શિવ કવચમ્

શિવ કવચમ્

શ્લોક 1

અથ શિવકચમ્

અસ્ય શ્રી શિવકવચ સ્તોત્ર મહામન્ત્રસ્ય ।

ઋષભ-યોગીશ્વર ઋષિઃ ।

અનુષ્ટુપ્ છન્દઃ ।

શ્રી-સામ્બસદાશિવો દેવતા ।

ૐ બીજમ્ ।

નમઃ શક્તિઃ ।

શિવાયેતિ કીલકમ્ ।

સામ્બસદાશિવપ્રીત્યર્થે જપે વિનિયોગઃ ॥

કરન્યાસઃ

ૐ સદાશિવાય અઙ્ગુષ્ઠાભ્યાં નમઃ ।

નં ગઙ્ગાધરાય તર્જનીભ્યાં નમઃ ।

મં મૃત્યુઞ્જયાય મધ્યમાભ્યાં નમઃ ।

શિં શૂલપાણયે અનામિકાભ્યાં નમઃ ।

વાં પિનાકપાણયે કનિષ્ઠિકાભ્યાં નમઃ ।

યં ઉમાપતયે કરતલકરપૃષ્ઠાભ્યાં નમઃ ।

હૃદયાદિ અઙ્ગન્યાસઃ

ૐ સદાશિવાય હૃદયાય નમઃ ।

નં ગઙ્ગાધરાય શિરસે સ્વાહા ।

મં મૃત્યુઞ્જયાય શિખાયૈ વષટ્ ।

શિં શૂલપાણયે કવચાય હુમ્ ।

વાં પિનાકપાણયે નેત્રત્રયાય વૌષટ્ ।

યં ઉમાપતયે અસ્ત્રાય ફટ્ ।

ભૂર્ભુવસ્સુવરોમિતિ દિગ્બન્ધઃ ॥

ધ્યાનમ્

વજ્રદંષ્ટ્રં ત્રિનયનં કાલકણ્ઠ મરિન્દમમ્ ।

સહસ્રકર-મત્યુગ્રં વન્દે શમ્ભું ઉમાપતિમ્ ॥

રુદ્રાક્ષ-કઙ્કણ-લસત્કર-દણ્ડયુગ્મઃ પાલાન્તરા-લસિત-ભસ્મધૃત-ત્રિપુણ્ડ્રઃ ।

પઞ્ચાક્ષરં પરિપઠન્ વરમન્ત્રરાજં ધ્યાયન્ સદા પશુપતિં શરણં વ્રજેથાઃ ॥

અતઃ પરં સર્વપુરાણ-ગુહ્યં નિઃશેષ-પાપૌઘહરં પવિત્રમ્ ।

જયપ્રદં સર્વ-વિપત્પ્રમોચનં વક્ષ્યામિ શૈવં કવચં હિતાય તે ॥

પઞ્ચપૂજા

લં પૃથિવ્યાત્મને ગન્ધં સમર્પયામિ ।

હં આકાશાત્મને પુષ્પૈઃ પૂજયામિ ।

યં વાય્વાત્મને ધૂપં આઘ્રાપયામિ ।

રં અગ્ન્યાત્મને દીપં દર્શયામિ ।

વં અમૃતાત્મને અમૃતં મહા-નૈવેદ્યં નિવેદયામિ ।

સં સર્વાત્મને સર્વોપચાર-પૂજાં સમર્પયામિ ॥

મન્ત્રઃ

ઋષભ ઉવાચ ।

નમસ્કૃત્ય મહાદેવં વિશ્વ-વ્યાપિન-મીશ્વરમ્ ।

વક્ષ્યે શિવમયં વર્મ સર્વરક્ષાકરં નૃણામ્

શ્લોક 2

શુચૌ દેશે સમાસીનો યથાવત્કલ્પિતાસનઃ ।

જિતેન્દ્રિયો જિતપ્રાણ-શ્ચિન્તયેચ્છિવમવ્યયમ્

॥ 1 ॥

શ્લોક 3

હૃત્પુણ્ડરીકાન્તરસન્નિવિષ્ટં

