Sarasvati Kavacham

සරස්වතී කවචම්

(බ්රහ්මවෛවර්ත මහාපුරාණාන්තර්ගතං)

භෘගුරුවාච .

බ්රහ්මන්බ්රහ්මවිදාංශ්රේෂ්ඨ බ්රහ්මජ්ඤානවිශාරද .

සර්වජ්ඤ සර්වජනක සර්වපූජකපූජිත .. 60

සරස්වත්යාශ්ච කවචං බ්රූහි විශ්වජයං ප්රභෝ .

අයාතයාමමන්ත්රාණාං සමූහෝ යත්ර සංයුතඃ .. 61 ..

බ්රහ්මෝවාච .

ශෘණු වත්ස ප්රවක්ෂ්යාමි කවචං සර්වකාමදම් .

ශ්රුතිසාරං ශ්රුතිසුඛං ශ්රුත්යුක්තං ශ්රුතිපූජිතම් .. 62 ..

උක්තං කෘෂ්ණේන ගෝලෝකේ මහ්යං වෘන්දාවනේ වනේ .

රාසේශ්වරේණ විභුනා රාසේ වෛ රාසමණ්ඩලේ .. 63 ..

අතීව ගෝපනීයඤ්ච කල්පවෘක්ෂසමං පරම් .

අශ්රුතාද්භුතමන්ත්රාණාං සමූහෛශ්ච සමන්විතම් .. 64 ..

යද්ධෘත්වා පඨනාද්බ්රහ්මන්බුද්ධිමාංශ්ච බෘහස්පතිඃ .

යද්ධෘත්වා භගවාඤ්ඡුක්රඃ සර්වදෛත්යේෂු පූජිතඃ .. 65 ..

පඨනාද්ධාරණාද්වාග්මී කවීන්ද්රෝ වාල්මිකී මුනිඃ .

ස්වායම්භුවෝ මනුශ්චෛව යද්ධෘත්වා සර්වපූජිතාඃ .. 66 ..

කණාදෝ ගෞතමඃ කණ්වඃ පාණිනිඃ ශාකටායනඃ .

ග්රන්ථං චකාර යද්ධෘත්වා දක්ෂඃ කාත්යායනඃ ස්වයම් .. 67 ..

ධෘත්වා වේදවිභාගඤ්ච පුරාණාන්යඛිලානි ච .

චකාර ලීලාමාත්රේණ කෘෂ්ණද්වෛපායනඃ ස්වයම් .. 68 ..

ශාතාතපශ්ච සංවර්තෝ වසිෂ්ඨශ්ච පරාශරඃ .

යද්ධෘත්වා පඨනාද්ග්රන්ථං යාජ්ඤවල්ක්යශ්චකාර සඃ .. 69 ..

ඍෂ්යශෘඞ්ගෝ භරද්වාජශ්චාස්තීකෝ දේවලස්තථා .

ජෛගීෂව්යෝ(අ)ථ ජාබාලිර්යද්ධෘත්වා සර්වපූජිතඃ .. 70 ..

කවචස්යාස්ය විප්රේන්ද්ර ඍෂිරේෂ ප්රජාපතිඃ .

ස්වයං බෘහස්පතිශ්ඡන්දෝ දේවෝ රාසේශ්වරඃ ප්රභුඃ .. 71 ..

සර්වතත්ත්වපරිජ්ඤානේ සර්වාර්ථේ(අ)පි ච සාධනේ .

කවිතාසු ච සර්වාසු විනියෝගඃ ප්රකීර්තිතඃ .. 72 ..

( කවචං )

ඕං හ්රීං සරස්වත්යෛ ස්වාහා ශිරෝ මේ පාතු සර්වතඃ .

ශ්රීං වාග්දේවතායෛ ස්වාහා භාලං මේ සර්වදා(අ)වතු .. 73 ..

ඕං හ්රීං සරස්වත්යෛ ස්වාහේති ශ්රෝත්රේ පාතු නිරන්තරම් .

ඕං ශ්රීං හ්රීං භගවත්යෛ සරස්වත්යෛ ස්වාහා නේත්රයුග්මං සදා(අ)වතු .. 74 ..

ඓං හ්රීං වාග්වාදින්යෛ ස්වාහා නාසාං මේ සර්වදා(අ)වතු .

හ්රීං විද්යාධිෂ්ඨාතෘදේව්යෛ ස්වාහා චෝංෂ්ඨ සදා(අ)වතු .. 75 ..

