Hanuman Kavacham

ଶ୍ରୀ ହନୁମତ୍କଵଚମ୍

ଶ୍ଲୋକ 1

ଅସ୍ଯ ଶ୍ରୀ ହନୁମତ୍ କଵଚସ୍ତୋତ୍ରମହାମନ୍ତ୍ରସ୍ଯ ଵସିଷ୍ଠ ଋଷିଃ ଅନୁଷ୍ଟୁପ୍ ଛନ୍ଦଃ ଶ୍ରୀ ହନୁମାନ୍ ଦେଵତା ମାରୁତାତ୍ମଜ ଇତି ବୀଜଂ ଅଞ୍ଜନାସୂନୁରିତି ଶକ୍ତିଃ ଵାଯୁପୁତ୍ର ଇତି କୀଲକଂ ହନୁମତ୍ପ୍ରସାଦ ସିଦ୍ଧ୍ଯର୍ଥେ ଜପେ ଵିନିଯୋଗଃ ॥

ଉଲ୍ଲଙ୍ଘ୍ଯ ସିନ୍ଧୋସ୍ସଲିଲଂ ସଲୀଲଂ

ଯଶ୍ଶୋକଵହ୍ନିଂ ଜନକାତ୍ମଜାଯାଃ ।

ଆଦାଯ ତେନୈଵ ଦଦାହ ଲଙ୍କାଂ

ନମାମି ତଂ ପ୍ରାଞ୍ଜଲିରାଞ୍ଜନେଯମ୍ ॥ 1

ମନୋଜଵଂ ମାରୁତତୁଲ୍ଯଵେଗଂ

ଜିତେନ୍ଦ୍ରିଯଂ ବୁଦ୍ଧିମତାଂ ଵରିଷ୍ଠମ୍ ।

ଵାତାତ୍ମଜଂ ଵାନରଯୂଥମୁଖ୍ଯଂ

ଶ୍ରୀରାମଦୂତଂ ଶିରସା ନମାମି ॥ 2

ଉଦ୍ଯଦାଦିତ୍ଯସଙ୍କାଶଂ ଉଦାରଭୁଜଵିକ୍ରମମ୍ ।

କନ୍ଦର୍ପକୋଟିଲାଵଣ୍ଯଂ ସର୍ଵଵିଦ୍ଯାଵିଶାରଦମ୍ ॥ 3

ଶ୍ରୀରାମହୃଦଯାନନ୍ଦଂ ଭକ୍ତକଲ୍ପମହୀରୁହମ୍ ।

ଅଭଯଂ ଵରଦଂ ଦୋର୍ଭ୍ଯାଂ କଲଯେ ମାରୁତାତ୍ମଜମ୍ ॥ 4

ଶ୍ରୀରାମ ରାମ ରାମେତି ରମେ ରାମେ ମନୋରମେ ।

ସହସ୍ରନାମ ତତ୍ତୁଲ୍ଯଂ ରାମନାମ ଵରାନନେ ॥ 5

ପାଦୌ ଵାଯୁସୁତଃ ପାତୁ ରାମଦୂତସ୍ତଦଙ୍ଗୁଲୀଃ ।

ଗୁଲ୍ଫୌ ହରୀଶ୍ଵରଃ ପାତୁ ଜଙ୍ଘେ ଚାର୍ଣଵଲଙ୍ଘନଃ ॥ 6

ଜାନୁନୀ ମାରୁତିଃ ପାତୁ ଊରୂ ପାତ୍ଵସୁରାନ୍ତକଃ ।

ଗୁହ୍ଯଂ ଵଜ୍ରତନୁଃ ପାତୁ ଜଘନଂ ତୁ ଜଗଦ୍ଧିତଃ ॥ 7

ଆଞ୍ଜନେଯଃ କଟିଂ ପାତୁ ନାଭିଂ ସୌମିତ୍ରିଜୀଵନଃ ।

