Hanuman Kavacham

shrI hanumatkavacham

shloka 1

asya shrI hanumat kavachastotramahAmantrasya vasiShTha RRiShiH anuShTup ChandaH shrI hanumAn devatA mArutAtmaja iti bIjaM a~njanAsUnuriti shaktiH vAyuputra iti kIlakaM hanumatprasAda siddhyarthe jape viniyogaH ||

ulla~Nghya sindhossalilaM salIlaM

yashshokavahniM janakAtmajAyAH |

AdAya tenaiva dadAha la~NkAM

namAmi taM prAnjalirAnjaneyam || 1

manojavaM mArutatulyavegaM

jitendriyaM buddhimatAM variShTham |

vAtAtmajaM vAnarayUthamukhyaM

shrIrAmadUtaM shirasA namAmi || 2

udyadAdityasa~NkAshaM udArabhujavikramam |

kandarpakoTilAvaNyaM sarvavidyAvishAradam || 3

shrIrAmahRRidayAnandaM bhaktakalpamahIruham |

abhayaM varadaM dorbhyAM kalaye mArutAtmajam || 4

shrIrAma rAma rAmeti rame rAme manorame |

sahasranAma tattulyaM rAmanAma varAnane || 5

pAdau vAyusutaH pAtu rAmadUtastada~NgulIH |

gulphau harIshvaraH pAtu jaNghe chArNavalaNghanaH || 6

jAnunI mArutiH pAtu UrU pAtvasurAntakaH |

guhyaM vajratanuH pAtu jaghanaM tu jagaddhitaH || 7

A~njaneyaH kaTiM pAtu nAbhiM saumitrijIvanaH |

udaraM pAtu hRRidgehI hRRidayaM cha mahAbalaH || 8

vakSho vAlAyudhaH pAtu stanau chA.amitavikramaH |

pArshvau jitendriyaH pAtu bAhU sugrIvamantrakRRit || 9

karAvakSha jayI pAtu hanumAMshcha tada~NgulIH |

pRRiShThaM bhaviShyadrbahmA cha skandhau mati matAM varaH || 10

kaNThaM pAtu kapishreShTho mukhaM rAvaNadarpahA |

vaktraM cha vaktRRipravaNo netre devagaNastutaH || 11

brahmAstrasanmAnakaro bhruvau me pAtu sarvadA |

kAmarUpaH kapole me phAlaM vajranakho.avatu || 12

shiro me pAtu satataM jAnakIshokanAshanaH |

shrIrAmabhaktapravaraH pAtu sarvakalebaram || 13

mAmahni pAtu sarvaj~naH pAtu rAtrau mahAyashAH |

vivasvadantevAsI cha sandhyayoH pAtu sarvadA || 14

brahmAdidevatAdattavaraH pAtu nirantaram |

ya idaM kavachaM nityaM paThechcha shRRiNuyAnnaraH || 15

dIrghamAyuravApnoti balaM dRRiShTiM cha vindati |

pAdAkrAntA bhaviShyanti paThatastasya shatravaH |

sthirAM sukIrtimArogyaM labhate shAshvataM sukham || 16

iti nigaditavAkyavRRitta tubhyaM

sakalamapi svayamA~njaneya vRRittam |

api nijajanarakShaNaikadIkSho

vashaga tadIya mahAmanuprabhAvaH || 17

iti shrI hanumat kavacham ||