Hanuman Ashtakam

ଶ୍ରୀ ହନୁମଦଷ୍ଟକମ୍

ଶ୍ଲୋକ 1

ଶ୍ରୀରଘୁରାଜପଦାବ୍ଜନିକେତନ ପଙ୍କଜଲୋଚନ ମଙ୍ଗଲରାଶେ

ଚଣ୍ଡମହାଭୁଜଦଣ୍ଡ ସୁରାରିଵିଖଣ୍ଡନପଣ୍ଡିତ ପାହି ଦଯାଲୋ ।

ପାତକିନଂ ଚ ସମୁଦ୍ଧର ମାଂ ମହତାଂ ହି ସତାମପି ମାନମୁଦାରଂ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

ଶ୍ଲୋକ 2

ସଂସୃତିତାପମହାନଲଦଗ୍ଧତନୂରୁହମର୍ମତନୋରତିଵେଲଂ

ପୁତ୍ରଧନସ୍ଵଜନାତ୍ମଗୃହାଦିଷୁ ସକ୍ତମତେରତିକିଲ୍ବିଷମୂର୍ତେଃ ।

କେନଚିଦପ୍ଯମଲେନ ପୁରାକୃତପୁଣ୍ଯସୁପୁଞ୍ଜଲଵେନ ଵିଭୋ ଵୈ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 1 ॥

ଶ୍ଲୋକ 3

ସଂସୃତିକୂପମନଲ୍ପମଘୋରନିଦାଘନିଦାନମଜସ୍ରମଶେଷଂ

ପ୍ରାପ୍ଯ ସୁଦୁଃଖସହସ୍ରଭୁଜଙ୍ଗଵିଷୈକସମାକୁଲସର୍ଵତନୋର୍ମେ ।

ଘୋରମହାକୃପଣାପଦମେଵ ଗତସ୍ଯ ହରେ ପତିତସ୍ଯ ଭଵାବ୍ଧୌ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 2 ॥

ଶ୍ଲୋକ 4

ସଂସୃତିସିନ୍ଧୁଵିଶାଲକରାଲମହାବଲକାଲଝଷଗ୍ରସନାର୍ତଂ

ଵ୍ଯଗ୍ରସମଗ୍ରଧିଯଂ କୃପଣଂ ଚ ମହାମଦନକ୍ରସୁଚକ୍ରହୃତାସୁମ୍ ।

କାଲମହାରସନୋର୍ମିନିପୀଡିତମୁଦ୍ଧର ଦୀନମନନ୍ଯଗତିଂ ମାଂ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 3 ॥

ଶ୍ଲୋକ 5

ସଂସୃତିଘୋରମହାଗହନେ ଚରତୋ ମଣିରଞ୍ଜିତପୁଣ୍ଯସୁମୂର୍ତେଃ

ମନ୍ମଥଭୀକରଘୋରମହୋଗ୍ରମୃଗପ୍ରଵରାର୍ଦିତଗାତ୍ରସୁସନ୍ଧେଃ ।

ମତ୍ସରତାପଵିଶେଷନିପୀଡିତବାହ୍ଯମତେଶ୍ଚ କଥଂ ଚିଦମେଯଂ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 4 ॥

ଶ୍ଲୋକ 6

ସଂସୃତିଵୃକ୍ଷମନେକଶତାଘନିଦାନମନନ୍ତଵିକର୍ମସୁଶାଖଂ

ଦୁଃଖଫଲଂ କରଣାଦିପଲାଶମନଙ୍ଗସୁପୁଷ୍ପମଚିନ୍ତ୍ଯସୁମୂଲମ୍ ।

ତଂ ହ୍ଯଧିରୁହ୍ଯ ହରେ ପତିତଂ ଶରଣାଗତମେଵ ଵିମୋଚଯ ମୂଢଂ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 5 ॥

ଶ୍ଲୋକ 7

ସଂସୃତିପନ୍ନଗଵକ୍ତ୍ରଭଯଙ୍କରଦଂଷ୍ଟ୍ରମହାଵିଷଦଗ୍ଧଶରୀରଂ

ପ୍ରାଣଵିନିର୍ଗମଭୀତିସମାକୁଲମନ୍ଦମନାଥମତୀଵ ଵିଷଣ୍ଣମ୍ ।

ମୋହମହାକୁହରେ ପତିତଂ ଦଯଯୋଦ୍ଧର ମାମଜିତେନ୍ଦ୍ରିଯକାମଂ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 6 ॥

ଶ୍ଲୋକ 8

ଇନ୍ଦ୍ରିଯନାମକଚୋରଗଣୈର୍ହୃତତତ୍ତ୍ଵଵିଵେକମହାଧନରାଶିଂ

ସଂସୃତିଜାଲନିପାତିତମେଵ ମହାବଲିଭିଶ୍ଚ ଵିଖଣ୍ଡିତକାଯମ୍ ।

ତ୍ଵତ୍ପଦପଦ୍ମମନୁତ୍ତମମାଶ୍ରିତମାଶୁ କପୀଶ୍ଵର ପାହି କୃପାଲୋ

ତ୍ଵାଂ ଭଜତୋ ମମ ଦେହି ଦଯାଘନ ହେ ହନୁମନ୍ ସ୍ଵପଦାମ୍ବୁଜଦାସ୍ଯମ୍

॥ 7 ॥

ଶ୍ଲୋକ 9

ବ୍ରହ୍ମମରୁଦ୍ଗଣରୁଦ୍ରମହେନ୍ଦ୍ରକିରୀଟସୁକୋଟିଲସତ୍ପଦପୀଠଂ

ଦାଶରଥିଂ ଜପତି କ୍ଷିତିମଣ୍ଡଲ ଏଷ ନିଧାଯ ସଦୈଵ ହୃଦବ୍ଜେ ।

ତସ୍ଯ ହନୂମତ ଏଵ ଶିଵଙ୍କରମଷ୍ଟକମେତଦନିଷ୍ଟହରଂ ଵୈ

ଯଃ ସତତଂ ହି ପଠେତ୍ସ ନରୋ ଲଭତେଽଚ୍ଯୁତରାମପଦାବ୍ଜନିଵାସମ୍

॥ 8 ॥

ଶ୍ଲୋକ 10

ଇତି ଶ୍ରୀ ମଧୁସୂଦନାଶ୍ରମ ଶିଷ୍ଯାଽଚ୍ଯୁତଵିରଚିତଂ ଶ୍ରୀମଦ୍ଦନୁମଦଷ୍ଟକମ୍ ।