Panchamukha Hanuman Kavacham
ಪಞ್ಚಮುಖ ಹನುಮತ್ಕವಚಮ್
Panchamukha Hanuman Kavacham
ಪಞ್ಚಮುಖ ಹನುಮತ್ಕವಚಮ್
॥ ಪಞ್ಚಮುಖ ಹನುಮತ್ಕವಚಮ್ ॥
ಅಸ್ಯ ಶ್ರೀ ಪಞ್ಚಮುಖಹನುಮನ್ಮನ್ತ್ರಸ್ಯ ಬ್ರಹ್ಮಾ ಋಷಿಃ ಗಾಯತ್ರೀಛನ್ದಃ ಪಞ್ಚಮುಖವಿರಾಟ್ ಹನುಮಾನ್ ದೇವತಾ ಹ್ರೀಂ ಬೀಜಂ ಶ್ರೀಂ ಶಕ್ತಿಃ ಕ್ರೌಂ ಕೀಲಕಂ ಕ್ರೂಂ ಕವಚಂ ಕ್ರೈಂ ಅಸ್ತ್ರಾಯ ಫಟ್ ಇತಿ ದಿಗ್ಬನ್ಧಃ ।
ಶ್ರೀ ಗರುಡ ಉವಾಚ ।
ಅಥ ಧ್ಯಾನಂ ಪ್ರವಕ್ಷ್ಯಾಮಿ ಶೃಣು ಸರ್ವಾಙ್ಗಸುನ್ದರಿ ।
ಯತ್ಕೃತಂ ದೇವದೇವೇನ ಧ್ಯಾನಂ ಹನುಮತಃ ಪ್ರಿಯಮ್ ॥ 1 ॥
ಪಞ್ಚವಕ್ತ್ರಂ ಮಹಾಭೀಮಂ ತ್ರಿಪಞ್ಚನಯನೈರ್ಯುತಮ್ ।
ಬಾಹುಭಿರ್ದಶಭಿರ್ಯುಕ್ತಂ ಸರ್ವಕಾಮಾರ್ಥಸಿದ್ಧಿದಮ್ ॥ 2 ॥
ಪೂರ್ವಂ ತು ವಾನರಂ ವಕ್ತ್ರಂ ಕೋಟಿಸೂರ್ಯಸಮಪ್ರಭಮ್ ।
ದಂಷ್ಟ್ರಾಕರಾಲವದನಂ ಭೃಕುಟೀಕುಟಿಲೇಕ್ಷಣಮ್ ॥ 3 ॥
ಅಸ್ಯೈವ ದಕ್ಷಿಣಂ ವಕ್ತ್ರಂ ನಾರಸಿಂಹಂ ಮಹಾದ್ಭುತಮ್ ।
ಅತ್ಯುಗ್ರತೇಜೋವಪುಷಂ ಭೀಷಣಂ ಭಯನಾಶನಮ್ ॥ 4 ॥
ಪಶ್ಚಿಮಂ ಗಾರುಡಂ ವಕ್ತ್ರಂ ವಕ್ರತುಣ್ಡಂ ಮಹಾಬಲಮ್ ।
ಸರ್ವನಾಗಪ್ರಶಮನಂ ವಿಷಭೂತಾದಿಕೃನ್ತನಮ್ ॥ 5 ॥
ಉತ್ತರಂ ಸೌಕರಂ ವಕ್ತ್ರಂ ಕೃಷ್ಣಂ ದೀಪ್ತಂ ನಭೋಪಮಮ್ ।
ಪಾತಾಲಸಿಂಹವೇತಾಲಜ್ವರರೋಗಾದಿಕೃನ್ತನಮ್ ॥ 6 ॥
ಊರ್ಧ್ವಂ ಹಯಾನನಂ ಘೋರಂ ದಾನವಾನ್ತಕರಂ ಪರಮ್ ।
ಯೇನ ವಕ್ತ್ರೇಣ ವಿಪ್ರೇನ್ದ್ರ ತಾರಕಾಖ್ಯಂ ಮಹಾಸುರಮ್ ॥ 7 ॥
ಜಘಾನ ಶರಣಂ ತತ್ಸ್ಯಾತ್ಸರ್ವಶತ್ರುಹರಂ ಪರಮ್ ।
ಧ್ಯಾತ್ವಾ ಪಞ್ಚಮುಖಂ ರುದ್ರಂ ಹನೂಮನ್ತಂ ದಯಾನಿಧಿಮ್ ॥ 8 ॥
ಖಡ್ಗಂ ತ್ರಿಶೂಲಂ ಖಟ್ವಾಙ್ಗಂ ಪಾಶಮಙ್ಕುಶಪರ್ವತಮ್ ।
ಮುಷ್ಟಿಂ ಕೌಮೋದಕೀಂ ವೃಕ್ಷಂ ಧಾರಯನ್ತಂ ಕಮಣ್ಡಲುಮ್ ॥ 9 ॥
ಭಿನ್ದಿಪಾಲಂ ಜ್ಞಾನಮುದ್ರಾಂ ದಶಭಿರ್ಮುನಿಪುಙ್ಗವಮ್ ।
ಏತಾನ್ಯಾಯುಧಜಾಲಾನಿ ಧಾರಯನ್ತಂ ಭಜಾಮ್ಯಹಮ್ ॥ 10 ॥
ಪ್ರೇತಾಸನೋಪವಿಷ್ಟಂ ತಂ ಸರ್ವಾಭರಣಭೂಷಿತಮ್ ।
