Sarasvati Kavacham
Sarasvati Kavacham
সরস্বতী কবচম্
শ্লোক 1
(ব্রহ্মবৈবর্ত মহাপুরাণান্তর্গতং)
ভৃগুরুবাচ ।
ব্রহ্মন্ব্রহ্মবিদাংশ্রেষ্ঠ ব্রহ্মজ্ঞানবিশারদ ।
সর্বজ্ঞ সর্বজনক সর্বপূজকপূজিত ॥ 60
সরস্বত্যাশ্চ কবচং ব্রূহি বিশ্বজযং প্রভো ।
অযাতযামমন্ত্রাণাং সমূহো যত্র সংযুতঃ
শ্লোক 2
ব্রহ্মোবাচ ।
শৃণু বত্স প্রবক্ষ্যামি কবচং সর্বকামদম্ ।
শ্রুতিসারং শ্রুতিসুখং শ্রুত্যুক্তং শ্রুতিপূজিতম্
॥ 61 ॥
শ্লোক 3
উক্তং কৃষ্ণেন গোলোকে মহ্যং বৃন্দাবনে বনে ।
রাসেশ্বরেণ বিভুনা রাসে বৈ রাসমণ্ডলে
॥ 62 ॥
শ্লোক 4
অতীব গোপনীযঞ্চ কল্পবৃক্ষসমং পরম্ ।
অশ্রুতাদ্ভুতমন্ত্রাণাং সমূহৈশ্চ সমন্বিতম্
॥ 63 ॥
শ্লোক 5
যদ্ধৃত্বা পঠনাদ্ব্রহ্মন্বুদ্ধিমাংশ্চ বৃহস্পতিঃ ।
যদ্ধৃত্বা ভগবাঞ্ছুক্রঃ সর্বদৈত্যেষু পূজিতঃ
॥ 64 ॥
শ্লোক 6
পঠনাদ্ধারণাদ্বাগ্মী কবীন্দ্রো বাল্মিকী মুনিঃ ।
স্বাযম্ভুবো মনুশ্চৈব যদ্ধৃত্বা সর্বপূজিতাঃ
॥ 65 ॥
শ্লোক 7
কণাদো গৌতমঃ কণ্বঃ পাণিনিঃ শাকটাযনঃ ।
গ্রন্থং চকার যদ্ধৃত্বা দক্ষঃ কাত্যাযনঃ স্বযম্
॥ 66 ॥
শ্লোক 8
ধৃত্বা বেদবিভাগঞ্চ পুরাণান্যখিলানি চ ।
চকার লীলামাত্রেণ কৃষ্ণদ্বৈপাযনঃ স্বযম্
॥ 67 ॥
শ্লোক 9
শাতাতপশ্চ সংবর্তো বসিষ্ঠশ্চ পরাশরঃ ।
যদ্ধৃত্বা পঠনাদ্গ্রন্থং যাজ্ঞবল্ক্যশ্চকার সঃ
॥ 68 ॥
শ্লোক 10
ঋষ্যশৃঙ্গো ভরদ্বাজশ্চাস্তীকো দেবলস্তথা ।
জৈগীষব্যোঽথ জাবালির্যদ্ধৃত্বা সর্বপূজিতঃ
॥ 69 ॥
শ্লোক 11
কবচস্যাস্য বিপ্রেন্দ্র ঋষিরেষ প্রজাপতিঃ ।
স্বযং বৃহস্পতিশ্ছন্দো দেবো রাসেশ্বরঃ প্রভুঃ
॥ 70 ॥
শ্লোক 12
সর্বতত্ত্বপরিজ্ঞানে সর্বার্থেঽপি চ সাধনে ।
কবিতাসু চ সর্বাসু বিনিযোগঃ প্রকীর্তিতঃ
॥ 71 ॥
শ্লোক 13
( কবচং )
ওঁ হ্রীং সরস্বত্যৈ স্বাহা শিরো মে পাতু সর্বতঃ ।
শ্রীং বাগ্দেবতাযৈ স্বাহা ভালং মে সর্বদাঽবতু
॥ 72 ॥
শ্লোক 14
ওঁ হ্রীং সরস্বত্যৈ স্বাহেতি শ্রোত্রে পাতু নিরন্তরম্ ।
ওঁ শ্রীং হ্রীং ভগবত্যৈ সরস্বত্যৈ স্বাহা নেত্রযুগ্মং সদাঽবতু
॥ 73 ॥
শ্লোক 15
ঐং হ্রীং বাগ্বাদিন্যৈ স্বাহা নাসাং মে সর্বদাঽবতু ।
হ্রীং বিদ্যাধিষ্ঠাতৃদেব্যৈ স্বাহা চোংষ্ঠ সদাঽবতু
॥ 74 ॥
শ্লোক 16
ওঁ শ্রীং হ্রীং ব্রাহ্ম্যৈ স্বাহেতি দন্তপঙ্ক্তিং সদাঽবতু ।
ঐমিত্যেকাক্ষরো মন্ত্রো মম কণ্ঠং সদাঽবতু
॥ 75 ॥
শ্লোক 17
ওঁ শ্রীং হ্রীং পাতু মে গ্রীবাং স্কন্ধং মে শ্রীং সদাঽবতু ।
