Sarasvati Kavacham

ସରସ୍ଵତୀ କଵଚମ୍

ଶ୍ଲୋକ 1

(ବ୍ରହ୍ମଵୈଵର୍ତ ମହାପୁରାଣାନ୍ତର୍ଗତଂ)

ଭୃଗୁରୁଵାଚ ।

ବ୍ରହ୍ମନ୍ବ୍ରହ୍ମଵିଦାଂଶ୍ରେଷ୍ଠ ବ୍ରହ୍ମଜ୍ଞାନଵିଶାରଦ ।

ସର୍ଵଜ୍ଞ ସର୍ଵଜନକ ସର୍ଵପୂଜକପୂଜିତ ॥ 60

ସରସ୍ଵତ୍ଯାଶ୍ଚ କଵଚଂ ବ୍ରୂହି ଵିଶ୍ଵଜଯଂ ପ୍ରଭୋ ।

ଅଯାତଯାମମନ୍ତ୍ରାଣାଂ ସମୂହୋ ଯତ୍ର ସଂଯୁତଃ

ଶ୍ଲୋକ 2

ବ୍ରହ୍ମୋଵାଚ ।

ଶୃଣୁ ଵତ୍ସ ପ୍ରଵକ୍ଷ୍ଯାମି କଵଚଂ ସର୍ଵକାମଦମ୍ ।

ଶ୍ରୁତିସାରଂ ଶ୍ରୁତିସୁଖଂ ଶ୍ରୁତ୍ଯୁକ୍ତଂ ଶ୍ରୁତିପୂଜିତମ୍

॥ 61 ॥

ଶ୍ଲୋକ 3

ଉକ୍ତଂ କୃଷ୍ଣେନ ଗୋଲୋକେ ମହ୍ଯଂ ଵୃନ୍ଦାଵନେ ଵନେ ।

ରାସେଶ୍ଵରେଣ ଵିଭୁନା ରାସେ ଵୈ ରାସମଣ୍ଡଲେ

॥ 62 ॥

ଶ୍ଲୋକ 4

ଅତୀଵ ଗୋପନୀଯଞ୍ଚ କଲ୍ପଵୃକ୍ଷସମଂ ପରମ୍ ।

ଅଶ୍ରୁତାଦ୍ଭୁତମନ୍ତ୍ରାଣାଂ ସମୂହୈଶ୍ଚ ସମନ୍ଵିତମ୍

॥ 63 ॥

ଶ୍ଲୋକ 5

ଯଦ୍ଧୃତ୍ଵା ପଠନାଦ୍ବ୍ରହ୍ମନ୍ବୁଦ୍ଧିମାଂଶ୍ଚ ବୃହସ୍ପତିଃ ।

ଯଦ୍ଧୃତ୍ଵା ଭଗଵାଞ୍ଛୁକ୍ରଃ ସର୍ଵଦୈତ୍ଯେଷୁ ପୂଜିତଃ

॥ 64 ॥

ଶ୍ଲୋକ 6

