શિવાપરાધ ક્ષમાપણ સ્તોત્રમ્

શિવાપરાધ ક્ષમાપણ સ્તોત્રમ્

શ્લોક 1

આદૌ કર્મપ્રસઙ્ગાત્કલયતિ કલુષં માતૃકુક્ષૌ સ્થિતં માં

વિણ્મૂત્રામેધ્યમધ્યે ક્વથયતિ નિતરાં જાઠરો જાતવેદાઃ ।

યદ્યદ્વૈ તત્ર દુઃખં વ્યથયતિ નિતરાં શક્યતે કેન વક્તું

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

શ્લોક 2

બાલ્યે દુઃખાતિરેકો મલલુલિતવપુઃ સ્તન્યપાને પિપાસા

નો શક્તશ્ચેન્દ્રિયેભ્યો ભવગુણજનિતાઃ જન્તવો માં તુદન્તિ ।

નાનારોગાદિદુઃખાદ્રુદનપરવશઃ શઙ્કરં ન સ્મરામિ

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 1॥

શ્લોક 3

પ્રૌઢોઽહં યૌવનસ્થો વિષયવિષધરૈઃ પઞ્ચભિર્મર્મસન્ધૌ

દષ્ટો નષ્ટો વિવેકઃ સુતધનયુવતિસ્વાદુસૌખ્યે નિષણ્ણઃ ।

શૈવીચિન્તાવિહીનં મમ હૃદયમહો માનગર્વાધિરૂઢં

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 2॥

શ્લોક 4

વાર્ધક્યે ચેન્દ્રિયાણાં વિગતગતિમતિશ્ચાધિદૈવાદિતાપૈઃ

પાપૈ રોગૈર્વિયોગૈસ્ત્વનવસિતવપુઃ પ્રૌઢહીનં ચ દીનમ્ ।

મિથ્યામોહાભિલાષૈર્ભ્રમતિ મમ મનો ધૂર્જટેર્ધ્યાનશૂન્યં

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 3॥

શ્લોક 5

સ્નાત્વા પ્રત્યૂષકાલે સ્નપનવિધિવિધૌ નાહૃતં ગાઙ્ગતોયં

પૂજાર્થં વા કદાચિદ્બહુતરગહનાત્ખણ્ડબિલ્વીદલાનિ ।

નાનીતા પદ્મમાલા સરસિ વિકસિતા ગન્ધધૂપૈઃ ત્વદર્થં

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 4॥

શ્લોક 6

દુગ્ધૈર્મધ્વાજ્યયુક્તૈર્દધિસિતસહિતૈઃ સ્નાપિતં નૈવ લિઙ્ગં

નો લિપ્તં ચન્દનાદ્યૈઃ કનકવિરચિતૈઃ પૂજિતં ન પ્રસૂનૈઃ ।

ધૂપૈઃ કર્પૂરદીપૈર્વિવિધરસયુતૈર્નૈવ ભક્ષ્યોપહારૈઃ

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 5॥

શ્લોક 7

નો શક્યં સ્માર્તકર્મ પ્રતિપદગહનપ્રત્યવાયાકુલાખ્યં

શ્રૌતે વાર્તા કથં મે દ્વિજકુલવિહિતે બ્રહ્મમાર્ગાનુસારે । વર્ બ્રહ્મમાર્ગે સુસારે

જ્ઞાતો ધર્મો વિચારૈઃ શ્રવણમનનયોઃ કિં નિદિધ્યાસિતવ્યં

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 6॥

શ્લોક 8

ધ્યાત્વા ચિત્તે શિવાખ્યં પ્રચુરતરધનં નૈવ દત્તં દ્વિજેભ્યો

હવ્યં તે લક્ષસઙ્ખ્યૈર્હુતવહવદને નાર્પિતં બીજમન્ત્રૈઃ ।

નો તપ્તં ગાઙ્ગાતીરે વ્રતજપનિયમૈઃ રુદ્રજાપ્યૈર્ન વેદૈઃ

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 7॥

શ્લોક 9

નગ્નો નિઃસઙ્ગશુદ્ધસ્ત્રિગુણવિરહિતો ધ્વસ્તમોહાન્ધકારો

નાસાગ્રે ન્યસ્તદૃષ્ટિર્વિદિતભવગુણો નૈવ દૃષ્ટઃ કદાચિત્ ।

ઉન્મન્યાઽવસ્થયા ત્વાં વિગતકલિમલં શઙ્કરં ન સ્મરામિ

