
ഓം സദാശിവായ അങ്ഗുഷ്ഠാഭ്യാം നമഃ ।
നം ഗങ്ഗാധരായ തര്ജനീഭ്യാം നമഃ ।
മം മൃത്യുഞ്ജയായ മധ്യമാഭ്യാം നമഃ ।
ശിം ശൂലപാണയേ അനാമികാഭ്യാം നമഃ ।
വാം പിനാകപാണയേ കനിഷ്ഠികാഭ്യാം നമഃ ।
യം ഉമാപതയേ കരതലകരപൃഷ്ഠാഭ്യാം നമഃ ।
ഹൃദയാദി അങ്ഗന്യാസഃ
ഓം സദാശിവായ ഹൃദയായ നമഃ ।
നം ഗങ്ഗാധരായ ശിരസേ സ്വാഹാ ।
മം മൃത്യുഞ്ജയായ ശിഖായൈ വഷട് ।
ശിം ശൂലപാണയേ കവചായ ഹുമ് ।
വാം പിനാകപാണയേ നേത്രത്രയായ വൌഷട് ।
യം ഉമാപതയേ അസ്ത്രായ ഫട് ।
ഭൂര്ഭുവസ്സുവരോമിതി ദിഗ്ബന്ധഃ ॥
ധ്യാനമ്
വജ്രദംഷ്ട്രം ത്രിനയനം കാലകണ്ഠ മരിന്ദമമ് ।
സഹസ്രകര-മത്യുഗ്രം വന്ദേ ശമ്ഭും ഉമാപതിമ് ॥
രുദ്രാക്ഷ-കങ്കണ-ലസത്കര-ദണ്ഡയുഗ്മഃ പാലാന്തരാ-ലസിത-ഭസ്മധൃത-ത്രിപുണ്ഡ്രഃ ।
പഞ്ചാക്ഷരം പരിപഠന് വരമന്ത്രരാജം ധ്യായന് സദാ പശുപതിം ശരണം വ്രജേഥാഃ ॥
അതഃ പരം സര്വപുരാണ-ഗുഹ്യം നിഃശേഷ-പാപൌഘഹരം പവിത്രമ് ।
ജയപ്രദം സര്വ-വിപത്പ്രമോചനം വക്ഷ്യാമി ശൈവം കവചം ഹിതായ തേ ॥
പഞ്ചപൂജാ
ലം പൃഥിവ്യാത്മനേ ഗന്ധം സമര്പയാമി ।
ഹം ആകാശാത്മനേ പുഷ്പൈഃ പൂജയാമി ।
യം വായ്വാത്മനേ ധൂപം ആഘ്രാപയാമി ।
രം അഗ്ന്യാത്മനേ ദീപം ദര്ശയാമി ।
വം അമൃതാത്മനേ അമൃതം മഹാ-നൈവേദ്യം നിവേദയാമി ।
സം സര്വാത്മനേ സര്വോപചാര-പൂജാം സമര്പയാമി ॥
മന്ത്രഃ
ഋഷഭ ഉവാച ।
നമസ്കൃത്യ മഹാദേവം വിശ്വ-വ്യാപിന-മീശ്വരമ് ।
വക്ഷ്യേ ശിവമയം വര്മ സര്വരക്ഷാകരം നൃണാമ് ॥ 1 ॥
ശുചൌ ദേശേ സമാസീനോ യഥാവത്കല്പിതാസനഃ ।
ജിതേന്ദ്രിയോ ജിതപ്രാണ-ശ്ചിന്തയേച്ഛിവമവ്യയമ് ॥ 2 ॥
ഹൃത്പുണ്ഡരീകാന്തരസന്നിവിഷ്ടം
സ്വതേജസാ വ്യാപ്ത-നഭോഽവകാശമ് ।
അതീന്ദ്രിയം സൂക്ഷ്മമനന്തമാദ്യം
ധ്യായേത്പരാനന്ദമയം മഹേശമ് ॥ 3 ॥
ധ്യാനാവധൂതാഖിലകര്മബന്ധ-
-ശ്ചിരം ചിദാനന്ദനിമഗ്നചേതാഃ ।
ഷഡക്ഷരന്യാസസമാഹിതാത്മാ
ശൈവേന കുര്യാത്കവചേന രക്ഷാമ് ॥ 4 ॥
മാം പാതു ദേവോഽഖിലദേവതാത്മാ
സംസാരകൂപേ പതിതം ഗഭീരേ ।
തന്നാമ ദിവ്യം വരമന്ത്രമൂലം
ധുനോതു മേ സര്വമഘം ഹൃദിസ്ഥമ് ॥ 5 ॥