ଉଦରଂ ପାତୁ ହୃଦ୍ଗେହୀ ହୃଦଯଂ ଚ ମହାବଲଃ ॥ 8

ଵକ୍ଷୋ ଵାଲାଯୁଧଃ ପାତୁ ସ୍ତନୌ ଚାଽମିତଵିକ୍ରମଃ ।

ପାର୍ଶ୍ଵୌ ଜିତେନ୍ଦ୍ରିଯଃ ପାତୁ ବାହୂ ସୁଗ୍ରୀଵମନ୍ତ୍ରକୃତ୍ ॥ 9

କରାଵକ୍ଷ ଜଯୀ ପାତୁ ହନୁମାଂଶ୍ଚ ତଦଙ୍ଗୁଲୀଃ ।

ପୃଷ୍ଠଂ ଭଵିଷ୍ଯଦ୍ର୍ବହ୍ମା ଚ ସ୍କନ୍ଧୌ ମତି ମତାଂ ଵରଃ ॥ 10

କଣ୍ଠଂ ପାତୁ କପିଶ୍ରେଷ୍ଠୋ ମୁଖଂ ରାଵଣଦର୍ପହା ।

ଵକ୍ତ୍ରଂ ଚ ଵକ୍ତୃପ୍ରଵଣୋ ନେତ୍ରେ ଦେଵଗଣସ୍ତୁତଃ ॥ 11

ବ୍ରହ୍ମାସ୍ତ୍ରସନ୍ମାନକରୋ ଭ୍ରୁଵୌ ମେ ପାତୁ ସର୍ଵଦା ।

କାମରୂପଃ କପୋଲେ ମେ ଫାଲଂ ଵଜ୍ରନଖୋଽଵତୁ ॥ 12

ଶିରୋ ମେ ପାତୁ ସତତଂ ଜାନକୀଶୋକନାଶନଃ ।

ଶ୍ରୀରାମଭକ୍ତପ୍ରଵରଃ ପାତୁ ସର୍ଵକଲେବରମ୍ ॥ 13

ମାମହ୍ନି ପାତୁ ସର୍ଵଜ୍ଞଃ ପାତୁ ରାତ୍ରୌ ମହାଯଶାଃ ।

ଵିଵସ୍ଵଦନ୍ତେଵାସୀ ଚ ସନ୍ଧ୍ଯଯୋଃ ପାତୁ ସର୍ଵଦା ॥ 14

ବ୍ରହ୍ମାଦିଦେଵତାଦତ୍ତଵରଃ ପାତୁ ନିରନ୍ତରମ୍ ।

ଯ ଇଦଂ କଵଚଂ ନିତ୍ଯଂ ପଠେଚ୍ଚ ଶୃଣୁଯାନ୍ନରଃ ॥ 15

ଦୀର୍ଘମାଯୁରଵାପ୍ନୋତି ବଲଂ ଦୃଷ୍ଟିଂ ଚ ଵିନ୍ଦତି ।

ପାଦାକ୍ରାନ୍ତା ଭଵିଷ୍ଯନ୍ତି ପଠତସ୍ତସ୍ଯ ଶତ୍ରଵଃ ।

ସ୍ଥିରାଂ ସୁକୀର୍ତିମାରୋଗ୍ଯଂ ଲଭତେ ଶାଶ୍ଵତଂ ସୁଖମ୍ ॥ 16

ଇତି ନିଗଦିତଵାକ୍ଯଵୃତ୍ତ ତୁଭ୍ଯଂ

ସକଲମପି ସ୍ଵଯମାଞ୍ଜନେଯ ଵୃତ୍ତମ୍ ।

ଅପି ନିଜଜନରକ୍ଷଣୈକଦୀକ୍ଷୋ

ଵଶଗ ତଦୀଯ ମହାମନୁପ୍ରଭାଵଃ ॥ 17

ଇତି ଶ୍ରୀ ହନୁମତ୍ କଵଚମ୍ ॥