దారిద్ర్య దహన శివ స్తోత్రమ్

దారిద్ర్య దహన శివ స్తోత్రమ్

శ్లోక 1

విశ్వేశ్వరాయ నరకార్ణవ తారణాయ

కర్ణామృతాయ శశిశేఖర ధారణాయ ।

కర్పూరకాన్తి ధవలాయ జటాధరాయ

దారిద్ర్యదుఃఖ దహనాయ నమశ్శివాయ

శ్లోక 2

గౌరీప్రియాయ రజనీశ కలాధరాయ

కాలాన్తకాయ భుజగాధిప కఙ్కణాయ ।

గఙ్గాధరాయ గజరాజ విమర్ధనాయ

దారిద్ర్యదుఃఖ దహనాయ నమశ్శివాయ

॥ 1 ॥

శ్లోక 3

భక్తప్రియాయ [భక్తిప్రియాయ] భవరోగ భయాపహాయ

ఉగ్రాయ దుఃఖ [దుర్గ] భవసాగర తారణాయ ।

జ్యోతిర్మయాయ గుణనామ సునృత్యకాయ

దారిద్ర్యదుఃఖ దహనాయ నమశ్శివాయ

॥ 2 ॥

శ్లోక 4

చర్మామ్బరాయ శవభస్మ విలేపనాయ

ఫాలేక్షణాయ మణికుణ్డల మణ్డితాయ ।

మఞ్జీరపాదయుగలాయ జటాధరాయ

దారిద్ర్యదుఃఖ దహనాయ నమశ్శివాయ

॥ 3 ॥

శ్లోక 5

పఞ్చాననాయ ఫణిరాజ విభూషణాయ

హేమాఙ్కుశాయ భువనత్రయ మణ్డితాయ

ఆనన్ద భూమి వరదాయ తమోపయాయ [తమోమయాయ] ।

దారిద్ర్యదుఃఖ దహనాయ నమశ్శివాయ

॥ 4 ॥

శ్లోక 6

భానుప్రియాయ భవసాగర తారణాయ

కాలాన్తకాయ కమలాసన పూజితాయ ।

నేత్రత్రయాయ శుభలక్షణ లక్షితాయ

దారిద్ర్యదుఃఖ దహనాయ నమశ్శివాయ

॥ 5 ॥

శ్లోక 7

రామప్రియాయ రఘునాథ వరప్రదాయ

నాగప్రియాయ నరకార్ణవ తారణాయ ।

పుణ్యాయ [పుణ్యేషు] పుణ్యభరితాయ సురార్చితాయ

దారిద్ర్యదుఃఖ దహనాయ నమశ్శివాయ

॥ 6 ॥

శ్లోక 8

ముక్తేశ్వరాయ ఫలదాయ గణేశ్వరాయ

గీతాప్రియాయ వృషభేశ్వర వాహనాయ ।

మాతఙ్గచర్మ వసనాయ మహేశ్వరాయ

దారిద్ర్యదుఃఖ దహనాయ నమశ్శివాయ

॥ 7 ॥

శ్లోక 9

వసిష్ఠేన కృతం స్తోత్రం సర్వరోగ నివారణమ్ ।

సర్వసమ్పత్కరం శీఘ్రం పుత్రపౌత్రాది వర్ధనమ్ ।

త్రిసన్ధ్యం యః పఠేన్నిత్యం స హి స్వర్గ మవాప్నుయాత్

॥ 8 ॥

శ్లోక 10

॥ ఇతి శ్రీ వసిష్ఠ విరచితం దారిద్ర్యదహన శివస్తోత్రం సమ్పూర్ణమ్ ॥

alternate first verse

గౌరీవిలాస భువనాయ మహేశ్వరాయ

పఞ్చాననాయ శరణాగత కల్పదాయ ।

శర్వాయ సర్వజగతామధిపాయ

తస్మై దారిద్ర్య దుఃఖదహనాయ నమః శివాయ ॥