સ્વતેજસા વ્યાપ્ત-નભોઽવકાશમ્ ।

અતીન્દ્રિયં સૂક્ષ્મમનન્તમાદ્યં

ધ્યાયેત્પરાનન્દમયં મહેશમ્

॥ 2 ॥

શ્લોક 4

ધ્યાનાવધૂતાખિલકર્મબન્ધ-

-શ્ચિરં ચિદાનન્દનિમગ્નચેતાઃ ।

ષડક્ષરન્યાસસમાહિતાત્મા

શૈવેન કુર્યાત્કવચેન રક્ષામ્

॥ 3 ॥

શ્લોક 5

માં પાતુ દેવોઽખિલદેવતાત્મા

સંસારકૂપે પતિતં ગભીરે ।

તન્નામ દિવ્યં વરમન્ત્રમૂલં

ધુનોતુ મે સર્વમઘં હૃદિસ્થમ્

॥ 4 ॥

શ્લોક 6

સર્વત્ર માં રક્ષતુ વિશ્વમૂર્તિ-

-ર્જ્યોતિ-ર્મયાનન્દઘનશ્ચિદાત્મા ।

અણોરણીયાનુરુશક્તિરેકઃ

સ ઈશ્વરઃ પાતુ ભયાદશેષાત્

॥ 5 ॥

શ્લોક 7

યો ભૂસ્વરૂપેણ બિભર્તિ વિશ્વં

પાયાત્સ ભૂમેર્ગિરિશોઽષ્ટમૂર્તિઃ ।

યોઽપાં સ્વરૂપેણ નૃણાં કરોતિ

સઞ્જીવનં સોઽવતુ માં જલેભ્યઃ

॥ 6 ॥

શ્લોક 8

કલ્પાવસાને ભુવનાનિ દગ્ધ્વા

સર્વાણિ યો નૃત્યતિ ભૂરિલીલઃ ।

સ કાલરુદ્રોઽવતુ માં દવાગ્ને-

-ર્વાત્યાદિભીતે-રખિલાચ્ચ તાપાત્

॥ 7 ॥

શ્લોક 9

પ્રદીપ્ત-વિદ્યુત્કનકાવભાસો

વિદ્યાવરાભીતિ-કુઠારપાણિઃ ।

ચતુર્મુખસ્તત્પુરુષસ્ત્રિનેત્રઃ

પ્રાચ્યાં સ્થિતો રક્ષતુ મામજસ્રમ્

॥ 8 ॥

શ્લોક 10

કુઠાર ખેટાઙ્કુશપાશશૂલ

કપાલપાશાક્ષ ગુણાન્દધાનઃ ।

ચતુર્મુખો નીલ-રુચિસ્ત્રિનેત્રઃ

પાયાદઘોરો દિશિ દક્ષિણસ્યામ્

॥ 9 ॥

શ્લોક 11

કુન્દેન્દુ-શઙ્ખ-સ્ફટિકાવભાસો

વેદાક્ષમાલા-વરદાભયાઙ્કઃ ।

ત્ર્યક્ષશ્ચતુર્વક્ત્ર ઉરુપ્રભાવઃ

સદ્યોઽધિજાતોઽવતુ માં પ્રતીચ્યામ્

॥ 10 ॥

શ્લોક 12

વરાક્ષ-માલાભયટઙ્ક-હસ્તઃ

સરોજ-કિઞ્જલ્કસમાનવર્ણઃ ।

ત્રિલોચન-શ્ચારુચતુર્મુખો માં

પાયાદુદીચ્યાં દિશિ વામદેવઃ

॥ 11 ॥

શ્લોક 13

વેદાભયેષ્ટાઙ્કુશટઙ્કપાશ-

-કપાલઢક્કાક્ષર-શૂલપાણિઃ ।

સિતદ્યુતિઃ પઞ્ચમુખોઽવતાન્મા-

-મીશાન ઊર્ધ્વં પરમપ્રકાશઃ

॥ 12 ॥

શ્લોક 14

મૂર્ધાનમવ્યાન્મમ ચન્દ્રમૌલિઃ

ફાલં મમાવ્યાદથ ફાલનેત્રઃ ।

નેત્રે મમાવ્યાદ્ભગનેત્રહારી

