Shiva Bhujanga Stotram

ziva bhujaGga stotram

zloka 1

galaddAnagaNDaM miladbhRGgaSaNDaM

calaccAruzuNDaM jagattrANazauNDam |

kanaddantakANDaM vipadbhaGgacaNDaM

zivapremapiNDaM bhaje vakratuNDam || 1 ||

anAdyantamAdyaM paraM tattvamarthaM

cidAkAramekaM turIyaM tvameyam |

haribrahmamRgyaM parabrahmarUpaM

manovAgatItaM mahaHzaivamIDe || 2 ||

svazaktyAdi zaktyanta siMhAsanasthaM

manohAri sarvAGgaratnorubhUSam |

jaTAhIndugaGgAsthizamyAkamauliM

parAzaktimitraM namaH paJcavaktram || 3 ||

zivezAnatatpUruSAghoravAmAdibhiH

paJcabhirhRnmukhaiH SaDbhiraGgaiH |

anaupamya SaTtriMzataM tattvavidyAmatItaM

paraM tvAM kathaM vetti ko vA || 4 ||

pravAlapravAhaprabhAzoNamardhaM

marutvanmaNi zrImahaH zyAmamardham |

guNasyUtametadvapuH zaivamantaH

smarAmi smarApattisampattihetoH || 5 ||

svasevAsamAyAtadevAsurendrA

namanmaulimandAramAlAbhiSiktam |

namasyAmi zambho padAmbhoruhaM te

bhavAmbhodhipotaM bhavAnI vibhAvyam || 6 ||

jagannAtha mannAtha gaurIsanAtha

prapannAnukampinvipannArtihArin |

mahaHstomamUrte samastaikabandho

namaste namaste punaste namo'stu || 7 ||

virUpAkSa vizveza vizvAdideva

trayI mUla zambho ziva tryambaka tvam |

prasIda smara trAhi pazyAvamuktyai

kSamAM prApnuhi tryakSa mAM rakSa modAt || 8 ||

mahAdeva deveza devAdideva

smarAre purAre yamAre hareti |

bruvANaH smariSyAmi bhaktyA \linè bhavantaM tato me dayAzIla deva prasIda || 9 ||

