Shiva Bhujanga Stotram

ශිව භුජඞ්ග ස්තෝත්රම්

ශ්ලොක 1

ගලද්දානගණ්ඩං මිලද්භෘඞ්ගෂණ්ඩං

චලච්චාරුශුණ්ඩං ජගත්ත්රාණශෞණ්ඩම් .

කනද්දන්තකාණ්ඩං විපද්භඞ්ගචණ්ඩං

ශිවප්රේමපිණ්ඩං භජේ වක්රතුණ්ඩම් .. 1 ..

අනාද්යන්තමාද්යං පරං තත්ත්වමර්ථං

චිදාකාරමේකං තුරීයං ත්වමේයම් .

හරිබ්රහ්මමෘග්යං පරබ්රහ්මරූපං

මනෝවාගතීතං මහඃශෛවමීඩේ .. 2 ..

ස්වශක්ත්යාදි ශක්ත්යන්ත සිංහාසනස්ථං

මනෝහාරි සර්වාඞ්ගරත්නෝරුභූෂම් .

ජටාහීන්දුගඞ්ගාස්ථිශම්යාකමෞලිං

පරාශක්තිමිත්රං නමඃ පඤ්චවක්ත්රම් .. 3 ..

ශිවේශානතත්පූරුෂාඝෝරවාමාදිභිඃ

පඤ්චභිර්හෘන්මුඛෛඃ ෂඩ්භිරඞ්ගෛඃ .

අනෞපම්ය ෂට්ත්රිංශතං තත්ත්වවිද්යාමතීතං

පරං ත්වාං කථං වේත්ති කෝ වා .. 4 ..

ප්රවාලප්රවාහප්රභාශෝණමර්ධං

මරුත්වන්මණි ශ්රීමහඃ ශ්යාමමර්ධම් .

ගුණස්යූතමේතද්වපුඃ ශෛවමන්තඃ

ස්මරාමි ස්මරාපත්තිසම්පත්තිහේතෝඃ .. 5 ..

ස්වසේවාසමායාතදේවාසුරේන්ද්රා

නමන්මෞලිමන්දාරමාලාභිෂික්තම් .

නමස්යාමි ශම්භෝ පදාම්භෝරුහං තේ

භවාම්භෝධිපෝතං භවානී විභාව්යම් .. 6 ..

ජගන්නාථ මන්නාථ ගෞරීසනාථ

ප්රපන්නානුකම්පින්විපන්නාර්තිහාරින් .

මහඃස්තෝමමූර්තේ සමස්තෛකබන්ධෝ

නමස්තේ නමස්තේ පුනස්තේ නමෝ(අ)ස්තු .. 7 ..

විරූපාක්ෂ විශ්වේශ විශ්වාදිදේව

ත්රයී මූල ශම්භෝ ශිව ත්ර්යම්බක ත්වම් .

ප්රසීද ස්මර ත්රාහි පශ්යාවමුක්ත්යෛ

ක්ෂමාං ප්රාප්නුහි ත්ර්යක්ෂ මාං රක්ෂ මෝදාත් .. 8 ..

මහාදේව දේවේශ දේවාදිදේව

ස්මරාරේ පුරාරේ යමාරේ හරේති .

බ්රුවාණඃ ස්මරිෂ්යාමි භක්ත්යා \ලිනෙ භවන්තං තතෝ මේ දයාශීල දේව ප්රසීද .. 9 ..

ත්වදන්යඃ ශරණ්යඃ ප්රපන්නස්ය නේති

ප්රසීද ස්මරන්නේව හන්යාස්තු දෛන්යම් .

න චේත්තේ භවේද්භක්තවාත්සල්යහානිස්තතෝ

මේ දයාලෝ සදා සන්නිධේහි .. 10 ..

අයං දානකාලස්ත්වහං දානපාත්රං

භවානේව දාතා ත්වදන්යං න යාචේ .

භවද්භක්තිමේව ස්ථිරාං දේහි මහ්යං

කෘපාශීල ශම්භෝ කෘතාර්ථෝ(අ)ස්මි තස්මාත් .. 11 ..

පශුං වේත්සි චේන්මාං තමේවාධිරූඪඃ

කලඞ්කීති වා මූර්ධ්නි ධත්සේ තමේව .

ද්විජිහ්වඃ පුනඃ සෝ(අ)පි තේ කණ්ඨභූෂා

ත්වදඞ්ගීකෘතාඃ ශර්ව සර්වේ(අ)පි ධන්යාඃ .. 12 ..

න ශක්නෝමි කර්තුං පරද්රෝහලේශං

කථං ප්රීයසේ ත්වං න ජානේ ගිරීශ .

තථාහි ප්රසන්නෝ(අ)සි කස්යාපි

කාන්තාසුතද්රෝහිණෝ වා පිතෘද්රෝහිණෝ වා .. 13 ..

