Shiva Aparadha Kshamapana Stotram

ශිවාපරාධ ක්ෂමාපණ ස්තෝත්රම්

ආදෞ කර්මප්රසඞ්ගාත්කලයති කලුෂං මාතෘකුක්ෂෞ ස්ථිතං මාං

විණ්මූත්රාමේධ්යමධ්යේ ක්වථයති නිතරාං ජාඨරෝ ජාතවේදාඃ .

යද්යද්වෛ තත්ර දුඃඛං ව්යථයති නිතරාං ශක්යතේ කේන වක්තුං

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 1..

බාල්යේ දුඃඛාතිරේකෝ මලලුලිතවපුඃ ස්තන්යපානේ පිපාසා

නෝ ශක්තශ්චේන්ද්රියේභ්යෝ භවගුණජනිතාඃ ජන්තවෝ මාං තුදන්ති .

නානාරෝගාදිදුඃඛාද්රුදනපරවශඃ ශඞ්කරං න ස්මරාමි

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 2..

ප්රෞඪෝ(අ)හං යෞවනස්ථෝ විෂයවිෂධරෛඃ පඤ්චභිර්මර්මසන්ධෞ

දෂ්ටෝ නෂ්ටෝ විවේකඃ සුතධනයුවතිස්වාදුසෞඛ්යේ නිෂණ්ණඃ .

ශෛවීචින්තාවිහීනං මම හෘදයමහෝ මානගර්වාධිරූඪං

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 3..

වාර්ධක්යේ චේන්ද්රියාණාං විගතගතිමතිශ්චාධිදෛවාදිතාපෛඃ

පාපෛ රෝගෛර්වියෝගෛස්ත්වනවසිතවපුඃ ප්රෞඪහීනං ච දීනම් .

මිථ්යාමෝහාභිලාෂෛර්භ්රමති මම මනෝ ධූර්ජටේර්ධ්යානශූන්යං

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 4..

ස්නාත්වා ප්රත්යූෂකාලේ ස්නපනවිධිවිධෞ නාහෘතං ගාඞ්ගතෝයං

පූජාර්ථං වා කදාචිද්බහුතරගහනාත්ඛණ්ඩබිල්වීදලානි .

නානීතා පද්මමාලා සරසි විකසිතා ගන්ධධූපෛඃ ත්වදර්ථං

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 5..

දුග්ධෛර්මධ්වාජ්යයුක්තෛර්දධිසිතසහිතෛඃ ස්නාපිතං නෛව ලිඞ්ගං

නෝ ලිප්තං චන්දනාද්යෛඃ කනකවිරචිතෛඃ පූජිතං න ප්රසූනෛඃ .

ධූපෛඃ කර්පූරදීපෛර්විවිධරසයුතෛර්නෛව භක්ෂ්යෝපහාරෛඃ

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 6..

නෝ ශක්යං ස්මාර්තකර්ම ප්රතිපදගහනප්රත්යවායාකුලාඛ්යං

ශ්රෞතේ වාර්තා කථං මේ ද්විජකුලවිහිතේ බ්රහ්මමාර්ගානුසාරේ . වර් බ්රහ්මමාර්ගේ සුසාරේ

ජ්ඤාතෝ ධර්මෝ විචාරෛඃ ශ්රවණමනනයෝඃ කිං නිදිධ්යාසිතව්යං

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 7..

ධ්යාත්වා චිත්තේ ශිවාඛ්යං ප්රචුරතරධනං නෛව දත්තං ද්විජේභ්යෝ

හව්යං තේ ලක්ෂසඞ්ඛ්යෛර්හුතවහවදනේ නාර්පිතං බීජමන්ත්රෛඃ .

නෝ තප්තං ගාඞ්ගාතීරේ ව්රතජපනියමෛඃ රුද්රජාප්යෛර්න වේදෛඃ

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 8..

නග්නෝ නිඃසඞ්ගශුද්ධස්ත්රිගුණවිරහිතෝ ධ්වස්තමෝහාන්ධකාරෝ

නාසාග්රේ න්යස්තදෘෂ්ටිර්විදිතභවගුණෝ නෛව දෘෂ්ටඃ කදාචිත් .

උන්මන්යා(අ)වස්ථයා ත්වාං විගතකලිමලං ශඞ්කරං න ස්මරාමි

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 9..

ස්ථිත්වා ස්ථානේ සරෝජේ ප්රණවමයමරුත්කුම්භකේ (කුණ්ඩලේ) සූක්ෂ්මමාර්ගේ

ශාන්තේ ස්වාන්තේ ප්රලීනේ ප්රකටිතවිභවේ ජ්යෝතිරූපේ(අ)පරාඛ්යේ .

