Shiva Ashtottara Sata Nama Stotram

ziva aSTottara zata nAma stotram

zloka 1

zivo mahezvara-zzambhuH pinAkI zazizekharaH

vAmadevo virUpAkSaH kapardI nIlalohitaH || 1 ||

zaGkara-zzUlapANizca khaTvAGgI viSNuvallabhaH

zipiviSTo'mbikAnAthaH zrIkaNTho bhaktavatsalaH || 2 ||

bhava-zzarva-strilokezaH zitikaNThaH zivApriyaH

ugraH kapAlI kAmAri randhakAsurasUdanaH || 3 ||

gaGgAdharo lalATAkSaH kAlakAlaH kRpAnidhiH

bhImaH parazuhastazca mRgapANi-rjaTAdharaH || 4 ||

kailAsavAsI kavacI kaThora-stripurAntakaH

vRSAGko vRSabhArUDho bhasmoddhUlitavigrahaH || 5 ||

sAmapriya-ssvaramaya-strayImUrti-ranIzvaraH

sarvajJaH paramAtmA ca somasUryAgnilocanaH || 6 ||

havi-ryajJamaya-ssomaH paJcavaktra-ssadAzivaH

vizvezvaro vIrabhadro gaNanAthaH prajApatiH || 7 ||

hiraNyaretA durdharSo girIzo girizo'naghaH

bhujaGgabhUSaNo bhargo giridhanvA giripriyaH || 8 ||

kRttivAsAH purArAti-rbhagavAn pramathAdhipaH

mRtyuJjaya-ssUkSmatanu-rjagadvyApI jagadguruH || 9 ||

vyomakezo mahAsenajanaka-zcAruvikramaH

rudro bhUtapatiH sthANu-rahirbhudhnyo digambaraH || 10 ||

aSTamUrti-ranekAtmA sAttvika-zzuddhavigrahaH

zAzvataH khaNDaparazu-rajaH pAzavimocakaH || 11 ||

mRDaH pazupati-rdevo mahAdevo'vyayo hariH

pUSadantabhi-davyagro dakSAdhvaraharo haraH || 12 ||

bhaganetrabhi-davyakto sahasrAkSa-ssahasrapAt

apavargaprado'nanta-stArakaH paramezvaraH || 13 ||

evaM zrI zambhudevasya nAmnAmaSTottaraM zatam ||

iti zrI zivASTottarazatanAmastotraratnaM samAptam |