ස්තුතිං ධ්යානමර්චාං යථාවද්විධාතුං

භජන්නප්යජානන්මහේශාවලම්බේ .

ත්රසන්තං සුතං ත්රාතුමග්රේ

මෘකණ්ඩෝර්යමප්රාණනිර්වාපණං ත්වත්පදාබ්ජම් .. 14 ..

ශිරෝ දෘෂ්ටි හෘද්රෝග ශූල ප්රමේහජ්වරාර්ශෝ ජරායක්ෂ්මහික්කාවිෂාර්තාන් .

ත්වමාද්යෝ භිෂග්භේෂජං භස්ම ශම්භෝ

ත්වමුල්ලාඝයාස්මාන්වපුර්ලාඝවාය .. 15 ..

දරිද්රෝ(අ)ස්ම්යභද්රෝ(අ)ස්මි භග්නෝ(අ)ස්මි දූයේ

විෂණ්ණෝ(අ)ස්මි සන්නෝ(අ)ස්මි ඛින්නෝ(අ)ස්මි චාහම් .

භවාන්ප්රාණිනාමන්තරාත්මාසි ශම්භෝ

මමාධිං න වේත්සි ප්රභෝ රක්ෂ මාං ත්වම් .. 16 ..

ත්වදක්ෂ්ණෝඃ කටාක්ෂඃ පතේත්ත්ර්යක්ෂ යත්ර

ක්ෂණං ක්ෂ්මා ච ලක්ෂ්මීඃ ස්වයං තං වෘණාතේ .

කිරීටස්ඵුරච්චාමරච්ඡත්රමාලාකලාචීගජක්ෂෞමභූෂාවිශේෂෛඃ .. 17 ..

භවාන්යෛ භවායාපි මාත්රේ ච පිත්රේ

මෘඩාන්යෛ මෘඩායාප්යඝඝ්න්යෛ මඛඝ්නේ .

ශිවාඞ්ග්යෛ ශිවාඞ්ගාය කුර්මඃ ශිවායෛ

ශිවායාම්බිකායෛ නමස්ත්ර්යම්බකාය .. 18 ..

භවද්ගෞරවං මල්ලඝුත්වං විදිත්වා

ප්රභෝ රක්ෂ කාරුණ්යදෘෂ්ට්යානුගං මාම් .

ශිවාත්මානුභාවස්තුතාවක්ෂමෝ(අ)හං

ස්වශක්ත්යා කෘතං මේ(අ)පරාධං ක්ෂමස්ව .. 19 ..

යදා කර්ණරන්ධ්රං ව්රජේත්කාලවාහද්විෂත්කණ්ඨඝණ්ටා ඝණාත්කාරනාදඃ .

වෘෂාධීශමාරුහ්ය දේවෞපවාහ්යන්තදා

වත්ස මා භීරිති ප්රීණය ත්වම් .. 20 ..

යදා දාරුණාභාෂණා භීෂණා මේ

භවිෂ්යන්ත්යුපාන්තේ කෘතාන්තස්ය දූතාඃ .

තදා මන්මනස්ත්වත්පදාම්භෝරුහස්ථං

කථං නිශ්චලං ස්යාන්නමස්තේ(අ)ස්තු ශම්භෝ .. 21 ..

යදා දුර්නිවාරව්යථෝ(අ)හං ශයානෝ

ලුඨන්නිඃශ්වසන්නිඃසෘතාව්යක්තවාණිඃ .

තදා ජහ්නුකන්යාජලාලඞ්කෘතං තේ

ජටාමණ්ඩලං මන්මනෝමන්දිරේ ස්යාත් .. 22 ..

යදා පුත්රමිත්රාදයෝ මත්සකාශේ

රුදන්ත්යස්ය හා කීදෘශීයං දශේති .

තදා දේවදේවේශ ගෞරීශ ශම්භෝ

නමස්තේ ශිවායේත්යජස්රං බ්රවාණි .. 23 ..

යදා පශ්යතාං මාමසෞ වේත්ති

නාස්මානයං ශ්වාස ඒවේති වාචෝ භවේයුඃ .

තදා භූතිභූෂං භුජඞ්ගාවනද්ධං

පුරාරේ භවන්තං ස්ඵුටං භාවයේයම් .. 24 ..

යදා යාතනාදේහසන්දේහවාහී

භවේදාත්මදේහේ න මෝහෝ මහාන්මේ .

තදා කාශශීතාංශුසඞ්කාශමීශ

ස්මරාරේ වපුස්තේ නමස්තේ ස්මරාමි .. 25 ..

යදාපාරමච්ඡායමස්ථානමද්භිර්ජනෛර්වා විහීනං ගමිෂ්යාමි මාර්ගම් .

තදා තං නිරුන්ධඞ්කෘතාන්තස්ය මාර්ගං

මහාදේව මහ්යං මනෝජ්ඤං ප්රයච්ඡ .. 26 ..