ලිඞ්ගජ්ඤේ බ්රහ්මවාක්යේ සකලතනුගතං ශඞ්කරං න ස්මරාමි

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 10..

හෘද්යං වේදාන්තවේද්යං හෘදයසරසිජේ දීප්තමුද්යත්ප්රකාශං

සත්යං ශාන්තස්වරූපං සකලමුනිමනඃපද්මෂණ්ඩෛකවේද්යම් .

ජාග්රත්ස්වප්නේ සුෂුප්තෞ ත්රිගුණවිරහිතං ශඞ්කරං න ස්මරාමි

ක්ෂන්තව්යෝ මේ(අ)පරාධඃ ශිව ශිව ශිව භෝ ශ්රීමහාදේව ශම්භෝ .. 11..

චන්ද්රෝද්භාසිතශේඛරේ ස්මරහරේ ගඞ්ගාධරේ ශඞ්කරේ

සර්පෛර්භූෂිතකණ්ඨකර්ණවිවරේ නේත්රෝත්ථවෛශ්වානරේ . යුගලේ

දන්තිත්වක්කෘතසුන්දරාම්බරධරේ ත්රෛලෝක්යසාරේ හරේ

මෝක්ෂාර්ථං කුරු චිත්තවෘත්තිමචලාමන්යෛස්තු කිං කර්මභිඃ .. 12..

කිං වා(අ)නේන ධනේන වාජිකරිභිඃ ප්රාප්තේන රාජ්යේන කිං

කිං වා පුත්රකලත්රමිත්රපශුභිර්දේහේන ගේහේන කිම් .

ජ්ඤාත්වෛතත්ක්ෂණභඞ්ගුරං සපදි රේ ත්යාජ්යං මනෝ දූරතඃ

ස්වාත්මාර්ථං ගුරුවාක්යතෝ භජ මන ශ්රීපාර්වතීවල්ලභම් .. 13..

පෞරෝහිත්යං රජනිචරිතං ග්රාමණීත්වං නියෝගෝ

මාඨාපත්යං හ්යනෘතවචනං සාක්ෂිවාදඃ පරාන්නම් .

බ්රහ්මද්වේෂඃ ඛලජනරතිඃ ප්රාණිනාං නිර්දයත්වං

මා භූදේවං මම පශුපතේ ජන්මජන්මාන්තරේෂු .. 14..

ආයුර්නශ්යති පශ්යතාං ප්රතිදිනං යාති ක්ෂයං යෞවනං

ප්රත්යායාන්ති ගතාඃ පුනර්න දිවසාඃ කාලෝ ජගද්භක්ෂකඃ .

ලක්ෂ්මීස්තෝයතරඞ්ගභඞ්ගචපලා විද්යුච්චලං ජීවිතං

තස්මාත්ත්වාං ශරණාගතං ශරණද ත්වං රක්ෂ රක්ෂාධුනා .. 15.. තස්මාන්මාං

වන්දේ දේවමුමාපතිං සුරගුරුං වන්දේ ජගත්කාරණං

වන්දේ පන්නගභූෂණං මෘගධරං වන්දේ පශූනාං පතිම් .

වන්දේ සූර්යශශාඞ්කවහ්නිනයනං වන්දේ මුකුන්දප්රියං

වන්දේ භක්තජනාශ්රයං ච වරදං වන්දේ ශිවං ශඞ්කරම් ..16..

ගාත්රං භස්මසිතං සිතං ච හසිතං හස්තේ කපාලං සිතං වර් ස්මිතං ච

ඛට්වාඞ්ගං ච සිතං සිතශ්ච වෘෂභඃ කර්ණේ සිතේ කුණ්ඩලේ .

ගඞ්ගා ඵේනසිතා ජටා පශුපතේශ්චන්ද්රඃ සිතෝ මූර්ධනි

සෝ(අ)යං සර්වසිතෝ දදාතු විභවං පාපක්ෂයං සර්වදා .. 17..

කරචරණකෘතං වාක්කායජං කර්මජං වා

ශ්රවණනයනජං වා මානසං වා(අ)පරාධම් .

විහිතමවිහිතං වා සර්වමේතත්ක්ෂ්මස්ව

ශිව ශිව කරුණාබ්ධේ ශ්රීමහාදේව ශම්භෝ .. 18..

.. ඉති ශ්රීමද් ශඞ්කරාචාර්යකෘත ශිවාපරාධක්ෂමාපණස්තෝත්රං සම්පූර්ණම් ..