Shiva Aparadha Kshamapana Stotram

ଶିଵାପରାଧ କ୍ଷମାପଣ ସ୍ତୋତ୍ରମ୍

ଶ୍ଲୋକ 1

ଆଦୌ କର୍ମପ୍ରସଙ୍ଗାତ୍କଲଯତି କଲୁଷଂ ମାତୃକୁକ୍ଷୌ ସ୍ଥିତଂ ମାଂ

ଵିଣ୍ମୂତ୍ରାମେଧ୍ଯମଧ୍ଯେ କ୍ଵଥଯତି ନିତରାଂ ଜାଠରୋ ଜାତଵେଦାଃ ।

ଯଦ୍ଯଦ୍ଵୈ ତତ୍ର ଦୁଃଖଂ ଵ୍ଯଥଯତି ନିତରାଂ ଶକ୍ଯତେ କେନ ଵକ୍ତୁଂ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

ଶ୍ଲୋକ 2

ବାଲ୍ଯେ ଦୁଃଖାତିରେକୋ ମଲଲୁଲିତଵପୁଃ ସ୍ତନ୍ଯପାନେ ପିପାସା

ନୋ ଶକ୍ତଶ୍ଚେନ୍ଦ୍ରିଯେଭ୍ଯୋ ଭଵଗୁଣଜନିତାଃ ଜନ୍ତଵୋ ମାଂ ତୁଦନ୍ତି ।

ନାନାରୋଗାଦିଦୁଃଖାଦ୍ରୁଦନପରଵଶଃ ଶଙ୍କରଂ ନ ସ୍ମରାମି

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 1॥

ଶ୍ଲୋକ 3

ପ୍ରୌଢୋଽହଂ ଯୌଵନସ୍ଥୋ ଵିଷଯଵିଷଧରୈଃ ପଞ୍ଚଭିର୍ମର୍ମସନ୍ଧୌ

ଦଷ୍ଟୋ ନଷ୍ଟୋ ଵିଵେକଃ ସୁତଧନଯୁଵତିସ୍ଵାଦୁସୌଖ୍ଯେ ନିଷଣ୍ଣଃ ।

ଶୈଵୀଚିନ୍ତାଵିହୀନଂ ମମ ହୃଦଯମହୋ ମାନଗର୍ଵାଧିରୂଢଂ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 2॥

ଶ୍ଲୋକ 4

ଵାର୍ଧକ୍ଯେ ଚେନ୍ଦ୍ରିଯାଣାଂ ଵିଗତଗତିମତିଶ୍ଚାଧିଦୈଵାଦିତାପୈଃ

ପାପୈ ରୋଗୈର୍ଵିଯୋଗୈସ୍ତ୍ଵନଵସିତଵପୁଃ ପ୍ରୌଢହୀନଂ ଚ ଦୀନମ୍ ।

ମିଥ୍ଯାମୋହାଭିଲାଷୈର୍ଭ୍ରମତି ମମ ମନୋ ଧୂର୍ଜଟେର୍ଧ୍ଯାନଶୂନ୍ଯଂ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 3॥

ଶ୍ଲୋକ 5

ସ୍ନାତ୍ଵା ପ୍ରତ୍ଯୂଷକାଲେ ସ୍ନପନଵିଧିଵିଧୌ ନାହୃତଂ ଗାଙ୍ଗତୋଯଂ

ପୂଜାର୍ଥଂ ଵା କଦାଚିଦ୍ବହୁତରଗହନାତ୍ଖଣ୍ଡବିଲ୍ଵୀଦଲାନି ।

ନାନୀତା ପଦ୍ମମାଲା ସରସି ଵିକସିତା ଗନ୍ଧଧୂପୈଃ ତ୍ଵଦର୍ଥଂ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 4॥

ଶ୍ଲୋକ 6

ଦୁଗ୍ଧୈର୍ମଧ୍ଵାଜ୍ଯଯୁକ୍ତୈର୍ଦଧିସିତସହିତୈଃ ସ୍ନାପିତଂ ନୈଵ ଲିଙ୍ଗଂ

ନୋ ଲିପ୍ତଂ ଚନ୍ଦନାଦ୍ଯୈଃ କନକଵିରଚିତୈଃ ପୂଜିତଂ ନ ପ୍ରସୂନୈଃ ।

ଧୂପୈଃ କର୍ପୂରଦୀପୈର୍ଵିଵିଧରସଯୁତୈର୍ନୈଵ ଭକ୍ଷ୍ଯୋପହାରୈଃ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 5॥

ଶ୍ଲୋକ 7

ନୋ ଶକ୍ଯଂ ସ୍ମାର୍ତକର୍ମ ପ୍ରତିପଦଗହନପ୍ରତ୍ଯଵାଯାକୁଲାଖ୍ଯଂ

ଶ୍ରୌତେ ଵାର୍ତା କଥଂ ମେ ଦ୍ଵିଜକୁଲଵିହିତେ ବ୍ରହ୍ମମାର୍ଗାନୁସାରେ । ଵର୍ ବ୍ରହ୍ମମାର୍ଗେ ସୁସାରେ

ଜ୍ଞାତୋ ଧର୍ମୋ ଵିଚାରୈଃ ଶ୍ରଵଣମନନଯୋଃ କିଂ ନିଦିଧ୍ଯାସିତଵ୍ଯଂ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 6॥