નાસાં સદા રક્ષતુ વિશ્વનાથઃ

॥ 13 ॥

શ્લોક 15

પાયાચ્છ્રુતી મે શ્રુતિગીતકીર્તિઃ

કપોલમવ્યાત્સતતં કપાલી ।

વક્ત્રં સદા રક્ષતુ પઞ્ચવક્ત્રો

જિહ્વાં સદા રક્ષતુ વેદજિહ્વઃ

॥ 14 ॥

શ્લોક 16

કણ્ઠં ગિરીશોઽવતુ નીલકણ્ઠઃ

પાણિદ્વયં પાતુ પિનાકપાણિઃ ।

દોર્મૂલમવ્યાન્મમ ધર્મબાહુઃ

વક્ષઃસ્થલં દક્ષમખાન્તકોઽવ્યાત્

॥ 15 ॥

શ્લોક 17

મમોદરં પાતુ ગિરીન્દ્રધન્વા

મધ્યં મમાવ્યાન્મદનાન્તકારી ।

હેરમ્બતાતો મમ પાતુ નાભિં

પાયાત્કટિં ધૂર્જટિરીશ્વરો મે

॥ 16 ॥

શ્લોક 18

[સ્મરારિ-રવ્યાન્મમ ગુહ્યદેશમ્

પૃષ્ટં સદા રક્ષતુ પાર્વતીશઃ ।]

ઊરુદ્વયં પાતુ કુબેરમિત્રો

જાનુદ્વયં મે જગદીશ્વરોઽવ્યાત્ ।

જઙ્ઘાયુગં પુઙ્ગવકેતુરવ્યા-

-ત્પાદૌ મમાવ્યાત્સુરવન્દ્યપાદઃ

॥ 17 ॥

શ્લોક 19

મહેશ્વરઃ પાતુ દિનાદિયામે

માં મધ્યયામેઽવતુ વામદેવઃ ।

ત્રિલોચનઃ પાતુ તૃતીયયામે

વૃષધ્વજઃ પાતુ દિનાન્ત્યયામે

॥ 18 ॥

શ્લોક 20

પાયાન્નિશાદૌ શશિશેખરો માં

ગઙ્ગાધરો રક્ષતુ માં નિશીથે ।

ગૌરીપતિઃ પાતુ નિશાવસાને

મૃત્યુઞ્જયો રક્ષતુ સર્વકાલમ્

॥ 19 ॥

શ્લોક 21

અન્તઃસ્થિતં રક્ષતુ શઙ્કરો માં

સ્થાણુઃ સદા પાતુ બહિઃસ્થિતં મામ્ ।

તદન્તરે પાતુ પતિઃ પશૂનાં

સદાશિવો રક્ષતુ માં સમન્તાત્

॥ 20 ॥

શ્લોક 22

તિષ્ઠન્ત-મવ્યાદ્ભુવનૈકનાથઃ

પાયાદ્વ્રજન્તં પ્રમથાધિનાથઃ ।

વેદાન્તવેદ્યોઽવતુ માં નિષણ્ણં

મામવ્યયઃ પાતુ શિવઃ શયાનમ્

॥ 21 ॥

શ્લોક 23

માર્ગેષુ માં રક્ષતુ નીલકણ્ઠઃ

શૈલાદિ-દુર્ગેષુ પુરત્રયારિઃ ।

અરણ્યવાસાદિ-મહાપ્રવાસે

પાયાન્મૃગવ્યાધ ઉદારશક્તિઃ

॥ 22 ॥

શ્લોક 24

કલ્પાન્ત-કાલોગ્ર-પટુપ્રકોપઃ [કટોપ]

સ્ફુટાટ્ટ-હાસોચ્ચલિતાણ્ડ-કોશઃ ।

ઘોરારિ-સેનાર્ણવદુર્નિવાર-

-મહાભયાદ્રક્ષતુ વીરભદ્રઃ

॥ 23 ॥

શ્લોક 25

પત્ત્યશ્વમાતઙ્ગ-રથાવરૂધિની- [ઘટાવરૂથ]

