Panchamukha Hanuman Kavacham

paJcamukha hanumatkavacam

zloka 1

|| paJcamukha hanumatkavacam ||

asya zrI paJcamukhahanumanmantrasya brahmA RSiH gAyatrIchandaH paJcamukhavirAT hanumAn devatA hrIM bIjaM zrIM zaktiH krauM kIlakaM krUM kavacaM kraiM astrAya phaT iti digbandhaH |

zrI garuDa uvAca |

atha dhyAnaM pravakSyAmi zRNu sarvAGgasundari |

yatkRtaM devadevena dhyAnaM hanumataH priyam || 1 ||

paJcavaktraM mahAbhImaM tripaJcanayanairyutam |

bAhubhirdazabhiryuktaM sarvakAmArthasiddhidam || 2 ||

pUrvaM tu vAnaraM vaktraM koTisUryasamaprabham |

daMSTrAkarAlavadanaM bhRkuTIkuTilekSaNam || 3 ||

asyaiva dakSiNaM vaktraM nArasiMhaM mahAdbhutam |

atyugratejovapuSaM bhISaNaM bhayanAzanam || 4 ||

pazcimaM gAruDaM vaktraM vakratuNDaM mahAbalam |

sarvanAgaprazamanaM viSabhUtAdikRntanam || 5 ||

uttaraM saukaraM vaktraM kRSNaM dIptaM nabhopamam |

pAtAlasiMhavetAlajvararogAdikRntanam || 6 ||

UrdhvaM hayAnanaM ghoraM dAnavAntakaraM param |

yena vaktreNa viprendra tArakAkhyaM mahAsuram || 7 ||

jaghAna zaraNaM tatsyAtsarvazatruharaM param |

dhyAtvA paJcamukhaM rudraM hanUmantaM dayAnidhim || 8 ||

khaDgaM trizUlaM khaTvAGgaM pAzamaGkuzaparvatam |

muSTiM kaumodakIM vRkSaM dhArayantaM kamaNDalum || 9 ||

bhindipAlaM jJAnamudrAM dazabhirmunipuGgavam |

etAnyAyudhajAlAni dhArayantaM bhajAmyaham || 10 ||

pretAsanopaviSTaM taM sarvAbharaNabhUSitam |

divyamAlyAmbaradharaM divyagandhAnulepanam |

sarvAzcaryamayaM devaM hanumadvizvatomukham || 11 ||

paJcAsyamacyutamanekavicitravarNa-

-vaktraM zazAGkazikharaM kapirAjavaryam |

pItAmbarAdimukuTairupazobhitAGgaM

piGgAkSamAdyamanizaM manasA smarAmi || 12 ||

markaTezaM mahotsAhaM sarvazatruharaM param |

zatruM saMhara mAM rakSa zrImannApadamuddhara || 13 ||

harimarkaTa markaTa mantramidaM

parilikhyati likhyati vAmatale |

yadi nazyati nazyati zatrukulaM

yadi muJcati muJcati vAmalatA || 14 ||

OM harimarkaTAya svAhA |

OM namo bhagavate paJcavadanAya pUrvakapimukhAya sakalazatrusaMhArakAya svAhA |

OM namo bhagavate paJcavadanAya dakSiNamukhAya karAlavadanAya narasiMhAya sakalabhUtapramathanAya svAhA |

OM namo bhagavate paJcavadanAya pazcimamukhAya garuDAnanAya sakalaviSaharAya svAhA |

OM namo bhagavate paJcavadanAya uttaramukhAya AdivarAhAya sakalasampatkarAya svAhA |

OM namo bhagavate paJcavadanAya UrdhvamukhAya hayagrIvAya sakalajanavazaGkarAya svAhA |

OM asya zrI paJcamukhahanumanmantrasya zrIrAmacandra RSiH anuSTupchandaH paJcamukhavIrahanumAn devatA hanumAn iti bIjaM vAyuputra iti zaktiH aJjanIsuta iti kIlakaM zrIrAmadUtahanumatprasAdasiddhyarthe jape viniyogaH |