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 8॥

શ્લોક 10

સ્થિત્વા સ્થાને સરોજે પ્રણવમયમરુત્કુમ્ભકે (કુણ્ડલે) સૂક્ષ્મમાર્ગે

શાન્તે સ્વાન્તે પ્રલીને પ્રકટિતવિભવે જ્યોતિરૂપેઽપરાખ્યે ।

લિઙ્ગજ્ઞે બ્રહ્મવાક્યે સકલતનુગતં શઙ્કરં ન સ્મરામિ

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 9॥

શ્લોક 11

હૃદ્યં વેદાન્તવેદ્યં હૃદયસરસિજે દીપ્તમુદ્યત્પ્રકાશં

સત્યં શાન્તસ્વરૂપં સકલમુનિમનઃપદ્મષણ્ડૈકવેદ્યમ્ ।

જાગ્રત્સ્વપ્ને સુષુપ્તૌ ત્રિગુણવિરહિતં શઙ્કરં ન સ્મરામિ

ક્ષન્તવ્યો મેઽપરાધઃ શિવ શિવ શિવ ભો શ્રીમહાદેવ શમ્ભો

॥ 10॥

શ્લોક 12

ચન્દ્રોદ્ભાસિતશેખરે સ્મરહરે ગઙ્ગાધરે શઙ્કરે

સર્પૈર્ભૂષિતકણ્ઠકર્ણવિવરે નેત્રોત્થવૈશ્વાનરે । યુગલે

દન્તિત્વક્કૃતસુન્દરામ્બરધરે ત્રૈલોક્યસારે હરે

મોક્ષાર્થં કુરુ ચિત્તવૃત્તિમચલામન્યૈસ્તુ કિં કર્મભિઃ

॥ 11॥

શ્લોક 13

કિં વાઽનેન ધનેન વાજિકરિભિઃ પ્રાપ્તેન રાજ્યેન કિં

કિં વા પુત્રકલત્રમિત્રપશુભિર્દેહેન ગેહેન કિમ્ ।

જ્ઞાત્વૈતત્ક્ષણભઙ્ગુરં સપદિ રે ત્યાજ્યં મનો દૂરતઃ

સ્વાત્માર્થં ગુરુવાક્યતો ભજ મન શ્રીપાર્વતીવલ્લભમ્

॥ 12॥

શ્લોક 14

પૌરોહિત્યં રજનિચરિતં ગ્રામણીત્વં નિયોગો

માઠાપત્યં હ્યનૃતવચનં સાક્ષિવાદઃ પરાન્નમ્ ।

બ્રહ્મદ્વેષઃ ખલજનરતિઃ પ્રાણિનાં નિર્દયત્વં

મા ભૂદેવં મમ પશુપતે જન્મજન્માન્તરેષુ

॥ 13॥

શ્લોક 15

આયુર્નશ્યતિ પશ્યતાં પ્રતિદિનં યાતિ ક્ષયં યૌવનં

પ્રત્યાયાન્તિ ગતાઃ પુનર્ન દિવસાઃ કાલો જગદ્ભક્ષકઃ ।

લક્ષ્મીસ્તોયતરઙ્ગભઙ્ગચપલા વિદ્યુચ્ચલં જીવિતં

તસ્માત્ત્વાં શરણાગતં શરણદ ત્વં રક્ષ રક્ષાધુના

॥ 14॥

શ્લોક 16

॥ 15॥ તસ્માન્માં

વન્દે દેવમુમાપતિં સુરગુરું વન્દે જગત્કારણં

વન્દે પન્નગભૂષણં મૃગધરં વન્દે પશૂનાં પતિમ્ ।

વન્દે સૂર્યશશાઙ્કવહ્નિનયનં વન્દે મુકુન્દપ્રિયં

વન્દે ભક્તજનાશ્રયં ચ વરદં વન્દે શિવં શઙ્કરમ્

શ્લોક 17

ગાત્રં ભસ્મસિતં સિતં ચ હસિતં હસ્તે કપાલં સિતં વર્ સ્મિતં ચ

ખટ્વાઙ્ગં ચ સિતં સિતશ્ચ વૃષભઃ કર્ણે સિતે કુણ્ડલે ।

ગઙ્ગા ફેનસિતા જટા પશુપતેશ્ચન્દ્રઃ સિતો મૂર્ધનિ

સોઽયં સર્વસિતો દદાતુ વિભવં પાપક્ષયં સર્વદા

॥16॥

શ્લોક 18

કરચરણકૃતં વાક્કાયજં કર્મજં વા

શ્રવણનયનજં વા માનસં વાઽપરાધમ્ ।

વિહિતમવિહિતં વા સર્વમેતત્ક્ષ્મસ્વ

શિવ શિવ કરુણાબ્ધે શ્રીમહાદેવ શમ્ભો

॥ 17॥

શ્લોક 19

॥ ઇતિ શ્રીમદ્ શઙ્કરાચાર્યકૃત શિવાપરાધક્ષમાપણસ્તોત્રં સમ્પૂર્ણમ્ ॥