-સહસ્ર-લક્ષાયુત-કોટિભીષણમ્ ।

અક્ષૌહિણીનાં શતમાતતાયિનાં

છિન્દ્યાન્મૃડો ઘોરકુઠારધારયા

॥ 24 ॥

શ્લોક 26

નિહન્તુ દસ્યૂન્પ્રલયાનલાર્ચિ-

-ર્જ્વલત્ત્રિશૂલં ત્રિપુરાન્તકસ્ય ।

શાર્દૂલ-સિંહર્ક્ષવૃકાદિ-હિંસ્રાન્

સન્ત્રાસયત્વીશ-ધનુઃ પિનાકઃ

॥ 25 ॥

શ્લોક 27

દુસ્સ્વપ્ન દુશ્શકુન દુર્ગતિ દૌર્મનસ્ય

દુર્ભિક્ષ દુર્વ્યસન દુસ્સહ દુર્યશાંસિ ।

ઉત્પાત-તાપ-વિષભીતિ-મસદ્ગ્રહાર્તિં

વ્યાધીંશ્ચ નાશયતુ મે જગતામધીશઃ

॥ 26 ॥

શ્લોક 28

ૐ નમો ભગવતે સદાશિવાય

સકલ-તત્ત્વાત્મકાય

સર્વ-મન્ત્ર-સ્વરૂપાય

સર્વ-યન્ત્રાધિષ્ઠિતાય

સર્વ-તન્ત્ર-સ્વરૂપાય

સર્વ-તત્ત્વ-વિદૂરાય

બ્રહ્મ-રુદ્રાવતારિણે-નીલકણ્ઠાય

પાર્વતી-મનોહરપ્રિયાય

સોમ-સૂર્યાગ્નિ-લોચનાય

ભસ્મોદ્ધૂલિત-વિગ્રહાય

મહામણિ-મુકુટ-ધારણાય

માણિક્ય-ભૂષણાય

સૃષ્ટિસ્થિતિ-પ્રલયકાલ-રૌદ્રાવતારાય

દક્ષાધ્વર-ધ્વંસકાય

મહાકાલ-ભેદનાય

મૂલધારૈક-નિલયાય

તત્વાતીતાય

ગઙ્ગાધરાય

સર્વ-દેવાદિ-દેવાય

ષડાશ્રયાય

વેદાન્ત-સારાય

ત્રિવર્ગ-સાધનાય

અનન્તકોટિ-બ્રહ્માણ્ડ-નાયકાય

અનન્ત-વાસુકિ-તક્ષક-કર્કોટક-શઙ્ખ-કુલિક-પદ્મ-મહાપદ્મેતિ-અષ્ટ-મહા-નાગ-કુલભૂષણાય

પ્રણવસ્વરૂપાય

ચિદાકાશાય

આકાશ-દિક્-સ્વરૂપાય

ગ્રહ-નક્ષત્ર-માલિને

સકલાય

કલઙ્ક-રહિતાય

સકલ-લોકૈક-કર્ત્રે

સકલ-લોકૈક-ભર્ત્રે

સકલ-લોકૈક-સંહર્ત્રે

સકલ-લોકૈક-ગુરવે

સકલ-લોકૈક-સાક્ષિણે

સકલ-નિગમગુહ્યાય

સકલ-વેદાન્ત-પારગાય

સકલ-લોકૈક-વરપ્રદાય

સકલ-લોકૈક-શઙ્કરાય

સકલ-દુરિતાર્તિ-ભઞ્જનાય

સકલ-જગદભયઙ્કરાય

શશાઙ્ક-શેખરાય

શાશ્વત-નિજાવાસાય

નિરાકારાય

નિરાભાસાય

નિરામયાય

નિર્મલાય

નિર્લોભાય

નિર્મદાય

નિશ્ચિન્તાય

નિરહઙ્કારાય

નિરઙ્કુશાય

નિષ્કલઙ્કાય

નિર્ગુણાય

નિષ્કામાય

નિરૂપપ્લવાય

નિરવધ્યાય

નિરન્તરાય

નિરુપદ્રવાય

નિરવદ્યાય

નિરન્તરાય

નિષ્કારણાય

નિરાતઙ્કાય

નિષ્પ્રપઞ્ચાય

નિસ્સઙ્ગાય

નિર્દ્વન્દ્વાય

નિરાધારાય

નીરાગાય

નિશ્ક્રોધાય

નિર્લોભાય

નિષ્પાપાય

નિર્વિકલ્પાય

