Panchamukha Hanuman Kavacham
Panchamukha Hanuman Kavacham
পঞ্চমুখ হনুমত্কবচম্
শ্লোক 1
॥ পঞ্চমুখ হনুমত্কবচম্ ॥
অস্য শ্রী পঞ্চমুখহনুমন্মন্ত্রস্য ব্রহ্মা ঋষিঃ গাযত্রীছন্দঃ পঞ্চমুখবিরাট্ হনুমান্ দেবতা হ্রীং বীজং শ্রীং শক্তিঃ ক্রৌং কীলকং ক্রূং কবচং ক্রৈং অস্ত্রায ফট্ ইতি দিগ্বন্ধঃ ।
শ্রী গরুড উবাচ ।
অথ ধ্যানং প্রবক্ষ্যামি শৃণু সর্বাঙ্গসুন্দরি ।
যত্কৃতং দেবদেবেন ধ্যানং হনুমতঃ প্রিযম্
শ্লোক 2
পঞ্চবক্ত্রং মহাভীমং ত্রিপঞ্চনযনৈর্যুতম্ ।
বাহুভির্দশভির্যুক্তং সর্বকামার্থসিদ্ধিদম্
॥ 1 ॥
শ্লোক 3
পূর্বং তু বানরং বক্ত্রং কোটিসূর্যসমপ্রভম্ ।
দংষ্ট্রাকরালবদনং ভৃকুটীকুটিলেক্ষণম্
॥ 2 ॥
শ্লোক 4
অস্যৈব দক্ষিণং বক্ত্রং নারসিংহং মহাদ্ভুতম্ ।
অত্যুগ্রতেজোবপুষং ভীষণং ভযনাশনম্
॥ 3 ॥
শ্লোক 5
পশ্চিমং গারুডং বক্ত্রং বক্রতুণ্ডং মহাবলম্ ।
সর্বনাগপ্রশমনং বিষভূতাদিকৃন্তনম্
॥ 4 ॥
শ্লোক 6
উত্তরং সৌকরং বক্ত্রং কৃষ্ণং দীপ্তং নভোপমম্ ।
পাতালসিংহবেতালজ্বররোগাদিকৃন্তনম্
॥ 5 ॥
শ্লোক 7
ঊর্ধ্বং হযাননং ঘোরং দানবান্তকরং পরম্ ।
যেন বক্ত্রেণ বিপ্রেন্দ্র তারকাখ্যং মহাসুরম্
॥ 6 ॥
শ্লোক 8
জঘান শরণং তত্স্যাত্সর্বশত্রুহরং পরম্ ।
ধ্যাত্বা পঞ্চমুখং রুদ্রং হনূমন্তং দযানিধিম্
॥ 7 ॥
শ্লোক 9
খড্গং ত্রিশূলং খট্বাঙ্গং পাশমঙ্কুশপর্বতম্ ।
মুষ্টিং কৌমোদকীং বৃক্ষং ধারযন্তং কমণ্ডলুম্
॥ 8 ॥
শ্লোক 10
ভিন্দিপালং জ্ঞানমুদ্রাং দশভির্মুনিপুঙ্গবম্ ।
এতান্যাযুধজালানি ধারযন্তং ভজাম্যহম্
॥ 9 ॥
শ্লোক 11
প্রেতাসনোপবিষ্টং তং সর্বাভরণভূষিতম্ ।
দিব্যমাল্যাম্বরধরং দিব্যগন্ধানুলেপনম্ ।
সর্বাশ্চর্যমযং দেবং হনুমদ্বিশ্বতোমুখম্
॥ 10 ॥
শ্লোক 12
পঞ্চাস্যমচ্যুতমনেকবিচিত্রবর্ণ-
-বক্ত্রং শশাঙ্কশিখরং কপিরাজবর্যম্ ।
পীতাম্বরাদিমুকুটৈরুপশোভিতাঙ্গং
পিঙ্গাক্ষমাদ্যমনিশং মনসা স্মরামি
॥ 11 ॥
শ্লোক 13
মর্কটেশং মহোত্সাহং সর্বশত্রুহরং পরম্ ।
শত্রুং সংহর মাং রক্ষ শ্রীমন্নাপদমুদ্ধর
॥ 12 ॥
শ্লোক 14
হরিমর্কট মর্কট মন্ত্রমিদং
পরিলিখ্যতি লিখ্যতি বামতলে ।
যদি নশ্যতি নশ্যতি শত্রুকুলং
যদি মুঞ্চতি মুঞ্চতি বামলতা
॥ 13 ॥
শ্লোক 15
ওঁ হরিমর্কটায স্বাহা ।