ওঁ হ্রীং বিদ্যাধিষ্ঠাতৃদেব্যৈ স্বাহা বক্ষঃ সদাঽবতু
॥ 76 ॥
শ্লোক 18
ওঁ হ্রীং বিদ্যাস্বরূপাযৈ স্বাহা মে পাতু নাভিকাম্ ।
ওঁ হ্রীং ক্লীং বাণ্যৈ স্বাহেতি মম পৃষ্ঠং সদাঽবতু
॥ 77 ॥
শ্লোক 19
ওঁ সর্ববর্ণাত্মিকাযৈ পাদযুগ্মং সদাঽবতু ।
ওঁ রাগাধিষ্ঠাতৃদেব্যৈ সর্বাঙ্গং মে সদাঽবতু
॥ 78 ॥
শ্লোক 20
ওঁ সর্বকণ্ঠবাসিন্যৈ স্বাহা প্রচ্যাং সদাঽবতু ।
ওঁ হ্রীং জিহ্বাগ্রবাসিন্যৈ স্বাহাঽগ্নিদিশি রক্ষতু
॥ 79 ॥
শ্লোক 21
ওঁ ঐং হ্রীং শ্রীং সরস্বত্যৈ বুধজনন্যৈ স্বাহা ।
সততং মন্ত্ররাজোঽযং দক্ষিণে মাং সদাঽবতু
॥ 80 ॥
শ্লোক 22
ওঁ হ্রীং শ্রীং ত্র্যক্ষরো মন্ত্রো নৈরৃত্যাং মে সদাঽবতু ।
কবিজিহ্বাগ্রবাসিন্যৈ স্বাহা মাং বারুণেঽবতু
॥ 81 ॥
শ্লোক 23
ওঁ সদম্বিকাযৈ স্বাহা বাযব্যে মাং সদাঽবতু ।
ওঁ গদ্যপদ্যবাসিন্যৈ স্বাহা মামুত্তরেঽবতু
॥ 82 ॥
শ্লোক 24
ওঁ সর্বশাস্ত্রবাসিন্যৈ স্বাহৈশান্যাং সদাঽবতু ।
ওঁ হ্রীং সর্বপূজিতাযৈ স্বাহা চোর্ধ্বং সদাঽবতু
॥ 83 ॥
শ্লোক 25
ঐং হ্রীং পুস্তকবাসিন্যৈ স্বাহাঽধো মাং সদাবতু ।
ওঁ গ্রন্থবীজরূপাযৈ স্বাহা মাং সর্বতোঽবতু
॥ 84 ॥
শ্লোক 26
ইতি তে কথিতং বিপ্র সর্বমন্ত্রৌঘবিগ্রহম্ ।
ইদং বিশ্বজযং নাম কবচং ব্রহ্মারূপকম্
॥ 85 ॥
শ্লোক 27
পুরা শ্রুতং ধর্মবক্ত্রাত্পর্বতে গন্ধমাদনে ।
তব স্নেহান্মযাঽঽখ্যাতং প্রবক্তব্যং ন কস্যচিত্
॥ 86 ॥
শ্লোক 28
গুরুমভ্যর্চ্য বিধিবদ্বস্ত্রালঙ্কারচন্দনৈঃ ।
প্রণম্য দণ্ডবদ্ভূমৌ কবচং ধারযেত্সুধীঃ
॥ 87 ॥
শ্লোক 29
পঞ্চলক্ষজপেনৈব সিদ্ধং তু কবচং ভবেত্ ।
যদি স্যাত্সিদ্ধকবচো বৃহস্পতি সমো ভবেত্
॥ 88 ॥
শ্লোক 30
মহাবাগ্মী কবীন্দ্রশ্চ ত্রৈলোক্যবিজযী ভবেত্ ।
শক্নোতি সর্বং জেতুং স কবচস্য প্রভাবতঃ
॥ 89 ॥
শ্লোক 31
ইদং তে কাণ্বশাখোক্তং কথিতং কবচং মুনে ।
স্তোত্রং পূজাবিধানং চ ধ্যানং বৈ বন্দনং তথা
॥ 90 ॥
শ্লোক 32
ইতি শ্রী ব্রহ্মবৈবর্তে মহাপুরাণে প্রকৃতিখণ্ডে নারদনারাযণসংবাদে সরস্বতীকবচং নাম চতুর্থোঽধ্যাযঃ ।
Related Scriptures
सरस्वती सहस्र नामावलि
1000 verses
1000 Names of Goddess Saraswati
1000 verses
108 Names of Goddess Saraswati
108 verses
सरस्वती अष्टोत्तर शत नामावलि
108 verses
Jai Shri Sakal Buddhi Balrasi
0 verses
सरस्वती द्वादश नाम स्तोत्रम्
5 verses