નિર્ભેદાય

નિષ્ક્રિયાય

નિસ્તુલાય

નિશ્શંશયાય

નિરઞ્જનાય

નિરુપમ-વિભવાય

નિત્ય-શુદ્ધ-બુદ્ધ-મુક્ત-પરિપૂર્ણ-સચ્ચિદાનન્દાદ્વયાય

પરમ-શાન્ત-સ્વરૂપાય

પરમ-શાન્ત-પ્રકાશાય

તેજોરૂપાય

તેજોમયાય

તેજોઽધિપતયે

જય જય રુદ્ર મહારુદ્ર

મહા-રૌદ્ર

ભદ્રાવતાર

મહા-ભૈરવ

કાલ-ભૈરવ

કલ્પાન્ત-ભૈરવ

કપાલ-માલાધર

ખટ્વાઙ્ગ-ચર્મ-ખડ્ગ-ધર

પાશાઙ્કુશ-ડમરૂશૂલ-ચાપ-બાણ-ગદા-શક્તિ-ભિન્દિ-

પાલ-તોમર-મુસલ-ભુશુણ્ડી-મુદ્ગર-પાશ-પરિઘ-શતઘ્ની-ચક્રાદ્યાયુધ-ભીષણાકાર

સહસ્ર-મુખ

દંષ્ટ્રાકરાલ-વદન

વિકટાટ્ટહાસ

વિસ્ફાતિત-બ્રહ્માણ્ડ-મણ્ડલ-નાગેન્દ્રકુણ્ડલ

નાગેન્દ્રહાર

નાગેન્દ્રવલય

નાગેન્દ્રચર્મધર

નાગેન્દ્રનિકેતન

મૃત્યુઞ્જય

ત્ર્યમ્બક

ત્રિપુરાન્તક

વિશ્વરૂપ

વિરૂપાક્ષ

વિશ્વેશ્વર

વૃષભવાહન

વિષવિભૂષણ

વિશ્વતોમુખ

સર્વતોમુખ

માં રક્ષ રક્ષ

જ્વલ જ્વલ

પ્રજ્વલ પ્રજ્વલ

મહામૃત્યુભયં શમય શમય

અપમૃત્યુભયં નાશય નાશય

રોગભયં ઉત્સાદય ઉત્સાદય

વિષસર્પભયં શમય શમય

ચોરાન્ મારય મારય

મમ શત્રૂન્ ઉચ્ચાટય ઉચ્ચાટય

ત્રિશૂલેન વિદારય વિદારય

કુઠારેણ ભિન્ધિ ભિન્ધિ

ખડ્ગેન છિન્દ્દિ છિન્દ્દિ

ખટ્વાઙ્ગેન વિપોધય વિપોધય

મમ પાપં શોધય શોધય

મુસલેન નિષ્પેષય નિષ્પેષય

બાણૈઃ સન્તાડય સન્તાડય

યક્ષ રક્ષાંસિ ભીષય ભીષય

અશેષ ભૂતાન્ વિદ્રાવય વિદ્રાવય

કૂષ્માણ્ડ-ભૂત-બેતાલ-મારીગણ-બ્રહ્મરાક્ષસ-ગણાન્ સન્ત્રાસય સન્ત્રાસય

મમ અભયં કુરુ કુરુ

નરક-મહાભયાન્ માં ઉદ્ધર ઉદ્ધર

વિત્રસ્તં માં આશ્વાસય આશ્વાસય

અમૃત-કટાક્ષ-વીક્ષણેન માં આલોકય આલોકય

સઞ્જીવય સઞ્જીવય

ક્ષુત્તૃષ્ણાર્તં માં આપ્યાયય આપ્યાયય

દુઃખાતુરં માં આનન્દય આનન્દય

શિવકવચેન માં આચ્છાદય આચ્છાદય

હર હર

હર હર

મૃત્યુઞ્જય

ત્ર્યમ્બક

સદાશિવ

પરમશિવ

નમસ્તે નમસ્તે નમસ્તે નમઃ ॥

પૂર્વવત્ - હૃદયાદિ ન્યાસઃ ।

પઞ્ચપૂજા ॥

ભૂર્ભુવસ્સુવરોમિતિ દિગ્વિમોકઃ ॥

ફલશ્રુતિઃ

ઋષભ ઉવાચ ।

ઇત્યેતત્કવચં શૈવં વરદં વ્યાહૃતં મયા ।

સર્વ-બાધા-પ્રશમનં રહસ્યં સર્વદેહિનામ્

