Shiva Aparadha Kshamapana Stotram

শিবাপরাধ ক্ষমাপণ স্তোত্রম্

শ্লোক 1

আদৌ কর্মপ্রসঙ্গাত্কলযতি কলুষং মাতৃকুক্ষৌ স্থিতং মাং

বিণ্মূত্রামেধ্যমধ্যে ক্বথযতি নিতরাং জাঠরো জাতবেদাঃ ।

যদ্যদ্বৈ তত্র দুঃখং ব্যথযতি নিতরাং শক্যতে কেন বক্তুং

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

শ্লোক 2

বাল্যে দুঃখাতিরেকো মললুলিতবপুঃ স্তন্যপানে পিপাসা

নো শক্তশ্চেন্দ্রিযেভ্যো ভবগুণজনিতাঃ জন্তবো মাং তুদন্তি ।

নানারোগাদিদুঃখাদ্রুদনপরবশঃ শঙ্করং ন স্মরামি

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 1॥

শ্লোক 3

প্রৌঢোঽহং যৌবনস্থো বিষযবিষধরৈঃ পঞ্চভির্মর্মসন্ধৌ

দষ্টো নষ্টো বিবেকঃ সুতধনযুবতিস্বাদুসৌখ্যে নিষণ্ণঃ ।

শৈবীচিন্তাবিহীনং মম হৃদযমহো মানগর্বাধিরূঢং

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 2॥

শ্লোক 4

বার্ধক্যে চেন্দ্রিযাণাং বিগতগতিমতিশ্চাধিদৈবাদিতাপৈঃ

পাপৈ রোগৈর্বিযোগৈস্ত্বনবসিতবপুঃ প্রৌঢহীনং চ দীনম্ ।

মিথ্যামোহাভিলাষৈর্ভ্রমতি মম মনো ধূর্জটের্ধ্যানশূন্যং

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 3॥

শ্লোক 5

স্নাত্বা প্রত্যূষকালে স্নপনবিধিবিধৌ নাহৃতং গাঙ্গতোযং

পূজার্থং বা কদাচিদ্বহুতরগহনাত্খণ্ডবিল্বীদলানি ।

নানীতা পদ্মমালা সরসি বিকসিতা গন্ধধূপৈঃ ত্বদর্থং

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 4॥

শ্লোক 6

দুগ্ধৈর্মধ্বাজ্যযুক্তৈর্দধিসিতসহিতৈঃ স্নাপিতং নৈব লিঙ্গং

নো লিপ্তং চন্দনাদ্যৈঃ কনকবিরচিতৈঃ পূজিতং ন প্রসূনৈঃ ।

ধূপৈঃ কর্পূরদীপৈর্বিবিধরসযুতৈর্নৈব ভক্ষ্যোপহারৈঃ

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 5॥

শ্লোক 7

নো শক্যং স্মার্তকর্ম প্রতিপদগহনপ্রত্যবাযাকুলাখ্যং

শ্রৌতে বার্তা কথং মে দ্বিজকুলবিহিতে ব্রহ্মমার্গানুসারে । বর্ ব্রহ্মমার্গে সুসারে

জ্ঞাতো ধর্মো বিচারৈঃ শ্রবণমননযোঃ কিং নিদিধ্যাসিতব্যং

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 6॥

শ্লোক 8

ধ্যাত্বা চিত্তে শিবাখ্যং প্রচুরতরধনং নৈব দত্তং দ্বিজেভ্যো

হব্যং তে লক্ষসঙ্খ্যৈর্হুতবহবদনে নার্পিতং বীজমন্ত্রৈঃ ।

নো তপ্তং গাঙ্গাতীরে ব্রতজপনিযমৈঃ রুদ্রজাপ্যৈর্ন বেদৈঃ

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 7॥

শ্লোক 9

নগ্নো নিঃসঙ্গশুদ্ধস্ত্রিগুণবিরহিতো ধ্বস্তমোহান্ধকারো

নাসাগ্রে ন্যস্তদৃষ্টির্বিদিতভবগুণো নৈব দৃষ্টঃ কদাচিত্ ।

উন্মন্যাঽবস্থযা ত্বাং বিগতকলিমলং শঙ্করং ন স্মরামি

