Panchamukha Hanuman Kavacham

පඤ්චමුඛ හනුමත්කවචම්

.. පඤ්චමුඛ හනුමත්කවචම් ..

අස්ය ශ්රී පඤ්චමුඛහනුමන්මන්ත්රස්ය බ්රහ්මා ඍෂිඃ ගායත්රීඡන්දඃ පඤ්චමුඛවිරාට් හනුමාන් දේවතා හ්රීං බීජං ශ්රීං ශක්තිඃ ක්රෞං කීලකං ක්රූං කවචං ක්රෛං අස්ත්රාය ඵට් ඉති දිග්බන්ධඃ .

ශ්රී ගරුඩ උවාච .

අථ ධ්යානං ප්රවක්ෂ්යාමි ශෘණු සර්වාඞ්ගසුන්දරි .

යත්කෘතං දේවදේවේන ධ්යානං හනුමතඃ ප්රියම් .. 1 ..

පඤ්චවක්ත්රං මහාභීමං ත්රිපඤ්චනයනෛර්යුතම් .

බාහුභිර්දශභිර්යුක්තං සර්වකාමාර්ථසිද්ධිදම් .. 2 ..

පූර්වං තු වානරං වක්ත්රං කෝටිසූර්යසමප්රභම් .

දංෂ්ට්රාකරාලවදනං භෘකුටීකුටිලේක්ෂණම් .. 3 ..

අස්යෛව දක්ෂිණං වක්ත්රං නාරසිංහං මහාද්භුතම් .

අත්යුග්රතේජෝවපුෂං භීෂණං භයනාශනම් .. 4 ..

පශ්චිමං ගාරුඩං වක්ත්රං වක්රතුණ්ඩං මහාබලම් .

සර්වනාගප්රශමනං විෂභූතාදිකෘන්තනම් .. 5 ..

උත්තරං සෞකරං වක්ත්රං කෘෂ්ණං දීප්තං නභෝපමම් .

පාතාලසිංහවේතාලජ්වරරෝගාදිකෘන්තනම් .. 6 ..

ඌර්ධ්වං හයානනං ඝෝරං දානවාන්තකරං පරම් .

යේන වක්ත්රේණ විප්රේන්ද්ර තාරකාඛ්යං මහාසුරම් .. 7 ..

ජඝාන ශරණං තත්ස්යාත්සර්වශත්රුහරං පරම් .

ධ්යාත්වා පඤ්චමුඛං රුද්රං හනූමන්තං දයානිධිම් .. 8 ..

ඛඩ්ගං ත්රිශූලං ඛට්වාඞ්ගං පාශමඞ්කුශපර්වතම් .

මුෂ්ටිං කෞමෝදකීං වෘක්ෂං ධාරයන්තං කමණ්ඩලුම් .. 9 ..

භින්දිපාලං ජ්ඤානමුද්රාං දශභිර්මුනිපුඞ්ගවම් .

ඒතාන්යායුධජාලානි ධාරයන්තං භජාම්යහම් .. 10 ..

ප්රේතාසනෝපවිෂ්ටං තං සර්වාභරණභූෂිතම් .

දිව්යමාල්යාම්බරධරං දිව්යගන්ධානුලේපනම් .

සර්වාශ්චර්යමයං දේවං හනුමද්විශ්වතෝමුඛම් .. 11 ..

පඤ්චාස්යමච්යුතමනේකවිචිත්රවර්ණ-

-වක්ත්රං ශශාඞ්කශිඛරං කපිරාජවර්යම් .

පීතාම්බරාදිමුකුටෛරුපශෝභිතාඞ්ගං

පිඞ්ගාක්ෂමාද්යමනිශං මනසා ස්මරාමි .. 12 ..

මර්කටේශං මහෝත්සාහං සර්වශත්රුහරං පරම් .

ශත්රුං සංහර මාං රක්ෂ ශ්රීමන්නාපදමුද්ධර .. 13 ..

හරිමර්කට මර්කට මන්ත්රමිදං

පරිලිඛ්යති ලිඛ්යති වාමතලේ .

යදි නශ්යති නශ්යති ශත්රුකුලං

යදි මුඤ්චති මුඤ්චති වාමලතා .. 14 ..

ඕං හරිමර්කටාය ස්වාහා .

ඕං නමෝ භගවතේ පඤ්චවදනාය පූර්වකපිමුඛාය සකලශත්රුසංහාරකාය ස්වාහා .

ඕං නමෝ භගවතේ පඤ්චවදනාය දක්ෂිණමුඛාය කරාලවදනාය නරසිංහාය සකලභූතප්රමථනාය ස්වාහා .