॥ 27 ॥

શ્લોક 29

યઃ સદા ધારયેન્મર્ત્યઃ શૈવં કવચમુત્તમમ્ ।

ન તસ્ય જાયતે ક્વાપિ ભયં શમ્ભોરનુગ્રહાત્

॥ 1 ॥

શ્લોક 30

ક્ષીણાયુ-ર્મૃત્યુમાપન્નો મહારોગહતોઽપિ વા ।

સદ્યઃ સુખમવાપ્નોતિ દીર્ઘમાયુશ્ચ વિન્દતિ

॥ 2 ॥

શ્લોક 31

સર્વદારિદ્ર્યશમનં સૌમાઙ્ગલ્ય-વિવર્ધનમ્ ।

યો ધત્તે કવચં શૈવં સ દેવૈરપિ પૂજ્યતે

॥ 3 ॥

શ્લોક 32

મહાપાતક-સઙ્ઘાતૈર્મુચ્યતે ચોપપાતકૈઃ ।

દેહાન્તે શિવમાપ્નોતિ શિવ-વર્માનુભાવતઃ

॥ 4 ॥

શ્લોક 33

ત્વમપિ શ્રદ્ધયા વત્સ શૈવં કવચમુત્તમમ્ ।

ધારયસ્વ મયા દત્તં સદ્યઃ શ્રેયો હ્યવાપ્સ્યસિ

॥ 5 ॥

શ્લોક 34

સૂત ઉવાચ ।

ઇત્યુક્ત્વા ઋષભો યોગી તસ્મૈ પાર્થિવ-સૂનવે ।

દદૌ શઙ્ખં મહારાવં ખડ્ગં ચારિનિષૂદનમ્

॥ 6 ॥

શ્લોક 35

પુનશ્ચ ભસ્મ સમ્મન્ત્ર્ય તદઙ્ગં સર્વતોઽસ્પૃશત્ ।

ગજાનાં ષટ્સહસ્રસ્ય દ્વિગુણં ચ બલં દદૌ

॥ 7 ॥

શ્લોક 36

ભસ્મપ્રભાવાત્સમ્પ્રાપ્ય બલૈશ્વર્યધૃતિસ્મૃતિઃ ।

સ રાજપુત્રઃ શુશુભે શરદર્ક ઇવ શ્રિયા

॥ 8 ॥

શ્લોક 37

તમાહ પ્રાઞ્જલિં ભૂયઃ સ યોગી રાજનન્દનમ્ ।

એષ ખડ્ગો મયા દત્તસ્તપોમન્ત્રાનુભાવતઃ

॥ 9 ॥

શ્લોક 38

શિતધારમિમં ખડ્ગં યસ્મૈ દર્શયસિ સ્ફુટમ્ ।

સ સદ્યો મ્રિયતે શત્રુઃ સાક્ષાન્મૃત્યુરપિ સ્વયમ્

॥ 10 ॥

શ્લોક 39

અસ્ય શઙ્ખસ્ય નિહ્રાદં યે શૃણ્વન્તિ તવાહિતાઃ ।

તે મૂર્છિતાઃ પતિષ્યન્તિ ન્યસ્તશસ્ત્રા વિચેતનાઃ

॥ 11 ॥

શ્લોક 40

ખડ્ગશઙ્ખાવિમૌ દિવ્યૌ પરસૈન્યવિનાશિનૌ ।

આત્મસૈન્યસ્વપક્ષાણાં શૌર્યતેજોવિવર્ધનૌ

॥ 12 ॥

શ્લોક 41

એતયોશ્ચ પ્રભાવેન શૈવેન કવચેન ચ ।

દ્વિષટ્સહસ્રનાગાનાં બલેન મહતાપિ ચ

॥ 13 ॥

શ્લોક 42

ભસ્મધારણસામર્થ્યાચ્છત્રુસૈન્યં વિજેષ્યસિ ।

પ્રાપ્ય સિંહાસનં પૈત્ર્યં ગોપ્તાસિ પૃથિવીમિમામ્

॥ 14 ॥

શ્લોક 43

ઇતિ ભદ્રાયુષં સમ્યગનુશાસ્ય સમાતૃકમ્ ।

તાભ્યાં સમ્પૂજિતઃ સોઽથ યોગી સ્વૈરગતિર્યયૌ

॥ 15 ॥

શ્લોક 44

ઇતિ શ્રીસ્કાન્દમહાપુરાણે બ્રહ્મોત્તરખણ્ડે શિવકવચ પ્રભાવ વર્ણનં નામ દ્વાદશોઽધ્યાયઃ સમ્પૂર્ણઃ ॥