സര്വത്ര മാം രക്ഷതു വിശ്വമൂര്തി-
-ര്ജ്യോതി-ര്മയാനന്ദഘനശ്ചിദാത്മാ ।
അണോരണീയാനുരുശക്തിരേകഃ
സ ഈശ്വരഃ പാതു ഭയാദശേഷാത് ॥ 6 ॥
യോ ഭൂസ്വരൂപേണ ബിഭര്തി വിശ്വം
പായാത്സ ഭൂമേര്ഗിരിശോഽഷ്ടമൂര്തിഃ ।
യോഽപാം സ്വരൂപേണ നൃണാം കരോതി
സഞ്ജീവനം സോഽവതു മാം ജലേഭ്യഃ ॥ 7 ॥
കല്പാവസാനേ ഭുവനാനി ദഗ്ധ്വാ
സര്വാണി യോ നൃത്യതി ഭൂരിലീലഃ ।
സ കാലരുദ്രോഽവതു മാം ദവാഗ്നേ-
-ര്വാത്യാദിഭീതേ-രഖിലാച്ച താപാത് ॥ 8 ॥
പ്രദീപ്ത-വിദ്യുത്കനകാവഭാസോ
വിദ്യാവരാഭീതി-കുഠാരപാണിഃ ।
ചതുര്മുഖസ്തത്പുരുഷസ്ത്രിനേത്രഃ
പ്രാച്യാം സ്ഥിതോ രക്ഷതു മാമജസ്രമ് ॥ 9 ॥
കുഠാര ഖേടാങ്കുശപാശശൂല
കപാലപാശാക്ഷ ഗുണാന്ദധാനഃ ।
ചതുര്മുഖോ നീല-രുചിസ്ത്രിനേത്രഃ
പായാദഘോരോ ദിശി ദക്ഷിണസ്യാമ് ॥ 10 ॥
കുന്ദേന്ദു-ശങ്ഖ-സ്ഫടികാവഭാസോ
വേദാക്ഷമാലാ-വരദാഭയാങ്കഃ ।
ത്ര്യക്ഷശ്ചതുര്വക്ത്ര ഉരുപ്രഭാവഃ
സദ്യോഽധിജാതോഽവതു മാം പ്രതീച്യാമ് ॥ 11 ॥
വരാക്ഷ-മാലാഭയടങ്ക-ഹസ്തഃ
സരോജ-കിഞ്ജല്കസമാനവര്ണഃ ।
ത്രിലോചന-ശ്ചാരുചതുര്മുഖോ മാം
പായാദുദീച്യാം ദിശി വാമദേവഃ ॥ 12 ॥
വേദാഭയേഷ്ടാങ്കുശടങ്കപാശ-
-കപാലഢക്കാക്ഷര-ശൂലപാണിഃ ।
സിതദ്യുതിഃ പഞ്ചമുഖോഽവതാന്മാ-
-മീശാന ഊര്ധ്വം പരമപ്രകാശഃ ॥ 13 ॥
മൂര്ധാനമവ്യാന്മമ ചന്ദ്രമൌലിഃ
ഫാലം മമാവ്യാദഥ ഫാലനേത്രഃ ।
നേത്രേ മമാവ്യാദ്ഭഗനേത്രഹാരീ
നാസാം സദാ രക്ഷതു വിശ്വനാഥഃ ॥ 14 ॥
പായാച്ഛ്രുതീ മേ ശ്രുതിഗീതകീര്തിഃ
കപോലമവ്യാത്സതതം കപാലീ ।
വക്ത്രം സദാ രക്ഷതു പഞ്ചവക്ത്രോ
ജിഹ്വാം സദാ രക്ഷതു വേദജിഹ്വഃ ॥ 15 ॥
കണ്ഠം ഗിരീശോഽവതു നീലകണ്ഠഃ
പാണിദ്വയം പാതു പിനാകപാണിഃ ।
ദോര്മൂലമവ്യാന്മമ ധര്മബാഹുഃ
വക്ഷഃസ്ഥലം ദക്ഷമഖാന്തകോഽവ്യാത് ॥ 16 ॥
മമോദരം പാതു ഗിരീന്ദ്രധന്വാ
മധ്യം മമാവ്യാന്മദനാന്തകാരീ ।
ഹേരമ്ബതാതോ മമ പാതു നാഭിം
പായാത്കടിം ധൂര്ജടിരീശ്വരോ മേ ॥ 17 ॥
[സ്മരാരി-രവ്യാന്മമ ഗുഹ്യദേശമ്
പൃഷ്ടം സദാ രക്ഷതു പാര്വതീശഃ ।]