ପଠନାଦ୍ଧାରଣାଦ୍ଵାଗ୍ମୀ କଵୀନ୍ଦ୍ରୋ ଵାଲ୍ମିକୀ ମୁନିଃ ।

ସ୍ଵାଯମ୍ଭୁଵୋ ମନୁଶ୍ଚୈଵ ଯଦ୍ଧୃତ୍ଵା ସର୍ଵପୂଜିତାଃ

॥ 65 ॥

ଶ୍ଲୋକ 7

କଣାଦୋ ଗୌତମଃ କଣ୍ଵଃ ପାଣିନିଃ ଶାକଟାଯନଃ ।

ଗ୍ରନ୍ଥଂ ଚକାର ଯଦ୍ଧୃତ୍ଵା ଦକ୍ଷଃ କାତ୍ଯାଯନଃ ସ୍ଵଯମ୍

॥ 66 ॥

ଶ୍ଲୋକ 8

ଧୃତ୍ଵା ଵେଦଵିଭାଗଞ୍ଚ ପୁରାଣାନ୍ଯଖିଲାନି ଚ ।

ଚକାର ଲୀଲାମାତ୍ରେଣ କୃଷ୍ଣଦ୍ଵୈପାଯନଃ ସ୍ଵଯମ୍

॥ 67 ॥

ଶ୍ଲୋକ 9

ଶାତାତପଶ୍ଚ ସଂଵର୍ତୋ ଵସିଷ୍ଠଶ୍ଚ ପରାଶରଃ ।

ଯଦ୍ଧୃତ୍ଵା ପଠନାଦ୍ଗ୍ରନ୍ଥଂ ଯାଜ୍ଞଵଲ୍କ୍ଯଶ୍ଚକାର ସଃ

॥ 68 ॥

ଶ୍ଲୋକ 10

ଋଷ୍ଯଶୃଙ୍ଗୋ ଭରଦ୍ଵାଜଶ୍ଚାସ୍ତୀକୋ ଦେଵଲସ୍ତଥା ।

ଜୈଗୀଷଵ୍ଯୋଽଥ ଜାବାଲିର୍ଯଦ୍ଧୃତ୍ଵା ସର୍ଵପୂଜିତଃ

॥ 69 ॥

ଶ୍ଲୋକ 11

କଵଚସ୍ଯାସ୍ଯ ଵିପ୍ରେନ୍ଦ୍ର ଋଷିରେଷ ପ୍ରଜାପତିଃ ।

ସ୍ଵଯଂ ବୃହସ୍ପତିଶ୍ଛନ୍ଦୋ ଦେଵୋ ରାସେଶ୍ଵରଃ ପ୍ରଭୁଃ

॥ 70 ॥

ଶ୍ଲୋକ 12

ସର୍ଵତତ୍ତ୍ଵପରିଜ୍ଞାନେ ସର୍ଵାର୍ଥେଽପି ଚ ସାଧନେ ।

କଵିତାସୁ ଚ ସର୍ଵାସୁ ଵିନିଯୋଗଃ ପ୍ରକୀର୍ତିତଃ

॥ 71 ॥

ଶ୍ଲୋକ 13

( କଵଚଂ )

