Ganesha Kavacham

ଗଣେଶ କଵଚମ୍

ଶ୍ଲୋକ 1

ଏଷୋତି ଚପଲୋ ଦୈତ୍ଯାନ୍ ବାଲ୍ଯେପି ନାଶଯତ୍ଯହୋ ।

ଅଗ୍ରେ କିଂ କର୍ମ କର୍ତେତି ନ ଜାନେ ମୁନିସତ୍ତମ

ଶ୍ଲୋକ 2

ଦୈତ୍ଯା ନାନାଵିଧା ଦୁଷ୍ଟାସ୍ସାଧୁ ଦେଵଦ୍ରୁମଃ ଖଲାଃ ।

ଅତୋସ୍ଯ କଣ୍ଠେ କିଞ୍ଚିତ୍ତ୍ଯଂ ରକ୍ଷାଂ ସମ୍ବଦ୍ଧୁମର୍ହସି

॥ 1 ॥

ଶ୍ଲୋକ 3

ଧ୍ଯାଯେତ୍ ସିଂହଗତଂ ଵିନାଯକମମୁଂ ଦିଗ୍ବାହୁ ମାଦ୍ଯେ ଯୁଗେ

ତ୍ରେତାଯାଂ ତୁ ମଯୂର ଵାହନମମୁଂ ଷଡ୍ବାହୁକଂ ସିଦ୍ଧିଦମ୍ । ଈ

ଦ୍ଵାପରେତୁ ଗଜାନନଂ ଯୁଗଭୁଜଂ ରକ୍ତାଙ୍ଗରାଗଂ ଵିଭୁଂ ତୁର୍ଯେ

ତୁ ଦ୍ଵିଭୁଜଂ ସିତାଙ୍ଗରୁଚିରଂ ସର୍ଵାର୍ଥଦଂ ସର୍ଵଦା

॥ 2 ॥

ଶ୍ଲୋକ 4

ଵିନାଯକ ଶ୍ଶିଖାମ୍ପାତୁ ପରମାତ୍ମା ପରାତ୍ପରଃ ।

ଅତିସୁନ୍ଦର କାଯସ୍ତୁ ମସ୍ତକଂ ସୁମହୋତ୍କଟଃ

॥ 3 ॥

ଶ୍ଲୋକ 5

ଲଲାଟଂ କଶ୍ଯପଃ ପାତୁ ଭ୍ରୂଯୁଗଂ ତୁ ମହୋଦରଃ ।

ନଯନେ ବାଲଚନ୍ଦ୍ରସ୍ତୁ ଗଜାସ୍ଯସ୍ତ୍ଯୋଷ୍ଠ ପଲ୍ଲଵୌ

॥ 4 ॥

ଶ୍ଲୋକ 6

ଜିହ୍ଵାଂ ପାତୁ ଗଜକ୍ରୀଡଶ୍ଚୁବୁକଂ ଗିରିଜାସୁତଃ ।

ଵାଚଂ ଵିନାଯକଃ ପାତୁ ଦନ୍ତାନ୍​ ରକ୍ଷତୁ ଦୁର୍ମୁଖଃ

॥ 5 ॥

ଶ୍ଲୋକ 7

ଶ୍ରଵଣୌ ପାଶପାଣିସ୍ତୁ ନାସିକାଂ ଚିନ୍ତିତାର୍ଥଦଃ ।

ଗଣେଶସ୍ତୁ ମୁଖଂ ପାତୁ କଣ୍ଠଂ ପାତୁ ଗଣାଧିପଃ

॥ 6 ॥

ଶ୍ଲୋକ 8

ସ୍କନ୍ଧୌ ପାତୁ ଗଜସ୍କନ୍ଧଃ ସ୍ତନେ ଵିଘ୍ନଵିନାଶନଃ ।

ହୃଦଯଂ ଗଣନାଥସ୍ତୁ ହେରମ୍ବୋ ଜଠରଂ ମହାନ୍

॥ 7 ॥

ଶ୍ଲୋକ 9

ଧରାଧରଃ ପାତୁ ପାର୍ଶ୍ଵୌ ପୃଷ୍ଠଂ ଵିଘ୍ନହରଶ୍ଶୁଭଃ ।