ದಿವ್ಯಮಾಲ್ಯಾಮ್ಬರಧರಂ ದಿವ್ಯಗನ್ಧಾನುಲೇಪನಮ್ ।
ಸರ್ವಾಶ್ಚರ್ಯಮಯಂ ದೇವಂ ಹನುಮದ್ವಿಶ್ವತೋಮುಖಮ್ ॥ 11 ॥
ಪಞ್ಚಾಸ್ಯಮಚ್ಯುತಮನೇಕವಿಚಿತ್ರವರ್ಣ-
-ವಕ್ತ್ರಂ ಶಶಾಙ್ಕಶಿಖರಂ ಕಪಿರಾಜವರ್ಯಮ್ ।
ಪೀತಾಮ್ಬರಾದಿಮುಕುಟೈರುಪಶೋಭಿತಾಙ್ಗಂ
ಪಿಙ್ಗಾಕ್ಷಮಾದ್ಯಮನಿಶಂ ಮನಸಾ ಸ್ಮರಾಮಿ ॥ 12 ॥
ಮರ್ಕಟೇಶಂ ಮಹೋತ್ಸಾಹಂ ಸರ್ವಶತ್ರುಹರಂ ಪರಮ್ ।
ಶತ್ರುಂ ಸಂಹರ ಮಾಂ ರಕ್ಷ ಶ್ರೀಮನ್ನಾಪದಮುದ್ಧರ ॥ 13 ॥
ಹರಿಮರ್ಕಟ ಮರ್ಕಟ ಮನ್ತ್ರಮಿದಂ
ಪರಿಲಿಖ್ಯತಿ ಲಿಖ್ಯತಿ ವಾಮತಲೇ ।
ಯದಿ ನಶ್ಯತಿ ನಶ್ಯತಿ ಶತ್ರುಕುಲಂ
ಯದಿ ಮುಞ್ಚತಿ ಮುಞ್ಚತಿ ವಾಮಲತಾ ॥ 14 ॥
ಓಂ ಹರಿಮರ್ಕಟಾಯ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಪೂರ್ವಕಪಿಮುಖಾಯ ಸಕಲಶತ್ರುಸಂಹಾರಕಾಯ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ದಕ್ಷಿಣಮುಖಾಯ ಕರಾಲವದನಾಯ ನರಸಿಂಹಾಯ ಸಕಲಭೂತಪ್ರಮಥನಾಯ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಪಶ್ಚಿಮಮುಖಾಯ ಗರುಡಾನನಾಯ ಸಕಲವಿಷಹರಾಯ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಉತ್ತರಮುಖಾಯ ಆದಿವರಾಹಾಯ ಸಕಲಸಮ್ಪತ್ಕರಾಯ ಸ್ವಾಹಾ ।
ಓಂ ನಮೋ ಭಗವತೇ ಪಞ್ಚವದನಾಯ ಊರ್ಧ್ವಮುಖಾಯ ಹಯಗ್ರೀವಾಯ ಸಕಲಜನವಶಙ್ಕರಾಯ ಸ್ವಾಹಾ ।
ಓಂ ಅಸ್ಯ ಶ್ರೀ ಪಞ್ಚಮುಖಹನುಮನ್ಮನ್ತ್ರಸ್ಯ ಶ್ರೀರಾಮಚನ್ದ್ರ ಋಷಿಃ ಅನುಷ್ಟುಪ್ಛನ್ದಃ ಪಞ್ಚಮುಖವೀರಹನುಮಾನ್ ದೇವತಾ ಹನುಮಾನ್ ಇತಿ ಬೀಜಂ ವಾಯುಪುತ್ರ ಇತಿ ಶಕ್ತಿಃ ಅಞ್ಜನೀಸುತ ಇತಿ ಕೀಲಕಂ ಶ್ರೀರಾಮದೂತಹನುಮತ್ಪ್ರಸಾದಸಿದ್ಧ್ಯರ್ಥೇ ಜಪೇ ವಿನಿಯೋಗಃ ।
ಇತಿ ಋಷ್ಯಾದಿಕಂ ವಿನ್ಯಸೇತ್ ।
ಅಥ ಕರನ್ಯಾಸಃ ।
ಓಂ ಅಞ್ಜನೀಸುತಾಯ ಅಙ್ಗುಷ್ಠಾಭ್ಯಾಂ ನಮಃ ।
ಓಂ ರುದ್ರಮೂರ್ತಯೇ ತರ್ಜನೀಭ್ಯಾಂ ನಮಃ ।
ಓಂ ವಾಯುಪುತ್ರಾಯ ಮಧ್ಯಮಾಭ್ಯಾಂ ನಮಃ ।
ಓಂ ಅಗ್ನಿಗರ್ಭಾಯ ಅನಾಮಿಕಾಭ್ಯಾಂ ನಮಃ ।