ଓଁ ହ୍ରୀଂ ସରସ୍ଵତ୍ଯୈ ସ୍ଵାହା ଶିରୋ ମେ ପାତୁ ସର୍ଵତଃ ।

ଶ୍ରୀଂ ଵାଗ୍ଦେଵତାଯୈ ସ୍ଵାହା ଭାଲଂ ମେ ସର୍ଵଦାଽଵତୁ

॥ 72 ॥

ଶ୍ଲୋକ 14

ଓଁ ହ୍ରୀଂ ସରସ୍ଵତ୍ଯୈ ସ୍ଵାହେତି ଶ୍ରୋତ୍ରେ ପାତୁ ନିରନ୍ତରମ୍ ।

ଓଁ ଶ୍ରୀଂ ହ୍ରୀଂ ଭଗଵତ୍ଯୈ ସରସ୍ଵତ୍ଯୈ ସ୍ଵାହା ନେତ୍ରଯୁଗ୍ମଂ ସଦାଽଵତୁ

॥ 73 ॥

ଶ୍ଲୋକ 15

ଐଂ ହ୍ରୀଂ ଵାଗ୍ଵାଦିନ୍ଯୈ ସ୍ଵାହା ନାସାଂ ମେ ସର୍ଵଦାଽଵତୁ ।

ହ୍ରୀଂ ଵିଦ୍ଯାଧିଷ୍ଠାତୃଦେଵ୍ଯୈ ସ୍ଵାହା ଚୋଂଷ୍ଠ ସଦାଽଵତୁ

॥ 74 ॥

ଶ୍ଲୋକ 16

ଓଁ ଶ୍ରୀଂ ହ୍ରୀଂ ବ୍ରାହ୍ମ୍ଯୈ ସ୍ଵାହେତି ଦନ୍ତପଙ୍କ୍ତିଂ ସଦାଽଵତୁ ।

ଐମିତ୍ଯେକାକ୍ଷରୋ ମନ୍ତ୍ରୋ ମମ କଣ୍ଠଂ ସଦାଽଵତୁ

॥ 75 ॥

ଶ୍ଲୋକ 17

ଓଁ ଶ୍ରୀଂ ହ୍ରୀଂ ପାତୁ ମେ ଗ୍ରୀଵାଂ ସ୍କନ୍ଧଂ ମେ ଶ୍ରୀଂ ସଦାଽଵତୁ ।

ଓଁ ହ୍ରୀଂ ଵିଦ୍ଯାଧିଷ୍ଠାତୃଦେଵ୍ଯୈ ସ୍ଵାହା ଵକ୍ଷଃ ସଦାଽଵତୁ

॥ 76 ॥

ଶ୍ଲୋକ 18

ଓଁ ହ୍ରୀଂ ଵିଦ୍ଯାସ୍ଵରୂପାଯୈ ସ୍ଵାହା ମେ ପାତୁ ନାଭିକାମ୍ ।

ଓଁ ହ୍ରୀଂ କ୍ଲୀଂ ଵାଣ୍ଯୈ ସ୍ଵାହେତି ମମ ପୃଷ୍ଠଂ ସଦାଽଵତୁ

॥ 77 ॥

ଶ୍ଲୋକ 19

ଓଁ ସର୍ଵଵର୍ଣାତ୍ମିକାଯୈ ପାଦଯୁଗ୍ମଂ ସଦାଽଵତୁ ।

ଓଁ ରାଗାଧିଷ୍ଠାତୃଦେଵ୍ଯୈ ସର୍ଵାଙ୍ଗଂ ମେ ସଦାଽଵତୁ

॥ 78 ॥

ଶ୍ଲୋକ 20

ଓଁ ସର୍ଵକଣ୍ଠଵାସିନ୍ଯୈ ସ୍ଵାହା ପ୍ରଚ୍ଯାଂ ସଦାଽଵତୁ ।

ଓଁ ହ୍ରୀଂ ଜିହ୍ଵାଗ୍ରଵାସିନ୍ଯୈ ସ୍ଵାହାଽଗ୍ନିଦିଶି ରକ୍ଷତୁ

॥ 79 ॥

ଶ୍ଲୋକ 21

ଓଁ ଐଂ ହ୍ରୀଂ ଶ୍ରୀଂ ସରସ୍ଵତ୍ଯୈ ବୁଧଜନନ୍ଯୈ ସ୍ଵାହା ।

ସତତଂ ମନ୍ତ୍ରରାଜୋଽଯଂ ଦକ୍ଷିଣେ ମାଂ ସଦାଽଵତୁ

॥ 80 ॥

ଶ୍ଲୋକ 22

ଓଁ ହ୍ରୀଂ ଶ୍ରୀଂ ତ୍ର୍ଯକ୍ଷରୋ ମନ୍ତ୍ରୋ ନୈରୃତ୍ଯାଂ ମେ ସଦାଽଵତୁ ।