ଲିଙ୍ଗଂ ଗୁହ୍ଯଂ ସଦା ପାତୁ ଵକ୍ରତୁଣ୍ଡୋ ମହାବଲଃ

॥ 8 ॥

ଶ୍ଲୋକ 10

ଗଜକ୍ରୀଡୋ ଜାନୁ ଜଙ୍ଘୋ ଊରୂ ମଙ୍ଗଲକୀର୍ତିମାନ୍ ।

ଏକଦନ୍ତୋ ମହାବୁଦ୍ଧିଃ ପାଦୌ ଗୁଲ୍ଫୌ ସଦାଵତୁ

॥ 9 ॥

ଶ୍ଲୋକ 11

କ୍ଷିପ୍ର ପ୍ରସାଦନୋ ବାହୁ ପାଣୀ ଆଶାପ୍ରପୂରକଃ ।

ଅଙ୍ଗୁଲୀଶ୍ଚ ନଖାନ୍ ପାତୁ ପଦ୍ମହସ୍ତୋ ରିନାଶନଃ

॥ 10 ॥

ଶ୍ଲୋକ 12

ସର୍ଵାଙ୍ଗାନି ମଯୂରେଶୋ ଵିଶ୍ଵଵ୍ଯାପୀ ସଦାଵତୁ ।

ଅନୁକ୍ତମପି ଯତ୍ ସ୍ଥାନଂ ଧୂମକେତୁଃ ସଦାଵତୁ

॥ 11 ॥

ଶ୍ଲୋକ 13

ଆମୋଦସ୍ତ୍ଵଗ୍ରତଃ ପାତୁ ପ୍ରମୋଦଃ ପୃଷ୍ଠତୋଵତୁ ।

ପ୍ରାଚ୍ଯାଂ ରକ୍ଷତୁ ବୁଦ୍ଧୀଶ ଆଗ୍ନେଯ୍ଯାଂ ସିଦ୍ଧିଦାଯକଃ

॥ 12 ॥

ଶ୍ଲୋକ 14

ଦକ୍ଷିଣସ୍ଯାମୁମାପୁତ୍ରୋ ନୈଋତ୍ଯାଂ ତୁ ଗଣେଶ୍ଵରଃ ।

ପ୍ରତୀଚ୍ଯାଂ ଵିଘ୍ନହର୍ତା ଵ୍ଯାଦ୍ଵାଯଵ୍ଯାଂ ଗଜକର୍ଣକଃ

॥ 13 ॥

ଶ୍ଲୋକ 15

କୌବେର୍ଯାଂ ନିଧିପଃ ପାଯାଦୀଶାନ୍ଯାଵିଶନନ୍ଦନଃ ।

ଦିଵାଵ୍ଯାଦେକଦନ୍ତ ସ୍ତୁ ରାତ୍ରୌ ସନ୍ଧ୍ଯାସୁ ଯଃଵିଘ୍ନହୃତ୍

॥ 14 ॥

ଶ୍ଲୋକ 16

ରାକ୍ଷସାସୁର ବେତାଲ ଗ୍ରହ ଭୂତ ପିଶାଚତଃ ।

ପାଶାଙ୍କୁଶଧରଃ ପାତୁ ରଜସ୍ସତ୍ତ୍ଵତମସ୍ସ୍ମୃତୀଃ

॥ 15 ॥

ଶ୍ଲୋକ 17

ଜ୍ଞାନଂ ଧର୍ମଂ ଚ ଲକ୍ଷ୍ମୀ ଚ ଲଜ୍ଜାଂ କୀର୍ତିଂ ତଥା କୁଲମ୍ । ଈ

ଵପୁର୍ଧନଂ ଚ ଧାନ୍ଯଂ ଚ ଗୃହଂ ଦାରାସ୍ସୁତାନ୍ସଖୀନ୍

॥ 16 ॥

ଶ୍ଲୋକ 18

ସର୍ଵାଯୁଧ ଧରଃ ପୌତ୍ରାନ୍ ମଯୂରେଶୋ ଵତାତ୍ ସଦା ।

କପିଲୋ ଜାନୁକଂ ପାତୁ ଗଜାଶ୍ଵାନ୍ ଵିକଟୋଵତୁ