ඕං ශ්රීං හ්රීං බ්රාහ්ම්යෛ ස්වාහේති දන්තපඞ්ක්තිං සදා(අ)වතු .

ඓමිත්යේකාක්ෂරෝ මන්ත්රෝ මම කණ්ඨං සදා(අ)වතු .. 76 ..

ඕං ශ්රීං හ්රීං පාතු මේ ග්රීවාං ස්කන්ධං මේ ශ්රීං සදා(අ)වතු .

ඕං හ්රීං විද්යාධිෂ්ඨාතෘදේව්යෛ ස්වාහා වක්ෂඃ සදා(අ)වතු .. 77 ..

ඕං හ්රීං විද්යාස්වරූපායෛ ස්වාහා මේ පාතු නාභිකාම් .

ඕං හ්රීං ක්ලීං වාණ්යෛ ස්වාහේති මම පෘෂ්ඨං සදා(අ)වතු .. 78 ..

ඕං සර්වවර්ණාත්මිකායෛ පාදයුග්මං සදා(අ)වතු .

ඕං රාගාධිෂ්ඨාතෘදේව්යෛ සර්වාඞ්ගං මේ සදා(අ)වතු .. 79 ..

ඕං සර්වකණ්ඨවාසින්යෛ ස්වාහා ප්රච්යාං සදා(අ)වතු .

ඕං හ්රීං ජිහ්වාග්රවාසින්යෛ ස්වාහා(අ)ග්නිදිශි රක්ෂතු .. 80 ..

ඕං ඓං හ්රීං ශ්රීං සරස්වත්යෛ බුධජනන්යෛ ස්වාහා .

සතතං මන්ත්රරාජෝ(අ)යං දක්ෂිණේ මාං සදා(අ)වතු .. 81 ..

ඕං හ්රීං ශ්රීං ත්ර්යක්ෂරෝ මන්ත්රෝ නෛරෘත්යාං මේ සදා(අ)වතු .

කවිජිහ්වාග්රවාසින්යෛ ස්වාහා මාං වාරුණේ(අ)වතු .. 82 ..

ඕං සදම්බිකායෛ ස්වාහා වායව්යේ මාං සදා(අ)වතු .

ඕං ගද්යපද්යවාසින්යෛ ස්වාහා මාමුත්තරේ(අ)වතු .. 83 ..

ඕං සර්වශාස්ත්රවාසින්යෛ ස්වාහෛශාන්යාං සදා(අ)වතු .

ඕං හ්රීං සර්වපූජිතායෛ ස්වාහා චෝර්ධ්වං සදා(අ)වතු .. 84 ..

ඓං හ්රීං පුස්තකවාසින්යෛ ස්වාහා(අ)ධෝ මාං සදාවතු .

ඕං ග්රන්ථබීජරූපායෛ ස්වාහා මාං සර්වතෝ(අ)වතු .. 85 ..

ඉති තේ කථිතං විප්ර සර්වමන්ත්රෞඝවිග්රහම් .

ඉදං විශ්වජයං නාම කවචං බ්රහ්මාරූපකම් .. 86 ..

පුරා ශ්රුතං ධර්මවක්ත්රාත්පර්වතේ ගන්ධමාදනේ .

තව ස්නේහාන්මයා(අ)(අ)ඛ්යාතං ප්රවක්තව්යං න කස්යචිත් .. 87 ..

ගුරුමභ්යර්ච්ය විධිවද්වස්ත්රාලඞ්කාරචන්දනෛඃ .

ප්රණම්ය දණ්ඩවද්භූමෞ කවචං ධාරයේත්සුධීඃ .. 88 ..

පඤ්චලක්ෂජපේනෛව සිද්ධං තු කවචං භවේත් .

යදි ස්යාත්සිද්ධකවචෝ බෘහස්පති සමෝ භවේත් .. 89 ..

මහාවාග්මී කවීන්ද්රශ්ච ත්රෛලෝක්යවිජයී භවේත් .

ශක්නෝති සර්වං ජේතුං ස කවචස්ය ප්රභාවතඃ .. 90 ..

ඉදං තේ කාණ්වශාඛෝක්තං කථිතං කවචං මුනේ .

ස්තෝත්රං පූජාවිධානං ච ධ්යානං වෛ වන්දනං තථා .. 91 ..

ඉති ශ්රී බ්රහ්මවෛවර්තේ මහාපුරාණේ ප්රකෘතිඛණ්ඩේ නාරදනාරායණසංවාදේ සරස්වතීකවචං නාම චතුර්ථෝ(අ)ධ්යායඃ .