ದಾರಿದ್ರ್ಯ ದಹನ ಶಿವ ಸ್ತೋತ್ರಮ್

ದಾರಿದ್ರ್ಯ ದಹನ ಶಿವ ಸ್ತೋತ್ರಮ್

ಶ್ಲೋಕ 1

ವಿಶ್ವೇಶ್ವರಾಯ ನರಕಾರ್ಣವ ತಾರಣಾಯ

ಕರ್ಣಾಮೃತಾಯ ಶಶಿಶೇಖರ ಧಾರಣಾಯ ।

ಕರ್ಪೂರಕಾನ್ತಿ ಧವಲಾಯ ಜಟಾಧರಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

ಶ್ಲೋಕ 2

ಗೌರೀಪ್ರಿಯಾಯ ರಜನೀಶ ಕಲಾಧರಾಯ

ಕಾಲಾನ್ತಕಾಯ ಭುಜಗಾಧಿಪ ಕಙ್ಕಣಾಯ ।

ಗಙ್ಗಾಧರಾಯ ಗಜರಾಜ ವಿಮರ್ಧನಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 1 ॥

ಶ್ಲೋಕ 3

ಭಕ್ತಪ್ರಿಯಾಯ [ಭಕ್ತಿಪ್ರಿಯಾಯ] ಭವರೋಗ ಭಯಾಪಹಾಯ

ಉಗ್ರಾಯ ದುಃಖ [ದುರ್ಗ] ಭವಸಾಗರ ತಾರಣಾಯ ।

ಜ್ಯೋತಿರ್ಮಯಾಯ ಗುಣನಾಮ ಸುನೃತ್ಯಕಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 2 ॥

ಶ್ಲೋಕ 4

ಚರ್ಮಾಮ್ಬರಾಯ ಶವಭಸ್ಮ ವಿಲೇಪನಾಯ

ಫಾಲೇಕ್ಷಣಾಯ ಮಣಿಕುಣ್ಡಲ ಮಣ್ಡಿತಾಯ ।

ಮಞ್ಜೀರಪಾದಯುಗಲಾಯ ಜಟಾಧರಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 3 ॥

ಶ್ಲೋಕ 5

ಪಞ್ಚಾನನಾಯ ಫಣಿರಾಜ ವಿಭೂಷಣಾಯ

ಹೇಮಾಙ್ಕುಶಾಯ ಭುವನತ್ರಯ ಮಣ್ಡಿತಾಯ

ಆನನ್ದ ಭೂಮಿ ವರದಾಯ ತಮೋಪಯಾಯ [ತಮೋಮಯಾಯ] ।

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 4 ॥

ಶ್ಲೋಕ 6

ಭಾನುಪ್ರಿಯಾಯ ಭವಸಾಗರ ತಾರಣಾಯ

ಕಾಲಾನ್ತಕಾಯ ಕಮಲಾಸನ ಪೂಜಿತಾಯ ।

ನೇತ್ರತ್ರಯಾಯ ಶುಭಲಕ್ಷಣ ಲಕ್ಷಿತಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 5 ॥

ಶ್ಲೋಕ 7

ರಾಮಪ್ರಿಯಾಯ ರಘುನಾಥ ವರಪ್ರದಾಯ

ನಾಗಪ್ರಿಯಾಯ ನರಕಾರ್ಣವ ತಾರಣಾಯ ।

ಪುಣ್ಯಾಯ [ಪುಣ್ಯೇಷು] ಪುಣ್ಯಭರಿತಾಯ ಸುರಾರ್ಚಿತಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 6 ॥

ಶ್ಲೋಕ 8

ಮುಕ್ತೇಶ್ವರಾಯ ಫಲದಾಯ ಗಣೇಶ್ವರಾಯ

ಗೀತಾಪ್ರಿಯಾಯ ವೃಷಭೇಶ್ವರ ವಾಹನಾಯ ।

ಮಾತಙ್ಗಚರ್ಮ ವಸನಾಯ ಮಹೇಶ್ವರಾಯ

ದಾರಿದ್ರ್ಯದುಃಖ ದಹನಾಯ ನಮಶ್ಶಿವಾಯ

॥ 7 ॥

ಶ್ಲೋಕ 9

ವಸಿಷ್ಠೇನ ಕೃತಂ ಸ್ತೋತ್ರಂ ಸರ್ವರೋಗ ನಿವಾರಣಮ್ ।

ಸರ್ವಸಮ್ಪತ್ಕರಂ ಶೀಘ್ರಂ ಪುತ್ರಪೌತ್ರಾದಿ ವರ್ಧನಮ್ ।

ತ್ರಿಸನ್ಧ್ಯಂ ಯಃ ಪಠೇನ್ನಿತ್ಯಂ ಸ ಹಿ ಸ್ವರ್ಗ ಮವಾಪ್ನುಯಾತ್

॥ 8 ॥

ಶ್ಲೋಕ 10

॥ ಇತಿ ಶ್ರೀ ವಸಿಷ್ಠ ವಿರಚಿತಂ ದಾರಿದ್ರ್ಯದಹನ ಶಿವಸ್ತೋತ್ರಂ ಸಮ್ಪೂರ್ಣಮ್ ॥

alternate first verse

ಗೌರೀವಿಲಾಸ ಭುವನಾಯ ಮಹೇಶ್ವರಾಯ

ಪಞ್ಚಾನನಾಯ ಶರಣಾಗತ ಕಲ್ಪದಾಯ ।

ಶರ್ವಾಯ ಸರ್ವಜಗತಾಮಧಿಪಾಯ

ತಸ್ಮೈ ದಾರಿದ್ರ್ಯ ದುಃಖದಹನಾಯ ನಮಃ ಶಿವಾಯ ॥