Ganesha Kavacham

ගණේශ කවචම්

ශ්ලොක 1

ඒෂෝති චපලෝ දෛත්යාන් බාල්යේපි නාශයත්යහෝ .

අග්රේ කිං කර්ම කර්තේති න ජානේ මුනිසත්තම .. 1 ..

දෛත්යා නානාවිධා දුෂ්ටාස්සාධු දේවද්රුමඃ ඛලාඃ .

අතෝස්ය කණ්ඨේ කිඤ්චිත්ත්යං රක්ෂාං සම්බද්ධුමර්හසි .. 2 ..

ධ්යායේත් සිංහගතං විනායකමමුං දිග්බාහු මාද්යේ යුගේ

ත්රේතායාං තු මයූර වාහනමමුං ෂඩ්බාහුකං සිද්ධිදම් . ඊ

ද්වාපරේතු ගජානනං යුගභුජං රක්තාඞ්ගරාගං විභුං තුර්යේ

තු ද්විභුජං සිතාඞ්ගරුචිරං සර්වාර්ථදං සර්වදා .. 3 ..

විනායක ශ්ශිඛාම්පාතු පරමාත්මා පරාත්පරඃ .

අතිසුන්දර කායස්තු මස්තකං සුමහෝත්කටඃ .. 4 ..

ලලාටං කශ්යපඃ පාතු භ්රූයුගං තු මහෝදරඃ .

නයනේ බාලචන්ද්රස්තු ගජාස්යස්ත්යෝෂ්ඨ පල්ලවෞ .. 5 ..

ජිහ්වාං පාතු ගජක්රීඩශ්චුබුකං ගිරිජාසුතඃ .

වාචං විනායකඃ පාතු දන්තාන්​ රක්ෂතු දුර්මුඛඃ .. 6 ..

ශ්රවණෞ පාශපාණිස්තු නාසිකාං චින්තිතාර්ථදඃ .

ගණේශස්තු මුඛං පාතු කණ්ඨං පාතු ගණාධිපඃ .. 7 ..

ස්කන්ධෞ පාතු ගජස්කන්ධඃ ස්තනේ විඝ්නවිනාශනඃ .

හෘදයං ගණනාථස්තු හේරම්බෝ ජඨරං මහාන් .. 8 ..

ධරාධරඃ පාතු පාර්ශ්වෞ පෘෂ්ඨං විඝ්නහරශ්ශුභඃ .

ලිඞ්ගං ගුහ්යං සදා පාතු වක්රතුණ්ඩෝ මහාබලඃ .. 9 ..

ගජක්රීඩෝ ජානු ජඞ්ඝෝ ඌරූ මඞ්ගලකීර්තිමාන් .

ඒකදන්තෝ මහාබුද්ධිඃ පාදෞ ගුල්ඵෞ සදාවතු .. 10 ..

ක්ෂිප්ර ප්රසාදනෝ බාහු පාණී ආශාප්රපූරකඃ .

අඞ්ගුලීශ්ච නඛාන් පාතු පද්මහස්තෝ රිනාශනඃ .. 11 ..

සර්වාඞ්ගානි මයූරේශෝ විශ්වව්යාපී සදාවතු .

අනුක්තමපි යත් ස්ථානං ධූමකේතුඃ සදාවතු .. 12 ..

ආමෝදස්ත්වග්රතඃ පාතු ප්රමෝදඃ පෘෂ්ඨතෝවතු .

ප්රාච්යාං රක්ෂතු බුද්ධීශ ආග්නේය්යාං සිද්ධිදායකඃ .. 13 ..

දක්ෂිණස්යාමුමාපුත්රෝ නෛඍත්යාං තු ගණේශ්වරඃ .

ප්රතීච්යාං විඝ්නහර්තා ව්යාද්වායව්යාං ගජකර්ණකඃ .. 14 ..

කෞබේර්යාං නිධිපඃ පායාදීශාන්යාවිශනන්දනඃ .

දිවාව්යාදේකදන්ත ස්තු රාත්රෞ සන්ධ්යාසු යඃවිඝ්නහෘත් .. 15 ..

රාක්ෂසාසුර බේතාල ග්රහ භූත පිශාචතඃ .

පාශාඞ්කුශධරඃ පාතු රජස්සත්ත්වතමස්ස්මෘතීඃ .. 16 ..

ජ්ඤානං ධර්මං ච ලක්ෂ්මී ච ලජ්ජාං කීර්තිං තථා කුලම් . ඊ

වපුර්ධනං ච ධාන්යං ච ගෘහං දාරාස්සුතාන්සඛීන් .. 17 ..

සර්වායුධ ධරඃ පෞත්රාන් මයූරේශෝ වතාත් සදා .

කපිලෝ ජානුකං පාතු ගජාශ්වාන් විකටෝවතු .. 18 ..

භූර්ජපත්රේ ලිඛිත්වේදං යඃ කණ්ඨේ ධාරයේත් සුධීඃ .

න භයං ජායතේ තස්ය යක්ෂ රක්ෂඃ පිශාචතඃ .. 19 ..

ත්රිසන්ධ්යං ජපතේ යස්තු වජ්රසාර තනුර්භවේත් .

යාත්රාකාලේ පඨේද්යස්තු නිර්විඝ්නේන ඵලං ලභේත් .. 20 ..

යුද්ධකාලේ පඨේද්යස්තු විජයං චාප්නුයාද්ධ්රුවම් .

මාරණෝච්චාටනාකර්ෂ ස්තම්භ මෝහන කර්මණි .. 21 ..

සප්තවාරං ජපේදේතද්දනානාමේකවිංශතිඃ .

තත්තත්ඵලමවාප්නෝති සාධකෝ නාත්ර සංශයඃ .. 22 ..

ඒකවිංශතිවාරං ච පඨේත්තාවද්දිනානි යඃ .

කාරාගෘහගතං සද්යෝ රාජ්ඤාවධ්යං ච මෝචයෝත් .. 23 ..

රාජදර්ශන වේලායාං පඨේදේතත් ත්රිවාරතඃ .

ස රාජානං වශං නීත්වා ප්රකෘතීශ්ච සභාං ජයේත් .. 24 ..

ඉදං ගණේශකවචං කශ්යපේන සවිරිතම් .

මුද්ගලාය ච තේ නාථ මාණ්ඩව්යාය මහර්ෂයේ .. 25 ..

මහ්යං ස ප්රාහ කෘපයා කවචං සර්ව සිද්ධිදම් .

න දේයං භක්තිහීනාය දේයං ශ්රද්ධාවතේ ශුභම් .. 26 ..

අනේනාස්ය කෘතා රක්ෂා න බාධාස්ය භවේත් ව්යාචිත් .

රාක්ෂසාසුර බේතාල දෛත්ය දානව සම්භවාඃ .. 27 ..

.. ඉති ශ්රී ගණේශපුරාණේ ශ්රී ගණේශ කවචං සම්පූර්ණම් ..