ওঁ নমো ভগবতে পঞ্চবদনায পূর্বকপিমুখায সকলশত্রুসংহারকায স্বাহা ।
ওঁ নমো ভগবতে পঞ্চবদনায দক্ষিণমুখায করালবদনায নরসিংহায সকলভূতপ্রমথনায স্বাহা ।
ওঁ নমো ভগবতে পঞ্চবদনায পশ্চিমমুখায গরুডাননায সকলবিষহরায স্বাহা ।
ওঁ নমো ভগবতে পঞ্চবদনায উত্তরমুখায আদিবরাহায সকলসম্পত্করায স্বাহা ।
ওঁ নমো ভগবতে পঞ্চবদনায ঊর্ধ্বমুখায হযগ্রীবায সকলজনবশঙ্করায স্বাহা ।
ওঁ অস্য শ্রী পঞ্চমুখহনুমন্মন্ত্রস্য শ্রীরামচন্দ্র ঋষিঃ অনুষ্টুপ্ছন্দঃ পঞ্চমুখবীরহনুমান্ দেবতা হনুমান্ ইতি বীজং বাযুপুত্র ইতি শক্তিঃ অঞ্জনীসুত ইতি কীলকং শ্রীরামদূতহনুমত্প্রসাদসিদ্ধ্যর্থে জপে বিনিযোগঃ ।
ইতি ঋষ্যাদিকং বিন্যসেত্ ।
অথ করন্যাসঃ ।
ওঁ অঞ্জনীসুতায অঙ্গুষ্ঠাভ্যাং নমঃ ।
ওঁ রুদ্রমূর্তযে তর্জনীভ্যাং নমঃ ।
ওঁ বাযুপুত্রায মধ্যমাভ্যাং নমঃ ।
ওঁ অগ্নিগর্ভায অনামিকাভ্যাং নমঃ ।
ওঁ রামদূতায কনিষ্ঠিকাভ্যাং নমঃ ।
ওঁ পঞ্চমুখহনুমতে করতলকরপৃষ্ঠাভ্যাং নমঃ ।
অথ অঙ্গন্যাসঃ ।
ওঁ অঞ্জনীসুতায হৃদযায নমঃ ।
ওঁ রুদ্রমূর্তযে শিরসে স্বাহা ।
ওঁ বাযুপুত্রায শিখাযৈ বষট্ ।
ওঁ অগ্নিগর্ভায কবচায হুম্ ।
ওঁ রামদূতায নেত্রত্রযায বৌষট্ ।
ওঁ পঞ্চমুখহনুমতে অস্ত্রায ফট্ ।
পঞ্চমুখহনুমতে স্বাহা ইতি দিগ্বন্ধঃ ।
অথ ধ্যানম্ ।
বন্দে বানরনারসিংহখগরাট্ক্রোডাশ্ববক্ত্রান্বিতং
দিব্যালঙ্করণং ত্রিপঞ্চনযনং দেদীপ্যমানং রুচা ।
হস্তাব্জৈরসিখেটপুস্তকসুধাকুম্ভাঙ্কুশাদ্রিং হলং
খট্বাঙ্গং ফণিভূরুহং দশভুজং সর্বারিবীরাপহম্ ।
অথ মন্ত্রঃ ।
ওঁ শ্রীরামদূতায আঞ্জনেযায বাযুপুত্রায মহাবলপরাক্রমায সীতাদুঃখনিবারণায লঙ্কাদহনকারণায মহাবলপ্রচণ্ডায ফাল্গুনসখায কোলাহলসকলব্রহ্মাণ্ডবিশ্বরূপায
সপ্তসমুদ্রনির্লঙ্ঘনায পিঙ্গলনযনায অমিতবিক্রমায সূর্যবিম্বফলসেবনায দুষ্টনিবারণায দৃষ্টিনিরালঙ্কৃতায সঞ্জীবিনীসঞ্জীবিতাঙ্গদ-লক্ষ্মণমহাকপিসৈন্যপ্রাণদায
দশকণ্ঠবিধ্বংসনায রামেষ্টায মহাফাল্গুনসখায সীতাসহিতরামবরপ্রদায ষট্প্রযোগাগমপঞ্চমুখবীরহনুমন্মন্ত্রজপে বিনিযোগঃ ।
ওঁ হরিমর্কটমর্কটায বম্বম্বম্বম্বং বৌষট্ স্বাহা ।
ওঁ হরিমর্কটমর্কটায ফম্ফম্ফম্ফম্ফং ফট্ স্বাহা ।
ওঁ হরিমর্কটমর্কটায খেঙ্খেঙ্খেঙ্খেঙ্খেং মারণায স্বাহা ।
