Sankata Nashana Ganesha Stotram

saGkaTa nAzana gaNeza stotram

zloka 1

nArada uvAca |

praNamya zirasA devaM gaurIputraM vinAyakam |

bhaktAvAsaM smarennityamAyuSkAmArthasiddhaye || 1 ||

prathamaM vakratuNDaM ca, ekadantaM dvitIyakam |

tRtIyaM kRSNapiGgAkSaM, gajavaktraM caturthakam || 2 ||

lambodaraM paJcamaM ca, SaSThaM vikaTameva ca |

saptamaM vighnarAjaM ca, dhUmravarNaM tathASTamam || 3 ||

navamaM bhAlacandraM ca, dazamaM tu vinAyakam |

ekAdazaM gaNapatiM, dvAdazaM tu gajAnanam || 4 ||

dvAdazaitAni nAmAni trisandhyaM yaH paThennaraH |

na ca vighnabhayaM tasya sarvasiddhikaraM param || 5 ||

vidyArthI labhate vidyAM dhanArthI labhate dhanam |

putrArthI labhate putrAnmokSArthI labhate gatim || 6 ||

japedgaNapatistotraM SaDbhirmAsaiH phalaM labhet |

saMvatsareNa siddhiM ca labhate nAtra saMzayaH || 7 ||

aSTabhyo brAhmaNebhyazca likhitvA yaH samarpayet |

tasya vidyA bhavetsarvA gaNezasya prasAdataH || 8 ||

iti zrInAradapurANe saGkaSTanAzanaM nAma gaNeza stotram |