යදා රෞරවාදි ස්මරන්නේව භීත්යා

ව්රජාම්යත්ර මෝහං මහාදේව ඝෝරම් .

තදා මාමහෝ නාථ කස්තාරයිෂ්යත්යනාථං පරාධීනමර්ධේන්දුමෞලේ .. 27 ..

යදා ශ්වේතපත්රායතාලඞ්ඝ්යශක්තේඃ

කෘතාන්තාද්භයං භක්තිවාත්සල්යභාවාත් .

තදා පාහි මාං පාර්වතීවල්ලභාන්යං

න පශ්යාමි පාතාරමේතාදෘශං මේ .. 28 ..

ඉදානීමිදානීං මෘතිර්මේ භවිත්රීත්යහෝ සන්තතං චින්තයා පීඩිතෝ(අ)ස්මි .

කථං නාම මා භූන්මෘතෞ භීතිරේෂා

නමස්තේ ගතීනාං ගතේ නීලකණ්ඨ .. 29 ..

අමර්යාදමේවාහමාබාලවෘද්ධං

හරන්තං කෘතාන්තං සමීක්ෂ්යාස්මි භීතඃ .

මෘතෞ තාවකාඞ්ඝ්ර්යබ්ජදිව්යප්රසාදාද්භවානීපතේ නිර්භයෝ(අ)හං භවානි .. 30 ..

ජරාජන්මගර්භාධිවාසාදිදුඃඛාන්යසහ්යානි ජහ්යාං ජගන්නාථ දේව .

භවන්තං විනා මේ ගතිර්නෛව ශම්භෝ

දයාලෝ න ජාගර්ති කිං වා දයා තේ .. 31 ..

ශිවායේති ශබ්දෝ නමඃපූර්ව ඒෂ

ස්මරන්මුක්තිකෘන්මෘත්යුහා තත්ත්වවාචී .

මහේශාන මා ගාන්මනස්තෝ වචස්තඃ

සදා මහ්යමේතත්ප්රදානං ප්රයච්ඡ .. 32 ..

ත්වමප්යම්බ මාං පශ්ය ශීතාංශුමෞලිප්රියේ භේෂජං ත්වං භවව්යාධිශාන්තෞ

බහුක්ලේශභාජං පදාම්භෝජපෝතේ

භවාබ්ධෞ නිමග්නං නයස්වාද්ය පාරම් .. 33 ..

අනුද්යල්ලලාටාක්ෂි වහ්නි ප්රරෝහෛරවාමස්ඵුරච්චාරුවාමෝරුශෝභෛඃ .

අනඞ්ගභ්රමද්භෝගිභූෂාවිශේෂෛරචන්ද්රාර්ධචූඩෛරලං දෛවතෛර්නඃ .. 34 ..

අකණ්ඨේකලඞ්කාදනඞ්ගේභුජඞ්ගාදපාණෞකපාලාදඵාලේ(අ)නලාක්ෂාත් .

අමෞලෞශශාඞ්කාදවාමේකලත්රාදහං දේවමන්යං න මන්යේ න මන්යේ .. 35 ..

මහාදේව ශම්භෝ ගිරීශ ත්රිශූලිංස්ත්වදීයං සමස්තං විභාතීති යස්මාත් .

ශිවාදන්යථා දෛවතං නාභිජානේ

ශිවෝ(අ)හං ශිවෝ(අ)හං ශිවෝ(අ)හං ශිවෝ(අ)හම් .. 36 ..

යතෝ(අ)ජායතේදං ප්රපඤ්චං විචිත්රං

ස්ථිතිං යාති යස්මින්යදේකාන්තමන්තේ .

ස කර්මාදිහීනඃ ස්වයඤ්ජ්යෝතිරාත්මා

ශිවෝ(අ)හං ශිවෝ(අ)හං ශිවෝ(අ)හං ශිවෝ(අ)හම් .. 37 ..

කිරීටේ නිශේශෝ ලලාටේ හුතාශෝ

භුජේ භෝගිරාජෝ ගලේ කාලිමා ච .

තනෞ කාමිනී යස්ය තත්තුල්යදේවං

න ජානේ න ජානේ න ජානේ න ජානේ .. 38 ..

අනේන ස්තවේනාදරාදම්බිකේශං

පරාං භක්තිමාසාද්ය යං යේ නමන්ති .

මෘතෞ නිර්භයාස්තේ ජනාස්තං භජන්තේ

හෘදම්භෝජමධ්යේ සදාසීනමීශම් .. 39 ..

භුජඞ්ගප්රියාකල්ප ශම්භෝ මයෛවං

භුජඞ්ගප්රයාතේන වෘත්තේන ක්ලෘප්තම් .

නරඃ ස්තෝත්රමේතත්පඨිත්වෝරුභක්ත්යා

සුපුත්රායුරාරෝග්යමෛශ්වර්යමේති .. 40 ..