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 8॥

শ্লোক 10

স্থিত্বা স্থানে সরোজে প্রণবমযমরুত্কুম্ভকে (কুণ্ডলে) সূক্ষ্মমার্গে

শান্তে স্বান্তে প্রলীনে প্রকটিতবিভবে জ্যোতিরূপেঽপরাখ্যে ।

লিঙ্গজ্ঞে ব্রহ্মবাক্যে সকলতনুগতং শঙ্করং ন স্মরামি

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 9॥

শ্লোক 11

হৃদ্যং বেদান্তবেদ্যং হৃদযসরসিজে দীপ্তমুদ্যত্প্রকাশং

সত্যং শান্তস্বরূপং সকলমুনিমনঃপদ্মষণ্ডৈকবেদ্যম্ ।

জাগ্রত্স্বপ্নে সুষুপ্তৌ ত্রিগুণবিরহিতং শঙ্করং ন স্মরামি

ক্ষন্তব্যো মেঽপরাধঃ শিব শিব শিব ভো শ্রীমহাদেব শম্ভো

॥ 10॥

শ্লোক 12

চন্দ্রোদ্ভাসিতশেখরে স্মরহরে গঙ্গাধরে শঙ্করে

সর্পৈর্ভূষিতকণ্ঠকর্ণবিবরে নেত্রোত্থবৈশ্বানরে । যুগলে

দন্তিত্বক্কৃতসুন্দরাম্বরধরে ত্রৈলোক্যসারে হরে

মোক্ষার্থং কুরু চিত্তবৃত্তিমচলামন্যৈস্তু কিং কর্মভিঃ

॥ 11॥

শ্লোক 13

কিং বাঽনেন ধনেন বাজিকরিভিঃ প্রাপ্তেন রাজ্যেন কিং

কিং বা পুত্রকলত্রমিত্রপশুভির্দেহেন গেহেন কিম্ ।

জ্ঞাত্বৈতত্ক্ষণভঙ্গুরং সপদি রে ত্যাজ্যং মনো দূরতঃ

স্বাত্মার্থং গুরুবাক্যতো ভজ মন শ্রীপার্বতীবল্লভম্

॥ 12॥

শ্লোক 14

পৌরোহিত্যং রজনিচরিতং গ্রামণীত্বং নিযোগো

মাঠাপত্যং হ্যনৃতবচনং সাক্ষিবাদঃ পরান্নম্ ।

ব্রহ্মদ্বেষঃ খলজনরতিঃ প্রাণিনাং নির্দযত্বং

মা ভূদেবং মম পশুপতে জন্মজন্মান্তরেষু

॥ 13॥

শ্লোক 15

আযুর্নশ্যতি পশ্যতাং প্রতিদিনং যাতি ক্ষযং যৌবনং

প্রত্যাযান্তি গতাঃ পুনর্ন দিবসাঃ কালো জগদ্ভক্ষকঃ ।

লক্ষ্মীস্তোযতরঙ্গভঙ্গচপলা বিদ্যুচ্চলং জীবিতং

তস্মাত্ত্বাং শরণাগতং শরণদ ত্বং রক্ষ রক্ষাধুনা

॥ 14॥

শ্লোক 16

॥ 15॥ তস্মান্মাং

বন্দে দেবমুমাপতিং সুরগুরুং বন্দে জগত্কারণং

বন্দে পন্নগভূষণং মৃগধরং বন্দে পশূনাং পতিম্ ।

বন্দে সূর্যশশাঙ্কবহ্নিনযনং বন্দে মুকুন্দপ্রিযং

বন্দে ভক্তজনাশ্রযং চ বরদং বন্দে শিবং শঙ্করম্

শ্লোক 17

গাত্রং ভস্মসিতং সিতং চ হসিতং হস্তে কপালং সিতং বর্ স্মিতং চ

খট্বাঙ্গং চ সিতং সিতশ্চ বৃষভঃ কর্ণে সিতে কুণ্ডলে ।

গঙ্গা ফেনসিতা জটা পশুপতেশ্চন্দ্রঃ সিতো মূর্ধনি

সোঽযং সর্বসিতো দদাতু বিভবং পাপক্ষযং সর্বদা

॥16॥

শ্লোক 18

করচরণকৃতং বাক্কাযজং কর্মজং বা

শ্রবণনযনজং বা মানসং বাঽপরাধম্ ।

বিহিতমবিহিতং বা সর্বমেতত্ক্ষ্মস্ব

শিব শিব করুণাব্ধে শ্রীমহাদেব শম্ভো

॥ 17॥

শ্লোক 19

॥ ইতি শ্রীমদ্ শঙ্করাচার্যকৃত শিবাপরাধক্ষমাপণস্তোত্রং সম্পূর্ণম্ ॥