ওঁ হরিমর্কটমর্কটায লুংলুংলুংলুংলুং আকর্ষিতসকলসম্পত্করায স্বাহা ।
ওঁ হরিমর্কটমর্কটায ধন্ধন্ধন্ধন্ধং শত্রুস্তম্ভনায স্বাহা ।
ওঁ টণ্টণ্টণ্টণ্টং কূর্মমূর্তযে পঞ্চমুখবীরহনুমতে পরযন্ত্র পরতন্ত্রোচ্চাটনায স্বাহা ।
ওঁ কঙ্খঙ্গঙ্ঘংঙং চঞ্ছঞ্জঞ্ঝংঞং টণ্ঠণ্ডণ্ঢংণং তন্থন্দন্ধন্নং পম্ফম্বম্ভম্মং যংরংলংবং শংষংসংহং লঙ্ক্ষং স্বাহা ।
ইতি দিগ্বন্ধঃ ।
ওঁ পূর্বকপিমুখায পঞ্চমুখহনুমতে টণ্টণ্টণ্টণ্টং সকলশত্রুসংহরণায স্বাহা ।
ওঁ দক্ষিণমুখায পঞ্চমুখহনুমতে করালবদনায নরসিংহায ওঁ হ্রাং হ্রীং হ্রূং হ্রৈং হ্রৌং হ্রঃ সকলভূতপ্রেতদমনায স্বাহা ।
ওঁ পশ্চিমমুখায গরুডাননায পঞ্চমুখহনুমতে মম্মম্মম্মম্মং সকলবিষহরায স্বাহা ।
ওঁ উত্তরমুখায আদিবরাহায লংলংলংলংলং নৃসিংহায নীলকণ্ঠমূর্তযে পঞ্চমুখহনুমতে স্বাহা ।
ওঁ ঊর্ধ্বমুখায হযগ্রীবায রুংরুংরুংরুংরুং রুদ্রমূর্তযে সকলপ্রযোজননির্বাহকায স্বাহা ।
ওঁ অঞ্জনীসুতায বাযুপুত্রায মহাবলায সীতাশোকনিবারণায শ্রীরামচন্দ্রকৃপাপাদুকায মহাবীর্যপ্রমথনায ব্রহ্মাণ্ডনাথায কামদায পঞ্চমুখবীরহনুমতে স্বাহা ।
ভূতপ্রেতপিশাচব্রহ্মরাক্ষস শাকিনীডাকিন্যন্তরিক্ষগ্রহ পরযন্ত্র পরতন্ত্রোচ্চটনায স্বাহা ।
সকলপ্রযোজননির্বাহকায পঞ্চমুখবীরহনুমতে শ্রীরামচন্দ্রবরপ্রসাদায জঞ্জঞ্জঞ্জঞ্জং স্বাহা ।
ইদং কবচং পঠিত্বা তু মহাকবচং পঠেন্নরঃ ।
একবারং জপেত্ স্তোত্রং সর্বশত্রুনিবারণম্
॥ 14 ॥
শ্লোক 16
দ্বিবারং তু পঠেন্নিত্যং পুত্রপৌত্রপ্রবর্ধনম্ ।
ত্রিবারং চ পঠেন্নিত্যং সর্বসম্পত্করং শুভম্
॥ 15 ॥
শ্লোক 17
চতুর্বারং পঠেন্নিত্যং সর্বরোগনিবারণম্ ।
পঞ্চবারং পঠেন্নিত্যং সর্বলোকবশঙ্করম্
॥ 16 ॥
শ্লোক 18
ষড্বারং চ পঠেন্নিত্যং সর্বদেববশঙ্করম্ ।
সপ্তবারং পঠেন্নিত্যং সর্বসৌভাগ্যদাযকম্
॥ 17 ॥
শ্লোক 19
অষ্টবারং পঠেন্নিত্যমিষ্টকামার্থসিদ্ধিদম্ ।
নববারং পঠেন্নিত্যং রাজভোগমবাপ্নুযাত্
॥ 18 ॥
শ্লোক 20
দশবারং পঠেন্নিত্যং ত্রৈলোক্যজ্ঞানদর্শনম্ ।
রুদ্রাবৃত্তিং পঠেন্নিত্যং সর্বসিদ্ধির্ভবেদ্ধৃবম্
॥ 19 ॥
শ্লোক 21
নির্বলো রোগযুক্তশ্চ মহাব্যাধ্যাদিপীডিতঃ ।
কবচস্মরণেনৈব মহাবলমবাপ্নুযাত্
॥ 20 ॥
শ্লোক 22
ইতি সুদর্শনসংহিতাযাং শ্রীরামচন্দ্রসীতাপ্রোক্তং শ্রী পঞ্চমুখহনুমত্কবচম্ ।