Ganesha Kavacham
Ganesha Kavacham
Ganesha Kavacham
gaNesha kavacham
shloka 1
eShoti chapalo daityAn bAlyepi nAshayatyaho |
agre kiM karma karteti na jAne munisattama || 1 ||
daityA nAnAvidhA duShTAssAdhu devadrumaH khalAH |
atosya kaNThe ki~nchittyaM rakShAM sambaddhumarhasi || 2 ||
dhyAyet siMhagataM vinAyakamamuM digbAhu mAdye yuge
tretAyAM tu mayUra vAhanamamuM ShaDbAhukaM siddhidam | I
dvAparetu gajAnanaM yugabhujaM raktA~NgarAgaM vibhuM turye
tu dvibhujaM sitA~NgaruchiraM sarvArthadaM sarvadA || 3 ||
vinAyaka shshikhAmpAtu paramAtmA parAtparaH |
atisundara kAyastu mastakaM sumahotkaTaH || 4 ||
lalATaM kashyapaH pAtu bhrUyugaM tu mahodaraH |
nayane bAlachandrastu gajAsyastyoShTha pallavau || 5 ||
jihvAM pAtu gajakrIDashchubukaM girijAsutaH |
vAchaM vinAyakaH pAtu dantAn rakShatu durmukhaH || 6 ||
shravaNau pAshapANistu nAsikAM chintitArthadaH |
gaNeshastu mukhaM pAtu kaNThaM pAtu gaNAdhipaH || 7 ||
skandhau pAtu gajaskandhaH stane vighnavinAshanaH |
hRRidayaM gaNanAthastu herambo jaTharaM mahAn || 8 ||
dharAdharaH pAtu pArshvau pRRiShThaM vighnaharashshubhaH |
li~NgaM guhyaM sadA pAtu vakratuNDo mahAbalaH || 9 ||
gajakrIDo jAnu jaNgho UrU maNgalakIrtimAn |
ekadanto mahAbuddhiH pAdau gulphau sadAvatu || 10 ||
kShipra prasAdano bAhu pANI AshAprapUrakaH |
a~NgulIshcha nakhAn pAtu padmahasto rinAshanaH || 11 ||
sarvA~NgAni mayUresho vishvavyApI sadAvatu |
anuktamapi yat sthAnaM dhUmaketuH sadAvatu || 12 ||
AmodastvagrataH pAtu pramodaH pRRiShThatovatu |
prAchyAM rakShatu buddhIsha AgneyyAM siddhidAyakaH || 13 ||
dakShiNasyAmumAputro naiRRityAM tu gaNeshvaraH |
pratIchyAM vighnahartA vyAdvAyavyAM gajakarNakaH || 14 ||
kauberyAM nidhipaH pAyAdIshAnyAvishanandanaH |
divAvyAdekadanta stu rAtrau sandhyAsu yaHvighnahRRit || 15 ||
rAkShasAsura betAla graha bhUta pishAchataH |
pAshA~NkushadharaH pAtu rajassattvatamassmRRitIH || 16 ||
j~nAnaM dharmaM cha lakShmI cha lajjAM kIrtiM tathA kulam | I
vapurdhanaM cha dhAnyaM cha gRRihaM dArAssutAnsakhIn || 17 ||
sarvAyudha dharaH pautrAn mayUresho vatAt sadA |
kapilo jAnukaM pAtu gajAshvAn vikaTovatu || 18 ||
bhUrjapatre likhitvedaM yaH kaNThe dhArayet sudhIH |
na bhayaM jAyate tasya yakSha rakShaH pishAchataH || 19 ||
trisandhyaM japate yastu vajrasAra tanurbhavet |
yAtrAkAle paThedyastu nirvighnena phalaM labhet || 20 ||
yuddhakAle paThedyastu vijayaM chApnuyAddhruvam |
mAraNochchATanAkarSha stambha mohana karmaNi || 21 ||
saptavAraM japedetaddanAnAmekaviMshatiH |
tattatphalamavApnoti sAdhako nAtra saMshayaH || 22 ||
ekaviMshativAraM cha paThettAvaddinAni yaH |
kArAgRRihagataM sadyo rAj~nAvadhyaM cha mochayot || 23 ||
rAjadarshana velAyAM paThedetat trivArataH |
sa rAjAnaM vashaM nItvA prakRRitIshcha sabhAM jayet || 24 ||
idaM gaNeshakavachaM kashyapena saviritam |
mudgalAya cha te nAtha mANDavyAya maharShaye || 25 ||
mahyaM sa prAha kRRipayA kavachaM sarva siddhidam |
na deyaM bhaktihInAya deyaM shraddhAvate shubham || 26 ||
anenAsya kRRitA rakShA na bAdhAsya bhavet vyAchit |
rAkShasAsura betAla daitya dAnava sambhavAH || 27 ||
|| iti shrI gaNeshapurANe shrI gaNesha kavachaM sampUrNam ||