ಓಂ ರಾಮದೂತಾಯ ಕನಿಷ್ಠಿಕಾಭ್ಯಾಂ ನಮಃ ।
ಓಂ ಪಞ್ಚಮುಖಹನುಮತೇ ಕರತಲಕರಪೃಷ್ಠಾಭ್ಯಾಂ ನಮಃ ।
ಅಥ ಅಙ್ಗನ್ಯಾಸಃ ।
ಓಂ ಅಞ್ಜನೀಸುತಾಯ ಹೃದಯಾಯ ನಮಃ ।
ಓಂ ರುದ್ರಮೂರ್ತಯೇ ಶಿರಸೇ ಸ್ವಾಹಾ ।
ಓಂ ವಾಯುಪುತ್ರಾಯ ಶಿಖಾಯೈ ವಷಟ್ ।
ಓಂ ಅಗ್ನಿಗರ್ಭಾಯ ಕವಚಾಯ ಹುಮ್ ।
ಓಂ ರಾಮದೂತಾಯ ನೇತ್ರತ್ರಯಾಯ ವೌಷಟ್ ।
ಓಂ ಪಞ್ಚಮುಖಹನುಮತೇ ಅಸ್ತ್ರಾಯ ಫಟ್ ।
ಪಞ್ಚಮುಖಹನುಮತೇ ಸ್ವಾಹಾ ಇತಿ ದಿಗ್ಬನ್ಧಃ ।
ಅಥ ಧ್ಯಾನಮ್ ।
ವನ್ದೇ ವಾನರನಾರಸಿಂಹಖಗರಾಟ್ಕ್ರೋಡಾಶ್ವವಕ್ತ್ರಾನ್ವಿತಂ
ದಿವ್ಯಾಲಙ್ಕರಣಂ ತ್ರಿಪಞ್ಚನಯನಂ ದೇದೀಪ್ಯಮಾನಂ ರುಚಾ ।
ಹಸ್ತಾಬ್ಜೈರಸಿಖೇಟಪುಸ್ತಕಸುಧಾಕುಮ್ಭಾಙ್ಕುಶಾದ್ರಿಂ ಹಲಂ
ಖಟ್ವಾಙ್ಗಂ ಫಣಿಭೂರುಹಂ ದಶಭುಜಂ ಸರ್ವಾರಿವೀರಾಪಹಮ್ ।
ಅಥ ಮನ್ತ್ರಃ ।
ಓಂ ಶ್ರೀರಾಮದೂತಾಯ ಆಞ್ಜನೇಯಾಯ ವಾಯುಪುತ್ರಾಯ ಮಹಾಬಲಪರಾಕ್ರಮಾಯ ಸೀತಾದುಃಖನಿವಾರಣಾಯ ಲಙ್ಕಾದಹನಕಾರಣಾಯ ಮಹಾಬಲಪ್ರಚಣ್ಡಾಯ ಫಾಲ್ಗುನಸಖಾಯ ಕೋಲಾಹಲಸಕಲಬ್ರಹ್ಮಾಣ್ಡವಿಶ್ವರೂಪಾಯ
ಸಪ್ತಸಮುದ್ರನಿರ್ಲಙ್ಘನಾಯ ಪಿಙ್ಗಲನಯನಾಯ ಅಮಿತವಿಕ್ರಮಾಯ ಸೂರ್ಯಬಿಮ್ಬಫಲಸೇವನಾಯ ದುಷ್ಟನಿವಾರಣಾಯ ದೃಷ್ಟಿನಿರಾಲಙ್ಕೃತಾಯ ಸಞ್ಜೀವಿನೀಸಞ್ಜೀವಿತಾಙ್ಗದ-ಲಕ್ಷ್ಮಣಮಹಾಕಪಿಸೈನ್ಯಪ್ರಾಣದಾಯ
ದಶಕಣ್ಠವಿಧ್ವಂಸನಾಯ ರಾಮೇಷ್ಟಾಯ ಮಹಾಫಾಲ್ಗುನಸಖಾಯ ಸೀತಾಸಹಿತರಾಮವರಪ್ರದಾಯ ಷಟ್ಪ್ರಯೋಗಾಗಮಪಞ್ಚಮುಖವೀರಹನುಮನ್ಮನ್ತ್ರಜಪೇ ವಿನಿಯೋಗಃ ।
ಓಂ ಹರಿಮರ್ಕಟಮರ್ಕಟಾಯ ಬಮ್ಬಮ್ಬಮ್ಬಮ್ಬಂ ವೌಷಟ್ ಸ್ವಾಹಾ ।
ಓಂ ಹರಿಮರ್ಕಟಮರ್ಕಟಾಯ ಫಮ್ಫಮ್ಫಮ್ಫಮ್ಫಂ ಫಟ್ ಸ್ವಾಹಾ ।
ಓಂ ಹರಿಮರ್ಕಟಮರ್ಕಟಾಯ ಖೇಙ್ಖೇಙ್ಖೇಙ್ಖೇಙ್ಖೇಂ ಮಾರಣಾಯ ಸ್ವಾಹಾ ।
ಓಂ ಹರಿಮರ್ಕಟಮರ್ಕಟಾಯ ಲುಂಲುಂಲುಂಲುಂಲುಂ ಆಕರ್ಷಿತಸಕಲಸಮ್ಪತ್ಕರಾಯ ಸ್ವಾಹಾ ।
ಓಂ ಹರಿಮರ್ಕಟಮರ್ಕಟಾಯ ಧನ್ಧನ್ಧನ್ಧನ್ಧಂ ಶತ್ರುಸ್ತಮ್ಭನಾಯ ಸ್ವಾಹಾ ।
ಓಂ ಟಣ್ಟಣ್ಟಣ್ಟಣ್ಟಂ ಕೂರ್ಮಮೂರ್ತಯೇ ಪಞ್ಚಮುಖವೀರಹನುಮತೇ ಪರಯನ್ತ್ರ ಪರತನ್ತ್ರೋಚ್ಚಾಟನಾಯ ಸ್ವಾಹಾ ।