ഊരുദ്വയം പാതു കുബേരമിത്രോ
ജാനുദ്വയം മേ ജഗദീശ്വരോഽവ്യാത് ।
ജങ്ഘായുഗം പുങ്ഗവകേതുരവ്യാ-
-ത്പാദൌ മമാവ്യാത്സുരവന്ദ്യപാദഃ ॥ 18 ॥
മഹേശ്വരഃ പാതു ദിനാദിയാമേ
മാം മധ്യയാമേഽവതു വാമദേവഃ ।
ത്രിലോചനഃ പാതു തൃതീയയാമേ
വൃഷധ്വജഃ പാതു ദിനാന്ത്യയാമേ ॥ 19 ॥
പായാന്നിശാദൌ ശശിശേഖരോ മാം
ഗങ്ഗാധരോ രക്ഷതു മാം നിശീഥേ ।
ഗൌരീപതിഃ പാതു നിശാവസാനേ
മൃത്യുഞ്ജയോ രക്ഷതു സര്വകാലമ് ॥ 20 ॥
അന്തഃസ്ഥിതം രക്ഷതു ശങ്കരോ മാം
സ്ഥാണുഃ സദാ പാതു ബഹിഃസ്ഥിതം മാമ് ।
തദന്തരേ പാതു പതിഃ പശൂനാം
സദാശിവോ രക്ഷതു മാം സമന്താത് ॥ 21 ॥
തിഷ്ഠന്ത-മവ്യാദ്ഭുവനൈകനാഥഃ
പായാദ്വ്രജന്തം പ്രമഥാധിനാഥഃ ।
വേദാന്തവേദ്യോഽവതു മാം നിഷണ്ണം
മാമവ്യയഃ പാതു ശിവഃ ശയാനമ് ॥ 22 ॥
മാര്ഗേഷു മാം രക്ഷതു നീലകണ്ഠഃ
ശൈലാദി-ദുര്ഗേഷു പുരത്രയാരിഃ ।
അരണ്യവാസാദി-മഹാപ്രവാസേ
പായാന്മൃഗവ്യാധ ഉദാരശക്തിഃ ॥ 23 ॥
കല്പാന്ത-കാലോഗ്ര-പടുപ്രകോപഃ [കടോപ]
സ്ഫുടാട്ട-ഹാസോച്ചലിതാണ്ഡ-കോശഃ ।
ഘോരാരി-സേനാര്ണവദുര്നിവാര-
-മഹാഭയാദ്രക്ഷതു വീരഭദ്രഃ ॥ 24 ॥
പത്ത്യശ്വമാതങ്ഗ-രഥാവരൂധിനീ- [ഘടാവരൂഥ]
-സഹസ്ര-ലക്ഷായുത-കോടിഭീഷണമ് ।
അക്ഷൌഹിണീനാം ശതമാതതായിനാം
ഛിന്ദ്യാന്മൃഡോ ഘോരകുഠാരധാരയാ ॥ 25 ॥
നിഹന്തു ദസ്യൂന്പ്രലയാനലാര്ചി-
-ര്ജ്വലത്ത്രിശൂലം ത്രിപുരാന്തകസ്യ ।
ശാര്ദൂല-സിംഹര്ക്ഷവൃകാദി-ഹിംസ്രാന്
സന്ത്രാസയത്വീശ-ധനുഃ പിനാകഃ ॥ 26 ॥
ദുസ്സ്വപ്ന ദുശ്ശകുന ദുര്ഗതി ദൌര്മനസ്യ
ദുര്ഭിക്ഷ ദുര്വ്യസന ദുസ്സഹ ദുര്യശാംസി ।
ഉത്പാത-താപ-വിഷഭീതി-മസദ്ഗ്രഹാര്തിം
വ്യാധീംശ്ച നാശയതു മേ ജഗതാമധീശഃ ॥ 27 ॥
ഓം നമോ ഭഗവതേ സദാശിവായ
സകല-തത്ത്വാത്മകായ
സര്വ-മന്ത്ര-സ്വരൂപായ
സര്വ-യന്ത്രാധിഷ്ഠിതായ
സര്വ-തന്ത്ര-സ്വരൂപായ
സര്വ-തത്ത്വ-വിദൂരായ
ബ്രഹ്മ-രുദ്രാവതാരിണേ-നീലകണ്ഠായ
പാര്വതീ-മനോഹരപ്രിയായ
സോമ-സൂര്യാഗ്നി-ലോചനായ
ഭസ്മോദ്ധൂലിത-വിഗ്രഹായ
മഹാമണി-മുകുട-ധാരണായ
മാണിക്യ-ഭൂഷണായ
സൃഷ്ടിസ്ഥിതി-പ്രലയകാല-രൌദ്രാവതാരായ
