పఞ్చముఖ హనుమత్కవచమ్

పఞ్చముఖ హనుమత్కవచమ్

శ్లోక 1

॥ పఞ్చముఖ హనుమత్కవచమ్ ॥

అస్య శ్రీ పఞ్చముఖహనుమన్మన్త్రస్య బ్రహ్మా ఋషిః గాయత్రీఛన్దః పఞ్చముఖవిరాట్ హనుమాన్ దేవతా హ్రీం బీజం శ్రీం శక్తిః క్రౌం కీలకం క్రూం కవచం క్రైం అస్త్రాయ ఫట్ ఇతి దిగ్బన్ధః ।

శ్రీ గరుడ ఉవాచ ।

అథ ధ్యానం ప్రవక్ష్యామి శృణు సర్వాఙ్గసున్దరి ।

యత్కృతం దేవదేవేన ధ్యానం హనుమతః ప్రియమ్

శ్లోక 2

పఞ్చవక్త్రం మహాభీమం త్రిపఞ్చనయనైర్యుతమ్ ।

బాహుభిర్దశభిర్యుక్తం సర్వకామార్థసిద్ధిదమ్

॥ 1 ॥

శ్లోక 3

పూర్వం తు వానరం వక్త్రం కోటిసూర్యసమప్రభమ్ ।

దంష్ట్రాకరాలవదనం భృకుటీకుటిలేక్షణమ్

॥ 2 ॥

శ్లోక 4

అస్యైవ దక్షిణం వక్త్రం నారసింహం మహాద్భుతమ్ ।

అత్యుగ్రతేజోవపుషం భీషణం భయనాశనమ్

॥ 3 ॥

శ్లోక 5

పశ్చిమం గారుడం వక్త్రం వక్రతుణ్డం మహాబలమ్ ।

సర్వనాగప్రశమనం విషభూతాదికృన్తనమ్

॥ 4 ॥

శ్లోక 6

ఉత్తరం సౌకరం వక్త్రం కృష్ణం దీప్తం నభోపమమ్ ।

పాతాలసింహవేతాలజ్వరరోగాదికృన్తనమ్

॥ 5 ॥

శ్లోక 7

ఊర్ధ్వం హయాననం ఘోరం దానవాన్తకరం పరమ్ ।

యేన వక్త్రేణ విప్రేన్ద్ర తారకాఖ్యం మహాసురమ్

॥ 6 ॥

శ్లోక 8

జఘాన శరణం తత్స్యాత్సర్వశత్రుహరం పరమ్ ।

ధ్యాత్వా పఞ్చముఖం రుద్రం హనూమన్తం దయానిధిమ్

॥ 7 ॥

శ్లోక 9

ఖడ్గం త్రిశూలం ఖట్వాఙ్గం పాశమఙ్కుశపర్వతమ్ ।

ముష్టిం కౌమోదకీం వృక్షం ధారయన్తం కమణ్డలుమ్

॥ 8 ॥

శ్లోక 10

భిన్దిపాలం జ్ఞానముద్రాం దశభిర్మునిపుఙ్గవమ్ ।

ఏతాన్యాయుధజాలాని ధారయన్తం భజామ్యహమ్

॥ 9 ॥

శ్లోక 11

ప్రేతాసనోపవిష్టం తం సర్వాభరణభూషితమ్ ।

దివ్యమాల్యామ్బరధరం దివ్యగన్ధానులేపనమ్ ।

సర్వాశ్చర్యమయం దేవం హనుమద్విశ్వతోముఖమ్

॥ 10 ॥

శ్లోక 12

పఞ్చాస్యమచ్యుతమనేకవిచిత్రవర్ణ-

-వక్త్రం శశాఙ్కశిఖరం కపిరాజవర్యమ్ ।

పీతామ్బరాదిముకుటైరుపశోభితాఙ్గం

పిఙ్గాక్షమాద్యమనిశం మనసా స్మరామి

॥ 11 ॥

శ్లోక 13

మర్కటేశం మహోత్సాహం సర్వశత్రుహరం పరమ్ ।

శత్రుం సంహర మాం రక్ష శ్రీమన్నాపదముద్ధర

॥ 12 ॥

శ్లోక 14

హరిమర్కట మర్కట మన్త్రమిదం

పరిలిఖ్యతి లిఖ్యతి వామతలే ।

యది నశ్యతి నశ్యతి శత్రుకులం

యది ముఞ్చతి ముఞ్చతి వామలతా

॥ 13 ॥

శ్లోక 15

ఓం హరిమర్కటాయ స్వాహా ।

ఓం నమో భగవతే పఞ్చవదనాయ పూర్వకపిముఖాయ సకలశత్రుసంహారకాయ స్వాహా ।

ఓం నమో భగవతే పఞ్చవదనాయ దక్షిణముఖాయ కరాలవదనాయ నరసింహాయ సకలభూతప్రమథనాయ స్వాహా ।