॥ 17 ॥

ଶ୍ଲୋକ 19

ଭୂର୍ଜପତ୍ରେ ଲିଖିତ୍ଵେଦଂ ଯଃ କଣ୍ଠେ ଧାରଯେତ୍ ସୁଧୀଃ ।

ନ ଭଯଂ ଜାଯତେ ତସ୍ଯ ଯକ୍ଷ ରକ୍ଷଃ ପିଶାଚତଃ

॥ 18 ॥

ଶ୍ଲୋକ 20

ତ୍ରିସନ୍ଧ୍ଯଂ ଜପତେ ଯସ୍ତୁ ଵଜ୍ରସାର ତନୁର୍ଭଵେତ୍ ।

ଯାତ୍ରାକାଲେ ପଠେଦ୍ଯସ୍ତୁ ନିର୍ଵିଘ୍ନେନ ଫଲଂ ଲଭେତ୍

॥ 19 ॥

ଶ୍ଲୋକ 21

ଯୁଦ୍ଧକାଲେ ପଠେଦ୍ଯସ୍ତୁ ଵିଜଯଂ ଚାପ୍ନୁଯାଦ୍ଧ୍ରୁଵମ୍ ।

ମାରଣୋଚ୍ଚାଟନାକର୍ଷ ସ୍ତମ୍ଭ ମୋହନ କର୍ମଣି

॥ 20 ॥

ଶ୍ଲୋକ 22

ସପ୍ତଵାରଂ ଜପେଦେତଦ୍ଦନାନାମେକଵିଂଶତିଃ ।

ତତ୍ତତ୍ଫଲମଵାପ୍ନୋତି ସାଧକୋ ନାତ୍ର ସଂଶଯଃ

॥ 21 ॥

ଶ୍ଲୋକ 23

ଏକଵିଂଶତିଵାରଂ ଚ ପଠେତ୍ତାଵଦ୍ଦିନାନି ଯଃ ।

କାରାଗୃହଗତଂ ସଦ୍ଯୋ ରାଜ୍ଞାଵଧ୍ଯଂ ଚ ମୋଚଯୋତ୍

॥ 22 ॥

ଶ୍ଲୋକ 24

ରାଜଦର୍ଶନ ଵେଲାଯାଂ ପଠେଦେତତ୍ ତ୍ରିଵାରତଃ ।

ସ ରାଜାନଂ ଵଶଂ ନୀତ୍ଵା ପ୍ରକୃତୀଶ୍ଚ ସଭାଂ ଜଯେତ୍

॥ 23 ॥

ଶ୍ଲୋକ 25

ଇଦଂ ଗଣେଶକଵଚଂ କଶ୍ଯପେନ ସଵିରିତମ୍ ।

ମୁଦ୍ଗଲାଯ ଚ ତେ ନାଥ ମାଣ୍ଡଵ୍ଯାଯ ମହର୍ଷଯେ

॥ 24 ॥

ଶ୍ଲୋକ 26

ମହ୍ଯଂ ସ ପ୍ରାହ କୃପଯା କଵଚଂ ସର୍ଵ ସିଦ୍ଧିଦମ୍ ।

ନ ଦେଯଂ ଭକ୍ତିହୀନାଯ ଦେଯଂ ଶ୍ରଦ୍ଧାଵତେ ଶୁଭମ୍

॥ 25 ॥

ଶ୍ଲୋକ 27

ଅନେନାସ୍ଯ କୃତା ରକ୍ଷା ନ ବାଧାସ୍ଯ ଭଵେତ୍ ଵ୍ଯାଚିତ୍ ।

ରାକ୍ଷସାସୁର ବେତାଲ ଦୈତ୍ଯ ଦାନଵ ସମ୍ଭଵାଃ

॥ 26 ॥

ଶ୍ଲୋକ 28

॥ ଇତି ଶ୍ରୀ ଗଣେଶପୁରାଣେ ଶ୍ରୀ ଗଣେଶ କଵଚଂ ସମ୍ପୂର୍ଣମ୍ ॥