ദക്ഷാധ്വര-ധ്വംസകായ
മഹാകാല-ഭേദനായ
മൂലധാരൈക-നിലയായ
തത്വാതീതായ
ഗങ്ഗാധരായ
സര്വ-ദേവാദി-ദേവായ
ഷഡാശ്രയായ
വേദാന്ത-സാരായ
ത്രിവര്ഗ-സാധനായ
അനന്തകോടി-ബ്രഹ്മാണ്ഡ-നായകായ
അനന്ത-വാസുകി-തക്ഷക-കര്കോടക-ശങ്ഖ-കുലിക-പദ്മ-മഹാപദ്മേതി-അഷ്ട-മഹാ-നാഗ-കുലഭൂഷണായ
പ്രണവസ്വരൂപായ
ചിദാകാശായ
ആകാശ-ദിക്-സ്വരൂപായ
ഗ്രഹ-നക്ഷത്ര-മാലിനേ
സകലായ
കലങ്ക-രഹിതായ
സകല-ലോകൈക-കര്ത്രേ
സകല-ലോകൈക-ഭര്ത്രേ
സകല-ലോകൈക-സംഹര്ത്രേ
സകല-ലോകൈക-ഗുരവേ
സകല-ലോകൈക-സാക്ഷിണേ
സകല-നിഗമഗുഹ്യായ
സകല-വേദാന്ത-പാരഗായ
സകല-ലോകൈക-വരപ്രദായ
സകല-ലോകൈക-ശങ്കരായ
സകല-ദുരിതാര്തി-ഭഞ്ജനായ
സകല-ജഗദഭയങ്കരായ
ശശാങ്ക-ശേഖരായ
ശാശ്വത-നിജാവാസായ
നിരാകാരായ
നിരാഭാസായ
നിരാമയായ
നിര്മലായ
നിര്ലോഭായ
നിര്മദായ
നിശ്ചിന്തായ
നിരഹങ്കാരായ
നിരങ്കുശായ
നിഷ്കലങ്കായ
നിര്ഗുണായ
നിഷ്കാമായ
നിരൂപപ്ലവായ
നിരവധ്യായ
നിരന്തരായ
നിരുപദ്രവായ
നിരവദ്യായ
നിരന്തരായ
നിഷ്കാരണായ
നിരാതങ്കായ
നിഷ്പ്രപഞ്ചായ
നിസ്സങ്ഗായ
നിര്ദ്വന്ദ്വായ
നിരാധാരായ
നീരാഗായ
നിശ്ക്രോധായ
നിര്ലോഭായ
നിഷ്പാപായ
നിര്വികല്പായ
നിര്ഭേദായ
നിഷ്ക്രിയായ
നിസ്തുലായ
നിശ്ശംശയായ
നിരഞ്ജനായ
നിരുപമ-വിഭവായ
നിത്യ-ശുദ്ധ-ബുദ്ധ-മുക്ത-പരിപൂര്ണ-സച്ചിദാനന്ദാദ്വയായ
പരമ-ശാന്ത-സ്വരൂപായ
പരമ-ശാന്ത-പ്രകാശായ
തേജോരൂപായ
തേജോമയായ
തേജോഽധിപതയേ
ജയ ജയ രുദ്ര മഹാരുദ്ര
മഹാ-രൌദ്ര
ഭദ്രാവതാര
മഹാ-ഭൈരവ
കാല-ഭൈരവ
കല്പാന്ത-ഭൈരവ
കപാല-മാലാധര
ഖട്വാങ്ഗ-ചര്മ-ഖഡ്ഗ-ധര
പാശാങ്കുശ-ഡമരൂശൂല-ചാപ-ബാണ-ഗദാ-ശക്തി-ഭിന്ദി-
പാല-തോമര-മുസല-ഭുശുണ്ഡീ-മുദ്ഗര-പാശ-പരിഘ-ശതഘ്നീ-ചക്രാദ്യായുധ-ഭീഷണാകാര
സഹസ്ര-മുഖ
ദംഷ്ട്രാകരാല-വദന
വികടാട്ടഹാസ
വിസ്ഫാതിത-ബ്രഹ്മാണ്ഡ-മണ്ഡല-നാഗേന്ദ്രകുണ്ഡല
നാഗേന്ദ്രഹാര
നാഗേന്ദ്രവലയ
നാഗേന്ദ്രചര്മധര
നാഗേന്ദ്രനികേതന
മൃത്യുഞ്ജയ
ത്ര്യമ്ബക
ത്രിപുരാന്തക
വിശ്വരൂപ
വിരൂപാക്ഷ
വിശ്വേശ്വര
വൃഷഭവാഹന
വിഷവിഭൂഷണ
വിശ്വതോമുഖ