ඕං නමෝ භගවතේ පඤ්චවදනාය පශ්චිමමුඛාය ගරුඩානනාය සකලවිෂහරාය ස්වාහා .

ඕං නමෝ භගවතේ පඤ්චවදනාය උත්තරමුඛාය ආදිවරාහාය සකලසම්පත්කරාය ස්වාහා .

ඕං නමෝ භගවතේ පඤ්චවදනාය ඌර්ධ්වමුඛාය හයග්රීවාය සකලජනවශඞ්කරාය ස්වාහා .

ඕං අස්ය ශ්රී පඤ්චමුඛහනුමන්මන්ත්රස්ය ශ්රීරාමචන්ද්ර ඍෂිඃ අනුෂ්ටුප්ඡන්දඃ පඤ්චමුඛවීරහනුමාන් දේවතා හනුමාන් ඉති බීජං වායුපුත්ර ඉති ශක්තිඃ අඤ්ජනීසුත ඉති කීලකං ශ්රීරාමදූතහනුමත්ප්රසාදසිද්ධ්යර්ථේ ජපේ විනියෝගඃ .

ඉති ඍෂ්යාදිකං වින්යසේත් .

අථ කරන්යාසඃ .

ඕං අඤ්ජනීසුතාය අඞ්ගුෂ්ඨාභ්යාං නමඃ .

ඕං රුද්රමූර්තයේ තර්ජනීභ්යාං නමඃ .

ඕං වායුපුත්රාය මධ්යමාභ්යාං නමඃ .

ඕං අග්නිගර්භාය අනාමිකාභ්යාං නමඃ .

ඕං රාමදූතාය කනිෂ්ඨිකාභ්යාං නමඃ .

ඕං පඤ්චමුඛහනුමතේ කරතලකරපෘෂ්ඨාභ්යාං නමඃ .

අථ අඞ්ගන්යාසඃ .

ඕං අඤ්ජනීසුතාය හෘදයාය නමඃ .

ඕං රුද්රමූර්තයේ ශිරසේ ස්වාහා .

ඕං වායුපුත්රාය ශිඛායෛ වෂට් .

ඕං අග්නිගර්භාය කවචාය හුම් .

ඕං රාමදූතාය නේත්රත්රයාය වෞෂට් .

ඕං පඤ්චමුඛහනුමතේ අස්ත්රාය ඵට් .

පඤ්චමුඛහනුමතේ ස්වාහා ඉති දිග්බන්ධඃ .

අථ ධ්යානම් .

වන්දේ වානරනාරසිංහඛගරාට්ක්රෝඩාශ්වවක්ත්රාන්විතං

දිව්යාලඞ්කරණං ත්රිපඤ්චනයනං දේදීප්යමානං රුචා .

හස්තාබ්ජෛරසිඛේටපුස්තකසුධාකුම්භාඞ්කුශාද්රිං හලං

ඛට්වාඞ්ගං ඵණිභූරුහං දශභුජං සර්වාරිවීරාපහම් .

අථ මන්ත්රඃ .

ඕං ශ්රීරාමදූතාය ආඤ්ජනේයාය වායුපුත්රාය මහාබලපරාක්රමාය සීතාදුඃඛනිවාරණාය ලඞ්කාදහනකාරණාය මහාබලප්රචණ්ඩාය ඵාල්ගුනසඛාය කෝලාහලසකලබ්රහ්මාණ්ඩවිශ්වරූපාය

සප්තසමුද්රනිර්ලඞ්ඝනාය පිඞ්ගලනයනාය අමිතවික්රමාය සූර්යබිම්බඵලසේවනාය දුෂ්ටනිවාරණාය දෘෂ්ටිනිරාලඞ්කෘතාය සඤ්ජීවිනීසඤ්ජීවිතාඞ්ගද-ලක්ෂ්මණමහාකපිසෛන්යප්රාණදාය

දශකණ්ඨවිධ්වංසනාය රාමේෂ්ටාය මහාඵාල්ගුනසඛාය සීතාසහිතරාමවරප්රදාය ෂට්ප්රයෝගාගමපඤ්චමුඛවීරහනුමන්මන්ත්රජපේ විනියෝගඃ .

ඕං හරිමර්කටමර්කටාය බම්බම්බම්බම්බං වෞෂට් ස්වාහා .

ඕං හරිමර්කටමර්කටාය ඵම්ඵම්ඵම්ඵම්ඵං ඵට් ස්වාහා .

ඕං හරිමර්කටමර්කටාය ඛේඞ්ඛේඞ්ඛේඞ්ඛේඞ්ඛේං මාරණාය ස්වාහා .

ඕං හරිමර්කටමර්කටාය ලුංලුංලුංලුංලුං ආකර්ෂිතසකලසම්පත්කරාය ස්වාහා .