ଶ୍ଲୋକ 8

ଧ୍ଯାତ୍ଵା ଚିତ୍ତେ ଶିଵାଖ୍ଯଂ ପ୍ରଚୁରତରଧନଂ ନୈଵ ଦତ୍ତଂ ଦ୍ଵିଜେଭ୍ଯୋ

ହଵ୍ଯଂ ତେ ଲକ୍ଷସଙ୍ଖ୍ଯୈର୍ହୁତଵହଵଦନେ ନାର୍ପିତଂ ବୀଜମନ୍ତ୍ରୈଃ ।

ନୋ ତପ୍ତଂ ଗାଙ୍ଗାତୀରେ ଵ୍ରତଜପନିଯମୈଃ ରୁଦ୍ରଜାପ୍ଯୈର୍ନ ଵେଦୈଃ

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 7॥

ଶ୍ଲୋକ 9

ନଗ୍ନୋ ନିଃସଙ୍ଗଶୁଦ୍ଧସ୍ତ୍ରିଗୁଣଵିରହିତୋ ଧ୍ଵସ୍ତମୋହାନ୍ଧକାରୋ

ନାସାଗ୍ରେ ନ୍ଯସ୍ତଦୃଷ୍ଟିର୍ଵିଦିତଭଵଗୁଣୋ ନୈଵ ଦୃଷ୍ଟଃ କଦାଚିତ୍ ।

ଉନ୍ମନ୍ଯାଽଵସ୍ଥଯା ତ୍ଵାଂ ଵିଗତକଲିମଲଂ ଶଙ୍କରଂ ନ ସ୍ମରାମି

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 8॥

ଶ୍ଲୋକ 10

ସ୍ଥିତ୍ଵା ସ୍ଥାନେ ସରୋଜେ ପ୍ରଣଵମଯମରୁତ୍କୁମ୍ଭକେ (କୁଣ୍ଡଲେ) ସୂକ୍ଷ୍ମମାର୍ଗେ

ଶାନ୍ତେ ସ୍ଵାନ୍ତେ ପ୍ରଲୀନେ ପ୍ରକଟିତଵିଭଵେ ଜ୍ଯୋତିରୂପେଽପରାଖ୍ଯେ ।

ଲିଙ୍ଗଜ୍ଞେ ବ୍ରହ୍ମଵାକ୍ଯେ ସକଲତନୁଗତଂ ଶଙ୍କରଂ ନ ସ୍ମରାମି

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 9॥

ଶ୍ଲୋକ 11

ହୃଦ୍ଯଂ ଵେଦାନ୍ତଵେଦ୍ଯଂ ହୃଦଯସରସିଜେ ଦୀପ୍ତମୁଦ୍ଯତ୍ପ୍ରକାଶଂ

ସତ୍ଯଂ ଶାନ୍ତସ୍ଵରୂପଂ ସକଲମୁନିମନଃପଦ୍ମଷଣ୍ଡୈକଵେଦ୍ଯମ୍ ।

ଜାଗ୍ରତ୍ସ୍ଵପ୍ନେ ସୁଷୁପ୍ତୌ ତ୍ରିଗୁଣଵିରହିତଂ ଶଙ୍କରଂ ନ ସ୍ମରାମି

କ୍ଷନ୍ତଵ୍ଯୋ ମେଽପରାଧଃ ଶିଵ ଶିଵ ଶିଵ ଭୋ ଶ୍ରୀମହାଦେଵ ଶମ୍ଭୋ

॥ 10॥

ଶ୍ଲୋକ 12

ଚନ୍ଦ୍ରୋଦ୍ଭାସିତଶେଖରେ ସ୍ମରହରେ ଗଙ୍ଗାଧରେ ଶଙ୍କରେ

ସର୍ପୈର୍ଭୂଷିତକଣ୍ଠକର୍ଣଵିଵରେ ନେତ୍ରୋତ୍ଥଵୈଶ୍ଵାନରେ । ଯୁଗଲେ

ଦନ୍ତିତ୍ଵକ୍କୃତସୁନ୍ଦରାମ୍ବରଧରେ ତ୍ରୈଲୋକ୍ଯସାରେ ହରେ

ମୋକ୍ଷାର୍ଥଂ କୁରୁ ଚିତ୍ତଵୃତ୍ତିମଚଲାମନ୍ଯୈସ୍ତୁ କିଂ କର୍ମଭିଃ

॥ 11॥

ଶ୍ଲୋକ 13

କିଂ ଵାଽନେନ ଧନେନ ଵାଜିକରିଭିଃ ପ୍ରାପ୍ତେନ ରାଜ୍ଯେନ କିଂ

