Ganesha Kavacham

gaNeza kavacam

zloka 1

eSoti capalo daityAn bAlyepi nAzayatyaho |

agre kiM karma karteti na jAne munisattama || 1 ||

daityA nAnAvidhA duSTAssAdhu devadrumaH khalAH |

atosya kaNThe kiJcittyaM rakSAM sambaddhumarhasi || 2 ||

dhyAyet siMhagataM vinAyakamamuM digbAhu mAdye yuge

tretAyAM tu mayUra vAhanamamuM SaDbAhukaM siddhidam | I

dvAparetu gajAnanaM yugabhujaM raktAGgarAgaM vibhuM turye

tu dvibhujaM sitAGgaruciraM sarvArthadaM sarvadA || 3 ||

vinAyaka zzikhAmpAtu paramAtmA parAtparaH |

atisundara kAyastu mastakaM sumahotkaTaH || 4 ||

lalATaM kazyapaH pAtu bhrUyugaM tu mahodaraH |

nayane bAlacandrastu gajAsyastyoSTha pallavau || 5 ||

jihvAM pAtu gajakrIDazcubukaM girijAsutaH |

vAcaM vinAyakaH pAtu dantAn​ rakSatu durmukhaH || 6 ||

zravaNau pAzapANistu nAsikAM cintitArthadaH |

gaNezastu mukhaM pAtu kaNThaM pAtu gaNAdhipaH || 7 ||

skandhau pAtu gajaskandhaH stane vighnavinAzanaH |

hRdayaM gaNanAthastu herambo jaTharaM mahAn || 8 ||

dharAdharaH pAtu pArzvau pRSThaM vighnaharazzubhaH |

liGgaM guhyaM sadA pAtu vakratuNDo mahAbalaH || 9 ||

gajakrIDo jAnu jaGgho UrU maGgalakIrtimAn |

ekadanto mahAbuddhiH pAdau gulphau sadAvatu || 10 ||

kSipra prasAdano bAhu pANI AzAprapUrakaH |

aGgulIzca nakhAn pAtu padmahasto rinAzanaH || 11 ||

sarvAGgAni mayUrezo vizvavyApI sadAvatu |

anuktamapi yat sthAnaM dhUmaketuH sadAvatu || 12 ||

AmodastvagrataH pAtu pramodaH pRSThatovatu |

prAcyAM rakSatu buddhIza AgneyyAM siddhidAyakaH || 13 ||

dakSiNasyAmumAputro naiRtyAM tu gaNezvaraH |

pratIcyAM vighnahartA vyAdvAyavyAM gajakarNakaH || 14 ||

kauberyAM nidhipaH pAyAdIzAnyAvizanandanaH |

divAvyAdekadanta stu rAtrau sandhyAsu yaHvighnahRt || 15 ||

rAkSasAsura betAla graha bhUta pizAcataH |

pAzAGkuzadharaH pAtu rajassattvatamassmRtIH || 16 ||

jJAnaM dharmaM ca lakSmI ca lajjAM kIrtiM tathA kulam | I

vapurdhanaM ca dhAnyaM ca gRhaM dArAssutAnsakhIn || 17 ||

sarvAyudha dharaH pautrAn mayUrezo vatAt sadA |

kapilo jAnukaM pAtu gajAzvAn vikaTovatu || 18 ||

bhUrjapatre likhitvedaM yaH kaNThe dhArayet sudhIH |

na bhayaM jAyate tasya yakSa rakSaH pizAcataH || 19 ||

trisandhyaM japate yastu vajrasAra tanurbhavet |

yAtrAkAle paThedyastu nirvighnena phalaM labhet || 20 ||

yuddhakAle paThedyastu vijayaM cApnuyAddhruvam |

mAraNoccATanAkarSa stambha mohana karmaNi || 21 ||

saptavAraM japedetaddanAnAmekaviMzatiH |

tattatphalamavApnoti sAdhako nAtra saMzayaH || 22 ||

ekaviMzativAraM ca paThettAvaddinAni yaH |

kArAgRhagataM sadyo rAjJAvadhyaM ca mocayot || 23 ||

rAjadarzana velAyAM paThedetat trivArataH |

sa rAjAnaM vazaM nItvA prakRtIzca sabhAM jayet || 24 ||

idaM gaNezakavacaM kazyapena saviritam |

mudgalAya ca te nAtha mANDavyAya maharSaye || 25 ||

mahyaM sa prAha kRpayA kavacaM sarva siddhidam |

na deyaM bhaktihInAya deyaM zraddhAvate zubham || 26 ||

anenAsya kRtA rakSA na bAdhAsya bhavet vyAcit |

rAkSasAsura betAla daitya dAnava sambhavAH || 27 ||

|| iti zrI gaNezapurANe zrI gaNeza kavacaM sampUrNam ||