ඕං හරිමර්කටමර්කටාය ධන්ධන්ධන්ධන්ධං ශත්රුස්තම්භනාය ස්වාහා .

ඕං ටණ්ටණ්ටණ්ටණ්ටං කූර්මමූර්තයේ පඤ්චමුඛවීරහනුමතේ පරයන්ත්ර පරතන්ත්රෝච්චාටනාය ස්වාහා .

ඕං කඞ්ඛඞ්ගඞ්ඝංඞං චඤ්ඡඤ්ජඤ්ඣංඤං ටණ්ඨණ්ඩණ්ඪංණං තන්ථන්දන්ධන්නං පම්ඵම්බම්භම්මං යංරංලංවං ශංෂංසංහං ලඞ්ක්ෂං ස්වාහා .

ඉති දිග්බන්ධඃ .

ඕං පූර්වකපිමුඛාය පඤ්චමුඛහනුමතේ ටණ්ටණ්ටණ්ටණ්ටං සකලශත්රුසංහරණාය ස්වාහා .

ඕං දක්ෂිණමුඛාය පඤ්චමුඛහනුමතේ කරාලවදනාය නරසිංහාය ඕං හ්රාං හ්රීං හ්රූං හ්රෛං හ්රෞං හ්රඃ සකලභූතප්රේතදමනාය ස්වාහා .

ඕං පශ්චිමමුඛාය ගරුඩානනාය පඤ්චමුඛහනුමතේ මම්මම්මම්මම්මං සකලවිෂහරාය ස්වාහා .

ඕං උත්තරමුඛාය ආදිවරාහාය ලංලංලංලංලං නෘසිංහාය නීලකණ්ඨමූර්තයේ පඤ්චමුඛහනුමතේ ස්වාහා .

ඕං ඌර්ධ්වමුඛාය හයග්රීවාය රුංරුංරුංරුංරුං රුද්රමූර්තයේ සකලප්රයෝජනනිර්වාහකාය ස්වාහා .

ඕං අඤ්ජනීසුතාය වායුපුත්රාය මහාබලාය සීතාශෝකනිවාරණාය ශ්රීරාමචන්ද්රකෘපාපාදුකාය මහාවීර්යප්රමථනාය බ්රහ්මාණ්ඩනාථාය කාමදාය පඤ්චමුඛවීරහනුමතේ ස්වාහා .

භූතප්රේතපිශාචබ්රහ්මරාක්ෂස ශාකිනීඩාකින්යන්තරික්ෂග්රහ පරයන්ත්ර පරතන්ත්රෝච්චටනාය ස්වාහා .

සකලප්රයෝජනනිර්වාහකාය පඤ්චමුඛවීරහනුමතේ ශ්රීරාමචන්ද්රවරප්රසාදාය ජඤ්ජඤ්ජඤ්ජඤ්ජං ස්වාහා .

ඉදං කවචං පඨිත්වා තු මහාකවචං පඨේන්නරඃ .

ඒකවාරං ජපේත් ස්තෝත්රං සර්වශත්රුනිවාරණම් .. 15 ..

ද්විවාරං තු පඨේන්නිත්යං පුත්රපෞත්රප්රවර්ධනම් .

ත්රිවාරං ච පඨේන්නිත්යං සර්වසම්පත්කරං ශුභම් .. 16 ..

චතුර්වාරං පඨේන්නිත්යං සර්වරෝගනිවාරණම් .

පඤ්චවාරං පඨේන්නිත්යං සර්වලෝකවශඞ්කරම් .. 17 ..

ෂඩ්වාරං ච පඨේන්නිත්යං සර්වදේවවශඞ්කරම් .

සප්තවාරං පඨේන්නිත්යං සර්වසෞභාග්යදායකම් .. 18 ..

අෂ්ටවාරං පඨේන්නිත්යමිෂ්ටකාමාර්ථසිද්ධිදම් .

නවවාරං පඨේන්නිත්යං රාජභෝගමවාප්නුයාත් .. 19 ..

දශවාරං පඨේන්නිත්යං ත්රෛලෝක්යජ්ඤානදර්ශනම් .

රුද්රාවෘත්තිං පඨේන්නිත්යං සර්වසිද්ධිර්භවේද්ධෘවම් .. 20 ..

නිර්බලෝ රෝගයුක්තශ්ච මහාව්යාධ්යාදිපීඩිතඃ .

කවචස්මරණේනෛව මහාබලමවාප්නුයාත් .. 21 ..

ඉති සුදර්ශනසංහිතායාං ශ්රීරාමචන්ද්රසීතාප්රෝක්තං ශ්රී පඤ්චමුඛහනුමත්කවචම් .