ఓం నమో భగవతే పఞ్చవదనాయ పశ్చిమముఖాయ గరుడాననాయ సకలవిషహరాయ స్వాహా ।

ఓం నమో భగవతే పఞ్చవదనాయ ఉత్తరముఖాయ ఆదివరాహాయ సకలసమ్పత్కరాయ స్వాహా ।

ఓం నమో భగవతే పఞ్చవదనాయ ఊర్ధ్వముఖాయ హయగ్రీవాయ సకలజనవశఙ్కరాయ స్వాహా ।

ఓం అస్య శ్రీ పఞ్చముఖహనుమన్మన్త్రస్య శ్రీరామచన్ద్ర ఋషిః అనుష్టుప్ఛన్దః పఞ్చముఖవీరహనుమాన్ దేవతా హనుమాన్ ఇతి బీజం వాయుపుత్ర ఇతి శక్తిః అఞ్జనీసుత ఇతి కీలకం శ్రీరామదూతహనుమత్ప్రసాదసిద్ధ్యర్థే జపే వినియోగః ।

ఇతి ఋష్యాదికం విన్యసేత్ ।

అథ కరన్యాసః ।

ఓం అఞ్జనీసుతాయ అఙ్గుష్ఠాభ్యాం నమః ।

ఓం రుద్రమూర్తయే తర్జనీభ్యాం నమః ।

ఓం వాయుపుత్రాయ మధ్యమాభ్యాం నమః ।

ఓం అగ్నిగర్భాయ అనామికాభ్యాం నమః ।

ఓం రామదూతాయ కనిష్ఠికాభ్యాం నమః ।

ఓం పఞ్చముఖహనుమతే కరతలకరపృష్ఠాభ్యాం నమః ।

అథ అఙ్గన్యాసః ।

ఓం అఞ్జనీసుతాయ హృదయాయ నమః ।

ఓం రుద్రమూర్తయే శిరసే స్వాహా ।

ఓం వాయుపుత్రాయ శిఖాయై వషట్ ।

ఓం అగ్నిగర్భాయ కవచాయ హుమ్ ।

ఓం రామదూతాయ నేత్రత్రయాయ వౌషట్ ।

ఓం పఞ్చముఖహనుమతే అస్త్రాయ ఫట్ ।

పఞ్చముఖహనుమతే స్వాహా ఇతి దిగ్బన్ధః ।

అథ ధ్యానమ్ ।

వన్దే వానరనారసింహఖగరాట్క్రోడాశ్వవక్త్రాన్వితం

దివ్యాలఙ్కరణం త్రిపఞ్చనయనం దేదీప్యమానం రుచా ।

హస్తాబ్జైరసిఖేటపుస్తకసుధాకుమ్భాఙ్కుశాద్రిం హలం

ఖట్వాఙ్గం ఫణిభూరుహం దశభుజం సర్వారివీరాపహమ్ ।

అథ మన్త్రః ।

ఓం శ్రీరామదూతాయ ఆఞ్జనేయాయ వాయుపుత్రాయ మహాబలపరాక్రమాయ సీతాదుఃఖనివారణాయ లఙ్కాదహనకారణాయ మహాబలప్రచణ్డాయ ఫాల్గునసఖాయ కోలాహలసకలబ్రహ్మాణ్డవిశ్వరూపాయ

సప్తసముద్రనిర్లఙ్ఘనాయ పిఙ్గలనయనాయ అమితవిక్రమాయ సూర్యబిమ్బఫలసేవనాయ దుష్టనివారణాయ దృష్టినిరాలఙ్కృతాయ సఞ్జీవినీసఞ్జీవితాఙ్గద-లక్ష్మణమహాకపిసైన్యప్రాణదాయ

దశకణ్ఠవిధ్వంసనాయ రామేష్టాయ మహాఫాల్గునసఖాయ సీతాసహితరామవరప్రదాయ షట్ప్రయోగాగమపఞ్చముఖవీరహనుమన్మన్త్రజపే వినియోగః ।

ఓం హరిమర్కటమర్కటాయ బమ్బమ్బమ్బమ్బం వౌషట్ స్వాహా ।

ఓం హరిమర్కటమర్కటాయ ఫమ్ఫమ్ఫమ్ఫమ్ఫం ఫట్ స్వాహా ।

ఓం హరిమర్కటమర్కటాయ ఖేఙ్ఖేఙ్ఖేఙ్ఖేఙ్ఖేం మారణాయ స్వాహా ।

ఓం హరిమర్కటమర్కటాయ లుంలుంలుంలుంలుం ఆకర్షితసకలసమ్పత్కరాయ స్వాహా ।

ఓం హరిమర్కటమర్కటాయ ధన్ధన్ధన్ధన్ధం శత్రుస్తమ్భనాయ స్వాహా ।

ఓం టణ్టణ్టణ్టణ్టం కూర్మమూర్తయే పఞ్చముఖవీరహనుమతే పరయన్త్ర పరతన్త్రోచ్చాటనాయ స్వాహా ।

