Apaduddharaka Hanuman Stotram

ApaduddhAraka hanumatstotram

shloka 1

OM asya shrI ApaduddhAraka hanumat stotra mahAmantra kavachasya, vibhIShaNa RRiShiH, hanumAn devatA, sarvApaduddhAraka shrIhanumatprasAdena mama sarvApannivRRittyarthe, sarvakAryAnukUlya siddhyarthe jape viniyogaH |

dhyAnam |

vAme kare vairibhidaM vahantaM

shailaM pare shRRiNkhalahAriTaNkam |

dadhAnamachChachChaviyaj~nasUtraM

bhaje jvalatkuNDalamA~njaneyam || 1 ||

saMvItakaupIna mudanchitANguliM

samujjvalanmau~njimathopavItinam |

sakuNDalaM lambishikhAsamAvRRitaM

tamA~njaneyaM sharaNaM prapadye || 2 ||

ApannAkhilalokArtihAriNe shrIhanUmate |

akasmAdAgatotpAta nAshanAya namo namaH || 3 ||

sItAviyuktashrIrAmashokaduHkhabhayApaha |

tApatritayasaMhArin A~njaneya namo.astu te || 4 ||

AdhivyAdhi mahAmArI grahapIDApahAriNe |

prANApahartredaityAnAM rAmaprANAtmane namaH || 5 ||

saMsArasAgarAvarta kartavyabhrAntachetasAm |

sharaNAgatamartyAnAM sharaNyAya namo.astu te || 6 ||

vajradehAya kAlAgnirudrAyA.amitatejase |

brahmAstrastambhanAyAsmai namaH shrIrudramUrtaye || 7 ||

rAmeShTaM karuNApUrNaM hanUmantaM bhayApaham |

shatrunAshakaraM bhImaM sarvAbhIShTapradAyakam || 8 ||

kArAgRRihe prayANe vA saNgrAme shatrusaNkaTe |

jale sthale tathA.a.akAshe vAhaneShu chatuShpathe || 9 ||

gajasiMha mahAvyAghra chora bhIShaNa kAnane |

ye smaranti hanUmantaM teShAM nAsti vipat kvachit || 10 ||

sarvavAnaramukhyAnAM prANabhUtAtmane namaH |

sharaNyAya vareNyAya vAyuputrAya te namaH || 11 ||

pradoShe vA prabhAte vA ye smarantya~njanAsutam |

arthasiddhiM jayaM kIrtiM prApnuvanti na saMshayaH || 12 ||

japtvA stotramidaM mantraM prativAraM paThennaraH |

rAjasthAne sabhAsthAne prApte vAde labhejjayam || 13 ||

vibhIShaNakRRitaM stotraM yaH paThet prayato naraH |

sarvApadbhyo vimuchyeta nA.atra kAryA vichAraNA || 14 ||

mantraH |

markaTesha mahotsAha sarvashokanivAraka |

shatrUn saMhara mAM rakSha shriyaM dApaya bho hare || 15

iti vibhIShaNakRRitaM sarvApaduddhAraka shrIhanumat stotram ||