iti RSyAdikaM vinyaset |

atha karanyAsaH |

OM aJjanIsutAya aGguSThAbhyAM namaH |

OM rudramUrtaye tarjanIbhyAM namaH |

OM vAyuputrAya madhyamAbhyAM namaH |

OM agnigarbhAya anAmikAbhyAM namaH |

OM rAmadUtAya kaniSThikAbhyAM namaH |

OM paJcamukhahanumate karatalakarapRSThAbhyAM namaH |

atha aGganyAsaH |

OM aJjanIsutAya hRdayAya namaH |

OM rudramUrtaye zirase svAhA |

OM vAyuputrAya zikhAyai vaSaT |

OM agnigarbhAya kavacAya hum |

OM rAmadUtAya netratrayAya vauSaT |

OM paJcamukhahanumate astrAya phaT |

paJcamukhahanumate svAhA iti digbandhaH |

atha dhyAnam |

vande vAnaranArasiMhakhagarATkroDAzvavaktrAnvitaM

divyAlaGkaraNaM tripaJcanayanaM dedIpyamAnaM rucA |

hastAbjairasikheTapustakasudhAkumbhAGkuzAdriM halaM

khaTvAGgaM phaNibhUruhaM dazabhujaM sarvArivIrApaham |

atha mantraH |

OM zrIrAmadUtAya AJjaneyAya vAyuputrAya mahAbalaparAkramAya sItAduHkhanivAraNAya laGkAdahanakAraNAya mahAbalapracaNDAya phAlgunasakhAya kolAhalasakalabrahmANDavizvarUpAya

saptasamudranirlaGghanAya piGgalanayanAya amitavikramAya sUryabimbaphalasevanAya duSTanivAraNAya dRSTinirAlaGkRtAya saJjIvinIsaJjIvitAGgada-lakSmaNamahAkapisainyaprANadAya

dazakaNThavidhvaMsanAya rAmeSTAya mahAphAlgunasakhAya sItAsahitarAmavarapradAya SaTprayogAgamapaJcamukhavIrahanumanmantrajape viniyogaH |

OM harimarkaTamarkaTAya bambambambambaM vauSaT svAhA |

OM harimarkaTamarkaTAya phamphamphamphamphaM phaT svAhA |

OM harimarkaTamarkaTAya kheGkheGkheGkheGkheM mAraNAya svAhA |

OM harimarkaTamarkaTAya luMluMluMluMluM AkarSitasakalasampatkarAya svAhA |

OM harimarkaTamarkaTAya dhandhandhandhandhaM zatrustambhanAya svAhA |

OM TaNTaNTaNTaNTaM kUrmamUrtaye paJcamukhavIrahanumate parayantra paratantroccATanAya svAhA |

OM kaGkhaGgaGghaMGaM caJchaJjaJjhaMJaM TaNThaNDaNDhaMNaM tanthandandhannaM pamphambambhammaM yaMraMlaMvaM zaMSaMsaMhaM laGkSaM svAhA |

iti digbandhaH |

OM pUrvakapimukhAya paJcamukhahanumate TaNTaNTaNTaNTaM sakalazatrusaMharaNAya svAhA |

OM dakSiNamukhAya paJcamukhahanumate karAlavadanAya narasiMhAya OM hrAM hrIM hrUM hraiM hrauM hraH sakalabhUtapretadamanAya svAhA |

OM pazcimamukhAya garuDAnanAya paJcamukhahanumate mammammammammaM sakalaviSaharAya svAhA |

OM uttaramukhAya AdivarAhAya laMlaMlaMlaMlaM nRsiMhAya nIlakaNThamUrtaye paJcamukhahanumate svAhA |

OM UrdhvamukhAya hayagrIvAya ruMruMruMruMruM rudramUrtaye sakalaprayojananirvAhakAya svAhA |

OM aJjanIsutAya vAyuputrAya mahAbalAya sItAzokanivAraNAya zrIrAmacandrakRpApAdukAya mahAvIryapramathanAya brahmANDanAthAya kAmadAya paJcamukhavIrahanumate svAhA |

bhUtapretapizAcabrahmarAkSasa zAkinIDAkinyantarikSagraha parayantra paratantroccaTanAya svAhA |

sakalaprayojananirvAhakAya paJcamukhavIrahanumate zrIrAmacandravaraprasAdAya jaJjaJjaJjaJjaM svAhA |

idaM kavacaM paThitvA tu mahAkavacaM paThennaraH |

ekavAraM japet stotraM sarvazatrunivAraNam || 15 ||

dvivAraM tu paThennityaM putrapautrapravardhanam |

trivAraM ca paThennityaM sarvasampatkaraM zubham || 16 ||

caturvAraM paThennityaM sarvaroganivAraNam |

paJcavAraM paThennityaM sarvalokavazaGkaram || 17 ||

SaDvAraM ca paThennityaM sarvadevavazaGkaram |

saptavAraM paThennityaM sarvasaubhAgyadAyakam || 18 ||

aSTavAraM paThennityamiSTakAmArthasiddhidam |

navavAraM paThennityaM rAjabhogamavApnuyAt || 19 ||

dazavAraM paThennityaM trailokyajJAnadarzanam |

rudrAvRttiM paThennityaM sarvasiddhirbhaveddhRvam || 20 ||

nirbalo rogayuktazca mahAvyAdhyAdipIDitaH |

kavacasmaraNenaiva mahAbalamavApnuyAt || 21 ||

iti sudarzanasaMhitAyAM zrIrAmacandrasItAproktaM zrI paJcamukhahanumatkavacam |