Apaduddharaka Hanuman Stotram

ආපදුද්ධාරක හනුමත්ස්තෝත්රම්

ශ්ලොක 1

ඕං අස්ය ශ්රී ආපදුද්ධාරක හනුමත් ස්තෝත්ර මහාමන්ත්ර කවචස්ය, විභීෂණ ඍෂිඃ, හනුමාන් දේවතා, සර්වාපදුද්ධාරක ශ්රීහනුමත්ප්රසාදේන මම සර්වාපන්නිවෘත්ත්යර්ථේ, සර්වකාර්යානුකූල්ය සිද්ධ්යර්ථේ ජපේ විනියෝගඃ .

ධ්යානම් .

වාමේ කරේ වෛරිභිදං වහන්තං

ශෛලං පරේ ශෘඞ්ඛලහාරිටඞ්කම් .

දධානමච්ඡච්ඡවියජ්ඤසූත්රං

භජේ ජ්වලත්කුණ්ඩලමාඤ්ජනේයම් .. 1 ..

සංවීතකෞපීන මුදඤ්චිතාඞ්ගුලිං

සමුජ්ජ්වලන්මෞඤ්ජිමථෝපවීතිනම් .

සකුණ්ඩලං ලම්බිශිඛාසමාවෘතං

තමාඤ්ජනේයං ශරණං ප්රපද්යේ .. 2 ..

ආපන්නාඛිලලෝකාර්තිහාරිණේ ශ්රීහනූමතේ .

අකස්මාදාගතෝත්පාත නාශනාය නමෝ නමඃ .. 3 ..

සීතාවියුක්තශ්රීරාමශෝකදුඃඛභයාපහ .

තාපත්රිතයසංහාරින් ආඤ්ජනේය නමෝ(අ)ස්තු තේ .. 4 ..

ආධිව්යාධි මහාමාරී ග්රහපීඩාපහාරිණේ .

ප්රාණාපහර්ත්රේදෛත්යානාං රාමප්රාණාත්මනේ නමඃ .. 5 ..

සංසාරසාගරාවර්ත කර්තව්යභ්රාන්තචේතසාම් .

ශරණාගතමර්ත්යානාං ශරණ්යාය නමෝ(අ)ස්තු තේ .. 6 ..

වජ්රදේහාය කාලාග්නිරුද්රායා(අ)මිතතේජසේ .

බ්රහ්මාස්ත්රස්තම්භනායාස්මෛ නමඃ ශ්රීරුද්රමූර්තයේ .. 7 ..

රාමේෂ්ටං කරුණාපූර්ණං හනූමන්තං භයාපහම් .

ශත්රුනාශකරං භීමං සර්වාභීෂ්ටප්රදායකම් .. 8 ..

කාරාගෘහේ ප්රයාණේ වා සඞ්ග්රාමේ ශත්රුසඞ්කටේ .

ජලේ ස්ථලේ තථා(අ)(අ)කාශේ වාහනේෂු චතුෂ්පථේ .. 9 ..

ගජසිංහ මහාව්යාඝ්ර චෝර භීෂණ කානනේ .

යේ ස්මරන්ති හනූමන්තං තේෂාං නාස්ති විපත් ක්වචිත් .. 10 ..

සර්වවානරමුඛ්යානාං ප්රාණභූතාත්මනේ නමඃ .

ශරණ්යාය වරේණ්යාය වායුපුත්රාය තේ නමඃ .. 11 ..

ප්රදෝෂේ වා ප්රභාතේ වා යේ ස්මරන්ත්යඤ්ජනාසුතම් .

අර්ථසිද්ධිං ජයං කීර්තිං ප්රාප්නුවන්ති න සංශයඃ .. 12 ..

ජප්ත්වා ස්තෝත්රමිදං මන්ත්රං ප්රතිවාරං පඨේන්නරඃ .

රාජස්ථානේ සභාස්ථානේ ප්රාප්තේ වාදේ ලභේජ්ජයම් .. 13 ..

විභීෂණකෘතං ස්තෝත්රං යඃ පඨේත් ප්රයතෝ නරඃ .

සර්වාපද්භ්යෝ විමුච්යේත නා(අ)ත්ර කාර්යා විචාරණා .. 14 ..

මන්ත්රඃ .

මර්කටේශ මහෝත්සාහ සර්වශෝකනිවාරක .

ශත්රූන් සංහර මාං රක්ෂ ශ්රියං දාපය භෝ හරේ .. 15

ඉති විභීෂණකෘතං සර්වාපදුද්ධාරක ශ්රීහනුමත් ස්තෝත්රම් ..