ಓಂ ಕಙ್ಖಙ್ಗಙ್ಘಂಙಂ ಚಞ್ಛಞ್ಜಞ್ಝಂಞಂ ಟಣ್ಠಣ್ಡಣ್ಢಂಣಂ ತನ್ಥನ್ದನ್ಧನ್ನಂ ಪಮ್ಫಮ್ಬಮ್ಭಮ್ಮಂ ಯಂರಂಲಂವಂ ಶಂಷಂಸಂಹಂ ಲಙ್ಕ್ಷಂ ಸ್ವಾಹಾ ।
ಇತಿ ದಿಗ್ಬನ್ಧಃ ।
ಓಂ ಪೂರ್ವಕಪಿಮುಖಾಯ ಪಞ್ಚಮುಖಹನುಮತೇ ಟಣ್ಟಣ್ಟಣ್ಟಣ್ಟಂ ಸಕಲಶತ್ರುಸಂಹರಣಾಯ ಸ್ವಾಹಾ ।
ಓಂ ದಕ್ಷಿಣಮುಖಾಯ ಪಞ್ಚಮುಖಹನುಮತೇ ಕರಾಲವದನಾಯ ನರಸಿಂಹಾಯ ಓಂ ಹ್ರಾಂ ಹ್ರೀಂ ಹ್ರೂಂ ಹ್ರೈಂ ಹ್ರೌಂ ಹ್ರಃ ಸಕಲಭೂತಪ್ರೇತದಮನಾಯ ಸ್ವಾಹಾ ।
ಓಂ ಪಶ್ಚಿಮಮುಖಾಯ ಗರುಡಾನನಾಯ ಪಞ್ಚಮುಖಹನುಮತೇ ಮಮ್ಮಮ್ಮಮ್ಮಮ್ಮಂ ಸಕಲವಿಷಹರಾಯ ಸ್ವಾಹಾ ।
ಓಂ ಉತ್ತರಮುಖಾಯ ಆದಿವರಾಹಾಯ ಲಂಲಂಲಂಲಂಲಂ ನೃಸಿಂಹಾಯ ನೀಲಕಣ್ಠಮೂರ್ತಯೇ ಪಞ್ಚಮುಖಹನುಮತೇ ಸ್ವಾಹಾ ।
ಓಂ ಊರ್ಧ್ವಮುಖಾಯ ಹಯಗ್ರೀವಾಯ ರುಂರುಂರುಂರುಂರುಂ ರುದ್ರಮೂರ್ತಯೇ ಸಕಲಪ್ರಯೋಜನನಿರ್ವಾಹಕಾಯ ಸ್ವಾಹಾ ।
ಓಂ ಅಞ್ಜನೀಸುತಾಯ ವಾಯುಪುತ್ರಾಯ ಮಹಾಬಲಾಯ ಸೀತಾಶೋಕನಿವಾರಣಾಯ ಶ್ರೀರಾಮಚನ್ದ್ರಕೃಪಾಪಾದುಕಾಯ ಮಹಾವೀರ್ಯಪ್ರಮಥನಾಯ ಬ್ರಹ್ಮಾಣ್ಡನಾಥಾಯ ಕಾಮದಾಯ ಪಞ್ಚಮುಖವೀರಹನುಮತೇ ಸ್ವಾಹಾ ।
ಭೂತಪ್ರೇತಪಿಶಾಚಬ್ರಹ್ಮರಾಕ್ಷಸ ಶಾಕಿನೀಡಾಕಿನ್ಯನ್ತರಿಕ್ಷಗ್ರಹ ಪರಯನ್ತ್ರ ಪರತನ್ತ್ರೋಚ್ಚಟನಾಯ ಸ್ವಾಹಾ ।
ಸಕಲಪ್ರಯೋಜನನಿರ್ವಾಹಕಾಯ ಪಞ್ಚಮುಖವೀರಹನುಮತೇ ಶ್ರೀರಾಮಚನ್ದ್ರವರಪ್ರಸಾದಾಯ ಜಞ್ಜಞ್ಜಞ್ಜಞ್ಜಂ ಸ್ವಾಹಾ ।
ಇದಂ ಕವಚಂ ಪಠಿತ್ವಾ ತು ಮಹಾಕವಚಂ ಪಠೇನ್ನರಃ ।
ಏಕವಾರಂ ಜಪೇತ್ ಸ್ತೋತ್ರಂ ಸರ್ವಶತ್ರುನಿವಾರಣಮ್ ॥ 15 ॥
ದ್ವಿವಾರಂ ತು ಪಠೇನ್ನಿತ್ಯಂ ಪುತ್ರಪೌತ್ರಪ್ರವರ್ಧನಮ್ ।
ತ್ರಿವಾರಂ ಚ ಪಠೇನ್ನಿತ್ಯಂ ಸರ್ವಸಮ್ಪತ್ಕರಂ ಶುಭಮ್ ॥ 16 ॥
ಚತುರ್ವಾರಂ ಪಠೇನ್ನಿತ್ಯಂ ಸರ್ವರೋಗನಿವಾರಣಮ್ ।
ಪಞ್ಚವಾರಂ ಪಠೇನ್ನಿತ್ಯಂ ಸರ್ವಲೋಕವಶಙ್ಕರಮ್ ॥ 17 ॥
ಷಡ್ವಾರಂ ಚ ಪಠೇನ್ನಿತ್ಯಂ ಸರ್ವದೇವವಶಙ್ಕರಮ್ ।
ಸಪ್ತವಾರಂ ಪಠೇನ್ನಿತ್ಯಂ ಸರ್ವಸೌಭಾಗ್ಯದಾಯಕಮ್ ॥ 18 ॥
