Hanuman Kavacham

zrI hanumatkavacam

zloka 1

asya zrI hanumat kavacastotramahAmantrasya vasiSTha RSiH anuSTup chandaH zrI hanumAn devatA mArutAtmaja iti bIjaM aJjanAsUnuriti zaktiH vAyuputra iti kIlakaM hanumatprasAda siddhyarthe jape viniyogaH ||

ullaGghya sindhossalilaM salIlaM

yazzokavahniM janakAtmajAyAH |

AdAya tenaiva dadAha laGkAM

namAmi taM prAJjalirAJjaneyam || 1

manojavaM mArutatulyavegaM

jitendriyaM buddhimatAM variSTham |

vAtAtmajaM vAnarayUthamukhyaM

zrIrAmadUtaM zirasA namAmi || 2

udyadAdityasaGkAzaM udArabhujavikramam |

kandarpakoTilAvaNyaM sarvavidyAvizAradam || 3

zrIrAmahRdayAnandaM bhaktakalpamahIruham |

abhayaM varadaM dorbhyAM kalaye mArutAtmajam || 4

zrIrAma rAma rAmeti rame rAme manorame |

sahasranAma tattulyaM rAmanAma varAnane || 5

pAdau vAyusutaH pAtu rAmadUtastadaGgulIH |

gulphau harIzvaraH pAtu jaGghe cArNavalaGghanaH || 6

jAnunI mArutiH pAtu UrU pAtvasurAntakaH |

guhyaM vajratanuH pAtu jaghanaM tu jagaddhitaH || 7

AJjaneyaH kaTiM pAtu nAbhiM saumitrijIvanaH |

udaraM pAtu hRdgehI hRdayaM ca mahAbalaH || 8

vakSo vAlAyudhaH pAtu stanau cA'mitavikramaH |

pArzvau jitendriyaH pAtu bAhU sugrIvamantrakRt || 9

karAvakSa jayI pAtu hanumAMzca tadaGgulIH |

pRSThaM bhaviSyadrbahmA ca skandhau mati matAM varaH || 10

kaNThaM pAtu kapizreSTho mukhaM rAvaNadarpahA |

vaktraM ca vaktRpravaNo netre devagaNastutaH || 11

brahmAstrasanmAnakaro bhruvau me pAtu sarvadA |

kAmarUpaH kapole me phAlaM vajranakho'vatu || 12

ziro me pAtu satataM jAnakIzokanAzanaH |

zrIrAmabhaktapravaraH pAtu sarvakalebaram || 13

mAmahni pAtu sarvajJaH pAtu rAtrau mahAyazAH |

vivasvadantevAsI ca sandhyayoH pAtu sarvadA || 14

brahmAdidevatAdattavaraH pAtu nirantaram |

ya idaM kavacaM nityaM paThecca zRNuyAnnaraH || 15

dIrghamAyuravApnoti balaM dRSTiM ca vindati |

pAdAkrAntA bhaviSyanti paThatastasya zatravaH |

sthirAM sukIrtimArogyaM labhate zAzvataM sukham || 16

iti nigaditavAkyavRtta tubhyaM

sakalamapi svayamAJjaneya vRttam |

api nijajanarakSaNaikadIkSo

vazaga tadIya mahAmanuprabhAvaH || 17

iti zrI hanumat kavacam ||