କିଂ ଵା ପୁତ୍ରକଲତ୍ରମିତ୍ରପଶୁଭିର୍ଦେହେନ ଗେହେନ କିମ୍ ।

ଜ୍ଞାତ୍ଵୈତତ୍କ୍ଷଣଭଙ୍ଗୁରଂ ସପଦି ରେ ତ୍ଯାଜ୍ଯଂ ମନୋ ଦୂରତଃ

ସ୍ଵାତ୍ମାର୍ଥଂ ଗୁରୁଵାକ୍ଯତୋ ଭଜ ମନ ଶ୍ରୀପାର୍ଵତୀଵଲ୍ଲଭମ୍

॥ 12॥

ଶ୍ଲୋକ 14

ପୌରୋହିତ୍ଯଂ ରଜନିଚରିତଂ ଗ୍ରାମଣୀତ୍ଵଂ ନିଯୋଗୋ

ମାଠାପତ୍ଯଂ ହ୍ଯନୃତଵଚନଂ ସାକ୍ଷିଵାଦଃ ପରାନ୍ନମ୍ ।

ବ୍ରହ୍ମଦ୍ଵେଷଃ ଖଲଜନରତିଃ ପ୍ରାଣିନାଂ ନିର୍ଦଯତ୍ଵଂ

ମା ଭୂଦେଵଂ ମମ ପଶୁପତେ ଜନ୍ମଜନ୍ମାନ୍ତରେଷୁ

॥ 13॥

ଶ୍ଲୋକ 15

ଆଯୁର୍ନଶ୍ଯତି ପଶ୍ଯତାଂ ପ୍ରତିଦିନଂ ଯାତି କ୍ଷଯଂ ଯୌଵନଂ

ପ୍ରତ୍ଯାଯାନ୍ତି ଗତାଃ ପୁନର୍ନ ଦିଵସାଃ କାଲୋ ଜଗଦ୍ଭକ୍ଷକଃ ।

ଲକ୍ଷ୍ମୀସ୍ତୋଯତରଙ୍ଗଭଙ୍ଗଚପଲା ଵିଦ୍ଯୁଚ୍ଚଲଂ ଜୀଵିତଂ

ତସ୍ମାତ୍ତ୍ଵାଂ ଶରଣାଗତଂ ଶରଣଦ ତ୍ଵଂ ରକ୍ଷ ରକ୍ଷାଧୁନା

॥ 14॥

ଶ୍ଲୋକ 16

॥ 15॥ ତସ୍ମାନ୍ମାଂ

ଵନ୍ଦେ ଦେଵମୁମାପତିଂ ସୁରଗୁରୁଂ ଵନ୍ଦେ ଜଗତ୍କାରଣଂ

ଵନ୍ଦେ ପନ୍ନଗଭୂଷଣଂ ମୃଗଧରଂ ଵନ୍ଦେ ପଶୂନାଂ ପତିମ୍ ।

ଵନ୍ଦେ ସୂର୍ଯଶଶାଙ୍କଵହ୍ନିନଯନଂ ଵନ୍ଦେ ମୁକୁନ୍ଦପ୍ରିଯଂ

ଵନ୍ଦେ ଭକ୍ତଜନାଶ୍ରଯଂ ଚ ଵରଦଂ ଵନ୍ଦେ ଶିଵଂ ଶଙ୍କରମ୍

ଶ୍ଲୋକ 17

ଗାତ୍ରଂ ଭସ୍ମସିତଂ ସିତଂ ଚ ହସିତଂ ହସ୍ତେ କପାଲଂ ସିତଂ ଵର୍ ସ୍ମିତଂ ଚ

ଖଟ୍ଵାଙ୍ଗଂ ଚ ସିତଂ ସିତଶ୍ଚ ଵୃଷଭଃ କର୍ଣେ ସିତେ କୁଣ୍ଡଲେ ।

ଗଙ୍ଗା ଫେନସିତା ଜଟା ପଶୁପତେଶ୍ଚନ୍ଦ୍ରଃ ସିତୋ ମୂର୍ଧନି

ସୋଽଯଂ ସର୍ଵସିତୋ ଦଦାତୁ ଵିଭଵଂ ପାପକ୍ଷଯଂ ସର୍ଵଦା

॥16॥

ଶ୍ଲୋକ 18

କରଚରଣକୃତଂ ଵାକ୍କାଯଜଂ କର୍ମଜଂ ଵା

ଶ୍ରଵଣନଯନଜଂ ଵା ମାନସଂ ଵାଽପରାଧମ୍ ।

ଵିହିତମଵିହିତଂ ଵା ସର୍ଵମେତତ୍କ୍ଷ୍ମସ୍ଵ

ଶିଵ ଶିଵ କରୁଣାବ୍ଧେ ଶ୍ରୀମହାଦେଵ ଶମ୍ଭୋ

॥ 17॥

ଶ୍ଲୋକ 19

॥ ଇତି ଶ୍ରୀମଦ୍ ଶଙ୍କରାଚାର୍ଯକୃତ ଶିଵାପରାଧକ୍ଷମାପଣସ୍ତୋତ୍ରଂ ସମ୍ପୂର୍ଣମ୍ ॥