ఓం కఙ్ఖఙ్గఙ్ఘంఙం చఞ్ఛఞ్జఞ్ఝంఞం టణ్ఠణ్డణ్ఢంణం తన్థన్దన్ధన్నం పమ్ఫమ్బమ్భమ్మం యంరంలంవం శంషంసంహం లఙ్క్షం స్వాహా ।

ఇతి దిగ్బన్ధః ।

ఓం పూర్వకపిముఖాయ పఞ్చముఖహనుమతే టణ్టణ్టణ్టణ్టం సకలశత్రుసంహరణాయ స్వాహా ।

ఓం దక్షిణముఖాయ పఞ్చముఖహనుమతే కరాలవదనాయ నరసింహాయ ఓం హ్రాం హ్రీం హ్రూం హ్రైం హ్రౌం హ్రః సకలభూతప్రేతదమనాయ స్వాహా ।

ఓం పశ్చిమముఖాయ గరుడాననాయ పఞ్చముఖహనుమతే మమ్మమ్మమ్మమ్మం సకలవిషహరాయ స్వాహా ।

ఓం ఉత్తరముఖాయ ఆదివరాహాయ లంలంలంలంలం నృసింహాయ నీలకణ్ఠమూర్తయే పఞ్చముఖహనుమతే స్వాహా ।

ఓం ఊర్ధ్వముఖాయ హయగ్రీవాయ రుంరుంరుంరుంరుం రుద్రమూర్తయే సకలప్రయోజననిర్వాహకాయ స్వాహా ।

ఓం అఞ్జనీసుతాయ వాయుపుత్రాయ మహాబలాయ సీతాశోకనివారణాయ శ్రీరామచన్ద్రకృపాపాదుకాయ మహావీర్యప్రమథనాయ బ్రహ్మాణ్డనాథాయ కామదాయ పఞ్చముఖవీరహనుమతే స్వాహా ।

భూతప్రేతపిశాచబ్రహ్మరాక్షస శాకినీడాకిన్యన్తరిక్షగ్రహ పరయన్త్ర పరతన్త్రోచ్చటనాయ స్వాహా ।

సకలప్రయోజననిర్వాహకాయ పఞ్చముఖవీరహనుమతే శ్రీరామచన్ద్రవరప్రసాదాయ జఞ్జఞ్జఞ్జఞ్జం స్వాహా ।

ఇదం కవచం పఠిత్వా తు మహాకవచం పఠేన్నరః ।

ఏకవారం జపేత్ స్తోత్రం సర్వశత్రునివారణమ్

॥ 14 ॥

శ్లోక 16

ద్వివారం తు పఠేన్నిత్యం పుత్రపౌత్రప్రవర్ధనమ్ ।

త్రివారం చ పఠేన్నిత్యం సర్వసమ్పత్కరం శుభమ్

॥ 15 ॥

శ్లోక 17

చతుర్వారం పఠేన్నిత్యం సర్వరోగనివారణమ్ ।

పఞ్చవారం పఠేన్నిత్యం సర్వలోకవశఙ్కరమ్

॥ 16 ॥

శ్లోక 18

షడ్వారం చ పఠేన్నిత్యం సర్వదేవవశఙ్కరమ్ ।

సప్తవారం పఠేన్నిత్యం సర్వసౌభాగ్యదాయకమ్

॥ 17 ॥

శ్లోక 19

అష్టవారం పఠేన్నిత్యమిష్టకామార్థసిద్ధిదమ్ ।

నవవారం పఠేన్నిత్యం రాజభోగమవాప్నుయాత్

॥ 18 ॥

శ్లోక 20

దశవారం పఠేన్నిత్యం త్రైలోక్యజ్ఞానదర్శనమ్ ।

రుద్రావృత్తిం పఠేన్నిత్యం సర్వసిద్ధిర్భవేద్ధృవమ్

॥ 19 ॥

శ్లోక 21

నిర్బలో రోగయుక్తశ్చ మహావ్యాధ్యాదిపీడితః ।

కవచస్మరణేనైవ మహాబలమవాప్నుయాత్

॥ 20 ॥

శ్లోక 22

ఇతి సుదర్శనసంహితాయాం శ్రీరామచన్ద్రసీతాప్రోక్తం శ్రీ పఞ్చముఖహనుమత్కవచమ్ ।