സര്വതോമുഖ
മാം രക്ഷ രക്ഷ
ജ്വല ജ്വല
പ്രജ്വല പ്രജ്വല
മഹാമൃത്യുഭയം ശമയ ശമയ
അപമൃത്യുഭയം നാശയ നാശയ
രോഗഭയം ഉത്സാദയ ഉത്സാദയ
വിഷസര്പഭയം ശമയ ശമയ
ചോരാന് മാരയ മാരയ
മമ ശത്രൂന് ഉച്ചാടയ ഉച്ചാടയ
ത്രിശൂലേന വിദാരയ വിദാരയ
കുഠാരേണ ഭിന്ധി ഭിന്ധി
ഖഡ്ഗേന ഛിന്ദ്ദി ഛിന്ദ്ദി
ഖട്വാങ്ഗേന വിപോധയ വിപോധയ
മമ പാപം ശോധയ ശോധയ
മുസലേന നിഷ്പേഷയ നിഷ്പേഷയ
ബാണൈഃ സന്താഡയ സന്താഡയ
യക്ഷ രക്ഷാംസി ഭീഷയ ഭീഷയ
അശേഷ ഭൂതാന് വിദ്രാവയ വിദ്രാവയ
കൂഷ്മാണ്ഡ-ഭൂത-ബേതാല-മാരീഗണ-ബ്രഹ്മരാക്ഷസ-ഗണാന് സന്ത്രാസയ സന്ത്രാസയ
മമ അഭയം കുരു കുരു
നരക-മഹാഭയാന് മാം ഉദ്ധര ഉദ്ധര
വിത്രസ്തം മാം ആശ്വാസയ ആശ്വാസയ
അമൃത-കടാക്ഷ-വീക്ഷണേന മാം ആലോകയ ആലോകയ
സഞ്ജീവയ സഞ്ജീവയ
ക്ഷുത്തൃഷ്ണാര്തം മാം ആപ്യായയ ആപ്യായയ
ദുഃഖാതുരം മാം ആനന്ദയ ആനന്ദയ
ശിവകവചേന മാം ആച്ഛാദയ ആച്ഛാദയ
ഹര ഹര
ഹര ഹര
മൃത്യുഞ്ജയ
ത്ര്യമ്ബക
സദാശിവ
പരമശിവ
നമസ്തേ നമസ്തേ നമസ്തേ നമഃ ॥
പൂര്വവത് - ഹൃദയാദി ന്യാസഃ ।
പഞ്ചപൂജാ ॥
ഭൂര്ഭുവസ്സുവരോമിതി ദിഗ്വിമോകഃ ॥
ഫലശ്രുതിഃ
ഋഷഭ ഉവാച ।
ഇത്യേതത്കവചം ശൈവം വരദം വ്യാഹൃതം മയാ ।
സര്വ-ബാധാ-പ്രശമനം രഹസ്യം സര്വദേഹിനാമ് ॥ 1 ॥
യഃ സദാ ധാരയേന്മര്ത്യഃ ശൈവം കവചമുത്തമമ് ।
ന തസ്യ ജായതേ ക്വാപി ഭയം ശമ്ഭോരനുഗ്രഹാത് ॥ 2 ॥
ക്ഷീണായു-ര്മൃത്യുമാപന്നോ മഹാരോഗഹതോഽപി വാ ।
സദ്യഃ സുഖമവാപ്നോതി ദീര്ഘമായുശ്ച വിന്ദതി ॥ 3 ॥
സര്വദാരിദ്ര്യശമനം സൌമാങ്ഗല്യ-വിവര്ധനമ് ।
യോ ധത്തേ കവചം ശൈവം സ ദേവൈരപി പൂജ്യതേ ॥ 4 ॥
മഹാപാതക-സങ്ഘാതൈര്മുച്യതേ ചോപപാതകൈഃ ।
ദേഹാന്തേ ശിവമാപ്നോതി ശിവ-വര്മാനുഭാവതഃ ॥ 5 ॥
ത്വമപി ശ്രദ്ധയാ വത്സ ശൈവം കവചമുത്തമമ് ।
ധാരയസ്വ മയാ ദത്തം സദ്യഃ ശ്രേയോ ഹ്യവാപ്സ്യസി ॥ 6 ॥
സൂത ഉവാച ।
ഇത്യുക്ത്വാ ഋഷഭോ യോഗീ തസ്മൈ പാര്ഥിവ-സൂനവേ ।
ദദൌ ശങ്ഖം മഹാരാവം ഖഡ്ഗം ചാരിനിഷൂദനമ് ॥ 7 ॥
പുനശ്ച ഭസ്മ സമ്മന്ത്ര്യ തദങ്ഗം സര്വതോഽസ്പൃശത് ।