କଵିଜିହ୍ଵାଗ୍ରଵାସିନ୍ଯୈ ସ୍ଵାହା ମାଂ ଵାରୁଣେଽଵତୁ

॥ 81 ॥

ଶ୍ଲୋକ 23

ଓଁ ସଦମ୍ବିକାଯୈ ସ୍ଵାହା ଵାଯଵ୍ଯେ ମାଂ ସଦାଽଵତୁ ।

ଓଁ ଗଦ୍ଯପଦ୍ଯଵାସିନ୍ଯୈ ସ୍ଵାହା ମାମୁତ୍ତରେଽଵତୁ

॥ 82 ॥

ଶ୍ଲୋକ 24

ଓଁ ସର୍ଵଶାସ୍ତ୍ରଵାସିନ୍ଯୈ ସ୍ଵାହୈଶାନ୍ଯାଂ ସଦାଽଵତୁ ।

ଓଁ ହ୍ରୀଂ ସର୍ଵପୂଜିତାଯୈ ସ୍ଵାହା ଚୋର୍ଧ୍ଵଂ ସଦାଽଵତୁ

॥ 83 ॥

ଶ୍ଲୋକ 25

ଐଂ ହ୍ରୀଂ ପୁସ୍ତକଵାସିନ୍ଯୈ ସ୍ଵାହାଽଧୋ ମାଂ ସଦାଵତୁ ।

ଓଁ ଗ୍ରନ୍ଥବୀଜରୂପାଯୈ ସ୍ଵାହା ମାଂ ସର୍ଵତୋଽଵତୁ

॥ 84 ॥

ଶ୍ଲୋକ 26

ଇତି ତେ କଥିତଂ ଵିପ୍ର ସର୍ଵମନ୍ତ୍ରୌଘଵିଗ୍ରହମ୍ ।

ଇଦଂ ଵିଶ୍ଵଜଯଂ ନାମ କଵଚଂ ବ୍ରହ୍ମାରୂପକମ୍

॥ 85 ॥

ଶ୍ଲୋକ 27

ପୁରା ଶ୍ରୁତଂ ଧର୍ମଵକ୍ତ୍ରାତ୍ପର୍ଵତେ ଗନ୍ଧମାଦନେ ।

ତଵ ସ୍ନେହାନ୍ମଯାଽଽଖ୍ଯାତଂ ପ୍ରଵକ୍ତଵ୍ଯଂ ନ କସ୍ଯଚିତ୍

॥ 86 ॥

ଶ୍ଲୋକ 28

ଗୁରୁମଭ୍ଯର୍ଚ୍ଯ ଵିଧିଵଦ୍ଵସ୍ତ୍ରାଲଙ୍କାରଚନ୍ଦନୈଃ ।

ପ୍ରଣମ୍ଯ ଦଣ୍ଡଵଦ୍ଭୂମୌ କଵଚଂ ଧାରଯେତ୍ସୁଧୀଃ

॥ 87 ॥

ଶ୍ଲୋକ 29

ପଞ୍ଚଲକ୍ଷଜପେନୈଵ ସିଦ୍ଧଂ ତୁ କଵଚଂ ଭଵେତ୍ ।

ଯଦି ସ୍ଯାତ୍ସିଦ୍ଧକଵଚୋ ବୃହସ୍ପତି ସମୋ ଭଵେତ୍

॥ 88 ॥

ଶ୍ଲୋକ 30

ମହାଵାଗ୍ମୀ କଵୀନ୍ଦ୍ରଶ୍ଚ ତ୍ରୈଲୋକ୍ଯଵିଜଯୀ ଭଵେତ୍ ।

ଶକ୍ନୋତି ସର୍ଵଂ ଜେତୁଂ ସ କଵଚସ୍ଯ ପ୍ରଭାଵତଃ

॥ 89 ॥

ଶ୍ଲୋକ 31

ଇଦଂ ତେ କାଣ୍ଵଶାଖୋକ୍ତଂ କଥିତଂ କଵଚଂ ମୁନେ ।

ସ୍ତୋତ୍ରଂ ପୂଜାଵିଧାନଂ ଚ ଧ୍ଯାନଂ ଵୈ ଵନ୍ଦନଂ ତଥା

॥ 90 ॥

ଶ୍ଲୋକ 32

ଇତି ଶ୍ରୀ ବ୍ରହ୍ମଵୈଵର୍ତେ ମହାପୁରାଣେ ପ୍ରକୃତିଖଣ୍ଡେ ନାରଦନାରାଯଣସଂଵାଦେ ସରସ୍ଵତୀକଵଚଂ ନାମ ଚତୁର୍ଥୋଽଧ୍ଯାଯଃ ।