Hanuman Ashtottara Sata Naama Stotram

hanumAn (A~njaneya) aShTottara shatanAma stotram

shloka 1

A~njaneyo mahAvIro hanumAnmArutAtmajaH |

tatvaj~nAnapradaH sItAdevImudrApradAyakaH || 1 ||

ashokavanikAchChettA sarvamAyAvibha~njanaH |

sarvabandhavimoktA cha rakShovidhvaMsakArakaH || 2 ||

paravidyAparIhAraH parashauryavinAshanaH |

paramantranirAkartA parayantraprabhedakaH || 3 ||

sarvagrahavinAshI cha bhImasenasahAyakRRit |

sarvaduHkhaharaH sarvalokachArI manojavaH || 4 ||

pArijAtadrumUlasthaH sarvamantrasvarUpavAn |

sarvatantrasvarUpI cha sarvayantrAtmakastathA || 5 ||

kapIshvaro mahAkAyaH sarvarogaharaH prabhuH |

balasiddhikaraH sarvavidyAsampatpradAyakaH || 6 ||

kapisenAnAyakashcha bhaviShyachchaturAnanaH |

kumArabrahmachArI cha ratnakuNDaladIptimAn || 7 ||

sa~nchaladvAlasannaddhalambamAnashikhojjvalaH |

gandharvavidyAtattvaj~no mahAbalaparAkramaH || 8 ||

kArAgRRihavimoktA cha shRRi~NkhalAbandhamochakaH |

sAgarottArakaH prAj~no rAmadUtaH pratApavAn || 9 ||

vAnaraH kesarisutaH sItAshokanivArakaH |

a~njanAgarbhasambhUto bAlArkasadRRishAnanaH || 10 ||

vibhIShaNapriyakaro dashagrIvakulAntakaH |

lakShmaNaprANadAtA cha vajrakAyo mahAdyutiH || 11 ||

chira~njIvI rAmabhakto daityakAryavighAtakaH |

akShahantA kAnchanAbhaH panchavaktro mahAtapAH || 12 ||

laNkiNIbhanjanaH shrImAn siMhikAprANabha~njanaH |

gandhamAdanashailastho la~NkApuravidAhakaH || 13 ||

sugrIvasachivo dhIraH shUro daityakulAntakaH |

surArchito mahAtejA rAmachUDAmaNipradaH || 14 ||

kAmarUpI pi~NgalAkSho vArdhimainAkapUjitaH |

kabalIkRRitamArtANDamaNDalo vijitendiryaH || 15 ||

rAmasugrIvasandhAtA mahirAvaNamardanaH |

sphaTikAbho vAgadhIsho navavyAkRRitipaNDitaH || 16 ||

chaturbAhurdInabandhurmahAtmA bhaktavatsalaH |

sa~njIvananagAhartA shuchirvAgmI dRRiDhavrataH || 17 ||

kAlanemipramathano harimarkaTamarkaTaH |

dAntaH shAntaH prasannAtmA shatakaNThamadApahRRit || 18 ||

yogI rAmakathAlolaH sItAnveShaNapaNDitaH |

vajradaMShTro vajranakho rudravIryasamudbhavaH || 19 ||

indrajitprahitAmoghabrahmAstravinivArakaH |

pArthadhvajAgrasaMvAsI sharapa~njarabhedakaH || 20 ||

dashabAhurlorkapUjyo jAmbavatprItivardhanaH |

sItAsametashrIrAmapAdasevAdhurandharaH || 21 ||

ityevaM shrIhanumato nAmnAmaShTottaraM shatam |

yaH paThechChRRiNuyAnnityaM sarvAnkAmAnavApnuyAt || 22 ||