ഗജാനാം ഷട്സഹസ്രസ്യ ദ്വിഗുണം ച ബലം ദദൌ ॥ 8 ॥
ഭസ്മപ്രഭാവാത്സമ്പ്രാപ്യ ബലൈശ്വര്യധൃതിസ്മൃതിഃ ।
സ രാജപുത്രഃ ശുശുഭേ ശരദര്ക ഇവ ശ്രിയാ ॥ 9 ॥
തമാഹ പ്രാഞ്ജലിം ഭൂയഃ സ യോഗീ രാജനന്ദനമ് ।
ഏഷ ഖഡ്ഗോ മയാ ദത്തസ്തപോമന്ത്രാനുഭാവതഃ ॥ 10 ॥
ശിതധാരമിമം ഖഡ്ഗം യസ്മൈ ദര്ശയസി സ്ഫുടമ് ।
സ സദ്യോ മ്രിയതേ ശത്രുഃ സാക്ഷാന്മൃത്യുരപി സ്വയമ് ॥ 11 ॥
അസ്യ ശങ്ഖസ്യ നിഹ്രാദം യേ ശൃണ്വന്തി തവാഹിതാഃ ।
തേ മൂര്ഛിതാഃ പതിഷ്യന്തി ന്യസ്തശസ്ത്രാ വിചേതനാഃ ॥ 12 ॥
ഖഡ്ഗശങ്ഖാവിമൌ ദിവ്യൌ പരസൈന്യവിനാശിനൌ ।
ആത്മസൈന്യസ്വപക്ഷാണാം ശൌര്യതേജോവിവര്ധനൌ ॥ 13 ॥
ഏതയോശ്ച പ്രഭാവേന ശൈവേന കവചേന ച ।
ദ്വിഷട്സഹസ്രനാഗാനാം ബലേന മഹതാപി ച ॥ 14 ॥
ഭസ്മധാരണസാമര്ഥ്യാച്ഛത്രുസൈന്യം വിജേഷ്യസി ।
പ്രാപ്യ സിംഹാസനം പൈത്ര്യം ഗോപ്താസി പൃഥിവീമിമാമ് ॥ 15 ॥
ഇതി ഭദ്രായുഷം സമ്യഗനുശാസ്യ സമാതൃകമ് ।
താഭ്യാം സമ്പൂജിതഃ സോഽഥ യോഗീ സ്വൈരഗതിര്യയൌ ॥ 16 ॥
ഇതി ശ്രീസ്കാന്ദമഹാപുരാണേ ബ്രഹ്മോത്തരഖണ്ഡേ ശിവകവച പ്രഭാവ വര്ണനം നാമ ദ്വാദശോഽധ്യായഃ സമ്പൂര്ണഃ ॥
Related Scriptures
1000 Names of Shri Ardhanarishvara
1000 verses
कर्णाटक सङ्गीतं स्वरजति 2 (साम्ब शिव)
0 verses
दारिद्र्य दहन शिव स्तोत्रम्
9 verses
1000 Names of Lord Mahakala
1000 verses
100 Names of Lord Shiva
100 verses
Rudrayamala 1000 Names of Lord Shiva
1000 verses
About This Stotram
Overview
The Shiva Kavacham is a 43-verse Sanskrit kavacham dedicated to Lord Shiva, invoking his protection over the devotee's body, mind, and life circumstances. A kavacham (literally "armor") is a class of Sanskrit protective hymn that calls upon different aspects and names of a deity to guard specific areas of the body and domains of life, and this text belongs to the Shaiva devotional tradition.
What are the benefits of chanting Shiva Kavacham?
- Protection from physical dangers, illness, and enemies
- Warding off of negative energies and harmful influences
- Promotion of health, longevity, and material well-being
- Spiritual protection and progress toward liberation (Moksha)
When is the best time to recite this?
Morning and evening are the standard times for kavacham recitation. The Shiva Kavacham is recommended during Maha Shivaratri, Pradosha, and the month of Shravana, and may be recited daily as a protective practice.
What is the historical and traditional background?
The Shiva Kavacham does not carry a definitively established authorship or a clear source in a named Purana, which is common for many kavachams that developed through oral and ritual transmission. Kavacham literature as a genre appears extensively in texts such as the Skanda Purana, Devi Bhagavata, and various Tantric collections, and the format has been in use since at least the early medieval period. This kavacham incorporates specific mantras and bijaksharas consistent with Shaiva Tantric tradition, and it has circulated in collections of Shiva stotrams across Shaivite communities in India.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Shiva Bhujanga Stotram — a 40-verse Sanskrit stotram in the Bhujanga Prayata meter praising Shiva's cosmic attributes
- Shiva Panchakshara Stotram — a five-verse hymn based on the foundational Shiva mantra, widely recited alongside kavachams in Shaivite practice