tvadanyaH zaraNyaH prapannasya neti

prasIda smaranneva hanyAstu dainyam |

na cette bhavedbhaktavAtsalyahAnistato

me dayAlo sadA sannidhehi || 10 ||

ayaM dAnakAlastvahaM dAnapAtraM

bhavAneva dAtA tvadanyaM na yAce |

bhavadbhaktimeva sthirAM dehi mahyaM

kRpAzIla zambho kRtArtho'smi tasmAt || 11 ||

pazuM vetsi cenmAM tamevAdhirUDhaH

kalaGkIti vA mUrdhni dhatse tameva |

dvijihvaH punaH so'pi te kaNThabhUSA

tvadaGgIkRtAH zarva sarve'pi dhanyAH || 12 ||

na zaknomi kartuM paradrohalezaM

kathaM prIyase tvaM na jAne girIza |

tathAhi prasanno'si kasyApi

kAntAsutadrohiNo vA pitRdrohiNo vA || 13 ||

stutiM dhyAnamarcAM yathAvadvidhAtuM

bhajannapyajAnanmahezAvalambe |

trasantaM sutaM trAtumagre

mRkaNDoryamaprANanirvApaNaM tvatpadAbjam || 14 ||

ziro dRSTi hRdroga zUla pramehajvarArzo jarAyakSmahikkAviSArtAn |

tvamAdyo bhiSagbheSajaM bhasma zambho

tvamullAghayAsmAnvapurlAghavAya || 15 ||

daridro'smyabhadro'smi bhagno'smi dUye

viSaNNo'smi sanno'smi khinno'smi cAham |

bhavAnprANinAmantarAtmAsi zambho

mamAdhiM na vetsi prabho rakSa mAM tvam || 16 ||

tvadakSNoH kaTAkSaH patettryakSa yatra

kSaNaM kSmA ca lakSmIH svayaM taM vRNAte |

kirITasphuraccAmaracchatramAlAkalAcIgajakSaumabhUSAvizeSaiH || 17 ||

bhavAnyai bhavAyApi mAtre ca pitre

mRDAnyai mRDAyApyaghaghnyai makhaghne |

zivAGgyai zivAGgAya kurmaH zivAyai

zivAyAmbikAyai namastryambakAya || 18 ||

bhavadgauravaM mallaghutvaM viditvA

prabho rakSa kAruNyadRSTyAnugaM mAm |

zivAtmAnubhAvastutAvakSamo'haM

svazaktyA kRtaM me'parAdhaM kSamasva || 19 ||

yadA karNarandhraM vrajetkAlavAhadviSatkaNThaghaNTA ghaNAtkAranAdaH |

vRSAdhIzamAruhya devaupavAhyantadA

vatsa mA bhIriti prINaya tvam || 20 ||

yadA dAruNAbhASaNA bhISaNA me

bhaviSyantyupAnte kRtAntasya dUtAH |

tadA manmanastvatpadAmbhoruhasthaM

kathaM nizcalaM syAnnamaste'stu zambho || 21 ||

yadA durnivAravyatho'haM zayAno

luThanniHzvasanniHsRtAvyaktavANiH |

tadA jahnukanyAjalAlaGkRtaM te

jaTAmaNDalaM manmanomandire syAt || 22 ||

yadA putramitrAdayo matsakAze

rudantyasya hA kIdRzIyaM dazeti |

tadA devadeveza gaurIza zambho

namaste zivAyetyajasraM bravANi || 23 ||

yadA pazyatAM mAmasau vetti

nAsmAnayaM zvAsa eveti vAco bhaveyuH |

tadA bhUtibhUSaM bhujaGgAvanaddhaM

purAre bhavantaM sphuTaM bhAvayeyam || 24 ||

yadA yAtanAdehasandehavAhI

bhavedAtmadehe na moho mahAnme |

tadA kAzazItAMzusaGkAzamIza

smarAre vapuste namaste smarAmi || 25 ||

yadApAramacchAyamasthAnamadbhirjanairvA vihInaM gamiSyAmi mArgam |

tadA taM nirundhaGkRtAntasya mArgaM

mahAdeva mahyaM manojJaM prayaccha || 26 ||

yadA rauravAdi smaranneva bhItyA

vrajAmyatra mohaM mahAdeva ghoram |

tadA mAmaho nAtha kastArayiSyatyanAthaM parAdhInamardhendumaule || 27 ||

yadA zvetapatrAyatAlaGghyazakteH

kRtAntAdbhayaM bhaktivAtsalyabhAvAt |

tadA pAhi mAM pArvatIvallabhAnyaM

na pazyAmi pAtArametAdRzaM me || 28 ||

idAnImidAnIM mRtirme bhavitrItyaho santataM cintayA pIDito'smi |

kathaM nAma mA bhUnmRtau bhItireSA

namaste gatInAM gate nIlakaNTha || 29 ||

amaryAdamevAhamAbAlavRddhaM

harantaM kRtAntaM samIkSyAsmi bhItaH |

mRtau tAvakAGghryabjadivyaprasAdAdbhavAnIpate nirbhayo'haM bhavAni || 30 ||

jarAjanmagarbhAdhivAsAdiduHkhAnyasahyAni jahyAM jagannAtha deva |

bhavantaM vinA me gatirnaiva zambho

dayAlo na jAgarti kiM vA dayA te || 31 ||

zivAyeti zabdo namaHpUrva eSa

smaranmuktikRnmRtyuhA tattvavAcI |

mahezAna mA gAnmanasto vacastaH

sadA mahyametatpradAnaM prayaccha || 32 ||

tvamapyamba mAM pazya zItAMzumaulipriye bheSajaM tvaM bhavavyAdhizAntau

bahuklezabhAjaM padAmbhojapote

bhavAbdhau nimagnaM nayasvAdya pAram || 33 ||

anudyallalATAkSi vahni prarohairavAmasphuraccAruvAmoruzobhaiH |

anaGgabhramadbhogibhUSAvizeSairacandrArdhacUDairalaM daivatairnaH || 34 ||

akaNThekalaGkAdanaGgebhujaGgAdapANaukapAlAdaphAle'nalAkSAt |

amaulauzazAGkAdavAmekalatrAdahaM devamanyaM na manye na manye || 35 ||

mahAdeva zambho girIza trizUliMstvadIyaM samastaM vibhAtIti yasmAt |

zivAdanyathA daivataM nAbhijAne

zivo'haM zivo'haM zivo'haM zivo'ham || 36 ||

yato'jAyatedaM prapaJcaM vicitraM

sthitiM yAti yasminyadekAntamante |

sa karmAdihInaH svayaJjyotirAtmA

zivo'haM zivo'haM zivo'haM zivo'ham || 37 ||

kirITe nizezo lalATe hutAzo

bhuje bhogirAjo gale kAlimA ca |

tanau kAminI yasya tattulyadevaM

na jAne na jAne na jAne na jAne || 38 ||

anena stavenAdarAdambikezaM

parAM bhaktimAsAdya yaM ye namanti |

mRtau nirbhayAste janAstaM bhajante

hRdambhojamadhye sadAsInamIzam || 39 ||

bhujaGgapriyAkalpa zambho mayaivaM

bhujaGgaprayAtena vRttena klRptam |

naraH stotrametatpaThitvorubhaktyA

suputrAyurArogyamaizvaryameti || 40 ||