శివాపరాధ క్షమాపణ స్తోత్రమ్

శివాపరాధ క్షమాపణ స్తోత్రమ్

శ్లోక 1

ఆదౌ కర్మప్రసఙ్గాత్కలయతి కలుషం మాతృకుక్షౌ స్థితం మాం

విణ్మూత్రామేధ్యమధ్యే క్వథయతి నితరాం జాఠరో జాతవేదాః ।

యద్యద్వై తత్ర దుఃఖం వ్యథయతి నితరాం శక్యతే కేన వక్తుం

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

శ్లోక 2

బాల్యే దుఃఖాతిరేకో మలలులితవపుః స్తన్యపానే పిపాసా

నో శక్తశ్చేన్ద్రియేభ్యో భవగుణజనితాః జన్తవో మాం తుదన్తి ।

నానారోగాదిదుఃఖాద్రుదనపరవశః శఙ్కరం న స్మరామి

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 1॥

శ్లోక 3

ప్రౌఢోఽహం యౌవనస్థో విషయవిషధరైః పఞ్చభిర్మర్మసన్ధౌ

దష్టో నష్టో వివేకః సుతధనయువతిస్వాదుసౌఖ్యే నిషణ్ణః ।

శైవీచిన్తావిహీనం మమ హృదయమహో మానగర్వాధిరూఢం

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 2॥

శ్లోక 4

వార్ధక్యే చేన్ద్రియాణాం విగతగతిమతిశ్చాధిదైవాదితాపైః

పాపై రోగైర్వియోగైస్త్వనవసితవపుః ప్రౌఢహీనం చ దీనమ్ ।

మిథ్యామోహాభిలాషైర్భ్రమతి మమ మనో ధూర్జటేర్ధ్యానశూన్యం

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 3॥

శ్లోక 5

స్నాత్వా ప్రత్యూషకాలే స్నపనవిధివిధౌ నాహృతం గాఙ్గతోయం

పూజార్థం వా కదాచిద్బహుతరగహనాత్ఖణ్డబిల్వీదలాని ।

నానీతా పద్మమాలా సరసి వికసితా గన్ధధూపైః త్వదర్థం

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 4॥

శ్లోక 6

దుగ్ధైర్మధ్వాజ్యయుక్తైర్దధిసితసహితైః స్నాపితం నైవ లిఙ్గం

నో లిప్తం చన్దనాద్యైః కనకవిరచితైః పూజితం న ప్రసూనైః ।

ధూపైః కర్పూరదీపైర్వివిధరసయుతైర్నైవ భక్ష్యోపహారైః

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 5॥

శ్లోక 7

నో శక్యం స్మార్తకర్మ ప్రతిపదగహనప్రత్యవాయాకులాఖ్యం

శ్రౌతే వార్తా కథం మే ద్విజకులవిహితే బ్రహ్మమార్గానుసారే । వర్ బ్రహ్మమార్గే సుసారే

జ్ఞాతో ధర్మో విచారైః శ్రవణమననయోః కిం నిదిధ్యాసితవ్యం

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 6॥

శ్లోక 8

ధ్యాత్వా చిత్తే శివాఖ్యం ప్రచురతరధనం నైవ దత్తం ద్విజేభ్యో

హవ్యం తే లక్షసఙ్ఖ్యైర్హుతవహవదనే నార్పితం బీజమన్త్రైః ।

నో తప్తం గాఙ్గాతీరే వ్రతజపనియమైః రుద్రజాప్యైర్న వేదైః

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 7॥

శ్లోక 9

నగ్నో నిఃసఙ్గశుద్ధస్త్రిగుణవిరహితో ధ్వస్తమోహాన్ధకారో

నాసాగ్రే న్యస్తదృష్టిర్విదితభవగుణో నైవ దృష్టః కదాచిత్ ।

ఉన్మన్యాఽవస్థయా త్వాం విగతకలిమలం శఙ్కరం న స్మరామి