ಅಷ್ಟವಾರಂ ಪಠೇನ್ನಿತ್ಯಮಿಷ್ಟಕಾಮಾರ್ಥಸಿದ್ಧಿದಮ್ ।
ನವವಾರಂ ಪಠೇನ್ನಿತ್ಯಂ ರಾಜಭೋಗಮವಾಪ್ನುಯಾತ್ ॥ 19 ॥
ದಶವಾರಂ ಪಠೇನ್ನಿತ್ಯಂ ತ್ರೈಲೋಕ್ಯಜ್ಞಾನದರ್ಶನಮ್ ।
ರುದ್ರಾವೃತ್ತಿಂ ಪಠೇನ್ನಿತ್ಯಂ ಸರ್ವಸಿದ್ಧಿರ್ಭವೇದ್ಧೃವಮ್ ॥ 20 ॥
ನಿರ್ಬಲೋ ರೋಗಯುಕ್ತಶ್ಚ ಮಹಾವ್ಯಾಧ್ಯಾದಿಪೀಡಿತಃ ।
ಕವಚಸ್ಮರಣೇನೈವ ಮಹಾಬಲಮವಾಪ್ನುಯಾತ್ ॥ 21 ॥
ಇತಿ ಸುದರ್ಶನಸಂಹಿತಾಯಾಂ ಶ್ರೀರಾಮಚನ್ದ್ರಸೀತಾಪ್ರೋಕ್ತಂ ಶ್ರೀ ಪಞ್ಚಮುಖಹನುಮತ್ಕವಚಮ್ ।
About This Stotram
Overview
Panchamukha Hanuman Kavacham is a 21-verse protective hymn (kavacham) dedicated to the five-faced form of Hanuman, in which each face corresponds to a different deity: Hanuman (east), Narasimha (north), Garuda (south), Varaha (west), and Hayagriva (upward). The text follows a tantric structure with nyasa, bija syllables, and kavacha (armor) invocations. It belongs to the tradition of Hanuman upasana within Hindu tantric and Puranic devotional practice.
What are the benefits of chanting Panchamukha Hanuman Kavacham?
- Provides protection from fear, enemies, and malevolent forces
- Bestows strength, courage, and confidence
- Removes obstacles and promotes success in endeavors
- Guards against illness through the protective power attributed to the Garuda face
When is the best time to recite this?
The kavacham is recited in the morning after bathing, in the evening, or whenever protection is sought. Hanuman Jayanti is a particularly auspicious occasion for its recitation.
What is the historical and traditional background?
The Panchamukha form of Hanuman is associated with tantric worship and appears in Agamic and later Puranic literature. The kavacham's structure — with its Brahma Rishi attribution, Gayatri chandas, and use of bija mantras — reflects the conventions of tantric protective hymns that became widespread in South and central India during the medieval period. The text's precise authorship and date of composition are unknown. The five-faced form of Hanuman is particularly venerated in the tradition surrounding the Panchamukha Anjaneya temples of South India.
Available scripts
This text is available in 14 scripts: devanagari, tamil, telugu, kannada, malayalam, gujarati, bengali, iast, gurmukhi, oriya, assamese, sinhala, itrans, hk. Use the script selector above to switch between them.
Related Texts
- Hanuman Chalisa — the forty-verse devotional hymn to Hanuman by Tulsidas, the most widely recited Hanuman text
- Sankat Mochan Hanuman Ashtakam — an eight-verse hymn to Hanuman as the remover of afflictions, sharing the protective theme of this kavacham