ഗണേശ അഷ്ടകമ്

ഗണേശ അഷ്ടകമ്

ശ്ലോക 1

സര്വേ ഉചുഃ ।

യതോഽനന്തശക്തേരനന്താശ്ച ജീവാ

യതോ നിര്ഗുണാദപ്രമേയാ ഗുണാസ്തേ ।

യതോ ഭാതി സര്വം ത്രിധാ ഭേദഭിന്നം

സദാ തം ഗണേശം നമാമോ ഭജാമഃ

ശ്ലോക 2

യതശ്ചാവിരാസീജ്ജഗത്സര്വമേത-

-ത്തഥാബ്ജാസനോ വിശ്വഗോ വിശ്വഗോപ്താ ।

തഥേന്ദ്രാദയോ ദേവസങ്ഘാ മനുഷ്യാഃ

സദാ തം ഗണേശം നമാമോ ഭജാമഃ

॥ 1 ॥

ശ്ലോക 3

യതോ വഹ്നിഭാനൂ ഭവോ ഭൂര്ജലം ച

യതഃ സാഗരാശ്ചന്ദ്രമാ വ്യോമ വായുഃ ।

യതഃ സ്ഥാവരാ ജങ്ഗമാ വൃക്ഷസങ്ഘാഃ

സദാ തം ഗണേശം നമാമോ ഭജാമഃ

॥ 2 ॥

ശ്ലോക 4

യതോ ദാനവാഃ കിന്നരാ യക്ഷസങ്ഘാ

യതശ്ചാരണാ വാരണാഃ ശ്വാപദാശ്ച ।

യതഃ പക്ഷികീടാ യതോ വീരുധശ്ച

സദാ തം ഗണേശം നമാമോ ഭജാമഃ

॥ 3 ॥

ശ്ലോക 5

യതോ ബുദ്ധിരജ്ഞാനനാശോ മുമുക്ഷോ-

-ര്യതഃ സമ്പദോ ഭക്തസന്തോഷദാഃ സ്യുഃ ।

യതോ വിഘ്നനാശോ യതഃ കാര്യസിദ്ധിഃ

സദാ തം ഗണേശം നമാമോ ഭജാമഃ

॥ 4 ॥

ശ്ലോക 6

യതഃ പുത്രസമ്പദ്യതോ വാഞ്ഛിതാര്ഥോ

യതോഽഭക്തവിഘ്നാസ്തഥാഽനേകരൂപാഃ ।

യതഃ ശോകമോഹൌ യതഃ കാമ ഏവ

സദാ തം ഗണേശം നമാമോ ഭജാമഃ

॥ 5 ॥

ശ്ലോക 7

യതോഽനന്തശക്തിഃ സ ശേഷോ ബഭൂവ

ധരാധാരണേഽനേകരൂപേ ച ശക്തഃ ।

യതോഽനേകധാ സ്വര്ഗലോകാ ഹി നാനാ

സദാ തം ഗണേശം നമാമോ ഭജാമഃ

॥ 6 ॥

ശ്ലോക 8

യതോ വേദവാചോ വികുണ്ഠാ മനോഭിഃ

സദാ നേതി നേതീതി യത്താ ഗൃണന്തി ।

പരബ്രഹ്മരൂപം ചിദാനന്ദഭൂതം

സദാ തം ഗണേശം നമാമോ ഭജാമഃ

॥ 7 ॥

ശ്ലോക 9

ശ്രീഗണേശ ഉവാച ।

പുനരൂചേ ഗണാധീശഃ സ്തോത്രമേതത്പഠേന്നരഃ ।

ത്രിസന്ധ്യം ത്രിദിനം തസ്യ സര്വകാര്യം ഭവിഷ്യതി

॥ 8 ॥

ശ്ലോക 10

യോ ജപേദഷ്ടദിവസം ശ്ലോകാഷ്ടകമിദം ശുഭമ് ।

അഷ്ടവാരം ചതുര്ഥ്യാം തു സോഽഷ്ടസിദ്ധീരവാപ്നുയാത്

॥ 9 ॥

ശ്ലോക 11

യഃ പഠേന്മാസമാത്രം തു ദശവാരം ദിനേ ദിനേ ।

സ മോചയേദ്ബന്ധഗതം രാജവധ്യം ന സംശയഃ

॥ 10 ॥

ശ്ലോക 12

വിദ്യാകാമോ ലഭേദ്വിദ്യാം പുത്രാര്ഥീ പുത്രമാപ്നുയാത് ।

വാഞ്ഛിതാഁല്ലഭതേ സര്വാനേകവിംശതിവാരതഃ

॥ 11 ॥

ശ്ലോക 13

യോ ജപേത്പരയാ ഭക്ത്യാ ഗജാനനപരോ നരഃ ।

ഏവമുക്ത്വാ തതോ ദേവശ്ചാന്തര്ധാനം ഗതഃ പ്രഭുഃ

॥ 12 ॥

ശ്ലോക 14

ഇതി ശ്രീഗണേശപുരാണേ ഉപാസനാഖണ്ഡേ ശ്രീഗണേശാഷ്ടകമ് ।