Hanuman Kavacham

ශ්රී හනුමත්කවචම්

ශ්ලොක 1

අස්ය ශ්රී හනුමත් කවචස්තෝත්රමහාමන්ත්රස්ය වසිෂ්ඨ ඍෂිඃ අනුෂ්ටුප් ඡන්දඃ ශ්රී හනුමාන් දේවතා මාරුතාත්මජ ඉති බීජං අඤ්ජනාසූනුරිති ශක්තිඃ වායුපුත්ර ඉති කීලකං හනුමත්ප්රසාද සිද්ධ්යර්ථේ ජපේ විනියෝගඃ ..

උල්ලඞ්ඝ්ය සින්ධෝස්සලිලං සලීලං

යශ්ශෝකවහ්නිං ජනකාත්මජායාඃ .

ආදාය තේනෛව දදාහ ලඞ්කාං

නමාමි තං ප්රාඤ්ජලිරාඤ්ජනේයම් .. 1

මනෝජවං මාරුතතුල්යවේගං

ජිතේන්ද්රියං බුද්ධිමතාං වරිෂ්ඨම් .

වාතාත්මජං වානරයූථමුඛ්යං

ශ්රීරාමදූතං ශිරසා නමාමි .. 2

උද්යදාදිත්යසඞ්කාශං උදාරභුජවික්රමම් .

කන්දර්පකෝටිලාවණ්යං සර්වවිද්යාවිශාරදම් .. 3

ශ්රීරාමහෘදයානන්දං භක්තකල්පමහීරුහම් .

අභයං වරදං දෝර්භ්යාං කලයේ මාරුතාත්මජම් .. 4

ශ්රීරාම රාම රාමේති රමේ රාමේ මනෝරමේ .

සහස්රනාම තත්තුල්යං රාමනාම වරානනේ .. 5

පාදෞ වායුසුතඃ පාතු රාමදූතස්තදඞ්ගුලීඃ .

ගුල්ඵෞ හරීශ්වරඃ පාතු ජඞ්ඝේ චාර්ණවලඞ්ඝනඃ .. 6

ජානුනී මාරුතිඃ පාතු ඌරූ පාත්වසුරාන්තකඃ .

ගුහ්යං වජ්රතනුඃ පාතු ජඝනං තු ජගද්ධිතඃ .. 7

ආඤ්ජනේයඃ කටිං පාතු නාභිං සෞමිත්රිජීවනඃ .

උදරං පාතු හෘද්ගේහී හෘදයං ච මහාබලඃ .. 8

වක්ෂෝ වාලායුධඃ පාතු ස්තනෞ චා(අ)මිතවික්රමඃ .

පාර්ශ්වෞ ජිතේන්ද්රියඃ පාතු බාහූ සුග්රීවමන්ත්රකෘත් .. 9

කරාවක්ෂ ජයී පාතු හනුමාංශ්ච තදඞ්ගුලීඃ .

පෘෂ්ඨං භවිෂ්යද්ර්බහ්මා ච ස්කන්ධෞ මති මතාං වරඃ .. 10

කණ්ඨං පාතු කපිශ්රේෂ්ඨෝ මුඛං රාවණදර්පහා .

වක්ත්රං ච වක්තෘප්රවණෝ නේත්රේ දේවගණස්තුතඃ .. 11

බ්රහ්මාස්ත්රසන්මානකරෝ භ්රුවෞ මේ පාතු සර්වදා .

කාමරූපඃ කපෝලේ මේ ඵාලං වජ්රනඛෝ(අ)වතු .. 12

ශිරෝ මේ පාතු සතතං ජානකීශෝකනාශනඃ .

ශ්රීරාමභක්තප්රවරඃ පාතු සර්වකලේබරම් .. 13

මාමහ්නි පාතු සර්වජ්ඤඃ පාතු රාත්රෞ මහායශාඃ .

විවස්වදන්තේවාසී ච සන්ධ්යයෝඃ පාතු සර්වදා .. 14

බ්රහ්මාදිදේවතාදත්තවරඃ පාතු නිරන්තරම් .

ය ඉදං කවචං නිත්යං පඨේච්ච ශෘණුයාන්නරඃ .. 15

දීර්ඝමායුරවාප්නෝති බලං දෘෂ්ටිං ච වින්දති .

පාදාක්රාන්තා භවිෂ්යන්ති පඨතස්තස්ය ශත්රවඃ .

ස්ථිරාං සුකීර්තිමාරෝග්යං ලභතේ ශාශ්වතං සුඛම් .. 16

ඉති නිගදිතවාක්යවෘත්ත තුභ්යං

සකලමපි ස්වයමාඤ්ජනේය වෘත්තම් .

අපි නිජජනරක්ෂණෛකදීක්ෂෝ

වශග තදීය මහාමනුප්රභාවඃ .. 17

ඉති ශ්රී හනුමත් කවචම් ..