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 8॥

శ్లోక 10

స్థిత్వా స్థానే సరోజే ప్రణవమయమరుత్కుమ్భకే (కుణ్డలే) సూక్ష్మమార్గే

శాన్తే స్వాన్తే ప్రలీనే ప్రకటితవిభవే జ్యోతిరూపేఽపరాఖ్యే ।

లిఙ్గజ్ఞే బ్రహ్మవాక్యే సకలతనుగతం శఙ్కరం న స్మరామి

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 9॥

శ్లోక 11

హృద్యం వేదాన్తవేద్యం హృదయసరసిజే దీప్తముద్యత్ప్రకాశం

సత్యం శాన్తస్వరూపం సకలమునిమనఃపద్మషణ్డైకవేద్యమ్ ।

జాగ్రత్స్వప్నే సుషుప్తౌ త్రిగుణవిరహితం శఙ్కరం న స్మరామి

క్షన్తవ్యో మేఽపరాధః శివ శివ శివ భో శ్రీమహాదేవ శమ్భో

॥ 10॥

శ్లోక 12

చన్ద్రోద్భాసితశేఖరే స్మరహరే గఙ్గాధరే శఙ్కరే

సర్పైర్భూషితకణ్ఠకర్ణవివరే నేత్రోత్థవైశ్వానరే । యుగలే

దన్తిత్వక్కృతసున్దరామ్బరధరే త్రైలోక్యసారే హరే

మోక్షార్థం కురు చిత్తవృత్తిమచలామన్యైస్తు కిం కర్మభిః

॥ 11॥

శ్లోక 13

కిం వాఽనేన ధనేన వాజికరిభిః ప్రాప్తేన రాజ్యేన కిం

కిం వా పుత్రకలత్రమిత్రపశుభిర్దేహేన గేహేన కిమ్ ।

జ్ఞాత్వైతత్క్షణభఙ్గురం సపది రే త్యాజ్యం మనో దూరతః

స్వాత్మార్థం గురువాక్యతో భజ మన శ్రీపార్వతీవల్లభమ్

॥ 12॥

శ్లోక 14

పౌరోహిత్యం రజనిచరితం గ్రామణీత్వం నియోగో

మాఠాపత్యం హ్యనృతవచనం సాక్షివాదః పరాన్నమ్ ।

బ్రహ్మద్వేషః ఖలజనరతిః ప్రాణినాం నిర్దయత్వం

మా భూదేవం మమ పశుపతే జన్మజన్మాన్తరేషు

॥ 13॥

శ్లోక 15

ఆయుర్నశ్యతి పశ్యతాం ప్రతిదినం యాతి క్షయం యౌవనం

ప్రత్యాయాన్తి గతాః పునర్న దివసాః కాలో జగద్భక్షకః ।

లక్ష్మీస్తోయతరఙ్గభఙ్గచపలా విద్యుచ్చలం జీవితం

తస్మాత్త్వాం శరణాగతం శరణద త్వం రక్ష రక్షాధునా

॥ 14॥

శ్లోక 16

॥ 15॥ తస్మాన్మాం

వన్దే దేవముమాపతిం సురగురుం వన్దే జగత్కారణం

వన్దే పన్నగభూషణం మృగధరం వన్దే పశూనాం పతిమ్ ।

వన్దే సూర్యశశాఙ్కవహ్నినయనం వన్దే ముకున్దప్రియం

వన్దే భక్తజనాశ్రయం చ వరదం వన్దే శివం శఙ్కరమ్

శ్లోక 17

గాత్రం భస్మసితం సితం చ హసితం హస్తే కపాలం సితం వర్ స్మితం చ

ఖట్వాఙ్గం చ సితం సితశ్చ వృషభః కర్ణే సితే కుణ్డలే ।

గఙ్గా ఫేనసితా జటా పశుపతేశ్చన్ద్రః సితో మూర్ధని

సోఽయం సర్వసితో దదాతు విభవం పాపక్షయం సర్వదా

॥16॥

శ్లోక 18

కరచరణకృతం వాక్కాయజం కర్మజం వా

శ్రవణనయనజం వా మానసం వాఽపరాధమ్ ।

విహితమవిహితం వా సర్వమేతత్క్ష్మస్వ

శివ శివ కరుణాబ్ధే శ్రీమహాదేవ శమ్భో

॥ 17॥

శ్లోక 19

॥ ఇతి శ్రీమద్ శఙ్కరాచార్యకృత శివాపరాధక్షమాపణస్తోత్రం సమ్పూర్ణమ్ ॥