Ganesha Bhujanga Stotram
Ganesha Bhujanga Stotram
গণেশ ভুজঙ্গম্
শ্লোক 1
রণত্ক্ষুদ্রঘণ্টানিনাদাভিরামং
চলত্তাণ্ডবোদ্দণ্ডবত্পদ্মতালম্ ।
লসত্তুন্দিলাঙ্গোপরিব্যালহারং
গণাধীশমীশানসূনুং তমীডে
শ্লোক 2
ধ্বনিধ্বংসবীণালযোল্লাসিবক্ত্রং
স্ফুরচ্ছুণ্ডদণ্ডোল্লসদ্বীজপূরম্ ।
গলদ্দর্পসৌগন্ধ্যলোলালিমালং
গণাধীশমীশানসূনুং তমীডে
॥ 1 ॥
শ্লোক 3
প্রকাশজ্জপারক্তরত্নপ্রসূন-
প্রবালপ্রভাতারুণজ্যোতিরেকম্ ।
প্রলম্বোদরং বক্রতুণ্ডৈকদন্তং
গণাধীশমীশানসূনুং তমীডে
॥ 2 ॥
শ্লোক 4
বিচিত্রস্ফুরদ্রত্নমালাকিরীটং
কিরীটোল্লসচ্চন্দ্ররেখাবিভূষম্ ।
বিভূষৈকভূষং ভবধ্বংসহেতুং
গণাধীশমীশানসূনুং তমীডে
॥ 3 ॥
শ্লোক 5
উদঞ্চদ্ভুজাবল্লরীদৃশ্যমূলো-
চ্চলদ্ভ্রূলতাবিভ্রমভ্রাজদক্ষম্ ।
মরুত্সুন্দরীচামরৈঃ সেব্যমানং
গণাধীশমীশানসূনুং তমীডে
॥ 4 ॥
শ্লোক 6
স্ফুরন্নিষ্ঠুরালোলপিঙ্গাক্ষিতারং
কৃপাকোমলোদারলীলাবতারম্ ।
কলাবিন্দুগং গীযতে যোগিবর্যৈ-
র্গণাধীশমীশানসূনুং তমীডে
॥ 5 ॥
শ্লোক 7
যমেকাক্ষরং নির্মলং নির্বিকল্পং
গুণাতীতমানন্দমাকারশূন্যম্ ।
পরং পারমোঙ্কারমাম্নাযগর্ভং
বদন্তি প্রগল্ভং পুরাণং তমীডে
॥ 6 ॥
শ্লোক 8
চিদানন্দসান্দ্রায শান্তায তুভ্যং
নমো বিশ্বকর্ত্রে চ হর্ত্রে চ তুভ্যম্ ।
নমোঽনন্তলীলায কৈবল্যভাসে
নমো বিশ্ববীজ প্রসীদেশসূনো
॥ 7 ॥
শ্লোক 9
ইমং সুস্তবং প্রাতরুত্থায ভক্ত্যা
পঠেদ্যস্তু মর্ত্যো লভেত্সর্বকামান্ ।
গণেশপ্রসাদেন সিদ্ধ্যন্তি বাচো
গণেশে বিভৌ দুর্লভং কিং প্রসন্নে
॥ 8 ॥